رسائل اشتياق

يامهدي باقي اعلى العهد والجيتك متاني
ولجفوف الموادع ابد ماتهوة ذرعاني

مشتاك الك يالمنتظر
ليلية بشواگي احتضر
تدريني مو گد الهجر يالبعدك أذاني
____
يامهدي اريد اوصل الك حتى اعرف شلونك
جن طير مكسور الجنح خليتني بدونك
ذبلن عيوني من السهر واشتاك لعيونك

كلب اليحبك منكسر
ليلية بشواگي احتضر
ابصحرة ذنوبي ضعت ومتاني تلكاني
_
يالما دريت بغيبتك كسريت جم خاطر
كالو ترد ولجيتك ضليت انة مناطر
وبالندبة احاجيك واضل اتأمل الباجر

ياروحي مليت الهجر
ليلية بشواگي احتضر
وبسمك يردد كل وكت متعود اللساني
____
مر بيه لو نسمة هوى يالساكن عيوني
ماتدري بالفركة شكثر عذالي لاموني
يحجون خل شما حجو لا مايهموني

لو جيت اطشلك شذر
ليلية بشواگي احتضر
واشكيلك اشواگ الكلب يالغالي واحزاني
____
وازاني كلبي الشوفتك يامالك حساسي
يافتشة عيون الكلب ياديرتي وناسي
لجلك يدك هذا الكلب وحروفك انفاسي

يالشوفك لعيني نظر
ليلية بشواگي احتضر
اتبرة من كلبي اذا غيرك يحب ثاني

✍ضحى البلوشي
_
كل عمري اطشه لجيتك يالتسوى كل عمري
اعتذر منك عاتبت واشكيلك بعذري
ما ينحمل جرح البعد وبلچمته تدري

عشت اعلة ملگاك انتضر
ليليه بشواگي احتضر
ولو بينه حال الاجل انتضر بچفاني
_
اعذرني خافن بالعتب مولاي اذيتك
سابيني شوگي وبالدمع عيناي تانيتك
ويا هظمتي لمن اطب ما اشوفك ابيتك
چم مره اكابر بالصبر
ليليه بشواگي احتضر

مثل العليل بلا دوه فرگاك خلاني

✍ بقلم العلويه الاء
____
تمت القصيده باقلام شاعرات رابطه قرابين الطف
يا مهدي مدد



https://t.me/oo7750

https://t.me/Rloot2

قصيده لمولاتي الزهراء. ع😭
-------------------

بفراگج ييمه جروح ملجومه
عليه انكتب يتمي وهذا محتومه
__
شلون انساج يمه يابعد روحي

اصبر العين بيش ودمعي لجروحي
صعب فگدج توازه ومابطل نوحي

اخلاف النبي اصبحتي مظلومه
✍️ ام كرار البهادلي
___
شتصير الروح يمه ويابعد عيني
وخلافج بعد منهو الذي يجيني
أظل للموت الج مابطل اونيني
ومن بعدج ييمه الروح معدومه
✍بقلم العلويه ام كرار
___
شلي ابيتج بعد يالشايله عني
بساع الموت اجاج وماخذج مني
تراني بطلعتج ما بطلت وني

وبگيت خلاف عينج يمه مهضومه

✍ بقلم العلويه الاء
_
مر فركاج يايمة ولا اجرعه
وابجي بغيبتج دمعة بأثر دمعة
صدك صوتج بعد بالبيت ماسمعة
وجهج يالحنينة غابت ارسومة

✍ضحى البلوشي
__
وجهج يالحنينه شلون ما اشوفه
جفوني مناطره تمرين بطيوفه
بحبج غامرتنه بهاي معرفه

فراكج حيل يكلف يا صعب يومه
✍طالبة الزهراء


تمت القصيده برابطه قرابين الطف
اللهم عجل لوليك الفرج يا زهراء مدد


https://t.me/oo7750

https://t.me/Rloot2

ثقيله للحسين ع


حسين حبه امغزر البعد الممات
اشما انطينه مقصرين ابهالحياه
ابو الاكبر بينه
ثورته اتنجينه
____

ياهو يكدر ينسه محبوبه اوينام
صوره عدنه حسين وبعينه السهام
الكفروه والقاتلوه ولد الحرام
وهو باب الرحمه وانفاس السلام

تربته اشافينه
ابو الاكبر بينه

انذبح بضماه وما ضاگ الفرات
شما نطينه مقصرين ابهل الحياة
✍طالبة
___
لو لا تضحية النحر ما يبقه دين
ولا هوى البي نشتم انفاس الحسين
لا قرون التمحي ذكرى ولا سنين
فاق فضله الأنبياء والصالحين

بنعمته مغطينه
ابو الاكبر بينه

حسين يا اوسع سفينه للنجاة
اشما انطينه مقصرين ابهل الحياة
✍بقلم العلويه الاء
___
حسين يا بلسم جروحي وبيه أطيب
يا حبيب المايصح مثله حبيب
يا غريب الصار مثله يا غريب
يبقه حبه بكل كياني شي عجيب

