🌍👑 የእመቤታችንን ዕርገት በብሔራዊ በዓልነት የሚያከብሩ የዓለማችን ሀገራት
✍️ ከመጋቤ ሐዲስ ዶክተር ሮዳስ ታደሰ
🌸 የቅድስት ድንግል ማርያም ዕረፍት፣ ትንሣኤና ዕርገት የአንድ ሀገር፣ የአንድ ቋንቋ ወይም የአንድ ባህል በዓል ብቻ አይደለም።

💥 "እነሆም ከዛሬ ጀምሮ ትውልድ ኹሉ ብፅዕት ይሉኛል" (ሉቃ 1፥48) ያለቸው ትውልደ ሴም፣ ትውልደ ካም፣ ትውልደ ያፌት በመላ የሚያመሰግናት የሕዝቦች ኹሉ እናት በመኾኗ
የዕርገቷ ክብረ በዓል ከአህጉር ወደ አህጉር፣ ከሕዝብ ወደ ሕዝብ፣ ከቋንቋ ወደ ቋንቋ ተሻግሮ የሚከበር ዓለም ዐቀፍ መንፈሳዊ በዓል ነው።

🌍 ከኹሉም የሚያስደንቀው ግን በብዙ ሀገራት ይህ በዓል በቤተ ክርስቲያን ውስጥ ብቻ የሚከበር መንፈሳዊ በዓል ሳይሆን፣ Assumption of Mary — የድንግል ማርያም ዕርገት በመባል መንግሥታዊ ዕውቅና ያለው የሕዝብ ዕረፍት ቀን መሆኑ ነው።

🌍 የእመቤታችንን ዕርገት በሕጋዊ የሕዝብ ዕረፍት የሚያከብሩ ሀገራት

🇦🇩 አንዶራ
የእመቤታችን ዕርገት በAugust 15 ሀገር አቀፍ የሕዝብ ዕረፍት ሆኖ ይከበራል።

🇦🇹 ኦስትሪያ
Assumption Day በሚል ስም August 15 በሕጋዊ የዕረፍት ቀንነት ይከበራል።

🇧🇪 ቤልጂየም
የድንግል ማርያም ዕርገት በሀገር አቀፍ ደረጃ የሕዝብ ዕረፍት ነው።

🇭🇷 ክሮኤሺያ
የእመቤታችን ዕርገት በሀገሪቱ ታላቅ የክርስቲያን በዓልና የሕዝብ ዕረፍት ነው።

🇨🇾 ቆጵሮስ
በኦርቶዶክሳዊ ትውፊት የእመቤታችን ዕረፍት በከፍተኛ ክብር ይከበራል፤ August 15 የሕዝብ ዕረፍት ነው።

🇫🇷 ፈረንሳይ
Assomption (ዕርገታ ለማርያም) በሚል ስም August 15 በመላ ሀገሪቱ የሕዝብ ዕረፍት ነው።

🇬🇷 ግሪክ ☦️
የእመቤታችን ዕረፍት ከታላላቅ መንፈሳዊ በዓላት አንዱ ነው። በብዙ ደሴቶችና ከተሞች ሕዝቡ በሥርዓተ አምልኮ፣ በሰልፍ፣ በዝማሬና በታላቅ ሕዝባዊ ጉባኤ ያከብረዋል።

🇮🇹 ጣሊያን
August 15 Ferragosto በሚለው የታወቀ ስም ይከበራል፤ የእመቤታችን ዕርገት የዕለቱ ዋና ሃይማኖታዊ በዓል ነው።

🇱🇹 ሊቱዌኒያ
የእመቤታችን ዕርገት August 15 የሕዝብ ዕረፍት ሆኖ ይከበራል።

🇱🇺 ሉክሰምበርግ
Assumption Day በሚል ስም የሀገር አቀፍ ዕረፍት ቀን ነው።

🇲🇹 ማልታ
የእመቤታችን ዕርገት እጅግ ታላቅ ሃይማኖታዊና ሕዝባዊ በዓል ሲሆን August 15 ሕጋዊ የዕረፍት ቀን ነው።

🇲🇨 ሞናኮ
Assumption of Mary በሚል ስም በሀገር አቀፍ ደረጃ ይከበራል።

🇵🇱 ፖላንድ
የድንግል ማርያም ዕርገት August 15 ታላቅ የሃይማኖት በዓልና የሕዝብ ዕረፍት ነው።

🇵🇹 ፖርቱጋል
የእመቤታችን ዕርገት በመላ ሀገሪቱ የሕዝብ ዕረፍት ሆኖ ይከበራል።

🇷🇴 ሮማኒያ ☦️
Adormirea Maicii Domnului “የእግዚአብሔር እናት ዕረፍት” በሚል ስም ይከበራል፤ ይህም ሕጋዊ የሕዝብ ዕረፍት ነው።

🇸🇲 ሳን ማሪኖ
የእመቤታችን ዕርገት August 15 ሀገር አቀፍ የሕዝብ ዕረፍት ነው።

🇸🇮 ስሎቬኒያ
Assumption of Mary (ዕርገታ ለማርያም) በሚል ስም በሀገር አቀፍ ደረጃ ይከበራል።

🇪🇸 ስፔን
August 15 የእመቤታችን ዕርገት በብዙ ከተሞች በሃይማኖታዊ ሰልፍና በታላቅ ክብር ይከበራል፤ ሀገር አቀፍ የሕዝብ ዕረፍትም ነው።

🇻🇦 ቫቲካን
የድንግል ማርያም ዕርገት ከታላላቅ የድንግል ማርያም በዓላት አንዱ ሆኖ በታላቅ ሥርዓት ይከበራል።

🇱🇧 ሊባኖስ
ብዙ ሃይማኖቶች የሚኖሩባት ሀገር ቢሆንም፣ የድንግል ማርያም ዕርገት ሕጋዊ የሕዝብ ዕረፍት ነው። ይህም የእመቤታችን ክብር ከአንድ ሃይማኖታዊ ማኅበረሰብ በላይ የማኅበራዊ ስፋት እንዳለው ያሳያል።

