س/ صلاة العيد بتكون ازاي ؟؟
ج/
صلاة العيد ركعتين بتتصلى بعد شروق الشمس بربع ساعة تقريبا
■ الركعة الأولى: الإمام هيبدأ الصلاة بتكبيرة الإحرام وبعدها يُكبر سبع تكبيرات والمأمومين يقولوا وراه كل تكبيرة
وبعدها يقرأ الفاتحة وسورة الأعلى ويركع ويسجد عادي ويبدأ الركعة الثانية
■ الركعة الثانية : الإمام هيكبر خمس تكبيرات وبعدها يقرأ الفاتحة وسورة الغاشية ويركع ويسجد ويكمل الصلاة عادي
ولما الامام بيخلص الركعتين دول بيقول خطبة العيد ..وبس كده
لحديث عائشة رضي الله عنها : " التكبير في الفطر والأضحى الأولى سبع تكبيرات وفي الثانية خمس تكبيرات سوى تكبيرتي الركوع " رواه أبو داود وصححه الألباني

#رسايل_العيد
#رسايل_العشر1445هـ
#افضل_ايام_الدنيا

إيه اخبار لبس العيد يا بنات؟
ياترى مناسب لمواصفات الحجاب الشرعي ولا لا؟
زي ما بتهتمي انه يكون متناسق وشيك متنسيش تتأكدي هل يرضي ربنا ولا لا..
رب العيد هو رب سائر الأيام..
والحرام مبيتحولش لحلال في العيد..
"ولا يبدين زينتهن"
مش معقوله نبقى طالعين من أيام مباركة وان شاء الله يكون اتغفرلنا فيها ذنوبنا وتاني يوم نضيع المغفرة ونعمل نفس الذنوب اللي كنا عوزين ربنا يغفرهالنا..

#رسايل_العيد

س/ ينفع أخد العيد راحة أفصل فيه من العبادات وأرجع أعملها بعد العيد ؟ هي العبادة مهمة في العيد يعني؟
*
ج/ يوم العيد هو يوم فرح وسعادة بس هو كمان من أعظم الأيام عند الله
في الحديث:
"إنّ أعظمَ الأيَّامِ عندَ اللَّهِ تبارَكَ وتعالَى يومُ النَّحرِ ثمَّ يومُ القُرِّ"
يوم النحر اول يوم العيد والقر تاني يوم العيد فعبادتك في الأيام دي أجرها كبييير ، والعبادات كتييييير ...
تكبيرات العيد عبادة ، صلة الارحام بدون اختلاط طبعا عبادة ، محافظتك على الصلاة في وقتها وماتضيعهاش في العيد افضل عبادة ، انك تبعد عن المعاصي والذنوب والحفلات والاغاني والاختلاط في العيد كل ده عبادة
انك ماتنساس فروضك وورد القرآن وركعتين القيام اللي كنت بتصليهم وتكمل عليهم في أيام العيد ....أجره كبيييير وعظيم
افرح بالعيد من غير ماتفصل عن العبادات...ممكن تقل شوية بس ماتفصلش خالص .. وصدقني لو فصلت خالص رجوعك للعبادة هيبقى صعب اوووي

#رسايل_العيد

هتخرج فين في العيد🤔
اوعى تكون خروجتك في العيد هي سهرة ع فيلم في سينما❌️
أو في حفلة من حفلات الساحل وأي حاجة شبهه❌️
اوعى تكون هي دي فرحتك بالعيد
أيام العيد دي ربنا ادهالنا نفرح فيها ونتبسط بس من غير ما نغضبه ونعمل معاصي
ومش بس كده...
ده النبي قالنا على أيام العيد دي:
"أيَّامُ التَّشريقِ أيَّامُ أَكْلٍ وشُربٍ وذِكْرٍ للَّهِ عزَّ وجلَّ"
أيام التشريق يعني أيام العيد
يعني واحنا في العيد بنفرح مفروض نذكر ربنا كمان مش نغضبه في الأيام اللي عظمها
افرح بالعيد صح
اوعى تدخل السينما والحفلات دي طول عمرك
اوعى تقول ليلة وتعدي ..لأنك ماتعرفش الموت جاي امتى
وماتعرفش الليلة اللي بتستهين بيها دي يمكن تكون تقيييلة اوووي في ميزان السيئات

