••
▪️تخيَّل أنكَ تُسرع إلى تمراتكَ لتنتهي من صومك بلا دعاء ولا شعور، تُصلي التّراويح مستثقلاً باحثاً عن الأسرع لا عن الخشوع.

ترفعُ يديكَ في الدُّعاء والناسُ حولكَ تسيلُ مدامعهم وعينُك تأبَى أن تُخرِج دمعةً فليس قلبٌ يهزّها.

تخيَّل أنَّ الله أعتقَ كلّ من حولكَ وبقيت أنت لم تستحقّ العتق لأنَّك لم تسألهُ أصلاً..!

تخيَّل أن تضحك في العيد وقد كُتِبت عند الله من الخاسرين.

تخيَّل أنَّه قد مضَى عليكَ 20 أو 30 أو 40 رمضان من عُمرك ولم تُفلِح فيها..!

ما أقسَى الحُرمان، أيُطِيقه قلبك..؟!

اللهمّ لا تحرمنا خير ماعندك بسوءِ ما عندنا، وأعنَّا على طاعتك، وحُل بيننا وبين معصيتك..🖤

- منقول

#من_القلب
#رسايل_رمضان

#هدايات_الأجزاء
الحمد لله رب العالمين ..
نقدم لكم الحلقة السادسة عشر من سلسلة
[ هدايات من الأجزاء ] 😍
مع
د.رامي النحراوي
وتأملات في الجزء السادس عشر

🌙 الحلقة فيديو - يوتيوب
https://youtu.be/_h0_xeevE1M

🌙 الحلقة صوت - تليجرام
https://t.me/RamyAlnahrawy/214

🌙 الحلقة صوت - ساوند كلاود
https://soundcloud.com/ramyalnahrawy/hedayat-quran16

ثِق أنّك إذا أقبلت على القرآن بقلبك،وجدت به السلوى عن الدنيا بما فيها ..
#ورد_القرآن

رمضان فرصتك ..
تصلح علاقتك بقرايبك وتصل رحمك من تاني
قوووم اتصل على أختك اللي مابتكلمهاش
قوووم كلم خالتك وعمتك وأي حد من قرايبك كنت مقاطعه
الدنيا كلها ماتستاهلش والله إننا نقاطع بعض
صلة الرحم تقدر تعملها بمكالمة تليفون ، برسالة ، بأي حاجة..
بس بلاش تطلع من رمضان بنفس حالك قبل رمضان
صل رحمك لله حتى لو هم مش بيسألوا وافتكر حديث النبي :
"ليس الواصِلُ بالمكافِئِ، ولكِنَّ الواصِلَ الذي إذا قُطِعَت رَحِمُه وَصَلَها"

#رمضان_فرصة
#رسايل_رمضان

اللي بيتلخبطوا بين التهجد والقيام والتراويح ومش عارفين الفرق بينهم ..

س/ ايه الفرق بين صلاة التراويح ، التهجد ، قيام الليل ؟!
ج/ كلهم مسميات تطلق على صلاة التطوع من بعد العشاء ..
بس الفرق كله في توقيت صلاتك !
_ يعني لو صليت بعد العشاء مباشرة من غير ما تناملك حبة = تبقي تراويح
_لكن لو صليت العشاء ونمت شوية وصحيت في الثلث الأخير من الليل = يبقي تهجد
_والقيام ده مسمي عام معناه = إنك تقوم ليلك أو جزء منه بين يدي ربك
*
س/ طيب نصلي أنهي واحدة فيهم .. وبأنهي نية ؟!
ج/ صلي التراويح بعد العشاء ..
وناملك شوية مثلاً واصحى بليل صلي ركعتين قيام ليل و في الثلث الأخير صليلك ركعتين أو أكتر تهجد
****
س/ طب هيا التراويح كام ركعة ؟!
ج/ هيا علي الأرجح ١١ ركعة [ ده السنة وممكن تزود ، المهم تكون عدد زوجي ٨ مثلاً وبعدها ركعتين شفع وركعة وتر فتصبح عددا فردياً اللي هو ١١ ] ..
بس خد بالك لو ناوى تصلي بليل تهجد أو قيام يبقي سيب ركعه الوتر تصليها آخر حاجة خالص ..
ولو كنت صليت الوتر مع الإمام مثلاً وحابب تصلي تاني بعده ، يبقى تصلي مثنى مثنى وماتوترش تاني لأنه لا وتران في ليلة ..
****
س/ بنصلي التراويح ازاي ؟!
ج/ ركعتين ركعتين .. بنصليهم [ مثنى مثنى ] .
- بين كل اتنين ناخد راحة نذكر الله دقيقتين كدة ومنها نستريح [ عشان كدة سموها التراويح ]
****
س/ طب ينفع نقرأ فيها من المصحف ؟!
ج/ اه ينفع نقرأ من المصحف فيها [ لأنها صلاة سنة مش فرض ] .
****
س/طب أنا معنديش حامل للمصحف ؟!
ج/ ولا يهمك .. ينفع نشيل المصحف بإيدنا [ لو مش متوفر حامل للمصحف ] .
****
س/ طب أنا بصراحة مش هقدر أصلي 11 ركعة ؟!
ج/ صلي قدر استطاعك