🇨🇱 ቺሊ
በላቲን አሜሪካ የእመቤታችንን ዕርገት August 15 በሕጋዊ የሕዝብ ዕረፍት ደረጃ ከሚያከብሩ ሀገራት አንዷ ናት።

🌍 በአፍሪካ የሚያከብሩ ሀገራት

🇧🇯 ቤኒን
የእመቤታችን ዕርገት August 15 ሕጋዊ የሕዝብ ዕረፍት ነው።

🇧🇫 ቡርኪና ፋሶ
የዕርገት በዓል በመንግሥት ዕውቅና ያለው የሕዝብ ዕረፍት ነው።

🇧🇮 ቡሩንዲ
August 15 የእመቤታችን ዕርገት በሕጋዊ የዕረፍት ቀንነት ይከበራል።

🇨🇲 ካሜሩን
Assumption Day በሚል ስም ሀገር አቀፍ የሕዝብ ዕረፍት ነው።

🇨🇫 ማዕከላዊ አፍሪካ ሪፐብሊክ
የእመቤታችን ዕርገት በሀገሪቱ ሕጋዊ የሕዝብ ዕረፍት ነው።

🇨🇮 ኮትዲቯር
August 15 የእመቤታችን ዕርገት በሕዝባዊ ዕረፍት ደረጃ ይከበራል።

🇬🇦 ጋቦን
የዕርገት በዓል መንግሥታዊ ዕውቅና ያለው የሕዝብ ዕረፍት ነው።

🇬🇳 ጊኒ
August 15 የእመቤታችን ዕርገት ሕጋዊ የዕረፍት ቀን ነው።

🇲🇬 ማዳጋስካር
የድንግል ማርያም ዕርገት በሀገር አቀፍ ደረጃ ይከበራል።

🇲🇺 ሞሪሸስ
የእመቤታችን ዕርገት በሕጋዊ የሕዝብ ዕረፍት ደረጃ ይከበራል።

🇷🇼 ሩዋንዳ
August 15 የእመቤታችን ዕርገት ሕጋዊ የሕዝብ ዕረፍት ነው።

🇸🇳 ሴኔጋል
ብዙዎቹ ሕዝቦቿ ሙስሊም ቢሆኑም የእመቤታችን ዕርገት የሕዝብ ዕረፍት ቀን ሆኖ ይከበራል።

🇸🇨 ሲሸልስ
የእመቤታችን ዕርገት August 15 ሕጋዊ የሕዝብ ዕረፍት ነው።

🇹🇬 ቶጎ
Assumption Day በሚል ስም ሀገር አቀፍ የሕዝብ ዕረፍት ሆኖ ይከበራል።

✨ እነዚህ ሀገራት በቋንቋ፣ በባህል፣ በአህጉር፣ በታሪክና በማኅበራዊ አወቃቀር የተለያዩ ቢሆኑም፣ በአንድ ዕለት የአምላክን እናት ዕርገት ክብር በማሰብ ይገናኛሉ።

🌹 በአውሮፓ ትከበራለች፤
🌍 በአፍሪካ ትከበራለች፤
🌎 በላቲን አሜሪካ ትከበራለች፤
🌏 በመካከለኛው ምሥራቅም ትከበራለች።

👑🌹 የንጉሡ የክርስቶስ እናት በዕርገቷ በሰማይ ባሉ መላእክት እንደተመሰገነች ስሟም በምድር ላይ በብዙ ሕዝቦች ይመሰገናል።

🌸 ኢትዮጵያ ሀገራችንም የእመቤታችንን ክብር በጥልቅ መንፈሳዊ ትውፊት ከጠበቁ ጥንታዊ ክርስቲያናዊ ሀገራት አንዷ ናት።
☦️ ጾመ ፍልሰታ ከነሐሴ 1 እስከ 16 ድረስ በጾም፣ በጸሎት፣ በቅዳሴ፣ በሰዓታት፣ በስብሐተ ነግህ፣ በውዳሴና ቅዳሴ ማርያም ትርጓሜ በማሕሌት፣ በምስጋና ይከበራል።

💥 እመቤታችን ለኢትዮጵያውያን በበዓል ቀን ብቻ የምትታሰብ እናት አይደለችም። ስሟ በየዕለቱ በቅዳሴ፣ በውዳሴ፣ በማሕሌት፣ በሰዓታት፣ ይዘከራል።

💐 ይኹን እንጂ የፍልሰታ በዓል በኢትዮጵያ የፌዴራል ሕጋዊ የሕዝብ ዕረፍት አይደለም። ይህም ከሌሎች ሀገራት ጋር ሲነጻጸር ለ60 ሚሊየን አማኞቿ በእጅጉ ያሳዝናል።

🌸 ቅዱስ ሲኖዶስም ይኽ በበዙ ሀገራት በብሔራዊ በዓልነት የሚከበረውን የእመቤታችንን ዕርገት ከሚመለከታቸው የመንግሥት የሥራ ኃላፊዎች ጋር በመመካከር የቅድስት ድንግል ማርያም በዓለ ዕርገቷን በብሔራዊ በዓል ደረጃ እንድናከብር እንዲያደርግ በታላቅ አክብሮት እጠይቃለሁ።

💐 በአስተያየት መስጫው ላይ እናንተም ጥያቄያችሁን አቅርቡ።

https://t.me/+xN518gdGKvswNzE0

💥 መጋቤ ሐዲስ ዶክተር ሮዳስ ታደሰ
(ነሐሴ 15/ 2018 ዓ.ም.)

