#اوفرلاب
#كارت_طوارئ
1.قانونيا.. كل مريض يدخل الطوارئ لازم ينفتحله كارت طوارئ لكن نفتح الكارت للمريض التعبان و الي يحتاج مراقبة كجزء مهم من حمايتك لنفسك كطبيب، انت مطالب بيه لو بعد سنوات هم يطلعوه اذا احتاجوه محد راح يحاسبك بشي اذا مادي واجبك القانوني.. لكن تقوم القيامة عليك اذا مريض مستحق و انت ما فاتحله.
2.الي ينكتب ع الكارت هو الي بالصورة و المريض الي يحتاج تقرير طبي عدلي اولي هم تكتبه.
3.حاول دائما تعنون الكارت (باطنية، جراحة، اطفال، كسور.....) يسهل عليك فرزها من يجيك المقيم الاقدم
4.تذكر انو انت مو صاحب القرار الاخير انت فقط خط الصد الأول يعني اهم شي تچيك Vitally ... وراك مقيم اقدم و أخصائي.. فلا تصير خواف و لا تصير سبع البرمبع و تلعب بكيفك.
5.المريض من يدخل حاول تاخذ منه هستري سريع و تجيكه و تملي الكارت وراها انطي خبر مو بعده توه كعد ع السدية شلت تلفونك و خابرت. أما إذا شغلات سوبراميرجنسي فلا اني اكلك راسا خابر مثلا Tension Pneumothorax و غيرها
6.الكارت اما ينوت عليه المقيم الاقدم او الاخصائي و المريض بهاي الحالة اما يخرج او يدخل الردهه (ردهه عادية او انعاش) او المريض يخرج على مسؤوليته لازم هنا يبصم ع الكارت هو او ولي أمره... في حالة خروجه دون علمك.. اكتب خرج دون علم الطبيب او المريض غير موجود في الطوارئ الساعة كذا...
7.ووثق ما تفعل و افعل ما توثق............. تذكر انو توثق بالكارت كلشي مثلا مريض رفض علاج أو تداخل معين... تكتبه و إذا شي ضروري جدا مثلا DC تبصمه انو هو رفض او الرلتف... شوف عيني مو كل واحد وياه تعتبره رلتف يعني صديقه و جيرانهم و مدري منو لازم واحد من العائلة يفضل الاب بحالة الأطفال و الابن الأكبر بحالة كبار السن.
منقول من ( الدكتور أحمد سرتيل المجبلي)

#اوفرلاب
#ورقة_الاحالة
هاي اخر مواضيع ممكن تواجهها كاشياء جديدة عليك.حتى وراها ننزل واجبات المقيم الدوري. و نبلش كيسات بالقدر الي نكدر عليه.

طبعا حيل سهلة و ما يرادلها شي. بس هل هي واجبك؟🤔
ج/لا هي واجب الطبيب الاخصائي.

لكن انت راح يكلفوك بيها و راح تكتبها هواي خصوصا اذا المستشفى بيها نقص اختصاصات او انت تداوم بمستشفى بيرفري.

الصورة هي ورقة الإحالة تمليها باسم مستشفاك و اسم المستشفى المحال إليها المريض.
معلومات المريض
Presentation and duration : Cheif Compaint
شتخلي وياها بعد finding اول ما وصلك المريض
الحقل الاول

اما الحقل الثاني فهو حالة المريض و أعراضه عند الاحالة اي بعد التداخل
صح الترجمة بالورقة بيها خطأ بس الحقل الثاني هو حالة المريض بعد ال Primary action


Finding.... ثاني حقل
🧐 الي شفته بالفحص مثل ما وضحناها بكارت الطوارئ بعد التداخل العلاجي الاولي

Investigations..... Xray, CT, Urea, etc....
Primary Action.. 🦸‍♀️ الإجراء الاولي الي سويته
Fluids, Antibiotics, Analgesia 💉
و إذا اكو تداخل هم تكتبه chest tube مثلا
*ذني بالانكليزي كلهن

Cause of Referal
هذا بالعربي مثلا لعدم وجود أخصائي (......) في مستشفانا

جوه التاريخ و الساعة

الطبيب المعالج هو الاخصائي و ختمه لازم

واسطة النقل:
سيارة خاصة🚙🚕
إسعاف🚑
إسعاف +مسعف....او ممكن وياهم طبيب حسب الحالة و ظرفها 👨‍🔬👨‍⚕️

الاتصال المسبق يعني الطبيب الاخصائي عنده اتصال مع المستشفى المحال الكيس اله.

