‏" من أبلغ ما قيل في الحُبِّ :

‏"إني أخافُ أن يمسَّكَ عذابٌ من الرَّحمن"
‏فالحبُّ أن تخافَ على من تُحب
من النار ..🥺

‏كُنْ على يقين :
‏من لا يهتمُّ بآخرتك
‏لا يهتمُّ بك ..❗☝️

قصة كليم الله4️⃣
في الوقت اللي كان فيه سيدنا موسى خايف ومترقب اللي هيحصل بعد خبر قتله للقبطي ...
جاله راجل من آخر المدينة بيجري ومعاه الخبر اليقين
قاله إن فرعون وجنوده في حالة استنفار تام عشان يقتلوك ولازم تخرج من مصر حالا
سيدنا موسى خرج من مصر مش عارف يروح فين عمره ماخرج منها
فضل يمشي ويبعد ولازالت عمليات البحث عنه جارية
وبعد مدة ربنا يعلمها وصل سيدنا موسى لمكان اسمه مدين
وهناك ...
لقى مجموعة من الناس بيسقوا غنمهم لكن كان فيه بنتين بيبعدوا غنمهم عن الناس
سيدنا موسى صاحب المرؤة سألهم عن سبب إنهم حاجزين أغنامهم عن الناس وكان الرد
إنهم ضعاف وأبوهم شيخ كبير في السن فبينتظروا الناس تمشي عشان أغنامهم تشرب
وكان رد الفعل الفوري من كليم الله إنه أخد أغنامهم وسقاها وسابهم
وراح تحت شجرة يرتاح من تعب المشي ومن تعب قلة الأكل
ورفع إيديه للسماء وقال: "رب إني لما أنزلت إلي من خير فقير" يارب محتاجك
وصل البنتين لأبوهم وحكوا له اللي حصل فبعت واحدة منهم لسيدنا موسى تقوله إنه عاوز يحاسبه على المعروف اللي عمله معاهم
وبالفعل ..
سيدنا موسى راح والشيخ الكبير ده طمنه وقاله إنك هنا في مدين بره مكان سيطرة الناس اللي انت خايف منهم
وعرض عليه إنه يتجوز واحدة من بناته بس يشتغل هو أجير لمدة 8 أو 10 سنوات وده مهرها
وافق سيدنا موسى على العرض ع طول
وفي نفس الليلة اللي رفع ايديه للسماء وهو جعان وخايف وتعبان وبيقول يارب فقير لخيرك
في نفس الليلة بات مطمن شبعان وكمان متجوز وعنده شغل
كل ده بكرم الكريم سبحانه
لكن لسه ماخلصتش قصته ...هيحصل ايه بعد كده؟؟!!
يتبع....،،،،

#قصة_موسى
#كليم_الله
#رسايل

#حقيقة_التوكل إن معي ربي سيهدين

"كَلَّا ۖ إِنَّ مَعِيَ رَبِّي"
قولها لنفسك لما تقولك هتسيب الشغل اللي فلوسه حرام وتصرف منين ؟؟!!
رددها على قلبك لما يقولك هتعيش ازاي من غير الفوايد الربوية
او هتتصرف ازاي من غير القرض الربوي ؟؟!!
لما يقولك لازم تبيع سجاير عشان تشتغل
ولازم تركبي ضوافر اكليريك اصل ده اللي شغال دلوقتي
قولوا لنفسكم....لا
"كَلَّا ۖ إِنَّ مَعِيَ رَبِّي"
معايا ربي فمش هيضيعني لما أسيب الحرام
حتى لو عدت عليا لحظات فيها كرب ..
واثقين في إن ربنا مش هيضيع اللي لجأ ليه وساب الحرام
وأهم عوض ليك هي الجنة خد بالك
مش لازم يكون العوض فلوس كتير ..لا
بس ربنا هيعينك ع ابتلائك وقادر يشق لك طريق رزق واسع جديد
زي ماشق لسيدنا موسى البحر
بس حتى لو ده ماحصلش في الدنيا خليك واثق إن عوضه ليك جاي جاي
لو مش في الدنيا يبقى في الجنة اللي حياتها ونعيمها مش بيخلصوا

