#اوفرلاب
#Death_Note
ديث نوت... هي الملاحظات الي يكتبها الطبيب بعد ما تاكد من موت المريض. بالصورة موضحة تعتمد على Eye, Gag reflex, Chest
سهلة بس لازم تعرف شلون تتصرف.
1. المرضى Died يتقسمون إلى
Arrieved dead.. هذا ميت خارج المستشفى
Deid on arrival.. هذا يموت بالطوارئ بس يجي عدل
Died in hospital... هذا بالمستشفى ردهه او انعاش


2.من يجيك arrived dead قانونا انت اذا شفته ممكن تكول هذا ما أتدخل بي لان ميت بس انت شايف شكد يجون و املهم بيك فلا تصدمهم خصوصا اذا شفته young age حاول او شوبز 😟 صيح DC امبوباگ سكر كانيولا و ابقى كم دقيقة و أعلن لان چهرتك ما راح ينسوها طول عمرهم. وراها افتح كارت و اكتب Arrived dead Confirmed by و كمل.
3.
شوكت ابدي CPR؟ 😅
المريض من يصير Apnea التعبان خصوصا بالانعاش يلفظ أنفاسه الأخيرة قبلها لازم تتحظرله Gasping... اول ما تروح التعيين اسال القبلك كللهم شوفوني الگاسبنك.
4.
شگد أطول CPR؟🤔
حسب المريض و حسب الحالة و حسب الرلتف 😅
👦🧔👨‍🦲شفته young و اكو reversable cause ذب كل حيلك وياه حتى لو ساعة
👴جبير بالعمر و multiorgan failure و كاسبنگ هذا هو يريد يموت لا تروح تفلش صدره. CPR بسيط و خليه يودع الله وياه 🙏🤲
👼 طفل... هنا اوگف تره يخدعون و أكثرهم يرجعون يصير Fixed dilated pupils و هو hypoxic بس و عنده reversable cause فطول خلك وياهم و تعلم من البيرمننت اطفال اول ما تروح و شوف خبرته بالموضوع.

5.
افحص DC و تأكد منه مشحون اول ما تروح الكول و تأكد من وجود سكر و امبوباگ و ادرنالين و اتروبين تره بنص المعركة و يكلولك ماكو دكتور فلازم انت تضبطهن من البداية.
منقول من (دكتور احمد سرديل المجبلي)

تكملة للموضوع السابق :

شلون تتعامل وية ال
Arrived Dead

الموضوع ينرادله فن وبعد نظر ..
اول شي لازم تتاكد انه المريض ميت .. الموضوع خطر

تجيك التالي:

Pulseless
No Respiration
No cardiac beat
DC monitor flat (or pulselss activity)*
Pupillary reflex absent
Corneal reflex absent
Gag reflex absent
BP undetected

وراها تشوف اهل المريض
اذا تشوفهم مو كلش TM او شكلهم متوقعين الوفاة او منتظريها او يعرفون انه مريضهم توفى .. هنا اطلع بوجهك واعلن الوفاة وثبت الوقت وافتح كارت طوارئ

وراها انت بكيفك اذا تريد تسوي psychological support لاهل المريض لان غالبا ذولة راح يرجعولك بيوم من الايام وراح يتذكروك كلش زين...


اذا شفتهم TM او الوفاة صارت مفاجئة هنا تضرب بريك تفتر وترجع وتطب بطريق الshow business لان اهم شي تحمي روحك

تسوي CPR
تفتح لاين
تحط الدي سي على صدرة
في بعض الاحيان واحد ينطنط دكتور انطيه صدمة كهربائية .. لا تتردد انطيه!!
حاول تسايرهم قدر الامكان بس تخلي ابالك انه للمتوفى حرمته فلا تأذي الجثة اكثر من اللازم

المهم تمشي وياهم لنهاية الخط وربك يسهلها وخلالها تبينلهم انه الحجي حالته جدا خطرة .. يعني تحضرهم نفسيا لاعلان الوفاة
وراها تعلن الوفاة وتثبت الوقت وافتح الكارت اللعين .. وبكيفك اذا تريد تسوي سايكولوجيكال سبورت...