🌕🌑 በዓመቱ የ2018 ዓ.ም. የመጨረሻዋ ሙሉ ጨረቃ የሚታይ ከፊል የጨረቃ ግርዶሽ በኢትዮጵያ
ከመጋቤ ሐዲስ ዶክተር ሮዳስ ታደሰ
🔭 ሳይንሳዊ፣ 📖 መጽሐፍ ቅዱሳዊና 🇪🇹 የኢትዮጵያ ሥነ ፈለክ እይታዬ

💥 ባለፈው ዓመት 2017 ዓ.ም. በኢትዮጵያ የዓመቱ መጨረሻ የመጨረሻዋ ሙሉ ጨረቃ ጳጉሜን 2 ከምሽቱ 2 ሰዓት ሙሉ የጨረታ ግርዶሽ በአድናቆት አይተናል።

🌓 በዚህም 2018 ዓ.ም በድጋሚ የነሐሴ 22 ማለዳ (ሊነጋጋ) በ2018 ዓ.ም. የመጨረሻዋ ሙሉ ጨረቃ ዕለት ከፊል የጨረቃ ግርዶሽ (Partial Lunar Eclipse) ይታያል።

በተለይ ይህ ግርዶሽ የሚያስደንቀው በከፍተኛው ደረጃ ጨረቃዋ ሙሉ በሙሉ ሳትጋረድ እስከ 96% ገደማ የሚሆነው ክፍሏ በምድር ዋና ጥላ ውስጥ መግባቱ ነው።
🌓 ለአንባብያን በተራ ቁጥር ጥቂት ለመጻፍ ያህል:-

🌍 1. የጨረቃ ግርዶሽ ምንድን ነው?

☀️ ፀሐይ 🌍 ምድር 🌕 ጨረቃ

በአንድሮሜዳ መጽሐፍ ላይ በስፋት እንደተጻፈው የጨረቃ ግርዶሽ የሚፈጠረው ምድር በፀሐይና በጨረቃ መካከል ስትገባ ነው።

ፀሐይ ብርሃኗን ወደ ጨረቃ ትልካለች፤ ነገር ግን ምድር በመካከል ስትገባ የምድር ጥላዋ በጨረቃ ላይ ያርፋል።

🌑 የምድር ጥላ ኹለት ዋና ክፍሎች አሉት፦

🔸 Penumbral Shadow ደብዛዛው የውጭ ጥላ
🔸 Umbral Shadow ጥቁሩና ዋናው ጥላ

ጨረቃ ከፊል ክፍሏን ወደ Umbra ስታስገባ Partial Lunar Eclipse ከፊል የጨረቃ ግርዶሽ ይባላል።

ስለዚኽ በስፋት ለማወቅ የኢትዮጵያ የከዋክብት ሊቃውንት የተራቀቁበትን "ትርጓሜ ሚጠተ ብርሃናት ዘሔኖክ" መጽሐፍ አንብቡ።

🇪🇹 2. የዚህ ግርዶሽ መጀመሪያውን ከኢትዮጵያም ማየት ይቻላል።

🌘 ዛሬ ሊነጋጋ በኢትዮጵያ ሰዓት ሌሊት 10:23 ወይም በፈረንጆች 4:23 አካባቢ Penumbral ግርዶሽ ይጀምራል።

🌑 ሊነጋጋ 11:33 ወይም (5:3 አካባቢ የሚታየው ከፊል ግርዶሽ ይጀምራል።

🌅 12:17 ጠዋት (6:17) ጠዋት አካባቢ ጨረቃ በአዲስ አበባ ትጠልቃለች።

ስለዚህ በኢትዮጵያ የምናየው የግርዶሹን መጀመሪያ ክፍል ብቻ ነው፤ የግርዶሹ ዓለም ዐቀፍ ከፍተኛ ደረጃ ሲደርስ ጨረቃዋ በአዲስ አበባ ከአድማስ በታች ትሆናለች።

👁️ የሚመከረው የመመልከቻ አቅጣጫ፦ ምዕራብ ደቡብ ምዕራብ

⛰️ ሕንፃና ተራራ ያልጋረደው የምዕራብ አድማስ ያለው ከፍ ያለ ቦታ የተሻለ ነው።

🌑 ይህ ግርዶሽ ሙሉ የጨረቃ ግርዶሽ (Total Lunar Eclipse) አይደለም።

ነገር ግን ጨረቃዋ በጣም ጥልቅ ምድር ጥላ ስለምትገባ፣ በከፍተኛው ደረጃ 96% ገደማ የሚሆነው የጨረቃ ዲስክ በምድር ዋና ጥላ ውስጥ ይሆናል።

🌕➡️🌖➡️🌗➡️🌘

በመሆኑም በዓይን ሲታይ ወደ ሙሉ ግርዶሽ በጣም የቀረበ ይመስላል።

🔴 4. “የደም ጨረቃ” ለምን ትባላለች?