#فتاوى_رمضانية
#رسايل_رمضان

وأنت صايم هتلاقي المشاكل بتتحدف عليك .. تعمل إيه ؟

الجماعة اللي بيحكوا عن المسلسلات والأكشن الرهيب اللي فيها
سواء على الفيس أو في أي قعدة بيسلوا وقتهم عن اللي حصل في المسلسل
ياجمااااعة !!!
كفاية عليكم ذنوب نفسكم ...كفاية والله
رايحين تشيلوا ذنوب غيركم ليه وتعرفوا الناس بأن المسلسل ده رهيب وده فظيع وده شغال على قناة كذا ...والناس تروح تتابع ويشيلوا ذنوب وتشيلوا معاهم
بقى يرضيكم تشغلوا الناس عن الطاعة وعن رمضان اللي هي وظيفة الشياطين المصفدة حاليا؟؟!!
خدوا بالكم من الذنوب اللي بتشيلوها ببلاش
هم هيتفرجوا ويتابعوا ويضيعوا رمضان وانت تشيل الذنب مرتين..مرة ذنبك ومرة ذنبهم😥
في الحديث :
"وَمَن سَنَّ في الإسْلَامِ سُنَّةً سَيِّئَةً، كانَ عليه وِزْرُهَا وَوِزْرُ مَن عَمِلَ بهَا مِن بَعْدِهِ، مِن غيرِ أَنْ يَنْقُصَ مِن أَوْزَارِهِمْ شَيءٌ"

#كاريكاتير_رسايل
#رسايل_رمضان

من أول رمضان وانا تعبان،ورايا مذاكرة كتييييير ، ورايا شغل مش بيخلص ..!!

لو ظروفك زي صاحبنا ده من أول رمضان وانت تعبان أو مشغول وزعلان إنك بيضيع منك رمضان ، أنا جاي أبشرك واقولك ....
⛔اوعى تزعل واوعى تفتكر إن ده حرمان في شرعنا مفيش حد خسران
لو انت تعبان أول حاجة هتؤجر بالنية الطيبة اللي عندك وتاني حاجة انت طول الوقت في عبادة بس افهمها صح... عبادة الرضا بقضاء الله والصبر على البلاء ..لو فهمت الموضوع صح هتطلع بجد كسبان✅
وحتى لو مشغول بحاجات غصب عنك...شوية أعمال بسيطة ماتاخدش منك وقت كبير مع نيتك دي هتاخد أجوووور كتيييير
زي الصحابة اللي كانوا نفسهم يحاربوا مع النبي ﷺ في غزوة تبوك وماقدروش وكانوا زعلانين زيك كدة ..ونزل فيهم قرآن ان اتكتبلهم أجرهم كامل زي اللي سافروا وحاربوا بالظبط ..
لكن المهم تكون صادق في نيتك وفعلاً بتسعى انك تعمل أقصى ما عندك في العبادات..

👈بس ده مايمنعش إني هقولك على شوية عبادات مش محتاجه مجهود ولاتفرغ
_الذكر والدعاء ..تعبان صحيح أو مشغول بس لسانك مش بيبطل ذكر ولا دعاء وماتنساش اللهم انك عفو تحب العفو فاعف عني ، اللهم أعتق رقبتي من النار
_سماع القرآن كتير عشان تنزل عليك الرحمات لو مش قادر تقرأ تقدر تسمع وربنا يكتب أجرك
_خد أجر ختمات كتير بقراءة سورة الاخلاص كل ٣ مرات بختمة
_وماتحرمش نفسك من التراويح والتهجد وانت قاعد او حتى نايم هتاخد اجرك كامل طالما تعبان

ابتسم وماتشيلش هم.... دينك يسر ووسعلك في كل العبادات

#رسايل_رمضان

تخيل انت رايح تاكل .. وتاخد أجر 😃
النبي صلى الله عليه وسلم بيعلمنا في رمضان ..