#رسايل_العيد

"إن أعظمَ الأيَّامِ عندَ اللَّهِ تبارَكَ وتعالَى يومُ النَّحرِ ثمَّ يومُ القَرِّ"
رواه أبوداود وأحمد وصححه الألباني
يوم النحر = أول يوم عيد الأضحى
يوم القر= ثاني يوم العيد
اتسمى كده لأن الحجاج بيستقروا في منى بعد ماخلصوا أغلب أعمال الحج

متخيل إنك دلوقتي في تاني أعظم أيام الدنيا !!
👈ده معناه إنك تفرح بالعيد صحيح بس..
من غير ماتغضب ربنا في أعظم الأيام
من غير حفلات وسهرات من اللي إنت عارفها
ومن غير ماتبوظي حجابك الجميل

👈 وماتنسوووش كمااااان تكتروا من تكبيرات العيد بعد كل صلاة وفي كل وقت طول اليوم
وأكثروا من الذكر كله تسبيح وتحميد وتهليل ..لإنها أيام الذكر

#رسايل_العيد
#رسايل

🤚هاااااام
لو متعود تصوم الأيام القمرية اللي هي 13,14,15من الشهر الهجري...
عاوز أفكرك إن يوم 13ذوالحجة اللي هيكون رابع يوم العيد هو يوم من أيام التشريق اللي يحرم صيامها إلا للحاج المتمتع والقارن اللي ماقدرش يدبح (المتمتع والقارن = عمل عمرة وحج مع بعض في شهور الحج )
لحديث:
"لَمْ يُرَخَّصْ في أيَّامِ التَّشْرِيقِ أنْ يُصَمْنَ، إلَّا لِمَن لَمْ يَجِدِ الهَدْيَ"
❌️يعني ماينفعش تصوم يوم 13 ذوالحجة اللي هيكون الأربعاء الجاي
بس تقدر تصوم 14, 15, 16مثلا أو أي 3 أيام تانيين من الشهر

شير وعرف غيرك بقى عشان تاخد أجور كتير👍

#رسايل

عزيمة الحجاج ❤️
الصور والفيديوهات اللي شوفناها لعدد كبير من الحجاج كبار السن ومقطوعي الأطراف..
ورغم مشقة الرحلة وضعف أجسادهم وان حتى مش معاهم فلوس يحجزوا ويركبوا باصات..
لكن كان عندهم الأهم من ده كله هو صدقهم في حب ربنا وعزمهم على إتمام الحج حتى لو روحهم طلعت من المشقة.
عزيمة وإصرار عجزت أمامه كل القوانين والأنظمة والتفتيشات..
ناس رمت نفسها قدام باب الرحمن عشان يقبلها..
عوزين نتعلم منهم العزيمة دي في مواجهة الذنوب والاقلاع عنها..
نتعلم حرصهم وإصرارهم على الطاعة ورضا ربنا..
انت مفكر هتبطل الذنب اللي بتعمله بسهولة كده؟
منتظر تنتظم في الصلاة وتلبسي الحجاب بدون معاناة؟
ما انت لازم تجاهد وتعافر وتواجه..
عشان كده ربنا كان بيباهي بيهم الملائكة وبيقول "جاؤُوني شُعْثًا غُبْرًا" يعني شعرهم متبهدل وهدومهم واجسادهم مليانه تراب من المشي والنوم عالارض وده كله دليل على صدق الاقبال على الله وكانت النتيجة ان ربنا يقول "أشهدكم يا ملائكتي أني قد غفرت لهم"

#رسايل

رحلة لمكان حرارته تصل لفوق ٤٧
الانتقالات بالاوتوبيسات بتاخد وقت أضعاف السفر العادي

النوم على الارض

زحام خانق فوق الاستيعاب

لا راحة ولا رفاهية بس هتدفع كل ما تملك

مين يشتري؟
ملايين ووراهم ملايين الملايين بيتمنوا مكانهم "))

بالعقل البشري العادي إيه المغري في الرحلة دي !
لكنها مكة.

لكنها متعة الخضوع والإستسلام التام لرب العالمين

أمر يعجز عن وصفه الواصفون

من ذاق عرف

لبيك اللهم لبيك ، لبيك لا شريك لك لبيك ،
أن الحمد والنعمة لك والملك ، لا شريك لك.

- منقول

#رسايل

‏حتّىٰ وإن دنّست خلواتك بما لا يرضي الله لا تنسَ أن تخلو بالله ثانية فتفعل ما يجلب رِضاه عنك .. زاحم السيئة بالحسنة حتى تقضي عليها..

"اللهُم أيامًا تمر بسلام وخير وستر وعافية ، اللهُم أحسن عاقبتنا في الأمور كلها".