በጨረቃ ግርዶሽ ጊዜ ጨረቃ አንዳንድ ጊዜ ቀይ፣ መዳብማ ወይም ብርቱካናማ መልክ ልትይዝ ትችላለች።

ይህ የሚፈጠረው ብርሃን በምድር ከባቢ አየር ሲያልፍ ነው።

🌍 የምድር ከባቢ አየር አጭር ሞገድ ያለውን ሰማያዊ ብርሃን በብዛት ይበትናል፤ ቀይና ብርቱካናማ ብርሃን ግን ወደ ምድር ጥላ ውስጥ ተጣምሞ ሊደርስ ይችላል።

ይህ በሳይንስ Rayleigh scattering ከሚባለው የብርሃን መበተን ጋር የተያያዘ ነው።

🌅 ፀሐይ ስትጠልቅ ሰማዩ ቀይ የሚመስለውና በጨረቃ ግርዶሽ ጨረቃ ቀይ የምትመስለው ተዛማጅ የብርሃን ሂደት ነው።

📖 5. ጨረቃ፣ ፀሐይና ከዋክብት በመጽሐፍ ቅዱስ

መጽሐፍ ቅዱስ ፀሐይን፣ ጨረቃንና ከዋክብትን በተደጋጋሚ ይጠቅሳል።

«“እግዚአብሔርም ሁለት ታላላቅ ብርሃናትን አደረገ፤ ታላቁን ብርሃን ቀንን እንዲገዛ፥ ታናሹንም ብርሃን ሌሊትን እንዲገዛ።”
✠ ዘፍጥረት 1፥16»

እንዲሁም፦

«“ለምልክቶችና ለዘመናት፥ ለዕለታትና ለዓመታትም ይሁኑ።”
✠ ዘፍጥረት 1፥14»

ይህ ክፍል የሰማይ ብርሃናት ቀን፣ ዘመንና ዓመትን ለመለየት እንደሚያገለግሉ ያሳያል።

🌕 6. “ጨረቃ ወደ ደም እንደምትለወጥ”

በነቢዩ ኢዩኤል፦

«“ፀሐይ ወደ ጨለማ፥ ጨረቃም ወደ ደም ትለወጣለች፥ ታላቁና የሚያስፈራው የእግዚአብሔር ቀን ሳይመጣ።”
✠ ኢዩኤል 2፥31»

ይህንኑ ቃል ቅዱስ ጴጥሮስ በሐዋርያት ሥራ ይጠቅሳል፦

«“ፀሐይ ወደ ጨለማ፥ ጨረቃም ወደ ደም ትለወጣለች።”
✠ ሐዋርያት ሥራ 2፥20»

⚠️ ነገር ግን አንባብያን በእዚህ ላይ ጥንቃቄ ያስፈልጋል።

እያንዳንዱን የጨረቃ ግርዶሽ “ይህ የኢዩኤል ትንቢት ፍጻሜ ነው” ብሎ መወሰን አይገባም።

መጽሐፍ ቅዱስ እነዚህን ምስሎች በትንቢታዊና በፍጻሜያዊ ዐውድ ይጠቀምባቸዋል፤ የጨረቃ ግርዶሽ ደግሞ በሥነ ፈለክ ሕግ ሊሰላና አስቀድሞ ሊታወቅ የሚችል የተፈጥሮ ክስተት ነው።

✨ 7. ሰማያት የፈጣሪን ሥራ ይናገራሉና ግርዶሽን መመልከት ፍርሃት ብቻ የሚፈጥር ነገር መሆን የለበትም። የፍጥረትን ሥርዓትና ድንቅነት ለማሰብም ዕድል ነው።

«“ሰማያት የእግዚአብሔርን ክብር ይናገራሉ፤ ጠፈርም የእጆቹን ሥራ ያወራል።”
✠ መዝሙር 19፥1»

☀️ ፀሐይ
🌍 ምድር
🌕 ጨረቃ

በተወሰነ ሥርዓት መጓዛቸው የሰማይ አካላት እንቅስቃሴ በሕግና በሥርዓት መሆኑን ያሳያል።

🇪🇹 8. ጨረቃና የኢትዮጵያ የዘመን የሥነ ፈለክ እውቀት

ኢትዮጵያ ከጥንት ጀምሮ ከፀሐይ፣ ከጨረቃ፣ ከከዋክብትና ከዘመን አቆጣጠር ጋር የተያያዘ ረጅም ታሪክና ዕውቀትና ሀብት አላት። ከ88ቱ ሕብራተ ከዋክብት ውስጥ እንደ ሀገር ለ3 ጊዜያት የተጠቀሰችው ኢትዮጵያ ብቻ ናትተ

በቤተ ክርስቲያንም የበዓላት አቆጣጠር፣ በፀሐይም በጨረቃም ይለካሉና የባሕረ ሐሳብ ስሌት ትልቅ ቦታ አለው።

ስለዚህ የሰማይ አካላትን መመልከት ለአባቶቻችን የማይታወቅ ነገር አልነበረም፤ ዘመንን ለመለየት፣ ወራትን ለማስላትና የበዓላትን ጊዜ ለመወሰን የሥነ ፈለክ ምልከታና ስሌት ከዘመን አቆጣጠር ጋር ተያይዞ ኖሯል። እጅግ የብዙ ብዙ የአስትሮኖሚ መጻሕፍት ጽፈውልናል። በመኾኑም ትውልዱ ይህንን ሀብቱን በሚገባ መጠበቅ ይገባዋል።

🌓 ሳይንስ በዘመናችን በብዙ የተራቀቁ መሣሪያዎች ታግዞ የሚነግረንን ግርዶሽ ቀደምቶቹ ኢትዮጵያውያን ተራቀውበት መርምረውት ጽፈውበት ኖረዋል።

👁️ 9. ግርዶሹን እንዴት እንመልከት? ለሚለው
🌑 ከፊል የጨረቃ ግርዶሽ በዓይን ማየት ደህንነቱ የተጠበቀ ነው።

☀️ የፀሐይ ግርዶሽ እንደሚያስፈልገው ልዩ eclipse glasses አያስፈልግም።

🔭 Binoculars ወይም Telescope ካለ የምድር ጥላ በጨረቃዋ ላይ ሲገባ በተሻለ ሁኔታ ለመመልከት ይረዳል።

📷 ፎቶ ለማንሳትም ከ11:30 ጠዋት በኋላ ጨረቃዋ ወደ ምዕራብ አድማስ በጣም ዝቅ ስለምትል ከፍ ያለና አድማሱ ክፍት የሆነ ቦታ ይመረጥ።