موضوع اعلان الوفاة موضوع حساس جدا ... وخطر جدا ..
لا تعلن الوفاة الا اذا انت جنت متأكد مليون بالمية وابد لا تستعجل بهيج موضوع .. اخذ وقتك محد راكض وراك.. جيك الفايتل 20 مرة واهم شي الرفلكسات ولا تنطي كلمة تندم عليها طول عمرك

اصدقائي ..اكو هواية طرق وهواية ابروجس .. راح تتعلموها وكل طبيب واله طريقته .. بس اهم شي تحمون نفسكم .. هاي السالفة خلوها ببالكم دائما

#اوفرلاب

خلنحجي ع الجنرال اكزامينيشن
اكيد تتذكروه شلون طويل ومفصل..لا اليوم نحجي ع جنرال مختصر مفيد ومركز وعملي ويناسب اللود مالتنه
يله نبدي
1-الهيد
اول متباوع وجه المريض اصفر ازرك ارثي كلر وهكذا
العين تدور 3 شغلات
بيوبلز انيميا جوندس
البوبيلز تدور شغلتين
شلونهم Symmetricalلو لا؟
بلتورج تشوف اكو reaction to light لو لا؟
الماوث
تكل المريض افتح حلكك وطلع لسانك تشوف الstate of hydration هاي النقطه شكد بسيطه بس كلش مهمه خصوصا بالاولد ايج ومرضى السكر بلذات تايب ون !

2-الجيست
بلسماعه تشوف الbreathing sounds و ال heart sounds
الbreathing sounds تنفحص من الظهر والبيشنت سمي ستنك وتكوله يتنفس من حلكه شهيق و زفير وراسك يم ظهر البيشنت مو بلسكف حته ما يعبر عليك شي ابد ☺

3-الابدومن
طبعا ع الاغلب متكدر تكشف البطن خصوصا الفيميل واذا جان الكومبلين مو بالابدومن فتكدر تسوي بالبيشن سريع من فوك الهدوم تدور الاتي
سوفت لو لا؟ اكو تندرنس لو لا؟
اذا الكومبلين بلبطن مثلا انسداد الامعاء وغيرها لا طبعا تكشف البطن وتفحص فحص كامل وتسمع الباول ساوند بلسماعه

4-الساقين
تكشفهم لازم وتشوفهم سمتريكال لو لا؟ وتفحص pitting edema

5-القدمين
تفحص pitting edema
مريض السكر تدور بين الاصابع وجعب الرجل ع السر او جروح
تفحص بابينسكي

6-فايتالز
بكيفك تفحص فايتلز بلبدايه بعدين الباقي او بلعكس
وانته وتحسب البلص تشوفه منتظم او لا ؟ الفوليوم كود لو لا؟ وبدربك تلزم الهاند وتشوف
زركه صفره ؟ sweaty ؟ كولد هوت؟ الاظافر نورمال لو بيهن شي؟

هذني النقاط فحص universal لكل بيشنت يدخل الطوارئ عندك حته لو جان كيس سلي مثل gastroenteritis
طبعا اكو بعد فحوصات مثل الmeningeal signs و تندرنس و ريباوند تندرنس وغيرهااا بس ذني نكدر نكول عليهن case-specific

عادي تشوفها هسه طويله وتاخذ وقت بس بلتمرين والخبره تصير تسويهن بنص دقيقه..لا وتفحص وتاخذ هستري بنفس الوقت ☺
وهماتين عادي بلبدايه تنسى فقره او اكثر من الفحص..وانته دا تفحص غير مريض تتذكر انو مسويت فلان شغله للمريض القبله...لا تتعااااااجز ارجع وسوي الي نسيته لحد ما ياخذ عقلك وايدك ع الشغله وبعد متنسى