مانوفي دينه
ابو الأكبر بينه

دگ اساس الدين من دمه الثبات
شما انطينه مقصرين ابهل الحياة
___
راح يبقه حسين ايثار الوجود
وحبنه الهم ماتحده اي حدود
باب رحمة حسين وبابه يجود
نريده يحضر بل كبر بيوم الورود

بل كبر نادينه
ابو الأكبر بينه

نريد يحضرنه الولي بوكت الوفاة
شما انطينه مقصرين ابهل الحياة

✍ بقلم ام خضير المهداويه
__
بلا وجودة حسين مايسوة العمر
امي رضعتني محبتة من الزغر
حبة علمني الوفة ومعنى الصبر
ولو متت بأسمة اصيحن بالكبر

امحبتة تنجينة
ابو الأكبر بينه

حبه واجب جن فرض مثل الصلاة
شما انطينه مقصرين ابهل الحياة

✍ضحى البلوشي
____
تمت باقلام شاعرات قرابين الطف
اللهم عجل لوليك الفرج




https://t.me/oo7750

https://t.me/Rloot2

قصيدة ليوم العاشر لسان حال مولاتي زينب مخاطبة امها الزهراء عليهما السلام


يمة يازهرة تعالي شوفي اخيي عالثرة
والشمر كدام عيني يحز ييمة بمنحرة
****
بالظهر كونج لمحتي صواب كلبه المنجرح
ريتج تشوفين حالة من رفس وكت الذبح
صحت يازهرة تعالي خنكو أنفاس الصبح
الجان شايلني اعلى راسة انشال راسة اعلى الرمح
ستوطنت لسيوف جسمه وهامتة مطبرة
والشمر كدام عيني يحز ييمة بمنحرة
واحسيناه
واحسيناه
*****
يمة راد يكوم اليه وماكدر من العطش
وسحكتة خيول اعوجيه وجسمة عالكاع انفرش
وطك الحجار اعلة كصتة صايرة مثل النقش
وجملت اجروحة الحوافر نهشت ضلوعة نهش
مرمي فوك الكاع ضامي والضلوع مكسرة
واحسيناه
واحسيناه
**
ردت المنة ولكن جسمة ماينلم بعد
وكمت اكل لروحي موتي حسين مات ومايرد
كبالي سحكتة الحوافر وسمعت ضلعة انمرد
ميت وضل بالة يمي وعينة لخيامي تصد

يمة ماغمضت عينه اعلينة ضلت غايرة
والشمر كدام عيني يحز يمة بمنحرة
واحسيناه
واحسيناه
*****
اصعدت عالتل ونوحن كتله خوية ادوهنت
هجمت العكسر علينة وصوب المخيم دنت
حركو اخيمنة ييمة وفزعت خواني ردت
وركضت صوب المعارة وبالجفوف تعثرت

يمة جفين الكفلني عالنهر متنگنطرة
والشمر كدام عيني يحز يمة بمنحرة
واحسيناه
واحسيناه
**
يمة نايم عالشريعة كافل اضعون الحرم
مگطع الجفين وانة خلافة شفت شكد هظم
الجان يغفى الا اعلى صوتي غافي بعيونة السهم
ويمة مهضومة اعلى طولي الشافتة عيون الزلم

الجرة اعلينة يزهرة عالخلك لا ماجرة
والشمر كدام عيني يحز يمة بمنحرة
واحسيناه
واحسيناه
***
تمت القصيده بقلم شاعره رابطه قرابين الطف.

ضحى البلوشي ✍🏻


اللهم عجل لوليك الفرج
https://t.me/oo7750

https://t.me/Rloot2

قصيدة ثقيله لام البنين
سلام الله عليها
____


ماتت اليوم الوالده وتريد ابنها

ام البنين ولا ولد يحضر دفنها
_
ودعت محزونه گلب وتصب العيون
تمنت تشوف اولادها وي الشيعون
وحسين يا ضي النظر ما يحضر اشلون
ما ونت اعل الاربعه لحسين ونها
___
ما ونت علولادها ونها للحسين
هاليوم شالت للگبر آيم البنين
وتصيح آيا كربله من سدت العين
ماتت وثر سيل الدمع ضل بجفنها

✍ بقلم العلويه الاء العذاري
__
ظلت تنوح وتنتحب تسجب العبره
ضحت ولدها الاربعه لمهجة الزهره
كسر الكلب ما ينجبر كلي شيجبره
اعله حسين ظلت بس تون ما فل حزنها

✍🏻خادمة الزهراء
الشاعرة هالي نور
____
كرب الموت وتشتهي ذولاك الاعزاز
مخزن يجرح النايبه كالساعه نزاز
ياعازة العالج يحن من اهله جناز

الوالده وحكها العتب طيب لبنها
__
طلعت الروح بيا وضع هامت للكبور
بجناح شوك الكربله وعليهم ادور
شاهدت أملاك التحج ووجوهم نور