🌕🌑 10. በጨረቃ ግርዶሽ ጊዜ የምናየው በጨረቃ ላይ የወደቀውን የምድራችንን ጥላ ነው።

🌍➡️🌑

ስለዚህ ነሐሴ 22 ሊነጋጋ ሲል ማለዳ ወደ ጨረቃ ስንመለከት፣ በሌላ የሰማይ አካል ላይ የራሳችንን ዓለም ጥላ እያየን ነው።

በመጨረሻም 🌕 ነሐሴ 22 ቀን 2018 ዓ.ም.
🌑 August 28, 2026
🇪🇹 ኢትዮጵያ — አዲስ አበባ
ማለዳ ደመና ከሌለ ወደ ምዕራብ ሰማይ ተመልከቱ።

የምድር ጥላ በጨረቃ ላይ ሲገባ፣ የሰማይ አካላትን ሥርዓት ያስረዳናል፤ እምነት ደግሞ ፍጥረትን በድንቅነትና በምስጋና እንድናይ ይጋብዘናል።

«“ሰማያት የእግዚአብሔርን ክብር ይናገራሉ፤ ጠፈርም የእጆቹን ሥራ ያወራል።”
✠ መዝሙር 19፥1»

🌌 ✦ 🌕 ✦ 🌍 ✦ ☀️ ✦ 🌑 ✦ 🌌
🌸ከመጋቤ ሐዲስ ዶክተር ሮዳስ ታደሰ

ያስገረመኝ ግርዶሹ በሑት ♓ Pisces = 12ኛው የዞዲያክ ምልክት ነው፤ ግርዶሹም በኢትዮጵያ የተከሰተው በ12ኛው ወር — ነሐሴ ውስጥ ነው። ውሃ፣ ስሜት፣ ሕልም፣ ውስጣዊ እውቀት (intuition)፣ ርኅራኄ፣ መንፈሳዊነት፣ መልቀቅና የአንድ ዑደት ፍጻሜ ጋር ይያያዛል። ስለዚኽ በተለያየ ቦታ ከውሃ መድረቅ ወይም ከውሃ መጥለቅለቅ ጋርም ሊያያዝ ይችላል።

🌍 በቅዱስ ሩፋኤል ስም የተሰየሙ 37 ከተሞች፣ ወንዞች
✍️ በመጋቤ ሐዲስ ዶክተር ሮዳስ ታደሰ
በዓሉን በደመቀ መልኩ ጳጉሜን 3 በኢትዮጵያ ኦርቶዶክስ ተዋሕዶ ቤተ ክርስቲያን የምናከብረው የስሙ ፍቺ “ፈውሰ እግዚአብሔር” የተባለው የፈውስ መልአክ፣ የመንገደኞች ጠባቂ፣ የጋብቻ መልአክ የቅዱስ ሩፋኤል ዐለም ዐቀፍ ክብሩን በጥቂቱ በበዓሉ ዕለት አስነብባችኋለሁ፡፡

1. 🇫🇷 ቅዱስ ሩፋኤል (Saint-Raphaël) — ፈረንሳይ፤ በቫር ግዛት የሚገኝ ከተማ። የከተማዋ ይፋዊ ታሪክ ስሟን ከሊቀ መልአኩ ሩፋኤል ጋር ያያይዛል፤ በአርማዋም ቅዱስ ሩፋኤልና ጦቢያ ይታያሉ።

2. 🇺🇸 ቅዱስ ሩፋኤል (San Rafael) — ካሊፎርኒያ፣ አሜሪካ፤ ከተማዋ በ1817 ስትመሠረት ቅዱስ ሩፋኤል ሕሙማንን የሚፈውስ መልአክ መኾኑን በማሰብ ከተማው በስሙ ይጠራል።

3. 🇵🇭 ቅዱስ ሩፋኤል (San Rafael) — ቡላካን፣ ፊሊፒንስ፤ የማዘጋጃ ቤቱ ይፋዊ ታሪክ ለቅዱስ ሩፋኤል ክብር ስሙን እንደሰጡት ያረጋግጣል።

4. 🇵🇭 ቅዱስ ሩፋኤል (San Rafael) የመልአክ በዓል ከተማ — ቡላካን፤ ይህችው ከተማ በየዓመቱ የመላእክት በዓል በቅዱስ ሩፋኤል ክብር ታከብራለች።

5. 🇨🇷 ቅዱስ ሩፋኤል (San Rafael) — ሄሬዲያ፣ ኮስታ ሪካ፤ በ1818 በቅዱሳን ስሞች ዕጣ የአካባቢዎች ስም ሲመረጥ የቅዱስ ሩፋኤል ስም ደረሰው። ይህን የማዘጋጃ ቤቱ ይፋዊ ታሪክ ያረጋግጣል።

6. 🇨🇷 ቅዱስ ሩፋኤል (San Rafael) — ቫዝኬዝ ዴ ኮሮናዶ፣ ኮስታ ሪካ፤ የዲስትሪክቱ ስም ለሊቀ መልአኩ ሩፋኤል ክብር እንደተሰጠ ተመዝግቧል።

7. 🇨🇷 ቅዱስ ሩፋኤል አሪባ (San Rafael Arriba) — ዴሳምፓራዶስ፣ ኮስታ ሪካ፤ የአካባቢው መለያ ስም ከሩፋኤል ጋር በጥብቅ የተያያዘ ሲሆን ሊቀ መልአኩ የአካባቢው ጠባቂ ነው።

8. 🇨🇴 ቅዱስ ሩፋኤል (San Rafael) — አንቲዮኪያ፣ ኮሎምቢያ፤ በ1871 ስሙ ሲሰጥ መሥራቾቹ ሩፋኤል ሊቀ መልአክ “ሐኪማቸውና መሪያቸው” እንዲኾን ባላቸው እምነት እንደነበር ታሪኩ ይመዘግባል።

