نصيحة لوجه الله للأطباء مهما كان عمر المريض

Any patient complains from epigastric pain, please do
RBS for first discovered diabetes and ketosis
ECG for inferior wall myocardial infarction

اللهم قد بلّغت!

اجاوب؟😁

قناة احد الزملاء بيها discussion عن ECG تفيدكم 👏

اعطيكم امثلة ثانية تختبرون نفسكم بيها؟😁

الزملاء والزميلات دفعة ٢٠٢٤

مبارك تعيينكم وقرب مباشرتكم بإذن الله

حبيت بهذا البوست انصحكم بخصوص شغلات اغلب الاطباء مايهتمون بيها بس بعدين من يوكعون بمشكلة يعرفون اهميتها.

اولاً: الاداريات
الاطباء بشكل عام عدهم خلل من هالناحية ومو كل مستشفى حتعلمك الاداريات الصحيحة فلهذا حتى تكون على علم بحقوقك وواجباتك (الي الك والي عليك) والشغلات الي تخص ساعات العمل والامور التحقيقية فضروري تطلع على اهم ملفين:
أ- قانون الخدمة المدنية
ب- قانون انضباط موظفي الدولة

المصادر تلگوهن اهنا:
https://www.instagram.com/reel/DPMgXCSiL1g/?igsh=Y2JiazFxNXZyMTY3

ثانياً: الطوارئ
لازم تعرفون شغلة مهمة الا وهو انه دورك كطبيب مقيم دوري هو فقط الاجراءات الاساسية المنقذة للحياة ABCDE
بمعنى انه انته ميخصك تشخيص الحالة ابداً!
الي يخصك هو شلون تستقبل المريض؟ شنو العلاجات الاولية الي حتنطيه؟ شنو الفحوصات الاولية الي تدزه؟
بحيث تخلي حالة المريض تستقر
قبلما تبلغ الطبيب المقيم الاقدم الي حيكون مسؤول عن قرار ادخال او تخريج المريض.

المصادر تلكوهن اهنا:
https://www.instagram.com/reel/DP63Kv6iOw0/?igsh=MTNtZms0ZW1oZnl4NQ==

واتذكر بداية تعييني واحد من الزملاء الاكبر مني كلي جملة ابد ما انساها ودائماً انصح بي
(كطبيب ضروري تقوي نفسك مو بس علمياً! ولكن قانونيا هماتين بحيث تكون على دراية بحقوقك وواجباتك لان الطبيب نادراً ما يوكع بسبب علميته بس غالباً حيوكع بسبب جهله بالقانون الي مفروض قاريه)

قناة التليكرام تلگون بيها الملفات الخاصة بالطوارئ:
https://t.me/InternalMedicinebySomaa

كل الموفقية والنجاح الكم 💚
محبتي

د. اسماعيل فاضل
طالب دكتوراه في الطب الباطني

السلام عليكم زملائنا الكرام

بما أن المباشرة كلش قريبة واغلبكم نازل اوفرلاب

محتاجين شي ؟ عدكم ديفكت بموضوع معين ؟

شرح DKA كلش كلش مرتب ، د. فرند اختصاصي طب الطوارئ