“ዮም እግዚአ ሰማያት ወምድር በጎል ሰከበ፤ እሳት በአጽርቅት ተጠብለለ፤ ሐሊበ ጠበወ ዮም ዘይጸውርዎ ሱራፌል በክነፊሆሙ በከርሥ ተጸውረ፤ እግዚእ በሠረገላ ተሐቅፎ ድንግል ዮም፤ ዘያሌዕሎ ለማዕበለ ባሕር ሐሊበ ጠበወ፤ ኢንክል ከቢቶቶ በአርምሞ ናአኲቶ ዘእንበለ ሐቲት ንስግድ ሎቱ ለክርስቶስ”

(ዛሬ የሰማይና የምድር ጌታ በግርግም ተኛ፤ እሳት በጨርቅ ተጠቀለለ፤ ዛሬ ወተትን ጠባ፤ ሱራፌል በክንፎቻቸው የሚሸከሙት በማሕፀን ተቻለ፤ ኪሩቤል በሚሸከሙት ሠረገላ ጌታ የኾነ ርሱን ድንግል ዛሬ ታቅፈዋለች፤ የባሕርን ማዕበል ከፍ የሚያደርገው ወተትን ጠባ፤ ይኽነን በዝምታ ልንሸሽገው አንችልም፤ ያለምርምር እናመሰግነዋለን (እናመስግነው)፤ ለርሱ ለክርስቶስ እንሰግዳለን) (ቅዱስ ያሬድ ድጓ ዘልደት)

እንኳን ለብርሃነ ልደቱ በሰላም አደረሳችኹ
(መጋቤ ሐዲስ ዶክተር ሮዳስ ታደሰ)

የክርስቶስ ጥምቀት በቅዱስ ያሬድ ድርሰት
✍️ በመጋቤ ሐዲስ ዶክተር ሮዳስ ታደሰ
🌸 ሊቁ ማሕሌታይ ቅዱስ ያሬድ ስለ አምላካችን ኢየሱስ ክርስቶስ ጥምቀት ከዘመራቸው ውስጥ እነሆ፦
🌸 “በበሕቅ ልሕቀ እንዘ ይገብር ተአምረ ወመንክረ መድኀኒነ ውስተ ዓለም መሬታዊ አጥመቆ በዮርዳኖስ፤ ልዑላን ርዕይዎ አንከርዎ አስተብጽዕዎ ወሰብሕዎ”

👉 (መድኀኒታችን በዓለም ውስጥ ደንቅ ተአምርን እያደረገ በየጥቂቱ አደገ፤ መሬታዊዉ ዮሐንስም በዮርዳኖስ አጠመቀው፤ ልዑላን አዩት፣ አደነቁት፣ ፍጹም ምስጋናንም አመሰገኑት) (ድጓ ዘጥምቀት)

💐 “ዮም ፍሥሐ ኮነ በእንተ ልደቱ ለክርስቶስ ወበእንተ ጥምቀቱ ኀዲጎ ተስዐ ወተሰዓተ ነገደ ቆመ ማዕከለ ባሕር ገብአ ወወጽአ በሰላም”

👉 (በክርስቶስ ልደቱ እና ጥምቀቱ ዛሬ ደስታ ኾነ፤ ዘጠና ዘጠኙን ነገደ መላእክት ትቶ በባሕረ ዮርዳኖስ መኻከል ገብቶ ቆመ፤ በሰላምም ወጣ) (ድጓ ዘጥምቀት)

🌸 “ይትፌሣሕ ሰማይ በልደቱ ወትትሐሰይ ምድር በጥምቀቱ ለመድኀኔ ዓለም፤ በሰላም ዮሐንስ አጥመቆ፤ ተቀደሰት ማይ በጥምቀቱ፤ ደንገጹ ቀላያት ሶበ ይወርድ ወልድ ውስተ ምጥማቃት”

👉 (ሰማይ በልደቱ ይደሰታል፤ በመድኀኔ ዓለም ጥምቀቱ ምድር ትደሰታለች፤ ዮሐንስ በፍቅር በሰላም አጠመቀው፤ ውሃም በጥምቀቱ ተቀደሰች፤ ወልድ ወደ መጠመቂያው ሲወርድ ወንዞች ደነገጡ) (ድጓ ዘኤጲፋንያ)

💐 “ዘዲበ ኪሩቤል ይነብር ዘመልዕልተ ሠረገላ ይሬኢ ኲሎ እስመ እምዘርዐ ዳዊት መጽአ ወለብሰ ሥጋነ ወአስተርአየ ወልድ ወአንሶሰወ ከመ ሰብእ ወወሪዶሙ ዮርዳኖስ ኅቡረ ምስለ ዮሐንስ ወይቤሎ ከመዝ በል ክርስቶስ ወልድ ዋሕድ ተሠሃለነ”

👉 (በኪሩቤል ሠረገላ ላይ ተቀምጦ ኹሉን የሚያይ ከዳዊት ባሕርይ ሰው ኾኖ ሥጋችንን ለበሰ፤ ወልድ ተገልጦ እንደ ሰው ተመላለሰ፤ ከዮሐንስ ጋር ዐብረው ወደ ዮርዳኖስ ወርደው ሳሉ፤ ተቀዳሚ ተከታይ የሌለው የአብ የባሕርይ ልጅ ይቅር በለኝ ብለኽ አጥምቀኝ አለው) (ድጓ ዘክብረ ቅዱሳን)

🌸 “በልደቱ ተርኅወ ሰማይ ወበጥምቀቱ ተዐውቀ መለኮቱ መንግሥቱ ሰፋኒት ዘእምቅድመ ዓለም ንጉሥ ውእቱ ወአልቦ ማኅለቅት ለመንግሥቱ”

👉 (በልደቱ ሰማይ ተከፈተ፤ በጥምቀቱም የባሕርይ አምላክነቱ ታወቀ፤ ቅድም ዓለም የነበረች ጌትነቱ ምልእት ስፍሕት ናት፤ ለመንግሥቱም ፍጻሜ የለውም) (ድጓ ዘክብረ ቅዱሳን)

💐 “እምሰማያት እምልዑላን ወረደ ውስተ ማሕፀነ ድንግል ኀደረ ዘሙሴ ሰበከ ለነ ምጽአቶ ዐሠርተ ወክልኤተ ዓመተ ተሐጽነ እንዘ ይትኤዘዝ ለአዝማዲሁ እምቤተ ዳዊት ፈጺሞ ሕገ በዮርዳኖስ ተጠምቀ ፀሓይ ብሩህ ዘአልቦ ርስሐት አክሊለ ሰማዕት ተስፋ መነኮሳት መሠረተ ቤተ ክርስቲያን”

👉 (ሙሴ አመጣጡን ለእኛ የነገረልን ጌታ ከልዑላን ከሰማያት ወረደ፤ በድንግል ማሕፀን ውስጥ ዐደረ፤ ከዳዊት ወገን ለኾኑ ዘመዶቹ እየታዘዘ ሕግ ጠባይዐዊ ሕግ መጽሐፋዊን ፈጽሞ አደገ፤ ነውር ነቀፋ የሌለበት ብሩህ ፀሓይ፣ የሰማዕታት አክሊል፣ የመነኰሳት ተስፋ፣ የቤተ ክርስቲያን መሠረት በዮርዳኖስ ተጠመቀ) (ድጓ ዘክብረ ቅዱሳን)

🌸 ቅዱስ ያሬድ የአምላካችን የክርስቶስን ጥምቀት አስመልክቶ እንዲኽ አመሰገነ። እናንተም በአስተያየት መስጫው ላይ ስለ አምላካችን ጥምቀት አስመልክታችኹ በምትወዱት መዝሙር ወይም ምስጋና አመስግኑ።
https://t.me/+xN518gdGKvswNzE0

The Baptism of Christ in the Ethiopian Orthodox Tewahedo Church
✍️ By: Dr. Rodas Tadese
🌸 A Sacred Celebration of Baptism In the Ethiopian Orthodox Tewahedo Church, the Feast of Epiphany, known as Timkat, stands as a glorious celebration of Christ’s baptism, marking the moment when the Holy Trinity was revealed in perfect unity.