هاي تسوي منها 3 نسخ(تستخدم أوراق كاربونية) وحده للاسعاف و وحده للمريض و وحده تبقى بالمستشفى.

وراها تنطيها للطوارئ ينادون بيها للعمليات العامة 🚨 و من عدها للمستشفى الي تحيل الكيس الها.

و تذكر اذا حادث لازم ورقة شرطة ويه الإحالة.
و المريض لا يحال اذا كان Unstable Vitally.

منقول من (الدكتور أحمد سرتيل المجبلي)

#نصائح_الاطباء_للاقامة
بوست شويه طويل بس يجنبه هواي مشاكل


ملخص لتعليقات الاطباء كنصائح لللاطباء 👇👇

الشعار العام : هو احمي نفسك ثم نفسك ثم نفسك ثم المريض.
1-الروتيتر النشيط حيكون اخصائي ناجح ومشهور والروتيتر الخامل مستقبله اخصائي فاشل
2-عدم الثقة الزائدة بالنفس (لا تحمون ) بالتعامل مع الحالات الحرجة ويجب تبيلغ ال م . الاقدم لمنع استغلالك من قبل البعض منهم او منع الوقوع في المشاكل القانونية (محد يرحمك اذا صار شي كلها تصيح معليه )
3-حسن العلاقة وعدم التكبر على الكادر الوسطي لان راح يكونون سند الكم بالطوارى اذا حبوكم واذا صار صدام بينكم يكومون يجرون عكس وممكن يسببولكم مشاكل (خـــــــــد و عين ) وعدم الميانه الزايدة وياهم
4-عدم التعالي والتكبر على الناس والاستماع لشكواهم بشكل جيد وبهدوء / حاولوا تتجنبون المشاكل لان اغلب الناس TM
5- المريض الي عنده Hypoglycemia من تنطي فلود بي كلوكوز وتريد تجيك اللblood sugur لازم اقل شي بعد نص ساعه ولا تقيسون من نفس الايد الي مشكل بيها الكانيولا واللاين مال الفلود لان تطلع القراءة خطأ
6-انتبه لحالات التسمم وميز بين الاوركانوفوسفرس بويسننك عن سم الفار / اعرف شنو المادة السامه لان كل وحده الها طريقة management تختلف
7-من تكتب للمريض علاج تاكد بنفسك بان هو هذا العلاج الي كتبته بالباص والطبلة لان بعض الاحيان ابو الصيدلية ينطي علاج خطأ / مثلا تكتب 50% hypertonic glucose بس بعدين يطلع منطي ابو الصيدلية kcl او امينوفليين الخ
8-الادوية القلب الخاصة بالطوارى لازم تنطيها بايدك او تنتظر المقيم الاقدم وتحت اشراف طبيب لان بيها مشاكل وside effect
9-كل مريض لازم تفحصه بشكل جيد حتلو شكيت بي كذاب ولا تحكم على المريض وتشخصه من المظهر وتكول HYS لان هوااااااااااي حالات كالو عليها مأجوسة بس بعدين طلعت حالات كريتكال ودخلت CCU
10-ركز على ال vital signs + pulse oximery لكل مريض يدخلك للطوارى ولاتنسى ABC لجماعة الترووما ورقة شرطة ومشاهدات الفحص الاولي
11-لاتنطي الدايازبام (الفاليوم ) direct iv لازم يكونdiluted + slow
12- اي مريض يجيك داخل ب coma لازم تخلي بالك hypoglycemia ومن بعد ما يشدوله كانيولة وسحب دم انطي hypertonic glucose لان حتلو طلع هايبركلايسمك كوماا مراح تأثر علي بس اذا طلع هايبووو انت راح تنقذ حياته .لان بالنهاية ال coma هي شنو ؟ كوماا يعني امان استقرااااااااار
13- أي مريض old age و خصوصاُ اذا كانت DM يجيك يكلك مالي خلك ودايخ لازم تسوي ECG لان يصير عدهم Peripheral neuropathy ميحسون بالم الصدر بالاضافة لبقية التحاليل المختبرية
14- ميز بين اسباب ال dyspea وشلون تشخص ال pulmonary oedema
15- أي مريض RTA لا تنطي فاليوم او أي opiate لان يأثر على consciousness مالته لازم يبقى تحت المراقبة وتنطي فلوود لحد ما الله يفرج ويجي المقيم الاقدم او الاخصائي ويكلك شتسوي
16-لا تتصرف بأنسانية زااايدة لان اذا تجاوزت صلاحياتك واخطأت محد حيرحمك (( ممنوع الحماوة ))
17-تسوي d.dx لكل symptom تجييك للطوارى ودائما شغل اللوجك سنتر الي بدماغك
18-احفظ جرع الادوية وادخل للصيدلية صور شنو عدهم دواا وروح للبيت طلعهن من كتاب مضبوط (bnf) واعرف اهم شي ال indication + contraindication لكل دوا موجود بالصيدلية عندك
-19- ال dc shock وبقية البروسيجرات لازم تتعلمها من الاطباء الكرونك وتسويها بنفسك ولا تطلب من مضمد يعلمك لان حيضل يسولف بيها طول عمره علمت د فلان لان تخرج وكلشي ميعرف فاي اشي متعرفه اسأل طبيب ولتستحي لان الطبيب الاقدم منك يقدر وضعك لان جان مثلك اول ما دخل
20-اذا اجاك شخص dead on arrival لازم تكول للاهل اول متفحصه وتاكدت بان هو ميت بان مريضك لا نبض ولا نفس وان شاء الله راح نسوي الي نكدر علي والباقي يم الله حتى تحطهم بالصورة وما يتأمون عليك لمن تكلهم البقاء في حياتكم . بعض الاطباء يسون show busyness حتى يتفادون الصدام مع الاهل ويبينون الهم بان سوو الي عليهم بس هذا امر الله .
21-ومن بعدها اكتب ال death note
No pulse , no heart beat , no res. Rate , fixed dilated pupil . no corneal reflex