#كاريكاتير_رسايل
#رسايل_عاشوراء1446هـ
#رسايل #عاشوراء

#ورد_القرآن
#أذكار_الصباح
#أذكارك_حصنك_الحصين
لاتنسوا الدعاء لـ إخواننا في أهل غزه والسودان

بيج فلانة 🏋️
مينفعش مجال شغلك او دراستك أو هوايتك يأثر على فطرتك كبنت ويخلي مظهرك مع الوقت زي الرجاله..
قال رسول الله ﷺ "لعن اللهُ المتشبهين بالنساءِ من الرجالِ والمتشبهاتِ من النساءِ بالرجالِ"
لو انت خريجة تربية رياضية أو بتشتغلي في مجال التدريب أو أي مجال الغالب عليه الطابع الذكوري.. مش هقولك متشتغليش.. بس عالأقل حافظي على فطرتك وأنوثتك زي ما انتي..
اوعي تتشبهي بالرجال عشان توصلي للنجاح والشهرة..
متفرجيش الناس وتضحكيهم عليكي.. هي مش اي شهرة وخلاص..
اتشهري بأخلاقك وفطرتك وتميزك في شغلك.. لكن مش في انك تحولي نفسك لصورة الناس اما تشوفها تقول هو ده راجل ولا ست💔
حافظي على حيائك وصوتك الهادي وحجابك الشرعي وأسلوبك الرقيق وألفاظك المؤدبة..

#رسايل

لو بتفكري في الانتحار...
تعالي الكلمتين دول عشانك
الحياة مليانة ضغوط صحيح ويمكن ماعدتيش مستحملة
بس الانتحار مش حل والله
أصله مش النهاية ده فيه بعده مشوار طووويل تاني من قبر وحساب ملكين وجنة ونار
احنا جايين الدنيا نخلص اختبارنا وكده كده كلنا ماشين
بس المهم نكون مستعدين للحظة لقاء الله ونلقى الله وهو راض عننا
صدقيني...
مافيش حاجة في الدنيا كلها مهما كان حجمها تستاهل اننا نضحي بالجنة
مهما كانت حياتك صعبة أو خايفه من حاجة أو.. أو.. كل الدنيا ماتساويش جناح بعوضة أصلا عشان نزعل عليها
وأنا طبعا هنا كلامي لو عندك ابتلاء صعب بجد
أما اللي خايفه من امتحان ولا حلت وحش ولا نتيجتها وحشة فتفكر في الانتحار ..
فهنا هقولك انتي غلطانه جدا إنك اديتي الامتحان أكبر من حجمه أصلا
دنيا وهتعدي وربنا هيفتح لك بدل الباب اللي اتقفل ألف باب والله
فوضي أمرك لله
اوعي تضيعي نفسك
اوعي تضيعي دنيتك وآخرتك في لحظة ضعف واكتئاب
لما تضعفي اطلبي المساعدة من اخواتك وفضفضي براحتك لحد ماتهدي
بس اوعي اوعي تعملي حاجة تندمي عليها في وقت مش هينفع فيه الندم

#رسايل

حامل في الهجرة..
الهجرة كان ليها أبطال كتير من الرجال والنساء.. وأحدهم هي أسماء بنت أبي بكر.. وكانت حامل وقتها في أواخر شهور الحمل..
ورغم كده.. كانت تجهز طعام للرسول ولوالدها أبو بكر وتخبي الطعام في ملابسها وتروح تمشي في الصحراء وسط الجبال والشوك والحر والشمس عشان توصل الطعام للرسول ﷺ..
مقالتش ده مش وقته اصل انا حامل طيب اما أولد.. لا خالص.. هي انتهزت الفرصه وعملت المطلوب منها على أكمل وجه رغم صعوبة المهمة ومشقتها ورغم ضعفها كامرأة وكمان حامل..
---
لما اتخرج لما اتخطب لما اتجوز لما اخلف لما الولاد يكبروا
تسويف تسويف تسويف... متستنيش الوقت المناسب يجي عشان تغيري لبسك وتظبطي حجابك..
أنسب وقت هو دلوقتي..
متنتظريش مرحلة من عمرك تعدي..
في كل وقت وأي مكان وتحت أي ظروف هتقدري تقربي من ربنا لو بس كان عندك رغبه في كدة ..