🌸 The celebrations begin on the eve of Epiphany, an evening that overflows with hymns, praises. The Church opens with a hymn that sets the tone for the holy night:
✍️ "The Pilot of the righteous’ soul, the Hope of the hopeless, Jesus Christ has been revealed to the world; born of the Virgin, He grew in obedience to His family; He became fully man and was baptized in the River Jordan."

🌸 This chant and many others, echo through the Church, recounting Christ’s journey from heaven to earth, His humble birth and His revelation as the Son of God at His baptism. These hymns, filled with the language of mystery and wonder, prepare the faithful for the full glory of Epiphany. As evening deepens, the Church embarks on a powerful reenactment that mirrors Christ’s journey from Galilee to the Jordan.

🌸 The Ark of the Covenant (Tabot) — a consecrated replica of the tablets representing God’s covenant with humanity — is brought out from each parish church. The Ark, symbolizing the presence of God, is adorned with vibrant, sacred cloths and carefully carried to a nearby body of water.

🌸 The clergies, with candles and incense, form a solemn procession, chanting and singing with reverence as they accompany the Ark. Spiritual songs fill the air, proclaiming:
✍️ "The Son of God, who descended from heaven, entered the waters of baptism with joy and peace."

🌸This procession, symbolizing Jesus’ humble journey to be baptized, is a moving image of devotion and faith. Multitudes gather along the path, their voices rising in ancient hymns and the Ark is surrounded by priests and deacons, draped in robes of white and gold, symbolizing the purity and majesty of Christ. As night falls, the clergy and faithful keep a sacred vigil, filling the hours with prayers, hymns and scripture readings that immerse the congregation in the profound mystery of Christ’s baptism.

🌸 The Church honors this moment with reverent praises, proclaiming:
✍️ "Christ was born; Christ was baptized; He has given us new birth through water and the Holy Spirit. Truly and firmly believed is the revelation of Christ, the Sun of Righteousness; glorious indeed is the splendor of His baptism."

🌸 The Church vibrates with devotion as ancient hymns are sung, including melodies by St. Yared, the great Ethiopian hymnologist, whose compositions elevate the spirit and remind the faithful of the timeless nature of Christ’s love. It is a night where heaven and earth seem to meet and the faithful feel united with their Savior in His act of humble obedience. At midnight, the Church reaches the pinnacle of its celebration with the Eucharistic Liturgy.

🌸 As the Liturgy begins, a profound silence and awe descend over the faithful. They gather, their hearts prepared by fasting, prayer and reflection, to receive the Body and Blood of Christ. The Eucharist is a personal encounter with the One who was
baptized to sanctify the waters of the world and in this moment, the faithful experience His presence within them.

🌸 This sacred communion draws the faithful into the mystery of Epiphany, where each heart becomes a living witness to the truth that God Himself descended into the waters of creation to bring salvation to all. At dawn, the celebration continues with readings from the four Gospels, each recounting aspects of Christ’s life and His divine mission.

🌸 The Church conducts the sprinkling of holy water, a symbol of the baptismal waters of the Jordan and as this holy water touches each person, they are reminded of their own rebirth in Christ, their hearts renewed in the grace of baptism. Throughout the morning, the Church praises Christ with jubilant hymns. Scholarly singers, chanting with profound skill, proclaim:
✍️ "He came down from heaven; born of Mary; baptized in the Jordan at the age of 30. The Lord, foretold by the prophets, was revealed openly to the world."

🌸 The Church then joyfully sings:
✍️ "Today, a great joy fills the earth because of the birth and baptism of Christ. Hallelujah, Hallelujah, Hallelujah! He left the ninetynine hosts of angels, descended into the waters."
These chants, filled with reverence and awe, resonate through the Church, as the faithful are reminded of Christ’s humility and His profound act of love for humanity. As the celebrations conclude, the Ark of the Covenant is brought back to the Church in a procession as reverent and joyful as when it first began.

🌸 This return journey symbolizes Christ’s departure into the wilderness after His baptism, where He fasted, prayed and prepared for His ministry on earth. It is a solemn reminder that, just as Christ withdrew to the wilderness so too are the faithful called to a life of prayer, fasting and spiritual preparation. Through this feast, the Ethiopian Orthodox Tewahedo Church brings the life and teachings of Jesus into vivid, living color. The entire event becomes a powerful and moving Christological sermon, not just spoken but lived and experienced.

🌸 The faithful are not mere spectators; they are drawn into the mystery, embodying the journey of Christ and embracing His presence in every moment. In celebrating Epiphany, the Ethiopian Orthodox Tewahedo Church reaffirms that Christ is the Light, the Savior and the Redeemer who came to sanctify the waters, reveal the Trinity and invite humanity into the mystery of the divine.

🌸 Through each hymn, procession and ritual, the Church reminds the faithful of the profound truth that Jesus is one Nature of God, the Incarnate Logos, humbling Himself to be baptized for the sake of all. This feast, with its rich symbols, sacred songs and the unity of the faithful, stands as a testament to the Church’s dedication to Christ. It is a call to each believer to journey with Him, to be renewed in spirit and to celebrate the mystery of salvation with hearts full of love, devotion and awe.
Source The Sun of Righteousness
Page 201 - 204
Order your book on Amazon
https://a.co/d/himSUfb

[ጥር ፳፩ የእመቤታችን ዕረፍትና የሊቃውንት ውዳሴ]
✍ በመጋቤ ሐዲስ ዶክተር ሮዳስ ታደሰ
💥የቤተ ክርስቲያን መጻሕፍት እንደገለጹልን የቅድስት ድንግል ማርያም መላ ዕድሜዋ 64 ሲኾን ይኸውም በእናት ባባቷ ቤት 3 ዓመት፤ በቤተ መቅደስ 12 ዓመት፤ ጌታን ፀንሳ በቤተ ዮሴፍ 9 ወር ከ5 ቀን፤ ከልጇ ጋር 33 ዓመት ከ3 ወር፤ በቤተ ዮሐንስ 15 ዓመት ከቆየች በኋላ፤ ልጇ ክርስቶስ ለእናቱ ተገልጾ ከኀላፊው ዓለም ወደ ማያልፈው ሰማያዊዉ ዓለም ሊወስዳት እንደኾነ ነገራት።

💥 ርሷም ይኽነን ለሐዋርያት ነገረቻቸው፤ እነርሱም “አይቴ ተሐውሪ እግዝእትነ” (እመቤታችን ወዴት ትኼጃለሽ) ብለው ሲጠይቋት “ኀበ ጸውአኒ ወልድየ” (ልጄ ወደጠራኝ) በማለት ወደዚያኛው ዓለም የመኼጃዋ ጊዜ እንደደረሰ ነገረቻቸው፤ ይኽነን ሰምተው “ወበከዩ ኲሎሙ ሐዋርያት” ይላል ሐዋርያት በእጅጉ ዐዘኑ አለቀሱ፤ ያን ጊዜ የአምላክ እናት ፊት ተሰብስበው ከእጆቿ በረከትን አገኙ፡፡