22-احترم ال chest pain
23-اكتب بالطبلة أي شي منطي للمريض لان مرات تنسى شمنطي / وثق كلشي سويته للمريض لان محد يصدكك اذا كتلت اني سويت فلان شي بدون ما توثق
24-من تلزم كول جديد لازم تور على المرضى الموجودين بالردهة ولا تثق 100% باي شخص من جماعتك مهما كانت علميته وبالنهاية ترى تطيح براسك المسؤولية اذا صار شي على المريض بكولك وانت متعرف شعنده ماعنده لان مرات جماعتك بنهاية الكول يكومون يشربتون ويدخلون كيسات كرتكال بدون فحص كامل وعلاج كامل
25- اذا كان المريض suspected appendicitis لا

تنطي مسكن لان يأثر عل التشخيص وانطي فلود اذا محتاج وسويلة انقستكيشن وانتظر فرج قدوم البرمننت
26-اذا حسيت بان المريض وضعه تعبان وممكن عل ساعة يتوفى الى رحمة الله بلغ الاهل بان مريضكم تعبان وان شاء الله نسوي الي علينه والباقي يم رب العالمين حتى تهيئهم نفسياً .و لاتكول للاهل مريضكم زين وما بي شي بقصد نية التخفيف عليهم ترى يجلبون بيك ويكولون مساع كلنه مبي شي !!!! ويتهمونكم بان انتم قتلتوا شلون مبي شي وشلون مات !!؟؟
21- المريض الي عندة chest pain + sever hypertention لا تنطوو هيبارين او اسبرين لان احتمال يصير عنده نزيف وتنلاص الامور !! نزل الضغط لل جوه ال 180/100 وانطي هيبارين او اسبرين
28- لا تسوي تحويل لاي مريض من الطوارى للردهة او لل ct Scan او لمستشفى اخرى بدون كانيولاا
29- الاطفال والكبار بالعمر ابد لا تستهين بيهم اذا كلولك عدهم diarrhea او vomiting لان معرضيين للدهايدريشن
30-كل طفل يجيك مفتفت دزة انفستكيشن RBS . CA, MG , NA
31-اهتم بالجارت لان مهم كلش ينظم شغلك ويحميك
32-حاول تقلل استخدام الختم وابد لا تختم على بياض
33-اذا اجوك اهل المريض الراقد بالردهة تعال شوف مريضنه كوم وياهم ولتغلس لان اذا صار شي علي لا سامح الله حيكولون بسبب هذا الطبيب مات لان صحنا وما اجه ويانا شاف المريض
34- اذا ردت تنطي مريض انجسيد لازم تنطي بالفلود 10 قطرات بالدقيقة ولازم تبقى تراقب المريض كلساع لان احتمال الاهل يسرعون المغذي او الممرض جديد وما يعرف لان ممكن يدخل ب sever hypotension بسبب الانجسيد اذا الجرعه عالية
35- لا تسوي احالة بدون علم ال م الاقدم ولا تطلع أي مريض بكيفك لان مو من صلاحيتك يا كتكوت الا اذا المريض طلب يخرج على مسؤليته
36- المريض ال heart failure لاتنطي فلود هواييي
37-أي كيس يجيك MI انطي خبر للمقيم الاقدم
38-لا تنطي DC Shock والاوكسجين مفتوح لان احتمال تحرق نفسك والمريض والمستشفى لان الاوكسجين قابل للاشتعال