#اوفرلاب
#كارت_طوارئ
1.قانونيا.. كل مريض يدخل الطوارئ لازم ينفتحله كارت طوارئ لكن نفتح الكارت للمريض التعبان و الي يحتاج مراقبة كجزء مهم من حمايتك لنفسك كطبيب، انت مطالب بيه لو بعد سنوات هم يطلعوه اذا احتاجوه محد راح يحاسبك بشي اذا مادي واجبك القانوني.. لكن تقوم القيامة عليك اذا مريض مستحق و انت ما فاتحله.
2.الي ينكتب ع الكارت هو الي بالصورة و المريض الي يحتاج تقرير طبي عدلي اولي هم تكتبه.
3.حاول دائما تعنون الكارت (باطنية، جراحة، اطفال، كسور.....) يسهل عليك فرزها من يجيك المقيم الاقدم
4.تذكر انو انت مو صاحب القرار الاخير انت فقط خط الصد الأول يعني اهم شي تچيك Vitally ... وراك مقيم اقدم و أخصائي.. فلا تصير خواف و لا تصير سبع البرمبع و تلعب بكيفك.
5.المريض من يدخل حاول تاخذ منه هستري سريع و تجيكه و تملي الكارت وراها انطي خبر مو بعده توه كعد ع السدية شلت تلفونك و خابرت. أما إذا شغلات سوبراميرجنسي فلا اني اكلك راسا خابر مثلا Tension Pneumothorax و غيرها
6.الكارت اما ينوت عليه المقيم الاقدم او الاخصائي و المريض بهاي الحالة اما يخرج او يدخل الردهه (ردهه عادية او انعاش) او المريض يخرج على مسؤوليته لازم هنا يبصم ع الكارت هو او ولي أمره... في حالة خروجه دون علمك.. اكتب خرج دون علم الطبيب او المريض غير موجود في الطوارئ الساعة كذا...
7.ووثق ما تفعل و افعل ما توثق............. تذكر انو توثق بالكارت كلشي مثلا مريض رفض علاج أو تداخل معين... تكتبه و إذا شي ضروري جدا مثلا DC تبصمه انو هو رفض او الرلتف... شوف عيني مو كل واحد وياه تعتبره رلتف يعني صديقه و جيرانهم و مدري منو لازم واحد من العائلة يفضل الاب بحالة الأطفال و الابن الأكبر بحالة كبار السن.
منقول من ( الدكتور أحمد سرتيل المجبلي)

#اوفرلاب
#ورقة_الاحالة
هاي اخر مواضيع ممكن تواجهها كاشياء جديدة عليك.حتى وراها ننزل واجبات المقيم الدوري. و نبلش كيسات بالقدر الي نكدر عليه.

طبعا حيل سهلة و ما يرادلها شي. بس هل هي واجبك؟🤔
ج/لا هي واجب الطبيب الاخصائي.

لكن انت راح يكلفوك بيها و راح تكتبها هواي خصوصا اذا المستشفى بيها نقص اختصاصات او انت تداوم بمستشفى بيرفري.

الصورة هي ورقة الإحالة تمليها باسم مستشفاك و اسم المستشفى المحال إليها المريض.
معلومات المريض
Presentation and duration : Cheif Compaint
شتخلي وياها بعد finding اول ما وصلك المريض
الحقل الاول

اما الحقل الثاني فهو حالة المريض و أعراضه عند الاحالة اي بعد التداخل
صح الترجمة بالورقة بيها خطأ بس الحقل الثاني هو حالة المريض بعد ال Primary action


Finding.... ثاني حقل
🧐 الي شفته بالفحص مثل ما وضحناها بكارت الطوارئ بعد التداخل العلاجي الاولي

Investigations..... Xray, CT, Urea, etc....
Primary Action.. 🦸‍♀️ الإجراء الاولي الي سويته
Fluids, Antibiotics, Analgesia 💉
و إذا اكو تداخل هم تكتبه chest tube مثلا
*ذني بالانكليزي كلهن

Cause of Referal
هذا بالعربي مثلا لعدم وجود أخصائي (......) في مستشفانا

جوه التاريخ و الساعة

الطبيب المعالج هو الاخصائي و ختمه لازم

واسطة النقل:
سيارة خاصة🚙🚕
إسعاف🚑
إسعاف +مسعف....او ممكن وياهم طبيب حسب الحالة و ظرفها 👨‍🔬👨‍⚕️

الاتصال المسبق يعني الطبيب الاخصائي عنده اتصال مع المستشفى المحال الكيس اله.

هاي تسوي منها 3 نسخ(تستخدم أوراق كاربونية) وحده للاسعاف و وحده للمريض و وحده تبقى بالمستشفى.

وراها تنطيها للطوارئ ينادون بيها للعمليات العامة 🚨 و من عدها للمستشفى الي تحيل الكيس الها.

و تذكر اذا حادث لازم ورقة شرطة ويه الإحالة.
و المريض لا يحال اذا كان Unstable Vitally.

منقول من (الدكتور أحمد سرتيل المجبلي)

سلام عليكم الله يساعدكم زملائنا الاعزاء حبيت اشارك وياكم ملف تور العناية المركزة الذي يتضمن معظم الاشياء المهمة والمطلوب متابعتها يوميا لمريض العناية بحيث نتجنب السهو والاشتباه
تطبع ورقة جديدة لكل مريض ويتم ملئ او تاشير الفراغات المذكورة واتخاذ الاجراء المطلوب حسب حاجة المريض
كل الشكر للزملاء الاعزاء طلاب بورد تخدير سنتر النجف على دورهم الكبير في تطوير هذه الورقة وعلى رأسهم د. حسنين احمد الجبوري فاينل تخدير
ان شاء الله تستفادون منها