💥 ያን ጊዜ ቅዱሳን መላእክት ተገልጸው ሐዋርያትን ማዕጠንታቸውን ይዘው ደስ አሰኝተው እንዲሸኝዋት እንጂ እንዳያዝኑ እንዳያለቅሱ በመንገር አረጋጓቸው፤ ጌታም ተገልጾ "ዛሬ ለዘጠኝ ወራት በምድር ላይ መኖሪያዬ ኾና የቆየችውን ድንግል እናቴን የምቀበልበት እና ከእኔ ጋር ወደ ሰማያት ሰማያዊ ቦታዎች ይዤያት በመውሰድ ለመልካሙ አባቴ በስጦታ የማስረክባት ቀን ነው፣ ዳዊትም እንኳን “በኋላዋ ደናግሉን ለንጉሥ ይወስዳሉ፤ ባልንጀሮችዋንም ወደ አንተ ያቀርባሉ” (መዝ ፵፬፥፲፬) እንዳለ በማለት ተናገረ።

💥 ከዚያም ጌታ እናቱን "የኔ ውድ እናት ሆይ ተነሥተሽ ወደ እኔ ነዪ፤ በመጠቅለያ ጨርቆች እንደጠቀለልሽኝ ኹሉ የእኔ ድንግል እናት ማርያም ሆይ በወለድሽኝ ዕለት በከብቶች በረት ከላም እና አህያ ጋር በአንድ ላይ ከብበውኝ እንዳኖርሽኝ ኹሉ (ኢሳ ፩፥፫፤ ሉቃ ፪፥፯)፤ እኔ ደግሞ ዛሬ ከእኔ ጋር ከሰማያት ባመጣዋቸው በሰማይ መጐናጸፊያ ሰውነትሽን እጠቀልለዋለኊ፤ ከዚያም ከሕይወት ዛፍ ሥር አስቀምጠዋለኊ፣ ኪሩቤልም በነበልባላማ ሰይፋቸው እንዲጠብቁት አደርጋለኊ (ዘፍ ፫፥፳፬)፡፡

💥 የተባረከችውን ነፍስሽን የሰማያዊቷ ኢየሩሳሌም መንበር በተሸፈነችበት መሸፈኛዎች እንድትሸፈን አደርጋለኊ፡፡ እኔን በሚያሳድድበት ጊዜ ሥርዓት አልባውን ሄሮድስ በመፍራት ወደ ግብጽ ምድር እንደተሰደድሽው ኹሉ (ማቴ ፪፥፲፫-፲፰)፤ መላእክቶቼ ኹልጊዜም በክንፎቻቸው እያጠሉብሽ እና መልካም ዝማሬያቸውን እንዲዘምሩልሽ አደርጋለኊ አላት፡፡

💥 ይኽን ከልጇ በሰማች ጊዜ ጥር 21 እሑድ ዕለት በልጇ ፈቃድ በመዐዛ ገነት፣ በመዝሙረ ዳዊት፣ በይባቤ መላእክት የእመቤታችን ነፍሷ ከሥጋዋ ተለየ።

♥❖♥ ቅዱስ ያሬድም በመጽሐፈ ድጓው ላይ፡-
“ጊዜ ዕረፍታ ለሶልያና (ለማርያም)
ወረደ ወልድ እምዲበ ልዕልና
ጠሊሳነ ንግሥ ሶቤሃ ከደና”

(በማርያም ዕረፍት ጊዜ ወልድ ከልዕልና ወረደ፤ የንግሥና (የክብር) መጐናጸፊያን በዚያን ጊዜ ሸፈናት) በማለት የዕረፍቷን ነገር አስተምሯል፡፡

♥❖♥ የመልክአ ማርያምም ጸሐፊ በአድናቆት፦
“ሰላም ለፀአተ ነፍስኪ እንበለ ጻዕር ወጻማ
ለነቢር ዘልፈ በየማነ ወልድኪ ፌማ”

(ከሃሊ (ማእምር፣ ጠቢብ) በሚኾን ልጅሽ ቀኝ ዘወትር ለመቀመጥ ያለ ድካምና ያለ ጣር ለኾነ የነፍስሽ መለየት ሰላምታ ይገባል) ብሏታል፨

💥 ጌታም እንደ በረዶ ጸዐዳ የኾነውን የድንግል ማርያምን ነፍስ በዕቅፉ ውስጥ እንደያዘ ለነፍሷ ሰላምታውን ሰጥቶ ባማረው ሸማ ጠቅልሏት ለሊቀ መላእክት ለቅዱስ ሚካኤል በብርሃናማ ክንፎቹ እንዲሸከማት ሰጠው፤ የከበረ ሥጋዋም የጠራና መዐዛው ድንቅ ነበር።

♥❖♥ የመልክአ ማርያም ደራሲው ሊቁ፦
“ሰላም እብል በድነ ሥጋኪ ጽሩየ
ዘተመሰለ ባሕርየ"

(ዕንቊን ለተመሰለ የጠራ የሥጋሽ በድን ሰላም እላለኊ) በማለት ያመሰግናል።

💥 ከዚያም ቅዱሳን ሐዋርያት በዚያ አስደናቂ መጎናጸፊያ በክቡራን ሽቱዎች የከበረ ሥጋዋን አጅ እየነሡ ገንዘዋታል።

💥 ሊቁም በመልክአ ማርያም ላይ፦
“ሰላም ለግንዘተ ሥጋኪ በእደ ሐዋርያት አርጋብ
በአፈወ ዕፍረት ቅድው ዘሐሳበ ሤጡ ዕጹብ"

(የዋጋው ስሌት እጅግ ውድ በኾነ ያማረ ሽቱ ርግቦች በተባሉ በሐዋርያት እጅ ለተደረገ የሥጋሽ አገናነዝ ሰላምታ ይገባል) በማለት ያመሰግናል።

♥❖♥ ከኢትዮጵያ ሊቃውንት መኻከል ስለዚኽ በቅዱሳን ሐዋርያት ስለተደረገው የከበረ የሥጋዋ ግንዘት ቅዱስ ያሬድ አምልቶ አስፍቶ የጻፈ ሲኾን፤ በነሐሴ ፲፭ በአጫብሩ ድጓ ውስጥ በአስደናቂ መልኩ እንዲኽ ተጽፈዋል፡-

♥ “ሐዋርያት አመድበሉ
ሥጋ ድንግል ጠብለሉ
በሰንዱነ ብርሃን ዘላዕሉ
ልብሳ ተካፈሉ”

(ሐዋርያት ተሰበሰቡ፤ ከላይ በመጣ በፍታ (መጐናጸፊያ) የድንግል ሥጋን ጠቀለሉ፤ ልብሷንም ተካፈሉ)፨

♥ “በደመና ተጋቢኦሙ ሐዋርያት ለድንግል ንጽሕት
ገነዝዋ በክብር ወበስብሐት
ለቀበላሃ ወረዱ ኀይላት
ወቀበርዋ ውስተ ገነት”

(ሐዋርያት በደመና ተሰብስበው ንጽሕት ድንግልን በክብር በምስጋና ገነዟት፤ ለአቀባበሏ ኀይላት ወረዱ፤ በገነት ውስጥም ቀበሯት)፨

♥ “ተጋቢኦሙ ሐዋርያት እምኲለሄ
በደመናት ዘምሉእ ሡራኄ
ገነዙ በክብር ወበስባሔ
ሥጋ ድንግል ዘይምዕዝ እምርሔ”

(ብርሃንን የተመላ በኾነ በደመናት ሐዋርያት ከአራቱ ማእዝን ተሰብስበው ልብን ከሚመስጥ ሽቱ ይልቅ የሚሸትት የድንግልን ሥጋ በክብርና በምስጋና ገነዙ)፨

♥ “ተጋቢኦሙ በደመና ሰማይ
ሐዋርያት ሥርግዋን በዕበይ
ገነዝዋ ለድንግል በብዙኅ ግናይ
ዳዊት ዘመራ በመሓልይ”

(በገናንነት የተጌጡ ሐዋርያት በሰማይ ደመና ተሰብስበው ድንግልን በብዙ ምስጋና ገነዟት፤ ዳዊትም በምስጋና አመሰገናት)፨

♥ “ተጋቢኦሙ አርድዕተ ወልዳ
በደመና ብርሃን ጸዐዳ
ገነዝዋ በስብሐት ለጽርሕ ሳይዳ”