9. 🇵🇪 ቅዱስ ሩፋኤል (San Rafael) — አምቦ፣ ሁዋኑኮ፣ ፔሩ፤ የማዘጋጃ ቤቱ የ2023 ዓመታዊ ሰነድ በግልጽ፣ “ራፋኤል” የሚለው ስም ከሊቀ መልአኩ ሩፋኤል እንደመጣ ይገልጻል።

10. 🇪🇨 ቅዱስ ሩፋኤል (San Rafael) — ካርቺ፣ ኢኳዶር፤ የክልሉ ይፋዊ የቱሪዝም መረጃ፣ “የቅዱስ ሩፋኤል (San Rafael) ስም ለሊቀ መልአኩ ሩፋኤል ክብር ተሰጠ” ብሎ ይገልጻል።

11. 🇬🇹 ቅዱስ ሩፋኤል ፔትሳል (San Rafael Pétzal) — ሁዌዌቴናንጎ፣ ጓቲማላ፤ “ቅዱስ ሩፋኤል (San Rafael)” የሚለው የስሙ ክፍል ለሩፋኤል ሊቀ መልአክ ክብር የተሰጠ ነው።

12. 🇳🇮 ቅዱስ ሩፋኤል ዴል ኖርቴ (San Rafael del Norte) — ኒካራጓ፤ “የሰሜኑ ቅዱስ ሩፋኤል” ማለት ነው። ሩፋኤል ሊቀ መልአክ የከተማው ጠባቂ ሲሆን የእርሱ በዓል በይፋ ይከበራል።

13. 🇳🇮 ቅዱስ ሩፋኤል ዴል ሱር (San Rafael del Sur) — ኒካራጓ፤ “የደቡቡ ቅዱስ ሩፋኤል” ማለት ነው። የኒካራጓ መንግሥታዊ የባህል መረጃ ሩፋኤል ሊቀ መልአክ የማዘጋጃ ቤቱ ጠባቂ መሆኑን ያረጋግጣል።

14. 🇨🇱 ቅዱስ ሩፋኤል ዴ ሮሳስ (San Rafael de Rozas) — ቺሊ፤ የዛሬዋ ኢያፔል ከተማ ታሪካዊ ስም ሲሆን የቅዱስ ሩፋኤል ስም በከተማዋ ታሪክና ምልክት ውስጥ ቀርቷል።

15. 🇫🇷 የቅዱስ ሩፋኤል (Saint-Raphaël) ከተማ አርማ — ፈረንሳይ፤ ይህ ቦታ ብቻ አይደለም፤ የከተማዋ ይፋዊ አርማ ሩፋኤል ሊቀ መልአክን ከጦቢያ ጋር ያሳያል። ይህ እጅግ ጠንካራ የሕዝብ ክብር ምስክር ነው።

16. 🇺🇸 የቅዱስ ሩፋኤል ተራሮች (San Rafael Mountains) — ካሊፎርኒያ፣ አሜሪካ፤ የተራራ ሰንሰለት ሲሆን ጥንታዊ የካሊፎርኒያ የቦታ ስሞች ጥናት ከ“ቅዱስ ሩፋኤል ሊቀ መልአክ” ጋር ያያይዘዋል።

17. 🇺🇸 የቅዱስ ሩፋኤል ወንዝ (San Rafael River) — ዩታ፣ አሜሪካ፤ በዩታ የሚፈስ ወንዝ፤ የ“ቅዱስ ሩፋኤል ወንዝ (San Rafael)” ተብሎ ይጠራል።

18. 🇺🇸 የቅዱስ ሩፋኤል ስዌል (San Rafael Swell) — ዩታ፣ አሜሪካ፤ ትልቅ የጂኦሎጂ ከፍታና የድንጋይ አወቃቀር ነው። የዩታ ጂኦሎጂ ተቋምም “ቅዱስ ሩፋኤል ስዌል (San Rafael Swell)” በሚል ይመዘግበዋል።

19. 🇺🇸 የቅዱስ ሩፋኤል ሪፍ (San Rafael Reef) — ዩታ፣ አሜሪካ፤ በቅዱስ ሩፋኤል ስዌል (San Rafael Swell) ምሥራቃዊ ጠርዝ የሚገኝ ረጅም የድንጋይ አወቃቀር በስሙ ይጠራል።

20. 🇺🇸 የቅዱስ ሩፋኤል በረሃ (San Rafael Desert) — ዩታ፣ አሜሪካ፤ የቅዱስ ሩፋኤል ወንዝ (San Rafael River) እና ስዌል አካባቢ ያለ በረሃዊ ክልል ይገኛል።

21. 🇺🇸 የቅዱስ ሩፋኤል ግሩፕ (San Rafael Group) — ዩታና የአሜሪካ ደቡብ ምዕራብ፤ የቦታ ስሙ እስከ ጂኦሎጂያዊ የድንጋይ ንብርብር ሳይንሳዊ ስም ድረስ ገብቷል።

22. 🇵🇭 የቅዱስ ሩፋኤል ወንዝ አካባቢ (San Rafael River) — ቡላካን፣ ፊሊፒንስ፤ የከተማው የሩፋኤል በዓል የውሃ ሰልፍ በዚህ የወንዝ አካባቢ እንደሚከናወን የማዘጋጃ ቤቱ ይገልጻል።

23. 🇵🇭 የቅዱስ ሩፋኤል ደሴት (San Rafael Island) — ኩዌዞን፣ ፊሊፒንስ፤ በጂኦግራፊ መዝገቦች በ“ቅዱስ ሩፋኤል (San Rafael)” ስም የተመዘገበ ደሴት ነው።

