ظهر في جيلنا الحاضر الاهتمام بالماديات والمظاهر، وأصبحت النظرة العامة، كم تملك؟ وأين تسافر؟ وكم مرتبك؟! وهذا أفقدنا السعادة الحقيقية والبساطة والتآلف والتحابب.

د. عبدالملك القاسم

‏«ولو أنّي حمِدتُ الله دهرًا ما أوفيتُه جزءًا مِنَ النِّعَم🤍!»

تــظن أنّـكَ حُــــــرِمتْ
والحقيقة أنّكَ رُحِــــمتْ

‏.゜✭・.・.・゜✭
‏يااربِّ لا تحرمني طموحًا أسعى لتحقيقه
‏و اجعل بيني و بين حلمي مُلتقى.
‏.゜✭・.・.・゜✭

أوقات إقامة صلاة الاستسقاء.

سُبحان الله اليوم الليل أمطرت بالخُبر يقولون!🥹 بداية الغيث الله يجعلها أمطار خير وبركة 🤍🤍.

السلام عليكم…
قد مرة فتحنا موضوع نقاش مع أستاذة الدين عن مراتب الجنة، كلنا اتفقنا إن أعلى مرتبة هي الفردوس، إلا طالبة أو طالبتين قالوا إن الوسيلة هي الأعلى و بيكون فيها الرسول، الصدق بحثت وقتها بس م تعمقّت ولا وصلت لهدفي بالشكل المثالي، تقدرون تساعدوني و نعرف الإجابة الصحيحة؟
@Re_ja_bot

جُزيتم خيرًا ❤️.

أصارحكم بشي 🫣
الصدق أنا أعرف الإجابة بس فعلًا مثل م قلت لكم م تعمقّت و م وصلت لكلام شيوخ لكن أهم شي عرفت الإجابة، لكن أنا أتعمد أسألكم عشان تبحثون و تعرفون بأنفسكم ليه؟ أول شي نتشارك الأجر جميع، ثاني شي المعلومة يوم تبحث عنها و تشوف إجابتها بنفسك تثبت بالذاكرة أكثر و بالتالي إذ أحد سألكم بتجاوبونه بدقة و بفهم، أنا أعرف مصلحتكم معليكم ❤️❤️.

صح حنا بعد الأذان نقول دعاء مابعد الأذان و فيه جملة آتِ محمدًا الوسيلة و الفضيلة؟

“إذا سمعتم المؤذن فقولوا مثل ما يقول، ثم صلّوا عليّ، فإنه من صلى عليّ صلاة صلى الله عليه بها عشرًا، ثم سلوا الله لي الوسيلة، فإنها منزلة في الجنة لا تنبغي إلا لعبد من عباد الله، وأرجو أن أكون أنا هو…”

فالعلماء قالوا بالإجماع تقريبًا إن الوسيلة مؤكدة للنبي ﷺ وحده، وإن قوله “أرجو” كان من باب التواضع، لا الشك.

السلام عليكم
تصدقون ودي أسولف معكم بكم موضوع وبلا ترتيب ولا تخطيط، شرايكم؟🫣

ياخي تصدقون والله العظيم حتى ابتلاءاتنا نعمة!😢 والله مرات أفكر أقول يا الله معقول هذا دليل محبة الله لي؟ قد سمعت قصة غيّرت منظوري للحياة بشكل لايُعقل!
ياطويلين العمر يقولكم فيه وحدة اتصلت على شيخ.. تقوله ياشيخ أنا لي 15 سنة حياتي ميسرة تيسير عجيب! تقول م أمرض ولا أتعب و حياتي الزوجية حلوة و زوجي طيّب و الرزق مصبوب علّي صبّ حتى لدرجة الناموسة م تقرصني!! قالها الشيخ بسألك سؤال.. وش الذنب العظيم يلي سويتيه قبل 15 سنة؟ قالت له ياشيخ أنا أم زوجي كفيفة، مرة مديت رجلي قدامها و طاحت و ماتت ومحد يعرف!💔 قالّها أنتِ ربك غاضب عليك، لأن المؤمن مُبتلى.
يا الله ياذي القصة من بعدها والله صرت أحمد ربي على الإبتلاء و أحتسب الأجر و أعرف إن م دامني بهالحال هذا معناه إن الله يحبني و هالإبتلاء رُبما يكون رفعةً لمرتبتي عند الله أو رفعةً لدرجاتي! فلذلك ياحبايبي احمدوا الله و اشكروه على كل صغيرة و كبيرة وتأكدوا إن هذا دليل محبة مو غضب 🤍.

ياخي تدرون قبل شوي شفت فيديو لدار أيتام، والله بكيت بكيت ياخي ياصغر همومنا و يا تفاهتها قدام هالأطفال!!💔💔
والله شي يقطع القلب ومناظرهم تليّن الحجر، ياخي والله إننا بنعم عظيمة لكن مو مستوعبين!
وش همومنا.. دراسة؟ ضغط؟ نروح الموعد الفلاني؟ صدق صدق م حسيتوا إنكم استصغرتوا همومكم؟!
وجود أهلك حولك نعمة، سماع صوتهم و حسّهم نعمة، الكلام معهم متى م شئت نعمة محروم منها كُل مغترب، ولو نعدد نِعم الله علينا مارح نعدّها ولا نحصيها، احمدوا و اشكروا دائمًا والله إننا بنِعم يتمناها غيرنا!😢

بقولكم موقف لي شخصيًا، والله جتني وحدة م أعرفها ولا تعرفني بالباص، قعدت جنبي يوم يومين وكانت سوالفنا بمسافة الطريق غالبًا سطحية، بعدها البنت صارت هي تحجزلي مكان جنبها خصيصًا وتقعد طول الطريق تسولف لي، المهم مرة من المرات بدت تقولي لي كلام و تشكي لي و تفضفض لي و أنا الصدق كنت بحالة إنذهال!! م توقعت الكلام يلي بسمعه وخاصة إني م أعرف عنها غير اسمها، والله العظيم هي تكلمني و صوتها فيه غصة وأنا أكلمها و ماسكة دموعي بالعافية مابي أحسسها بالضعف!
والله العظيم هموم و كلام تهدّ العافية لدرجة قلت بيني و بين نفسي والله إني بنِعم عظييممةة يمكن أنا أشوفها روتين لكن غيري محروم منها و رجعت البيت بالي مو معي من يلي سمعته! فعلًا فعلًا الواحد يوم يشوف هموم غيره تهون عليه همومه!😢

سوالفي اليوم كانت عن استشعار النِعم و شُكر الله عليها، أتمنى إن كلام فادكم و نفعكم.
وإن أصبت فمن الله و إن أخطأت فمن الشيطان، أعذروني عالإطالة جزاكم الله خيرًا 🤍.