(ጸዐዳ በኾነ በብርሃን ደመና የልጇ ደቀ መዛሙርት ተሰብስበው፤ ውቢቱ አዳራሽን በምስጋና ገነዟት)፨

♥“ተጋብኡ በቅጽበት ለግንዘተ እሙ ቅድስት
ብፁዓን ሐዋርያት
ቦኡ ኀቤሃ በሰላም አምኁ ኪያሃ
በስብሐት ገነዙ ሥጋሃ”

(ንኡዳን ክቡራን ሐዋርያት ቅድስት የምትኾን የጌታ እናቱን ለመገነዝ በቅጽበት ተሰበሰቡ፤ ወደ ርሷ ገብተው በሰላምታ ርሷን እጅ ነሧት፤ ሥጋዋንም በምስጋና ገነዙ) በማለት ሊቁ ማሕሌታይ በሐዋርያት እጅ የተደረገ የሥጋዋን ግንዘት አምልቶ አስፍቶ ጽፏል፡፡

♥ ከዚያም ወዲያውኑ የድንግልን የከበረ አካል ወደ ላይ በማንሣት ቅዱስ ጴጥሮስ ራሷን፣ ቅዱስ ዮሐንስ እግሮቿን ተሸክመው የተቀሩት ሐዋርያት በእጆቻቸው የዕጣን ማዕጠንት ይዘው በታላቅ ግርማ በአምላክ እናት ሥጋ ፊት ምስጋናን እያሰሙ ዝማሬን እየዘመሩ ሥጋዋን እጅ እየነሡ ጌቴሴማኒ ሊቀብሯት ሲኼዱ አይሁድ አይተው “ንዑ ናውዒ ሥጋሃ ለማርያም ምስለ ዓራታ” በማለት በምቀኝነት ተነሡባቸው፤ ታውፋንያ የሚባል ከአይሁድ ወገን በድፍረት የአልጋዋን አጎበር ሊነካ ሲሞክር ቅዱስ ገብርኤል በሰይፈ እሳት ቀጣው፡፡

♥ ያን ጊዜ ቅዱስ ዮሐንስ በዕለተ ዐርብ ከአምላኩ በስጦታ የተሰጠችውን የአምላክ እናትን ሥጋዋን በድፍረት ሊነኩ መምጣታቸውን አይቶ “ዐደራዬን አላፈርስም፤ ከርሷ ጋር እሞታለኊ" በማለት ይኽነን ተናግሮ በላይዋ ላይ ወደቀ፡፡

♥ ከዚያም “ወወረዱ ሚካኤል ወገብርኤል እምሰማይ በዐቢይ ግርማ” ይላል ቅዱስ ሚካኤልና ቅዱስ ገብርኤል በታላቅ ግርማ ወርደው የቅድስት ድንግል ማርያምን ሥጋዋንና ቅዱስ ዮሐንስን በደመና ነጥቀው በገነት በሕይወት ዛፍ ሥር አኖሯት፡፡

♥ ወዲያውኑ “ወአምጽኡ ሎቱ ማዕጠንተ ወርቅ” ይላል የወርቅ ማዕጠንት ለዮሐንስ አምጥተውለት፤ “ወዕጥን ሥጋሃ ለማርያም መዓልተ ወሌሊተ” ይላል የቅድስት ድንግል የከበረ ሥጋዋን በመዓልትና በሌሊት ዕጠን አሉት፤ ዮሐንስም ይኽነን ክብር በመቀበሉ ደስ ብሎት ሥጋዋን እያጠነ “ያመጽዕ ሎቱ ራጉኤል መልአክ ኅብስተ ሰማይ” ይላል ሰርክ ሲኾን ራጉኤል መልአክ ሰማያዊ ኅብስት ሰማያዊ መጠጥ እያመጣለት ያን እየተመገበ በገነት ቆይቷል፡፡

♥ ኋላም በጌታ ፈቃድ ከተቀሩት ሐዋርያት ጋር ተገናኘ፤ ሐዋርያትም የእመቤታችንን ነገር እንደምን እንደኾነ ሲጠይቁት ርሱም በገነት ያየውን ነገር ነገራቸው፤ እነሱም ይኽነን ታላቅ ምስጢር ዮሐንስ አይቶ እኛ ሳናይ ብለው ሱባኤ ነሐሴ 1 ዠመሩ ነሐሴ 14 ቀን በኹለተኛው ሱባኤ ጌታ የእናቱን ሥጋ አምጥቶ ሰጥቷቸው በጌቴሴማኒ ቀብረዋት በተወደደች ዕለት ነሐሴ 16 በልጃ ሥልጣን ተነሥታ ዐርጋለች።

[ቅዱሳን ሐዋርያት በዕረፍትሽ ሰዓት በክቡራት እጆችሽ እንደተባረኩ በዓለ ዕረፍትሽን በስምሽ በተሠየመች ቤተ ክርስቲያን ተሰብስበን የምናከብር ልጆችሽን ባርኪን]
[ወጸሐፈ በእንተ ዕረፍታ ለድንግል ገብራ መጋቤ ሐዲስ ሮዳስ ታደሰ፤ አመ ፳ወ፩ ለጥር በተዝካረ በዓላ ለእግዝእትነ ቅድስት ድንግል በክልኤ ማርያም ወላዲተ አምላክ ትንብልናሃ የሃሉ ምስሌነ ለዓለመ ዓለም አሜን ]

የካቲት 5 ከጉንጯ ደም የፈሰሳት የአቃቢተ ኆኅት ሥዕል ታሪክ
ከመጋቤ ሐዲስ ዶክተር ሮዳስ ታደሰ
🌸 ከ፰፻፳፱ - ፰፻፵፪ (829 – 842) ዓ.ም. በቤዛንታይን የነገሠው ንጉሥ ቴዎፍሎስ በቅዱሳት ሥዕላት ላይ በክፋት በመነሣሣት ዐዋጅ በማወጁ ወታደሮች በርሱ ትእዛዝ ቅዱሳት ሥዕላትን ለማጥፋት በየቤቱ ፍተሻ ያደርጉ ነበር፡፡

💐 በኒቅያ ከተማ አቅራቢያ አንዲት የተቀደሰች ሴት ነበረች፡፡ በቤቷም የአምላክ እናት የቅድስት ድንግል ማርያም ውብ ሥዕሏን በቤቷ ውስጥ ደብቃ በማኖር በሥዕሏ ፊት መብራትን እያበራች ከልጇ እንድታማልዳት ትማፀን ነበር፡፡

🌸 የከሐዲው ንጉሥ ወታደሮችም የአምላክ እናት ሥዕል በቤቷ እንዳለች በማወቃቸው ወደ ቤቷ በድንገት ዘልቀው ገቡ፡፡ ከመካከላቸውም አንድ ወታደር የእመቤታችንን ሥዕል በያዘው ሰይፍ ጉንጯ ላይ ወጋት፡፡ ኾኖም ግን በእግዚአብሔር ድንቅ ሥራ ይኽ ክፉ ሥራው በተአምር ተተክቶ ከተወጋው ጉንጯ ላይ ደም ይፈስስ ጀመር፡፡

🌸 ይኽነን ድንቅ ተአምር ባዩ ጊዜ ወታደሮች ደንግጠው ሸሽተዋል፡፡ ሴቲቱም ይህንን ድንቅ ተአምር ባየች ጊዜ ሌሊቱን ሙሉ በሥዕሏ ፊት መብራት አብርታ በአምላክ እናት በቅድስት ድንግል ማርያም ሥዕል ፊት ስትጸልይ አደረች፡፡