[ تعجيل الفطر وتأخير السحور]

فمجرد تعجيلك للفطر ولو على كوباية ميه أو تمر وعدم تأخيره ..
وكذلك تناولك للسحور في حد ذاته وتأخيره ..
بتاخد حسنات بنية اتباع أمر النبي صلى الله عليه وسلم 😍

• وده يعلمنا أن الله عزوجل لا يتعبدنا بتعذيب النفس !
والله غنيٌ عن ذلك ..
وليس الغرض من الصيام إظهار قوة من يتحمل أكبر عدد من الساعات ..
وإنما ربنا يتعبدنا باتباع الشرع ..
اتباع الأوامر منه سبحانه وتعالى ..

قال رسول الله صلى الله عليه وسلم "لا يَزَالُ النَّاسُ بِخَيْرٍ مَا عَجَّلُوا الْفِطْر" متفق عليه

الإمام النووي بيقول : "فتعجيل الفطر علامة على أنهم ملتزمون بسُّنَّة النبي صلى الله عليه وسلم، كما أنهم رحماء بأنفسهم وأهليهم، فلا يُرهقون أبدانهم بما لا فائدة منه، ويتحقق ذلك التعجُّل بشيء من التمر أو الماء بمجرَّد دخول وقت المغرب"

- وقال صلى الله عليه وسلم : «فَصْلَ مَا بَيْنَ صِيَامِنَا وَصِيَامِ أَهْلِ الْكِتَابِ أَكْلَةُ السَّحَرِ»
وقال أيضًا : «تَسَحَّرُوا فَإِنَّ فِي السَّحُورِ بَرَكَةً»

لأن فيه تقوي على الطاعة والعبادة ..
وكذلك دفع سوء الخلق الذي يثيره الجوع ..
وتأخيره يعين على أداء صلاة الفجر واستغلال وقت السحر في الدعاء ..

• من النهاردة ظبّط نيتك وانت رايح تفطر أو تتسحر ..
فتأكل .. وتأخذ حسنات بمجرد نية الاتباع 💙

#إني_صائم
#أخلاقيات_الصيام
#رسايل_رمضان

مضى نصف الشهر !
كغمضة عين؟ ربّما أسرع!
و رغبة شديدة فيك بأن تبطّئ الأيّام

أنا و أنت ربنا بلغنا الشّهر بفضله و كرمه، ووصلنا لنص الشهر كمان
ولسه باقي النص التاني والأهم...

حتى لو ضيعت كل اللي فات ركز في الكام يوم الجايين دول ....الدنيا دي كلها ملحوقة والله ، انما رمضان لو ضاع عليك مش هتعرف ترجعه تاني

_ زود في عباداتك من صلاة أو ذكر أو تسبيح

_ قلّل نومك 💤

_ امسك مصحفك وزود وردك لو كنت بتقرأ جزء خليهم اتنين

_ ارفع إيديك كل يوم وكل ليلة
وادعي ربنا اللي بلغك رمضان ..انه يعتقك فيه وماتخرجش منه إلا كسبان مغفور ليك

#كاريكاتير_رسايل
#رسايل_رمضان

كم مرة وجدت نفسك تبحث عن شيء كبير بالنسبة لحجم جسدك..
ظاهر ليس مختبئ.. مميز بلون أو بصفة.. ولكنك لا تستطيع إيجاده؟!..
ومن الممكن أن يكون في يدك أو جيبك أو أمام عينك لكن لا تراه..
‏تستطيع أنت أن تجد حبة خردل سقطت منك؟
‏لكن #اللطيف يأت بها..
" يَا بُنَيَّ إِنَّهَا إِن تَكُ مِثْقَالَ حَبَّةٍ مِّنْ خَرْدَلٍ فَتَكُن فِي صَخْرَةٍ أَوْ فِي السَّمَاوَاتِ أَوْ فِي الْأَرْضِ يَأْتِ بِهَا اللَّهُ ۚ إِنَّ اللَّهَ لَطِيفٌ خَبِيرٌ"
اللطيف الذي يعلم تفاصيل وخفايا الأمور ودقيقها..
ومن معنى اللطيف أيضا أن الله تعالى يحسن إلى عباده من حيث لا يحتسبون..
فيأتيك الفرج من حيث ما ضاقت بك..
ويأتيك من قلب العسر يسرين..
ويرزقك من حيث لم تحتسب أبداً..
ومن لطف الله عز وجل أنه يراك ويسمعك طوال الوقت.. لكنك يسترك ولا يفضحك..
معك طوال الوقت لكن لم تستثقل أبداً معيته..
بل إن معيته هي جنة الدنيا.. وصميم لذة جنة الآخرة..