#دروس_من_الهجرة
#رسايل_الهجرة1446هـ

#ورد_القرآن
#أذكار_الصباح
#أذكارك_حصنك_الحصين
لاتنسوا الدعاء لـ إخواننا في أهل غزه والسودان

#ورد_القرآن
#أذكار_الصباح
#أذكارك_حصنك_الحصين
لاتنسوا الدعاء لـ إخواننا في أهل غزه والسودان

س/ ايه حكم التاتو المؤقت اللي بيقعد 6شهور ؟؟
**
ج/أول حاجة عاوزين نفرق بين التاتو السطحي اللي بيترسم بقلم وده اقصى مدة هيقعدها ع الجلد من 20 لحد 30 يوم ده لو ماجالوش مياه يعني
وبين التاتو اللي بيقولوا مؤقت ٦ شهور فبيحقنوا المادة دي تحت الجلد

التاتو السطحي اللي بالقلم مجرد رسمه سطحية ده ينفع وكل حاجة بشرط مايكونش في منطقة هتظهر قدام الرجال لانه زينة
وبشرط انه لو فيه غسل واجب زي الحيض (البريود) او لو التاتو في مكان وضوء هتجيبي المياه عليه عادي

أما التاتو اللي بيقولوا مؤقت 6 شهور فده بيكون فيه حقن للحبر تحت الجلد وده كده =وشم
فهيبقى حرام
لحديث ابن عمر "أن رسول الله ﷺ لعن الواصلة والمستوصلة والواشمة والمستوشمة

#رسايل

حرب الخسارة والخراب !

‏إن مُحمَّدًا له في القلبِ حُبًا؛
فَـ صلّوا عليه كي يزيد الحُبّ حبًا ﷺ ♥ ‎
اللهم صل وسلم وبارك على سيدنا محمد ❤️

أبطال الهجرة (الفدائي الأول علي بن أبي طالب)
اسمه/ علي بن أبي طالب بن عبد المطلب
كنيته/ أبو الحسن
نسبه/ هو ابن عم النبي ﷺ وزوج ابنته فاطمة وأنجب من فاطمة الحسن والحسين وزينب وأم كلثوم.
أمه/ فاطمة بنت أسد بن هاشم أسلمت وهاجرت إلى المدينة المنورة
مولده/ هو أصغر إخوته.. وُلد بمكة قبل البعثة بعشر سنوات تقريباً وتربى في حجر النبي ﷺ ولم يفارقه أبداً
إسلامه/ هو أول من أسلم من الصبيان
منزلته/ هو أحد المبشرين بالجنة ورابع الخلفاء الراشدين
علمه/ كان عالماً بالدين وكان من كتبة الوحي.. وروى عن النبي ﷺ ٥٨٦ حديث.. اشتهر بالفصاحة والحكمة. فينسب له الكثير من الأشعار والأقوال المأثورة..
وكان النبي ﷺ يقول له "يا علي لا يحبُّك إلا مؤمنٌ ولا يبغضك إلا منافق"
بطولاته/ هو أول فدائي في الإسلام عندما نام في سرير النبي ﷺ بدلاً منه في ليلة الهجرة إلى المدينة..
شهد علي جميع الغزوات مع النبي ﷺ إلا غزوة تبوك أمره النبي ﷺ بالبقاء في المدينة وقال له "ألا ترضى أن تكون مني بمنزلة هارون من موسى"
وحمل اللواء في أكثر الغزوات.. وكان بارعاً في القتال..
تولى الخلافة الإسلامية بعد عثمان بن عفان رضي الله عنه..
وقد استشهد أمير المؤمنين في سابع عشر رمضان من عام أربعين وسِنُّه ستون سنة