🌸 በነጋታው በእግዚአብሔር ፈቃድ ከጉንጮቿ ደም የፈሰሳትን የአምላክ እናት ሥዕሏን በባሕር ላይ እንድታስቀምጥ ታዘዘች፡፡
ከዚያ በኋላ ሥዕሏም በባሕሩ ላይ እየተንሳፈፈች በማዕበሉ እየተነዳች ያለምንም መስጠምና መርጠብ ወደ ምዕራብ አቅጣጫ ጉዞዋን አድርጋ ወደ አቶስ ደረሰች፡፡

🌸 ከዕለታት በአንዳቸው ምሽት በአቶስ ተራራ የአይቬሮን ገዳም መነኮሳት የብርሃን ምሰሶ በባሕሩ ላይ ተተክሎ እንደ ፀሐይ ሲያበራ ተመለከቱ፡፡
ይኽም ተአምር ለተከታታይ ቀናት በመቀጠሉ በዚያ ገዳም ያሉ አባቶች ኹሉ በአንድነት ተሰብስበው በማድነቅ የብርሃን ምሰሶ ወደተተከለበት የአምላክ እናት የተቀደሰ ሥዕል በላዩ ላይ ወደተንሳፈፈበት ወደ ባሕሩ በመጓዝ ወደ ሥዕሏ ለመጠጋት ቢሞክሩም ሥዕሏ ወደ ኋላዋ እየተመለሰች ሊያነሥዋት አልቻሉም፡፡

🌸 በዚያው የአይቬሮን ገዳም ረድእ (የጉልበት አገልጋይ) ኾኖ የሚኖር አባ ገብርኤል የተባለው መነኩሴ ብቻ ሥዕሏን ከባሕር ውስጥ ማንሣት የሚችል እንደኾነ የአምላክ እናት ለመነኮሳቱ ገለጠችላቸው፡፡ በተመሳሳይ ለአባ ገብርኤል ተገልጣ “ወደ ባሕሩ ኺድ ማዕሉን ሳትፈራ በባሕሩ ውስጥ በእምነት ተጓዝ እናም ኹሉም ለዚኽ አንተ ላለኽበት ገዳም ያለኝን ፍቅና ርኅራኄ ምስክር እንዲኾን ሥዕሌን ከባሕር አውጣ” በማለት ነገረችው፡፡

🌸 ከዚያም በገዳሙ ያሉ መነኮሳት አባ ገብርኤልን ይዘው ልብሰ ተክህኖ ለብሰው እያመሰገኑ፤ በማዕጠንታቸው ዕጣንን እያጠኑ የብርሃን ምሰሶ ወደተተከለበት የእመቤታችን ሥዕል ወዳለበት ወደ ባሕሩ ኼዱ፡፡

🌸 አባ ገብርኤልም በደረቅ መሬት እንደሚጓዝ ያለምንም ፍርሃት ወደ ባሕሩ በመግባት በናፍቆት ሆኖ የአምላክ እናት የቅድስት ድንግል ማርያምን ሥዕሏን ታቅፎ ተሳለማትና ወደ ባሕሩ ዳርቻ ይዟት ወጣ፤ መነኮሳቱም በደስታ ኾነው ተሳለሟት፡፡

🌸 ሥዕሏ ባረፈበት ቦታ በሚያመሰግኑ ጊዜ ቀዝቃዛና ጣፋጭ ውሃ ከምድር ላይ ፈለቀላቸው፡፡ የእመቤታችንን ሥዕሏን በታላቅ ክብር በምስጋና ይዘው በመኼድ ወደ ቤተ መቅደስ አግብተው በመንበሩ ላይ አስቀመጧት፡፡ ነገር ግን በነጋታው መነኮሳቱ ወደ ቤተ መቅደስ ገብተው መብራት ሲያበሩ የእመቤታችን ሥዕሏን ባስቀመጡበት ቦታ አላገኝዋትም፡፡

🌸 ይልቁኑ በመግቢያው በር ባለው ግድግዳ ላይ ተሰቅላ አገኝዋት፡፡ እነርሱም መልሰው በቦታዋ ላይ ቢያኖሯትም ተመልሳ በገዳሙ መግቢያ ላይ ተሰቅላ ያገኝዋታል፡፡
ከዚያም እመቤታችን ለአባ ገብርኤል ተገልጻለት “ለወንድሞች እንዲኽ ብለኽ ንገራቸው፤ ከዚኽ በኋላ ሥዕሌን ማግባት የለባቸውም፤ የእኔስ ፈቃድ በእናንተ ልጠበቅ ሳይኾን በምልጃዬ ጥላ በዚኽም ዓለም በወዲያኛውም ልጋርዳችኊ እንጂ፤ ሥዕሌን በገዳሙ በምታዩበት ጊዜ ኹሉ የልጄ ምሕረትና ጸጋ ከእናንተ አይቋረጥም” አለቻቸው፡፡

🌸 በዚኽም ምክንያት የተቀደሰ ሥዕሏ “አቃቢተ ኆኅት” (ደጃፍን የምትጠብቅ) Portaitissa or "Gate-Keeper" ትባላለች፡፡ መነኮሳቱም ይኽነን ሰምተው በእጅጉ በመደሰት በገዳሙ በር አጠገብ አነስ ያለች ቤተ ክርስቲያን ሠርተው ገባሪተ ተአምራትን ወመንክራት የአምላክ እናት የቅድስት ድንግል ማርያምን ሥዕሏን ወደ ውስጥ አስገቧት፡፡

🌸 የተቀደሰች የሥዕሏ መጠሪያም “የአይቬሮኗ የአምላክ እናት ስትባል በግሪክ “ፓርታኢሳ” ትባላለች፡፡ ኦርቶዶክሳውያን አበውም “ለፍጹማን የገነት ደጃፍን የምትከፍቺ አቃቢተ ኆኅት (በራፍን የምትጠብቂ) ቡርክት ሆይ ደስ ይበልሽ” በማለት ዜማን ደርሰዋል፡፡

🌸 ከዚያም በአይቬሮን ገዳም ያለችው የእመቤታችን ሥዕል ድንቅ ተአምር በዓለም በዓለም ኹሉ ላይ ከተሰማ በኋላ በረከቷን ለማግኘት ክርስቲያኖች ወደዚያች ገዳም መሄድ መኼድ ዠመሩ፡፡

🌸 ይኽ የተቀደሰ ሥዕሏና ታሪኳ ኢትዮጵያን ጨምሮ በመላው ዓለም ተሰማ፡፡ ምእመናንም ይኽነን ሥዕሏን በማሣል በየሀገራቱ መማመፀን ዠመሩ፡፡

🌸 ታላቁ ሊቅ አባ ጽጌ ድንግልም በማሕሌተ ጽጌ ድርሰቱ ላይ ይኽን ተአምር፡-
✍️ “ቦ አመ ትትረከብ ምስለ ቃለ ነገር ጥዑም
ወቦ አመ ትትረአይ በለቢሰ አባል ልምሉም
ሥዕልኪ ማርያም ጽጌ ተአምር አዳም
ወአመ ዘበጣ በሰይፍ አይሁዳዊ ርጉም
እምኔሃ አንጸፍጸፈ ደም”
(ሥዕልሽ ቃልን ደስ ከሚያሰኝ ነገር ጋር የምትገኝበት ጊዜ አለ፡፡ የለመለመ አካልንም ለብሳ የምትታይበት ጊዜ አለ፡፡ ማርያም ሥዕልሽ የተአምር አበባ ናት፡፡ ርጉም አይሁዳዊ በሰይፍ በመታት ጊዜ ከርሷ ሥዕል ደም ተንጠባጠበ) ይላል፡፡ ይኽቺም የእመቤታችን ሥዕል የካቲት ፭ ትታሰባለች፡፡