#فادعوه_بها
#رسايل_رمضان

دائما تاتي وفي كلِّ أوقاتك :
إذا وجدت شتاتاً في قلبك من شدةِ همك
فعليك بالقرآن
#ورد_القرآن

فرصة ذهبية أن احنا نزكي نفوسنا

#هدايات_الأجزاء
الحمد لله رب العالمين ..
نقدم لكم الحلقة السابعة عشر من سلسلة
[ هدايات من الأجزاء ] 😍
مع
د.رامي النحراوي
وتأملات في الجزء السابع عشر

🌙 الحلقة فيديو - يوتيوب
https://youtu.be/yRneDslrA04

🌙 الحلقة صوت - تليجرام
https://t.me/RamyAlnahrawy/217

🌙 الحلقة صوت - ساوند كلاود
https://soundcloud.com/d3wasalafyakfs/hedayat-quran17

س1️⃣/ يعني إيه اعتكاف ؟
ج/ الاعتكاف هو الإقامة بالمسجد بنية التقرب إلى الله
وهو سنه عن النبيﷺ
ومن أفضل القربات لإنك بتنقطع عن كل شيء في الحياة إلا العبادة
*
س2️⃣ / إمتى بيكون الاعتكاف ؟
ج/الاعتكاف ينفع في أي وقت بالليل أو النهار
ويتأكد استحبابه في العشر الأواخر من رمضان لأن النبي كان بيعتكفهم
*
س3️⃣/ينفع النساء تعتكف ولا الرجال بس ؟
ج/الاعتكاف ينفع للنساء كمان بشرط ماتكونش حائض أو نفساء
لحديث عائشة رضي الله عنها ((أنَّ النَّبيَّ ﷺ كان يعتكِفُ العشرَ الأواخِرَ مِن رمضانَ، حتى توفَّاه الله، ثم اعتكَفَ أزواجُه مِن بَعدِه ))
****
س4️⃣/ اللي هيعتكف العشر الأواخر من رمضان المفروض يدخل المسجد ويبدأ اعتكافه امتى ؟
ج/ اللي هيعتكف العشر الأواخر من رمضان لازم يدخل المسجد قبل مغرب ليلة ٢١ رمضان يعني يوم ٢٠ رمضان بعد العصر لحد المغرب ده آخر وقت لدخول المسجد للي هيعتكف العشر الاواخر من رمضان
ويفضل مقيم في المسجد لحد مغرب آخر يوم رمضان ...مايخرجش من المسجد غير ليلة العيد
*
س5️⃣/ ينفع النساء تعتكف في البيت ؟
ج/ لا ماينفعش لان الاعتكاف لازم في مسجد
*
س6️⃣/ ايه هي شروط الاعتكاف ؟
ج/
◀️ الطهارة من الحدث الأكبر يعني الجنابة و الحيض والنفاس
◀️ عدم الخروج من المسجد إلا لحاجة
◀️ لو هتعتكف العشر الأواخر من رمضان تدخل المسجد يوم ٢٠ رمضان قبل المغرب وماتخرجش إلا بعد مغرب آخر يوم رمضان

#فتاوى_رمضانية
#رسايل_رمضان

#مفاجأة_سارة لكل جمهور رسايل ❤️
انتظرونا الخميس القادم إن شاء الله ..
18 رمضان - الساعة :9:30 مساءً
مع
د. بهاء سكران 😍
ولقاء بعنوان
[ كيف تفوز في العشر ] ❤️