39- اذا مريض hypotention مثلا 80/50 واول مرة وfemale وانطيت 4 باينت ومصار زين الضغط فكر بان اكو internal bleeding احتمال ectopic pregnancy او perforated viscus
40- أي شخص متكهرب لازم تسويله دخولية ومشاهدات و ورقة شرطة وتنطي fluid علمود تحمي الكلية وتراقب ال urine output وكذلك لون البول اذا اسود او غامق لان احتمال يصير تدمير للعضلات بسبب الكهرباء ويطلع المايكلوبيولين ويسبب فشل كلوي
41- HYS is Diagnosis of exclusion
42- أي شخص يصير عنده acute dystonia وتشنج بالعضلات بسبب البلاسيل لازم تطمن الاهل بان هذه ممكن تستمر 24 ساعة وتروح وتنطي الرميين
43- أي شخص يجيك للطوارى مجروح لازم تكتب المشاهدات الاولية وتذكر كلشي تشوف وابد لا تجامل لان اذا صار شي توكع براسك مع المطالبة بورقة شرطة وتذكر خصائص الجرح الي هي (الطول- الحافة منتظمة او لا – نازف او لا – شكل الجرح طولي عرضي قطعي دائري – مكان الجرح بالجسم – عدد الجروح – مدخل او مخرج الطلق الناري – نظيف ام متسخ )
44- لاتكتب بالطبلة bullet injury حتلو الكل كالت bullet اكتب sharp object injery واذا سويت x-ray و طلعت لا تكتب طلقة او شضية اكتب foreging body
45- اذا اجاك مريض hys ,وانطيته فاليوم ومفاد انطي لارجكتيل 25 ملغم im دكتور براء الالوسي هو كال هيج اني مال علاقة ههههه
46- اهم شي تسأل المريض عن الحساسية الدوائية
47-لا تنطي الدوبامين دايركت أي في لان يموت المريض
48-أي مريض chest pain سويله ECG + BP meaturement أي مريض عنده abdominal pain افحصه قبل لا تنطي انلاجيسيا لا هواي كيسات acute abdomen عبرت
49- كل مريض head trauma سويله full neurological examination
50-كل مريض يجيك epigastric pain لازم تسويecg حتلو طلع طبيعي عيده بعد ساعتين
51-لا تكتب علاج بدون ما تشوف المريض
52-جماعة ال hys يصير عدهم خدر وخنكه ومرات لعبان نفس انطيهم فاليوم مخفف مو لازكس
53-اذا مريض عنده حساسية بنسلين لا تنطي من مجموعة السيفالوسبورين لان 15% يصير عدهم تحسس أيضا لهذه المجموعة
54-اهم شي الثقة بالنفس وقراراتك لازم تكون موزونة في ما يتعلق بصلاحياتك كطبيب مقيم دوري
55- لا تنطي hydrocortisone لمريض MI لان يموت
56- كل مريض cva لا تنطي اسبرين او بلافكس او هيبارين لمن تتاكد بان هذه اسكسمك بعد نتيجة ct scan حتى تستبعد تكون هيموراجك
57- لازم كل ادواتك الطبية وياك حتى ما تتبهذل بالدوام
58-أي مريض trauma وشكيت عنده كسر او فسخ دزة x-ray مخسران شي
59- أي مريض عنده chest pain مهما كان عمره دزة ECG مخسارن شي