24. 🇨🇴 የቅዱስ ሩፋኤል ደሴት (San Rafael Island) — ቦሊቫር፣ ኮሎምቢያ፤ “ቅዱስ ሩፋኤል (San Rafael)” በሚል የተመዘገበ ደሴት ነው።

25. 🇧🇷 ቅዱስ ሩፋኤል (São Rafael) — ሪዮ ግራንዴ ዶ ኖርቴ፣ ብራዚል፤ ዛሬ በይፋ የተመዘገበ ማዘጋጃ ቤት ነው።

26. 🇧🇷 ቅዱስ ሩፋኤል (São Rafael) — ሳኦ ፓውሎ፣ ብራዚል፤ በሳኦ ፓውሎ ከተማ ውስጥ የሚገኝ ዲስትሪክት ነው።

27. 🇧🇷 ቅዱስ ሩፋኤል (São Rafael) — ሳልቫዶር፣ ብራዚል፤ “ቅዱስ ሩፋኤል (São Rafael)” የሚባል የከተማ አካባቢ አለ።

28. 🇻🇪 ቅዱስ ሩፋኤል ዴል ሞሃን (San Rafael del Moján) ቬንዙዌላ፤ በዙሊያ ግዛት ያለ ከተማ፤ ሩፋኤል ሊቀ መልአክ በአካባቢው ታሪካዊ ክርስቲያናዊ ስያሜ ውስጥ ይታያል።

29. 🇻🇪 ቅዱስ ሩፋኤል ዴ ኦሪቱኮ (San Rafael de Orituco) — ቬንዙዌላ፤ በጓሪኮ ክልል የሚገኝ ከተማ።

30. 🇲🇽 ቅዱስ ሩፋኤል (San Rafael) — ሜክሲኮ፤ “ቅዱስ ሩፋኤል (San Rafael)” የሚባሉ በርካታ ከተሞችና ሰፈሮች አሉ።

31. 🇧🇴 ቅዱስ ሩፋኤል (San Rafael) — ቦሊቪያ፤ በተለይ በሳንታ ክሩዝ ክልል የ“ቅዱስ ሩፋኤል (San Rafael)” ስም ያላቸው ሰፈሮችና አካባቢዎች አሉ።

32. 🇦🇷 ቅዱስ ሩፋኤል (San Rafael) — መንዶዛ፣ አርጀንቲና፤ ትልቅ ከተማና ዲፓርትመንት። የሩፋኤል ስም በከተማዋ ሃይማኖታዊና የሀገረ ስብከት ሕይወት በጥልቅ የተቀመጠ ነው።

33. 🇵🇪 የቅዱስ ሩፋኤል ዲስትሪክት (San Rafael District) — ፔሩ፤ ይፋዊ የፔሩ መንግሥት ሰነድ ራሱ የዲስትሪክቱን ስም በቀጥታ ከሩፋኤል ሊቀ መልአክ ጋር ያያይዛል።

34. 🇪🇨 የቅዱስ ሩፋኤል ፓሪሽ (San Rafael Parish) — ኢኳዶር፤ ይፋዊ የአካባቢው መረጃ ስሙ በሊቀ መልአኩ ክብር መሰጠቱን በቀጥታ ያረጋግጣል።

35. 🇬🇹 የቅዱስ ሩፋኤል ፔትሳል ማዘጋጃ ቤት (San Rafael Pétzal) — ጓቲማላ፤ አጠቃላይ የማዘጋጃ ቤቱ ስም የሊቀ መልአኩን ስም ይይዛል።

36. 🇳🇮 የቅዱስ ሩፋኤል ዴል ኖርቴ ማዘጋጃ ቤት (San Rafael del Norte) — ኒካራጓ፤ ቅዱስ ሩፋኤል በይፋ የከተማዋ ጠባቂ ነው።

37. 🇳🇮 የቅዱስ ሩፋኤል ዴል ሱር ማዘጋጃ ቤት (San Rafael del Sur) — ኒካራጓ፤ ቅዱስ ሩፋኤል ዋና የአካባቢው ጠባቂ መሆኑ በመንግሥታዊ የባህል ምንጭ ተመዝግቧል።

✨ ከጥናቱ የሚታየው

❤ የቅዱስ ሩፋኤል ስም ከከተማ አልፎ ለማዘጋጃ ቤት፣ ዲስትሪክት፣ ወንዝ፣ ተራራ፣ በረሃ፣ የድንጋይ ሰንሰለት፣ ደሴት፣ የጂኦሎጂ ንብርብር እና የከተማ አርማ ድረስ ደርሷል።

በተለይ በሰሜን አሜሪካ USA 🇺🇸 ዩታ ውስጥ የቅዱስ ሩፋኤል ወንዝ (San Rafael River)
→ የቅዱስ ሩፋኤል ስዌል (San Rafael Swell)
→ የቅዱስ ሩፋኤል ሪፍ (San Rafael Reef)
→ የቅዱስ ሩፋኤል በረሃ (San Rafael Desert) → የቅዱስ ሩፋኤል ግሩፕ (San Rafael Group) ተብሎ አንድ ስም በጂኦግራፊና በጂኦሎጂ ውስጥ መስፋፋቱ ልዩ ነው።

ከሁሉ አስገራሚው ግን 🇫🇷 ቅዱስ ሩፋኤል (Saint-Raphaël) በፈረንሳይ ያለው ክብሩ ነው፤ ስሙ ብቻ ሳይሆን በከተማዋ አርማ ላይ ሩፋኤል ሊቀ መልአክ ከጦቢያ ጋር ጦቢያ ዓሣ ይዞ በይፋ ተሥሏል።