بث مباشر على قناة رسايل على التليجرام
https://t.me/Rsaa2l

انضم لقناة رسايل على تليجرام
واعمل شييير للبوست وتعرف كل أصحابك وحبابيك

#رسايل

*أنا صاحبك القرآن*
لو نفسك تسمع الجملة دى يوم القيامة
يبقى لازم تصاحب القرآن في الدنيا ....القرآن صاحبك الحقيقي اللي مش هيتخلى عنك أبدا
هيستلمك من ساعة ماتقوم من قبرك ....لحد مايرفعك في درجات الجنة
بكل آية تترفع درجة
لو عاوز تصاحب القرآن بجد ...مش هتلاقي فرصة أحلى من رمضان
تصاحبه بالقراءة كتيييير كتيييير ..اصحاب بقى
وكمان تصاحبه بتدبر وفهم معانيه وتطبيقها في حياتك
وتكمل بعد رمضان ..عشان تسمع يوم القيامة البشارة الجميلة اللي في الحديث ده :
"إنَّ القُرآنَ يَلْقى صاحبَه يومَ القيامةِ حين ينشَقُّ عنه قبْرُه كالرَّجُلِ الشَّاحبِ، يقولُ: هل تَعْرِفُني؟ فيقولُ له: ما أعرَفُك، فيقولُ: أنا صاحِبُك؛ القُرآنُ الَّذي أظمأْتُك في الهواجرِ، وأسهرْتُ ليلَك، وإنَّ كلَّ تاجرٍ من وراءِ تِجارَتِه، وأنت اليومَ من وراءِ كلِّ تجارةٍ، قال: فيُعْطى المُلكَ بيَمينِه، والخُلدَ بشمالِه، ويُوضَعُ على رأسِه تاجُ الوقارِ، ويُكْسَى والداهُ حُلَّتَينِ لا يقومُ لهما أهلُ الدُّنيا"

#رسايل_رمضان

رمضان فات منه كتير ...
صمت كتير وصليت تروايح كتير و...و...
وان شاء الله تكون خدت حسنات كتيييير 😍
بس استنى!!!..ده أنت طلع عليك ديوووووون كتييييير !!!
حسانتك دي بقى هنوزعها على.. واحد هنا اغتبته ..وواحد كمان هنا اهو اتكلمت عليه ..وتالت اهو ....خلاص مافيش حسنااااات كلها اتوزعت ديوووووون عليك😱

مع إن الكلام ده مش هنشوفه في الدنيا بس مجرد تخيل انك تتعب في حسنات وتديها هديه لحد تاني...يجيلك حسرة على المجهود اللي ضيعته على الفاضي....
الغيبة.... أسوأ حاجه ممكن الواحد يعملها في نفسه ....انه يروح يضيع تعبه بايده وياكل لحم اخوه ميت

لما تيجي تتكلمي على واحدة مضايقاكي افتكري انك كده بتحبيها اكتر من نفسك وبتديها حسانتك جاهزه من غير ماتتعب🎁 ....ومش بس بتضيعي حسانتك !!
كماااان....اللي بيغتاب الناس ده هيجي يوم القيامة يقطع لحم وشه بظوافر نحاس زي ماكان بياكل لحم اخوه في الدنيا😢

آن الأوان🤝 بقى نحافظ على حسانتا
ونطلع من مدرسة رمضان ....واحنا بنتعب وبنجمع حسانتا لنفسنا مش لغيرنا
نطلع من مدرسة رمضان بحاجه مهمة جدا هي ...((ترك الغيبة))
خد العهد على نفسك..واستعن بالله
وابدأ.....وبإذن الله هتقدر 💪

#لعلكم_تتقون
#رسايل_رمضان

يوم السبت 20رمضان ومع آذان المغرب .. هيبدأ أفضل معسكر ممكن يفرق معاك طول عمرك
هتبدأ العشرة الأواخر من رمضان ويبدأ معاها سُنة الاعتكاف اللي كان النبي بيعملها في العشرة دول
اعتكاف يعني هتقيم في المسجد سواء إقامة كلية ماتطلعش خالص إلا لضرورة أو حتى لو مش هتقدر اعتكاف كامل حاول تعتكف الليل كله بإنك تدخل المسجد قبل آذان المغرب وماتخرجش غير بعد الفجر
الوقت ده كله هتلاقيه تقيييل في عداد حسناتك ده غير إنك هتخرج منه بشحنة إيمانية هتساعدك طول السنة

#رسايل_رمضان

مَن رُزِقَ القُرْآنَ فِي قَلْبِهِ، وَانْتَفَعَ بِهِ وَعَمِلَ ..
فَقَدْ أَغْنَاهُ اللهُ بالقُرْآنِ عَن كُلِّ شَيْءٍ ..
#ورد_القرآن