60- لا تهتم لكلام الكادر الوسطي لمن يكلك هذا HYS او دكتور قلل ECG او قلل تحاليل امشي برايك لان المحاسب انت اذا المريض محتاج وما سويته
61- HECCUP او ما تسمى بالشهيكة او ام العوافي علاجها الستميتل
62-أي شخص يجيك بطنه توجعه خصوصا اذا شاب ذكر افحص الخصية

و أي بنية شابة تجيك الم بالبطن اسالها عن الدورة الشهرية والمجاري البولية
63-لمن تنطي ORDER للممرض بان يسوي فلان شي للمريض لازم تراقبهم لان هواي يغلسون واذا صار شي عل المريض انت المسؤول ( شطلعت هاي كلها عل الروتيتر!!!!! )
64-اذا اجاك طفل S.O.B وعنده كلير جيست لازم تفكر بال DKA حتلو ما عنده dm hx ودير بالك تنطي هايدروكورتزون لازم تسوي RBS
65- اذا اجاك شخص عنده ectopic heart beat لازم تسأل اذا عنده heart disease لازم يدخل او اذا قلبه طبيعي عادي ممكن يطلع
66- اذا كان المريض copd وعنده hf نستخدم الامينوفلين
67- اذا اجاك مريض svt +hf لا تنطي verapamil انطي بمكانه cordarone
68- اذا كنت تداوم بمشفى مبيها ct scan واجاك مريض RTA + head trauma لازم تحوله لان وجود المريض يمك بدون فائدة
69-أي مريضة بعمر الانجاب لازم تسألها حامل او لا واذا حامل وعدها ضغط لا تنطيها lazix انطيها aldomet
70-أي مريض تنطي لازكس اومقعد وتعبان لازم تشدله فولي
71-أي مريض مجروح قبل ما تدزة للاشعة لازم يضمد ولازم مشاهدات تسويله حتلو تريد تحوله لغير مستشفى لان انت المطالب بالمشاهدات الاولية
72-أي شخص بالع حبوب وتريد تسوي غسل معده خلي يشرب نورمال سلاين ويزوع
73-أي طفل يشرب نفط ممنوع تسويله غسل معده وممنوع يزوع لام ممكن يسوي كيميكال نيمونيا وصعب علاجهاا / انطو اوكسجين , وهايدرو –بلاسيل- ويبقى تحت المراقبة لمدة 24 ساعه
74- مصطلحات خاصة / loser يعني طبيب مهمل ماعلي الاعتماد /
Green foot يعني رجله خضرة وعل عينه كل الحالات الخطرة تجي بكوله
مفيف يعني vt
مستبل يعني stable
مكسبن يعني gasping
75-اول ما تلزم الكول اتاكد بان كل ادواتك الطبية عنك وموبايل مشحون وبي رصيد وتاكد من dc كون مشحون وشغال
76-أي مريض يجيك على سدية خلي ايدك اول شي على البلص هواي يحلك مشاك .
لا تستهين باي جرح لان متعرف عمقه شكد خصوصاً الي بالبطن والصدر وخلو يمكم تحت المراقبة للفايتل ساين .