❤ በሀገራችን በኢትዮጵያ በስሙ የተሰየሙ በጣም ጥቂት አብያተ ክርስቲያናት እንጂ በስሙ የተጠሩ ተራራዎች፣ ወንዞች፣ ሀገሮች እስካኹን በግሌ አልሰማኹም። ወደፊት ግን እንደሚኾን አምናለኹ። እመኛለኹም።
👉 በአስተያየት መስጫው ላይ ቅዱስ ሩፋኤልን በፍቅር አወድሱት
https://t.me/+xN518gdGKvswNzE0
✍️ በመጋቤ ሐዲስ ዶክተር ሮዳስ ታደሰ (ጳጉሜን 2 ሌሊት ተጻፈ)

🌼☀️ እንኳን ለዘመነ ሉቃስ በሰላም አደረሳችኹ🌙🌼
«ዐዲስ ዓመት የተዘጋን በር ትተን ወደ ዐዲስ ተስፋ የምንገባበት፣ የትናንትን ትምህርት ይዘን የነገን ታሪክ መጻፍ የምንዠምርበት ዐዲስ ምዕራፍ ነው።»
💥 በአልፋ እግዚአብሔር ቸርነት
🌼 እንደ ዐደይ አበባ ከክረምት በኋላ ውበታችን ይገለጥ፤
☀️ እንደ ፀሐይ ተስፋችን በየቀኑ ይብራ፤
🌙 እንደ ጨረቃ በጨለማ ውስጥ ብርሃን እንኹን፤
🌱 የደረቀው ይለምልምልን፣ የጠፋው ተስፋችን ይመለስ፣ የጀመርነው በበረከት ይፈጸም።

2019 ዓ.ም. በፀሐይ ☀️
2080 ዓ.ም. በጨረቃ 🌙

ዓመቱ ቁጥሩ ብቻ ዐዲስ የሚኾንበት ሳይኾን፣ ልባችን፣ ሐሳባችን፣ ሥራችንና ሕይወታችን የሚታደስበት ዓመት ይኹን!

🙏 እግዚአብሔር 2019 ዓ.ም.ን የሰላም፣ የፍቅር፣ የይቅርታ፣ የጤና፣ የስኬትና የበረከት ዓመት ያድርግልን!

🌼 እንኳን ከዘመን ማርቆስ ወደ ዘመን ሉቃስ በሰላም አሸጋገራችኹ! 🌼

💥 በምሥራቀ ፀሐይ ቀበና መድኃኔ ዓለም መስከረም 1 ታቦተ ዮሐንስ መጥምቅ ወጥቶ በባሕረ ሐሳብ አወጣጥ በዓሉ ስለሚከበር የምትችሉ መጥታችኹ ዐዱሱን ዓመት በበረከት ጀምሩት።

📖 30 መጻሕፍትን ጻፍኩ፤ አሁን ግን ከሁሉም የሚለየውን መጽሐፍ ልጀምር ነው፤ ብዕሩ ፍቅር፣ ቀለሙ ቃል ኪዳን፣ ርዕሱም “ትዳር” ነው! 💍❤️

30ኛ መጽሐፌን አጠናቅቄ አስመርቄ፤ አሁን ደግሞ የሕይወቴን ዐዲስና ውብ ምዕራፍ ከወት ሣምራዊት ጋር ልከፍት ነው። 📚➡️💍

አንድ ሰው መጽሐፍን ብቻውን ሊጽፍ ይችላል፤ የትዳርን ታሪክ ግን ኹለት ልቦች በአንድ ቃል ኪዳን ይጽፉታል። ❤️

🌸 እሑድ መስከረም 10 ቀን 2019 ዓ.ም.
🌺 በተቀጸል ጽጌ፣
🕊️ በበዓለ ጼዴንያ፣
✝️ በበዓለ መስቀል ዕለት፣

በቶታል ሰፈረ ገነት ቅድስት ሥላሴ ካቴድራል፣ ከወይዘሪት ሣምራዊት መልአኩ ጋር ጋብቻችንን በቅዱስ ሥርዓተ ተክሊል እንፈጽማለን። 👑💍🕊️

ውድ ወዳጆቼ፣ ዘመዶቼ፣ በሕይወት ጉዞዬ አብራችሁኝ የቆያችሁ ኹላችሁ፤ በዕለቱ በሌሊትም ይኹን በጠዋቱ የዐውደ ምሕረት መርሐ ግብር ላይ ወደ ቤተ ክርስቲያን መጥታችሁ የጸሎታችን፣ የበረከታችንና የደስታችን ተካፋይ እንድትኾኑ በታላቅ ፍቅር እጋብዛችኋለሁ። 🙏❤️

📍 የቤተ ክርስቲያኑ አድራሻ፦
ከጦር ኃይሎች ወደ ቶታል በሚወስደው መንገድ፣ ከዱባይ (United Arab Emirates Embassy) አጠገብ፣ ቶታል ሰፈረ ገነት ቅድስት ሥላሴ ካቴድራል።

📚 30ኛው መጽሐፌ ተጠናቀቀ፤
💍 የሕይወቴ ዐዲስ ምዕራፍ ይከፈታል፤
✝️ በክርስቶስ በመስቀሉ ጥላ ሥር ሁለት ሕይወት በአንድ ቃል ኪዳን ይተሳሰራል።

እስከዛሬ 30 መጻሕፍትን ጽፌ ለአንባቢዎቼ አቀረብኩ፤
ከዚህ በኋላ ግን እግዚአብሔር የሚመራውን የሕይወት ታሪክ ሁለት ሆነን እንጽፋለን። 💍📖❤️

ኑ፤ የዚህ ዐዲስ ምዕራፍ የመጀመሪያ ገጽ ሲጻፍ ከእኛ ጋር ኹኑ! 🙏🌹

መጋቤ ሐዲስ ዶክተር ሮዳስ ታደሰ
💍
ወ/ት ሣምራዊት መልአኩ

https://t.me/+xN518gdGKvswNzE0