💐 የካቲት ዛሬ ጀምራ እስከ አሁን ለ36 ዓመታት ያለማቋረጥ የተቀደሰ ዘይት ያፈሰሰች የፖርት ሰይድ የድንግል ማርያም ሥዕል
✍️ ከመጋቤ ሐዲስ ዶክተር ሮዳስ ታደሰ
🌸 ይኽቺ መዐዛው በጣም የተለየ የተቀደሰ ፈዋሽ ወዝን የምታፈስስ የቅድስት ድንግል ማርያም ሥዕል የምትገኘው በግብጽ በፖርት ሰኢድ ከተማ በሚገኘው በአባ ብሾይ ስም በተሰየመ ቤተ ክርስቲያን ውስጥ ነው፡፡

🌸 እ.ኤ.አ. ከ፲፱፻፺ (1990 ዓ.ም.) በፊት ሳሚያ የሱፍ የተባለች ሴት የኮፕቲክ ኦርቶዶክስ ቤተ ክርስቲያን ተከታይ ብትኾንም ሕይወቷ ግን ከክርስትያናዊ ሥነ ምግባር በጣም የራቀ ነበረ፡፡ ብዙ ፓኮ ሲጋራ በየዕለቱ የምታጨስ ነበረች በኋላ ግን በልጇና በንስሓ አባቷ ምክርና ጸሎት ንስሓ ገብታ ከአምላኳ ከክርስቶስ ጋር ታረቀች፡፡

🌸 በ፲፱፻፺ (1990 ዓ.ም.) መዠመሪያ ላይ ከፍተኛ የኾነ አስከፊ የሳንባ ካንሰር እንዳለባት ታወቀ (አንዳንድ ምንጮች የጡት ካንሰርን ይጠቅሳሉ) እና ለከባድ ቀዶ ጥገና ቀጠሮ ተያዘላት፡፡

🌸 በየካቲት ወር በቀዶ ጥገናዋ ዋዜማ ላይ ቅድስት ድንግል ማርያም በቅዱሳን ታጅባ በሕልም ታየቻትና ተአምራዊ ቀዶ ጥገና አደረገችላት። በፋሻዋ ላይም የደም ምልክቶች በመስቀሎች ቅርጽ ታይተዋል። በማግስቱ ጠዋት ለቀዶ ጥገናዋ ስትደርስ ዶክተሮች ሙሉ በሙሉ ተፈውሳ አገኟት።

🌸 እ.ኤ.አ. በ፲፱፻፷፰ (1968) ዓ.ም. ቅድስት ድንግል ማርያም በዘይቱን ማርያም በተገለጸችበት አኳኋን የተሣለች ሥዕል በቤቷ ነበረቻት።

🌸 ከውስጥ የንጽሕናዋ የቅድስናዋ ምሳሌ የሚኾነውን ነጭ ቀሚስ ለብሳ፤ የአምላክ እናትነቷ ምሳሌ የኾነ ሰማያዊ መጐናጸፊያ ደርባ ሰማያዊ መቀነትን ታጥቃ፤ ኹለት እጆቿን ዘርግታ የምትታይ ሥዕል ናት፡፡

🌸 እ.ኤ.አ. በ፲፱፻፺ (1990 ዓ.ም.) በየካቲት መጨረሻ ላይ በሥዕሏ ላይ ከሚታየው ከድንግል ማርያም እጅ የሚንጠባጠብ አስደናቂ ልብ የሚመስጥ መዐዛ ያለው የተቀደሰ ዘይት መፍሰስ ዠመረ፡፡

🌸 ወዲያውኑ ይኽችን የተቀደሰች ተአምራዊ ሥዕል ወደ አጥቢያዋ ካህን ወሰደች። ከዚያም ሥዕሏ በቅድስት ድንግል ማርያም እና በአባ ብሶይ ቤተ ክርስቲያን ውስጥ የተቀመጠች ሲኾን ለተከታታይ ሠላሳ ስድስት ዓመታት ዘይት ማፍሰሷ እንደቀጠለ ነው ፡፡

🌸 ይኽ ፈዋሽ ወዝ (ዘይት) በየዓመቱ በየካቲት ወር መዠመሪያ ላይ መፍሰስ ይዠምራል እና እስከሚቀጥለው ጥር መጨረሻ ድረስ ይቀጥላል።

🌸 ከዚያም የተቀደሰ ዘይት የተጠራቀመበት የፕላስቲክ ከረጢት ጥር መጨረሻ ይቀየርና እንደገና በሚፈስስበት ጊዜ ዘይቱን ለማጠራቀም ከታች የፕላስቲክ ከረጢት በሥዕሏ ሥር ይቀመጣል፡፡ የተቀደሰው ወዝ በዋነኝነት የሚንጠባጠበው ከቅድስት ድንግል ከትከሻዋ በታች ይዠምራል፡፡

🌸 የሚፈስሰው ወዝ በደንብ የሚታይ ግልጽ፣ ቀለም የሌለው ሲኾን ከትኩስ አበባዎች ጋር ተመሳሳይነት ያለው እጅግ ደስ የሚያሰኝ ጠንካራ መዓዛ ያለው ፈዋሽ ዘይት ነው።

🌸 ይኽ ከእመቤታችን ሥዕል ላይ ያለማቋረጥ እየፈሰሰ በሚገኘው ወዝ እጅግ ብዙ ሕሙማን ተቀብተው ጠጥተው የሚፈወሱ ሲኾን ከመላው ዓለም ምስክርነት ወደ ፓርት ሰይድ የአባ ብሾይ ቤተ ክርስቲያን ምስክርነት ይላካል፡፡

🌸 የተሰበሰበው ዘይት በትንሽ ብልቃጥ ተጭኖ ለቡራኬና ለፈውስ ለምእመናን ይከፋፈላል። ይኽ ድንቅ ተአምር በኮፕቲክ ኦርቶዶክስ ቤተክርስቲያን በይፋ ዕውቅና ያገኘ አማናዊ ሲኾን በቤተ ክርስቲያኑ ይፋዊ በኾነው አል ኪራዛ መጽሔት ላይ ወጥቷል፡፡

🌸 እኔም ክብረ ቅዱሳት ሥዕላትን አስመልክቶ የጌታችንና የእመቤታችን ሥዕላትን በብዙ ሺሕ አበባዎች በማስጌጥ፤ ቅዱሳት ሥዕላቱ በካህናት ተይዘው በማዕጠንት እየታጠኑ በሚወጡበት ለተከታታይ በኢትዮጵያና በውጪም ሀገር ባደረኩት ታላቅ መንፈሳዊ መርሐ ግብር ላይ ፓርት ሰይድ ያሉት ፋዘር ቤሜን የተቀደሰ ወዟን በተወሰነ መጠን እየላኩ እዚኽ ከጠበል ጋር በማብዛት በብዙ መቶ ሺዎች ምእመናን በነጻ እየተሰጠ ከካንሰር፣ እጅግ አስጨናቂ ከኾኑ ሕመሞች የተፈወሱ፤ ልጅ መውለድ አቅቷቸው ልጅ ያገኙ እጅግ ብዙዎች ናቸው፤ በዚኽም የሕሙማንን ጭንቀት በምልጃዋ ያራቀች ድኅነትን አማልዳ ያሰጠች እመቤታችንን ዘወትር በመደነቅ እንዳመሰግናት ያረገኛል፡፡

🌸 ለእስራኤል ከታተመ ዐለት ላይ ውሃ እንደፈለቀ (ዘፀ ፲፯፥፮)፣ ለሶምሶን ከአህያ መንጋጋ ላይ ውሃን እንደፈለቀ (መሳ ፲፭፥፲፭-፲፱) ከጥንት ዠምሮ ከቅዱሳት ሥዕላት ላይ የተቀደሰ ወዝ መፍሰስ የታወቀ ነው፡፡

🌸 ከሥዕሏ የሚፈስሰው ወዝ ሕሙማንን የሚፈውስ ታላቅ በረከት ሲኾን ከሥዕሏ በሚፈስሰው ወዝ ተቀብተው ሕሙማን እየዳኑ ምስክርነትን ይሰጡ እንደነበረ ይኸው ሊቅ አባ ጽጌ ድንግል በዚኹ በማሕሌተ ጽጌ መጽሐፉ፡-

