🤚هاااااام
لو متعود تصوم الأيام القمرية اللي هي 13,14,15من الشهر الهجري...
عاوز أفكرك إن يوم 13ذوالحجة اللي هيكون رابع يوم العيد هو يوم من أيام التشريق اللي يحرم صيامها إلا للحاج المتمتع والقارن اللي ماقدرش يدبح (المتمتع والقارن = عمل عمرة وحج مع بعض في شهور الحج )
لحديث:
"لَمْ يُرَخَّصْ في أيَّامِ التَّشْرِيقِ أنْ يُصَمْنَ، إلَّا لِمَن لَمْ يَجِدِ الهَدْيَ"
❌️يعني ماينفعش تصوم يوم 13 ذوالحجة اللي هيكون الأربعاء الجاي
بس تقدر تصوم 14, 15, 16مثلا أو أي 3 أيام تانيين من الشهر

شير وعرف غيرك بقى عشان تاخد أجور كتير👍

#رسايل

عزيمة الحجاج ❤️
الصور والفيديوهات اللي شوفناها لعدد كبير من الحجاج كبار السن ومقطوعي الأطراف..
ورغم مشقة الرحلة وضعف أجسادهم وان حتى مش معاهم فلوس يحجزوا ويركبوا باصات..
لكن كان عندهم الأهم من ده كله هو صدقهم في حب ربنا وعزمهم على إتمام الحج حتى لو روحهم طلعت من المشقة.
عزيمة وإصرار عجزت أمامه كل القوانين والأنظمة والتفتيشات..
ناس رمت نفسها قدام باب الرحمن عشان يقبلها..
عوزين نتعلم منهم العزيمة دي في مواجهة الذنوب والاقلاع عنها..
نتعلم حرصهم وإصرارهم على الطاعة ورضا ربنا..
انت مفكر هتبطل الذنب اللي بتعمله بسهولة كده؟
منتظر تنتظم في الصلاة وتلبسي الحجاب بدون معاناة؟
ما انت لازم تجاهد وتعافر وتواجه..
عشان كده ربنا كان بيباهي بيهم الملائكة وبيقول "جاؤُوني شُعْثًا غُبْرًا" يعني شعرهم متبهدل وهدومهم واجسادهم مليانه تراب من المشي والنوم عالارض وده كله دليل على صدق الاقبال على الله وكانت النتيجة ان ربنا يقول "أشهدكم يا ملائكتي أني قد غفرت لهم"

#رسايل

رحلة لمكان حرارته تصل لفوق ٤٧
الانتقالات بالاوتوبيسات بتاخد وقت أضعاف السفر العادي

النوم على الارض

زحام خانق فوق الاستيعاب

لا راحة ولا رفاهية بس هتدفع كل ما تملك

مين يشتري؟
ملايين ووراهم ملايين الملايين بيتمنوا مكانهم "))

بالعقل البشري العادي إيه المغري في الرحلة دي !
لكنها مكة.

لكنها متعة الخضوع والإستسلام التام لرب العالمين

أمر يعجز عن وصفه الواصفون

من ذاق عرف

لبيك اللهم لبيك ، لبيك لا شريك لك لبيك ،
أن الحمد والنعمة لك والملك ، لا شريك لك.

- منقول

#رسايل

‏حتّىٰ وإن دنّست خلواتك بما لا يرضي الله لا تنسَ أن تخلو بالله ثانية فتفعل ما يجلب رِضاه عنك .. زاحم السيئة بالحسنة حتى تقضي عليها..

"اللهُم أيامًا تمر بسلام وخير وستر وعافية ، اللهُم أحسن عاقبتنا في الأمور كلها".

انتهت المواسمُ وقد خَلَتْ أيام الله؛ ذهبَ رمضان ومرّت العشرُ الأواخر، وقد مضَتْ ليلة القدر، وانتهى عيد الفطر وقد ولّى زمن الاعتكاف،

انتهتْ في لمح البصر الليالي العشر من ذي الحجة وقد مَنَّ اللهُ علينا ببلوغ يوم عرفة العظيم وبلوغ الدعاء فيه، ثم أتى يوم النحر فذبحنا طاعة لأمر الله، وأكلنا مما رزقنا لحمًا طيبًا، وانتهت أيام التشريق كلها..

انتهى كل شيء ولم ينتهِ القرآن بعد، ولم تنتهِ الصلاة، ولم ينتهِ الدعاء والسجود والقيام والصدق مع اللهِ.

فتذّكر دائمًا قوله تعالى « يَا أَيُّهَا الَّذِينَ آمَنُوا اتَّقُوا اللَّهَ وَكُونُوا مَعَ الصَّادِقِينَ» وإياك أن تكون عبدًا موسميًا تعبده بصدقٍ في أيامٍ وتغدر وتفجر في أيام أخرى، انتهى كل شيءٍ يا صاحبي ولم يبقَ لك إلّا الله

كل عام وأنتم بخير وإلى الله أقرب وعلى طاعته أدوم

قال النَّبيُّ صلَّى اللهُ عليه وسلَّم أَحَبُّ الأعمالِ إلى اللهِ أدْومُها و إن قل

- منقول

#رسايل

راجع منشوراتك، صورك، رسائلك، كلامك، رنة هاتفك، كل شيء متعلق بك، ثم تأمل كلام الشاطبي:
"طوبى لمن مات وماتت معه ذنوبه، والويل الطويل لمن يموت وتبقى ذنوبه مائة سنة ومائتي سنة، يعذب بها في قبره ويُسأل عنها إلى انقراضها"

اللهم أحسن خاتمتنا جميعا.