#أبطال_الهجرة
#رسايل_الهجرة1446هـ

قصة كليم الله5️⃣
انتهت العشر سنوات بالتمام والكمال
وهي دي المدة الأطول اللي كان سيدنا موسى اتفق عليها
وفي الوقت ده ..
سيدنا موسى كان عاوز يروح يزور أهله في مصر وخرج فعلا في طريقه لمصر
لكن كانت الدنيا ظلمة وبرد اوووي
وفجأة عند جبل الطور ....
سيدنا موسى لمح من بعيد نار 🔥
فقال لأهله اللي كانوا معاه هروح أجيب من النار اللي هناك أي شعلة تدفينا وتنور طريقنا
وصل سيدنا موسى لمكان النار في وادي اسمه طوى
وهناك سمع نداء عمره ماسمعه قبل كده
سمع " إِنِّي أَنَا رَبُّكَ فَاخْلَعْ نَعْلَيْكَ إِنَّكَ بِالْوَادِ الْمُقَدَّسِ طُوًى وَأَنَا اخْتَرْتُكَ فَاسْتَمِعْ لِمَا يُوحَى"
سيدنا موسى خاف جدا من الموقف الغريب اللي عمره ماخطر على باله
لكن لسه..الجاي أغرب
ربنا سأل سيدنا موسى ع الحاجة اللي في ايده ؟؟!!
سيدنا موسى قال ان دي العصاية اللي بيهش بيها الغنم وبيتسند عليها
ربنا قاله ارميها...اه ارميها وماتخافش!!!
سيدنا موسى اتفاجأ بالعصاية اتحولت لحية كبيرة..
سيدنا موسى خاف واتخض جدا
ربنا قاله ماتخافش ..
ده كمان حط ايدك في فتحة القميص وطلعها
سيدنا موسى عمل كده طلعت ايده بيضاء بلون القمر
كل دي كانت آيات مخصوص لسيدنا موسى
عشان هيتبعت في مهمة رسمية لفرعون شخصيا !!
لكن كان لسيدنا موسى شوية طلبات قبل بداية الرحلة دي
ايه هي ..؟!!
يتبع ...،،،،،

#قصة_موسى
#كليم_الله
#رسايل

أخدت بالك النبي ﷺ والصحابة طالعين من مكة عاملين إزاي؟
مستضعفين.. مطاردين.. خائفين.. متخفيين.. مشردين عن أهاليهم.. ومجردين من أموالهم..
طيب بص بقى بعدها رجعوا مكة ازاي؟
رجعوها فاتحين.. أقوياء.. وربنا مكنهم..
شوية الضعفاء والفقراء والعبيد اللي كانت قريش مستقوية عليهم ومعذباهم ومبهدلاهم جه يوم وبقوا هم السادة..
الظلم القهر والتعذيب والتضييق مهما استمر بيجيله نهاية..
وكذلك ان شاء غزة وكل المسلمين المستضعفين في كل مكان هيجي يوم والظلم هينتهي ويتكسر.. هيجي يوم الحق هيرجع فيه لأهله.. هيجي يوم وربنا هيمكن للإسلام والمسلمين..
هي دي سنة ربنا في الأرض قال رسول الله ﷺ "إنَّ اللَّهَ عزَّ وجلَّ يُمْلِي لِلظّالِمِ، فإذا أخَذَهُ لَمْ يُفْلِتْهُ، ثُمَّ قَرَأَ وكَذلكَ أخْذُ رَبِّكَ، إذا أخَذَ القُرَى وهي ظالِمَةٌ إنَّ أخْذَهُ ألِيمٌ شَدِيدٌ"

#دروس_من_الهجرة
#رسايل_الهجرة1446هـ

#ورد_القرآن
#أذكار_الصباح
#أذكارك_حصنك_الحصين
لاتنسوا الدعاء لـ إخواننا في أهل غزه والسودان

‏"اختر صحبةً يذكرك وجودهم بالله ، فتخجل أن تفعل ذنب بينهم،
واحذر من صحبة تخجل أن تفعل بينهم طاعة."