✍️ “ሥዕልኪ ማርያም ጸገየት ሥጋዌ
ከመ ዕፀ ገነት ትጸኪ ጽጌያተ ለስርጋዌ
ሣሕለ ተአምረኪ እኩን ለትውልደ ትውልድ ዜናዌ
ቅብዕኒ ሐፈ ሥዕልኪ ወፈውስኒ እምደዌ
እስመ በሕምዙ አቊሰለኒ አርዌ”
(የገነት ዛፍ አበቦችን ለጌጥ እንድታብብ ማርያም ሥዕልሽ ሥጋን የለበሰች መስላ ታየች፡፡ የተአምርሽን ዜና ለልጅ ልጅ የምነግር እኾን ዘንድ የሥዕልሽን ወዝ ቀቢኝ ከበሽታም አድኚኝ እባብ አውሬ በመርዙ አቊስሎኛልና) በማለት ተናግሯል፡፡

🌸 ከእመቤታችን ሥዕላት ላይ መዐዛው ድንቅ የኾነ ወዝ፣ ከርቤ መፍሰሱ ቅድስት ድንግል ማርያም አኹንም ከእኛ ጋር መኾኗን ቃል ኪዳኗ የመቀጠሉ የዝምታ ስብከቷ ነው።
“ዕፍረት ምዑዝ” (መዐዛው ያማረ ሽቱ) የተባለውን ኢየሱስ ክርስቶስን የወለደች “ዕፍረት ምዕዝት” (መዐዛዋ ያማረ ሽቱ) የተባለች መዐዛ ንጽሕናን መዐዛ ቅድስናን ገንዘቧ ያደረገች ቅድስት ድንግል ማርያም ናትና ከሥዕሏ መዐዛው ልዩና ድንቅ የኾነ ወዝ (ከርቤ) በመፍሰስ፤ ከዚኽም የተቀደሰ ዘይት የተቀቡ ከሥጋዊ ሕመም ፈውስን ያገኛሉ፡፡

🌸 ይኽ ተአምርም በኢትዮጵያ በሚገኙ ሥዕለ ማርያም ላይም ይገለጽ እንደነበረ በዐይኑ ያየውን አባ ጽጌ ድንግል በማሕሌተ ጽጌ መጽሐፉ ላይ ሲገልጽ፡-
“ናሁ እምላዕሌየ ክረምተ ሐዘን ኀለፈ
ወጽጌ ስብሐትኪ ትፍሥሕት ውስተ ልብየ ሰፈፈ
እምነ ሥዕልኪ ድንግል ከመ ታውሕዚ ሐፈ
ዘሰማዕኩ በጼዴንያ ተአምረኪ ጽሑፈ
በኢትዮጵያ ርኢኩ ትሩፈ”

(እነሆ ከእኔ ላይ የክረምት ሐዘን ዐለፈ፤ የምስጋና አበባ ደስታም በልቤ ውስጥ መላ ትርፍርፍም አለ፡፡ ድንግል ከሥዕልሽ ወዝን እንደምታፈልቂ በጼዴንያ ተጽፎ የሰማኹትን በኢትዮጵያ ተትረፍርፎ (በዝቶ) አየኊ) ይላል፡፡

🌸 ቤተ ክርስቲያን ኹሌም በአድናቆት
✍️ “ሰላም ለሥዕልኪ ሐፈ ማሕየዌ
በጼዴንያ ወግብጽ ዘአውሐዘት በኢሕሳዌ
ለመጸብሐዊ ማቴዎስ ማርያም እንተ ረሰይኪዮ ወንጌላዌ
ይኩነነ ወትረ ጸሎትኪ እምዘመነ ኲሉ ምንሳዌ
ዐቃቤ ዘመዓልት ወዘሌሊት ኀላዌ”
(በጼዴንያና በግብጽ በእውነት ያለሐሰት ፈዋሽ ወዝን ያፈሰሰች ለኾነች ለሥዕልሽ ሰላምታ ይገባል፡፡ ቀራጭ ማቴዎስን ወንጌላዊ ያደረግሽው ማርያም ሆይ ጸሎትሽ ከክፉ ኹሉ ዘመን በቀንና በሌሊት ጠባቂ ይኹነኝ) ትላለች።

🌸 የተቀደሰችውን ሥዕል ቪዲዮ ለማየት ይኽንን ሊንክ ይጫኑ https://youtu.be/gGvYGkaCRXU?si=1dVKpy3oZ0WyR-7U

🌸 በረከቷን ለማግኘት የአምላክን እናት በምትወዱት ዝማሬ ወይም የምስጋና ቃል በአስተያየት መስጫው ላይ አወድሷት።
https://t.me/+xN518gdGKvswNzE0

✨ ተወዳጇ የአምላክ እናት በቅዱስ አትናቴዎስ
✍️ ከመጋቤ ሐዲስ ዶክተር ሮዳስ ታደሰ
🌸 የካቲት 16/ 2018 ዓ.ም.

🌸 ለአምላክ እናት ድንቅ ምስጋና ካቀረቡላት ቅዱሳን ሊቃውንት ውስጥ ቅዱስ አትናቴዎስ ዘእስክንድርያ ሲኾን፤
🔹 የኖረበት ዘመን፦ ከ፪፻፺፮–፫፻፸፫ (296–373) ዓ.ም
🔹 የሚጠራበት ስም፦ አትናቴዎስ ታላቁ / አትናቴዎስ ሐዋርያዊ ሲኾን ኻያኛው የእስክንድርያ ፓትርያርክ ነበረ።

📖 ስለ እመቤታችን ክብር ያስተማረውን
“ነገረ ማርያም በሊቃውንት ክፍል 1” መጽሐፌ (ገጽ 184–201) ይመልከቱ።
🌟 ለአኹኑ ግን ለኪዳነ ምሕረት በዓል ከሊቁ ትምህርት የመረጥኹትን እነሆ፦

✍️ “አንቺ የተከበርሽ የተደነቅሽ ድንግል ሆይ
🔸 ከየትኛውም ታላቅነት በላይ ታላቅ ነሽ፤
🔸 እንዳንቺ ያለ ታላቅነት ያለው ርሱ ማን ነው?”

💐 አንቺ የእግዚአብሔር ወልድ ማደሪያ ድንግል ሆይ
🔹 ከፍጥረታት መካከል ከማን ጋር ላወዳድርሽ?
🔹 ከኹሉም በላይ ታላቅ ነሽ።

🌸 የዐዲስ ኪዳን ታቦት ሆይ
🔸 ወርቅን ሳይኾን ንጽሕናን የተጐናጸፍሽ ነሽ።
🔸 እውነተኛውን መና በውስጧ ያኖረችው መሶበ ወርቅ የተቀመጠባት ታቦት ነሽ።
🔸 ይኸውም ሥጋን የተዋሐደው መለኮት ነው።

💐 ከለመለመችው ምድር ጋር ላነጻጽርሽን?
🔹 (ዘፍ ፩፥፲፪)
🔹 ነገር ግን አንቺ ኹሉንም ትልቂያቸዋለች።
🔹 “ምድር የእግሬ መረገጫ ናት” (ኢሳ ፷፮፥፩)