اخوان لتسهيل البحث المواضيع الي انشرحت
او نزلنا بعض الملفات مثبتة بهاشتاك حتى تكون القناة مرتبة:
#Hypertention_in_ED
#scorpion_sting
#snake_bite
#electrical_shock
#epistaxis
#Drugs
#toxic_drugs_with_antidote
#اوفر_لاب
#اداريات
#Ischemic_pain
#Ischemic_chest_pain
#Summary_in_ACS
#تغيرات_ECG
#DDX_of_STEMI
#NSTEMI_UA
#STEMI
#actylase
#wellens_sign
#sign_of_ECG
#approach_of_chest_pain
#algorithm_of_ACS
#Complication_of_MI
#HT_in_MI
#Acute_HF_in_ED
#oxfored_MI
#ACS
#BLS
#ACLS
#ATLS
#كتب_الطوارئ_المهمة
#وين_نقرأ
#endocrine_emergency
#respiratory_emergency
#fluid
#CXR
#Drowning
#Hypoglycemia
#kerosine_poisoning
#The_Death
#Hypotention
#organophosphate_poisoning
#dog_bite
#asthma
#COPD
#surgery
#Summary_in_ACS (مهم جدا جدا)
#SVT_1
#SVT_2
#tintinalli
#Death_note (واذا وصل ميت شلون تصرف)
#كارت_طوارئ
#ورقة_الاحالة
#نصائح_الاطباء_للاقامة
#DKA
#renal_stone
#Notes_R (طبلات طوارئ)
#flu
#chest_infection
#Mechanical_ventilation
#Criteria_of_RVI_suspect
#Posterior_STEMI
#PPIs_protocol_in_upper_GI bleeding
#IBS
#Af
#AB_guide_line
#ICU_drugs
#status_epilepticus
#PE
#insulin
#adrenaline
#Notes_R
#VitaminD
#IHD_guideline_2025
#Headache
#DLOC
#unconscious
#approach_abd_pain
#appendicitis
#Mx_H_pylori
#pancreatitis
#Af_with_WPW
#approach_of_Mx_WPW
#Heparin
#burns
#pediatrics_case (fit)
#Approach_pediatrics_gastoentritis
#pediatric_overlap
#gyn_overlap
#shock
#pediatric_respiratory_Croup
#pediatric_asthma_exacerbation
#septic_shock
#pediatric_advance_life_support
#ATLS
#stroke
#Management_of_Dm_type_2
#Dyslipidemia

من طوارئ مستشفى بلد العام
احد الكيسات الحلوة
Anaphylaxis shock

لطفل عمرة 10 سنوات ضارب ابرة ceftriaxone
🔺المنشور من الكروب الطبي التعليمي بالفيسبوك

22yrs. Old pt. Presented with chest pain
PMH=-ve
Smoking

Finding of Ecg/
St elevation in V2 to V6 /lead1/aVl
Reciprocal lead St depression in inferior lead

Dx/extensive STEMI
Occlusion in LAD artery

This pt. Cover full dose
and sent for emergency PCI

صراحة موضوع مرعب جدا بعده شاب صغير ويجي بهيج وضع !!!!!
ضروري تصير توعيه ع التدخين اذا عمره ٢٢ سنة وهيج صار لعد شكد صارله يدخن كم سنة !!!!

Finding of ECG ?
name this sign ?

Finding 'Dx?

#Criteria_of_RVI_suspect
St elevation in inferior lead
St elevation in lead 3 more than lead 2
St elevation in V1

Sign / hypotension or shock with increase JVP

Post. STEMI
St depression in V1-V3
Upright Twave
Tall R wave

و ما ننسى تجي وي inferior و lateral Mi
ف اذا شفت inferior or lateral MI و اجه وياها st depression in V1-V3 ضروري نسوي exclude لل post. STEMI