وأخيراااااا أجااااااازة🥳🥳
لو امتحاناتك خلصت وبدأت الأجازة ...البوست ده ليك
هقولك أفكار سريعة ممكن تساعدك مع بداية الأجازة عشان تبقى استغليتها صح
- أول حاجة مع بداية الأجازة حط في دماغك انت في أجازة من المدرسة أو الجامعة مش أجازة من كل حاجة في الحياة
- حافظ على تظبيط مواعيد نومك في الأجازة ، بلاش النوم طول النهار وتضيع صلاتك أو تجمعها أو حتى تصلي وانت نايم ومش مركز
- من أول الأجازة كدة حدد أهدافك واكتبها عندك ..
فمثلاً يكون في خطتك :
*تنزل جيم أو تشترك في أي رياضة بس طبعًا لازم جيم مافيهوش أغاني ولا اختلاط
*تنزل المسجد وتحافظ على صلاة الجماعة والأنشطة اللي في المسجد وانتي كمان ماتحرميش نفسك من المسجد وأهله
*تشترك من أول يوم أجازة في حلقة لتحفيظ القرآن واهو فرصة تراجع القديم وتحفظ جديد في الأجازة وترفع درجاتك في الجنة
*حط لنفسك برنامج لقراءة كتب مفيدة وليكن مثلاً كتاب "لأنك الله" وكتاب "الرجل النبيل"
*جرب تشترك مع أصحابك في عمل تطوعي ...مثلاً تروحوا دار أيتام وتفرحوهم .. أو أسرة فقيرة تجيبوا لهم أكل أو أي أفكار من عندك تكون مميزة وجديدة تخدم بيها الناس وهتلاقي كل ده في ميزانك
* اشتركي في دورات تعلمك الخياطة والتريكو والأعمال اليدوية
*ممكن تشترك في أكاديمية لتعليم العلوم الشرعية هتشغل وقتك وتتعلم دينك
*طبعًا هتمسك الموبايل أكيد ...بس حدد وقت للتواصل الاجتماعي اللي من غير هدف نقول نص ساعة مثلاً
والباقي تكون محدد حاجة تسمعها ..
ممكن تسمع في.:
- تدبر القرآن أو فضائل للأعمال لأي شيخ تحبه
- أو تسمع فيديوهات تديلك مهارات جديدة وتفيدك في التعامل في الحياة وتقوي شخصيتك زي اللي على القنوات

في الآخر ....بفكرك
وقتك الفاضي في الأجازة نعمة كبيرة استغلها صح عشان ماتندمش
يقول النبي ﷺ:( نعمتان مغبون فيهما كثير من الناس: الصحة، والفراغ)

#رسايل

🅛🅞🅐🅓🅘🅝🅖

"كثرةُ الصَّلاةِ على النَّبيِّ ﷺ نُورٌ في الأيَّامِ المُظلِمَاتِ."
وإنَّ الله يكشِفُ الكَربَ ويُخفِّفُ الضِّيقَ بكثرةِ الصَّلاةِ على النَّبيِّ ﷺ
﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا ﴾

أ أتعبكم الجهاد بالدعاء ؟!

لا يألفن أحدكم مُصاب أخيه وإن طال، ولا يغفلن عَنهُ بالدعاء متى بقي البلاء أو زال..

لا تتوقف عن الدعاء ...

لا تتوقف عن النشر ...

لا تتوقف عن نصرتهم بأي شكل تستطيعه..

قدم ما تستطيع..

قال رسول الله ﷺ : " المسلم أخو المسلم، لا يخونه، لا يكذبه
ولا يخذله"

#شمال_غزة_يموت_جوعاً

"يا أهل مكة أنأكل الطعام، ونلبس الثياب، وبنو هاشم هلكى، لا يباع ولا يبتاع منهم؟، والله لا أقعد حتى تشق هذه الصحيفة القاطعة الظالمة"
دي مروءة ناس مش مسلمة أصلا لما حصل حصار للنبي ولبني هاشم كلهم ..
طب احنا المفروض نعمل ايه واحنا اخواتنا خلاص بيموتوا من الجوع ؟؟!!!
مافيش أقل من إننا ننشر قضيتهم ونوصل صوتهم
مافيش أقل من إننا نقاطع منتجات الدول اللي بتدعم أعدائهم واللي هي السبب في استمرار الحر*ب لحد اللحظة دي
مافيش أقل من إننا نرفع إيدينا وندعيلهم إن ربنا ينصرهم ويطعمهم ويأمنهم
"ليس بمؤمنٍ من بات شبعان وجارُه إلى جنبِه جائعٌ وهو يعلمُ"

#شمال_غزة_يموت_جوعاً
#رسايل