✨ አንቺ ግን
🔸 ፍጹም የኾነውን የባሕርይ አምላክ
🔸 እግር፣ ራስ እና መላ አካል
🔸 (ኲለንታ ትስብእት) ይዘሻልና።

🌸 ሰማይ ታላቅ ቢኾንም
🔹 “ሰማይ ዙፋኔ ነው” (ኢሳ ፷፮፥፩)
🔹 አንቺ ግን የአምላክ ማደሪያ ነሽ።

💐 መላእክት እና ሊቃነ መላእክት
🔸 ታላቅ ናቸው ብንልም
🔸 አንቺ ከኹሉም በላይ ነሽ።

✨ ምክንያቱ፦
🔹 እነርሱ በረአድ ያገለግላሉ
🔹 አንቺ ግን በነጻነት ታናግሪዋለሽ።

🌸 ኪሩቤል
🔸 የእግዚአብሔርን ዙፋን ይሸከማሉ (መዝ ፹፥፩፤ ፺፱፥፩)
🔸 አንቺ ግን እግዚአብሔርን በእጅሽ ያዝሽው።

💐 ሱራፌል
🔹 በክንፎቻቸው ፊታቸውን ይሸፍናሉ (ኢሳ ፮፥፪)
🔹 ፍጹም ጌትነቱን ማየት አይችሉም

✨ አንቺ ግን
🔸 ፊቱን እያየሽ
🔸 እየዳሰስሽ
🔸 ጡትን በከበረ አፉ ውስጥ አጥብተሻልና
🔸 ከነርሱ ትልቂያለሽ።

💐 ሔዋን — የሙታን እናት ናት
📖 “ኹሉ በአዳም እንደሚሞቱ…” (፩ኛ ቆሮ ፲፭፥፳፪)

🔹 ከዛፍ ፍሬ ወስዳ
🔹 ለባሏ ሰጠች
🔹 ሞት አመጣች

🌸 አንቺ ግን ብልኅ ድንግል ሆይ
🔸 የሕይወት ዛፍ (ክርስቶስ) በአንቺ ዐደረ
🔸 አካሉን ሰጠን
🔸 እኛም በልተን ሕይወት ተቀበልን

📖 “መንፈስሽ በአምላክሽ በመድኀኒትሽ ሐሤት አደረገ” (ሉቃ ፩፥፵፯)

📚 ነገረ ማርያም በሊቃውንት ክፍል ፩፤ በመጋቤ ሐዲስ ዶክተር ሮዳስ ታደሰ ገጽ 194-196
Homily of the Papyrus of Turin, 216–217

🌌 ስለ የካቲት 21 የ6 ፕላኔት ሰልፎች ዐጭር መረጃ

✍️ በመጋቤ ሐዲስ ዶ/ር ሮዳስ ታደሰ
📅 ቅዳሜ የካቲት 21 በ2018 ዓ.ም. (Feb 28, 2026)

🌠 ፀሐይ ከጠለቀች በኋላ ስድስት ፕላኔቶች ከአድማስ በላይ የሚታዩበት ድንቅ ምሽት ይኾናል።
✨ የሚታዩትም በአንድ ቦታ ተሰብስበው ሳይኾን ከምዕራብ አድማስ ጀምረው በሰማይ ላይ ይዘረጋሉ።

🔭 ለከዋክብት ምልከታ ዐዲስ ለኾናችኹ ቦታቸውን ለመለየት የሥነ ፈለክ አፕሊኬሽኖችን ይጠቀሙ።

⏱ ፀሐይ ከጠለቀች በኋላ 30–60 ደቂቃ ውስጥ መታየት ይጀምራሉ።

🌅 ወደ ታሕታይ ምዕራብ → ሜርኩሪ፣ ቬኑስ፣ ሳተርን

🌌 ከዚያ ላዕላይ ደቡብ ምሥራቅ → ጁፒተር

🔵 ኡራነስ እና ኔፕቱንን ለማየት ቴሌስኮፕ ያስፈልጋቸዋል።

🔹 የካቲት 21 — ሜርኩሪ

🌒 ፀሐይ ከጠለቀች በኋላ ከወሩ መጀመሪያ ይልቅ ሜርኩሪ የተወሰነ ጊዜ ትቆያለች

♓ በሑት መናዝል (ፓይሲስ ዞዲያክ) ትኾናለች።

⚠️ እየደበዘዘች ስለምትኼድ ቶሎ ስለምትጠልቅ በዐይን ለማየት አስቸጋሪ ሊኾን ይችላል።

🔹 ፕላኔት ዝሁራ (ቬኑስ)

✨ እንደ ሜርኩሪ ደብዛዛ አትኾንም

♒ በደለዊ መናዝል (አኳሪየስ) ዝቅ ብላ ትታያለች

👁️ ለማየት አስቸጋሪ ልትኾን ትችላለች

🌟 ቢኾንም

🌅 ፀሐይ ከጠለቀች በኋላ

🧭 የምናይበት በፎቅ፣ በዛፍ፣ በተራራ ያልተሸፈነ ግልጽ የምዕራባዊ አድማስ ካለ

👀 ቬኑስን በዐይን ማየት ቀላል ነው

🚫 ፕላኔት መሪህ (ማርስ) — አይታይም

🌌 የካቲት 21 — ጁፒተር

🌟 ፀሐይ ስትጠልቅ በምሥራቅ ሰማይ ከፍ ብሎ በድምቀት ይታያል

🌙 በዕለቱ 88% ከምታበራው ከውቧ ጨረቃ በላይ ኾኖ

♊ በገውዛ መናዝል (ጀሚናይ) ውስጥ

⭐ ከወንድማማቾች ከሚባሉት ከገውዛ ጀሚናይ ከካስተር እና ፖሉክስ ጋር ቅርብ ላይ ይታያል።

🏆 በዚህ ዓመት በጣም የሚታየው ፕላኔት → ጁፒተር

🔭 ቴሌስኮፕ ካለን

🌕 4 ጨረቃዎቹን

🔴 ታላቁ ቀይ ነቁጥ
👉 በግልጽ ማየት ይቻላል

🪐 ፕላኔት ሳተርን

🕰 በጥር ወር በዐይን ለማየት ምቹ ጊዜ ነበር። በቴሌስኮፕ ደግሞ ከነቀለበቷ እያያናት ነበረ።

🌆 በዕለቱ ግን በግልጽ ለማየት ይከብዳል

♓ በሑት መናዝል (ፓይሲስ) ውስጥ ናት።

🌄 ልክ እንደ ሜርኩሪና ቪነስ ለማየት በጣም ግልጽ አድማስ ያስፈልጋል።

🔵 ፕላኔት ዩራነስ

♉ በሰውር መናዝል (ታውረስ)

✨ ከፕሊየዲስ (ሰባቱ እኅትማማቾች) ሥር ይኾናል።

🔭 ለማየት ግን ባይናኪውላር ወይም ቴሌስኮፕ ያስፈልጋል

🌊 ፕላኔት ኔፕቱን — ቅዳሜ የካቲት 21

🌇 ፀሐይ ስትጠልቅ በምዕራባዊ አድማስ ይወጣል።

♓ በሑት መናዝል (ፓይሲስ)

🪐 ከሳተርን ጋር ቅርብ ይኾናል

🔭 ለማየት ግን ቴሌስኮፕ ያስፈልጋል።

🌌 ስለዚህ የሥነ ከዋክብት ፍቅር ያላችኹ

👁️ እነዚህን ሰማያዊ አካላት ተመልከቱ

🌿 ተፈጥሮን አድንቁ

🙏 ፈጣሪን አመስግኑ
📚 ስለ ፕላኔቶች የበለጠ ለማወቅ
👉 አንድሮሜዳ 1
👉 አንድሮሜዳ 2
👉 ማዛሮት መጽሐፍ ያንብቡ።
🎥 ስለዚህ የፕላኔቶች ሰልፍ በዐጭር ቪዲዮ ለማየት ይኽንን የሥነ ፈለክ ሊንክ ይመልከቱ
https://youtube.com/shorts/lRjpB7EWXto?si=36N3YFwcehIiY1Jh

🖋 መጋቤ ሐዲስ ዶክተር ሮዳስ ታደሰ
(የ30 መጻሕፍት ጸሐፊ፣ Astronomer, Philologist and theologian)