شمت عطر راعي الخدرعباس جنها

✍🏻طالبة الزهراء القريش

___
تمت القصيده باقلام شاعرات رابطه قرابين الطف


يا مهدي مدد
اللهم عجل لوليك الفرج


https://t.me/oo7750

https://t.me/Rloot2

فزاعيه مختومه بهوسه

لمولاتي ام البنين (ع)
فزاعيه بقفله الهوسه

*شد نگاب لمه الليله ابو فاضل*
*هوسات وعراضه الحره تستاهل*
___
هوسات وعراضه وعگل ذبوهه
هاي ام الكفل عل روس شيلوهه
لحسين الجنازه الليله ودوهه

ونگاب نشد كلنه عليها

✍العلويه الاء العذاري
_
لم عباس كون الهوسه ممجونه
هاي ام الكفيل الضحه بعيونه
تصد للهوسو وتكول ممنونه

والهوسه تلوك لطاريها

✍طالبة الزهراء القريش
____
ماتت واليموت يريد دفانة
وياشيل الجنازة يريد عوانة
وين حسين عنها وجملة خوانة

ونت لحسين وخوانه

✍️ضحى البلوشي
___
نعرض كون والجازه بثر جازه
وي عباس كلنه نروح جنازه
وترف البيارغ خلف الجنازه

للحره اطخ رايه برايه

✍العلويه الاء العذاري
____
ياعباس امك كوم امش بيهة
شد انكاب لمك ولطم اعليهة
وبيارغ للعزة هاليوم عليهة

تريدك تحضر دفانة
✍🏻ضحى البلوشي
___
تمت القصيده باقلام شاعرات رابطه قرابين الطف اللهم عجل وليك فرجها مهدي مدد


https://t.me/oo7750

https://t.me/Rloot2

(من ديوان معصبة الرأس)

قصيدة لفاطمة الزهراء
حنين زينب سلام الله عليها


يالحنينة.. الموت مستعجل خذاج
يالحنينة.. روحي ماتصبر بلاج

يمة مشتاكة شكثر اغفه بحنانج
يمة ياهو يسد بعد وحشة مكانج
يالحنينة
يالحنينة
____
بعد عين ام المحنة من يلمنة
البين ماخذ من وكت زهرة نزلنة
الموت فاركنة بعجل وياج يمنة

من غيابج.. كلبي خزن بي جرح
من غيابج.. بعيني مايطلع صبح

شاب رمشي من البجي يمة بغايبج
يمة ياهو يسد بعد وحشة مكانج
يالحنينة
__
كلب اليفارك محب ماتطفة نارة
ودمعة عيونة تضل تحجي انكسارة
وياخسارة امي هاي اعظم خسارة

اليفارك.. عمرة يخلص بالمحن
اليفارك.. امة جن فاكد وطن

يمة بسمار بضلع جفن حلالج
يمة ياهو يسد بعد وحشة مكانج
يالحنينة
__
زغيرة مو مالت يتم لا مالت فراك
بعد ياهو اشكيلة همي وخلكي لو ضاك
دموعي مرسوم اعلى حايط ماخذه الراك

البيت خالي.. يمة عفتيني صدك
البيت خالي.. بنار فركاج احترك

يمة منج ماشبعنة ومن دلالج
يمة ياهو يسد بعد وحشة مكانج
_
تاكل بروحي الليالي ووحشة البيت
للكبر وياج اروحن يمة ياريت
لنايباتي ودمع عيني تالي ضليت

يمة يمة.. فراكج يفت الكلب
يمة يمة.. والبيت يوحشني من اطب

الدار مثلي بشوكها تانه اعالبابج
يمة ياهو يسد بعد وحشة مكانج
يالحنينة

✍ضحى البلوشي
__
يا الاعز من الهوى ماكو بغلاتج
كل مسيه انعاج واشتم بعباتج
صار وكت اغروب ما گمتي لصلاتج
كل فريضه.....اعتني مصلاج اون
كل فريضه.....اذكر ايامج واحن

الموت يا وسفه گطع مني وصالچ
يمه يا هو يسد بعد وحشته مكانج
يالحنينه

✍ بقلم العلويه الاء
_
https://t.me/oo7750

https://t.me/Rloot2

قصيده لاستشهاد سيدتي ومولاتي باب الحوائج ام البنين عليه السلام
____

وكت المنيه يالولد غمضلي العيون
عباس رت جنازتي تحطه على المتون
امنيتي تحضر موتي
وتشيلني بتابوتي
غمضلي العيون
___
عباس لمك ما گمت من گبرك اليوم
ماتت الحره الطاهره والگلب مهضوم
تمنت يمرون النعش بكربله اليوم
ويحسين يمك تندفن رادت يا مظلوم
ماتت وتجري العبره
وتصيح يا ابن الزهره
غمضلي العيون
_
اجرك عل الله يالبطل اعل ام البنين
بداركم ظلت تحن ما نشفت العين
شل بحياته اللي گضىه عمره بالونين
وامك گضت كل العمر تبچي عل الحسين
اتنوح ظلت بالدور
سوت للاولاد گبور
غمضلي العيون
____
هالليله امكم گربت منه المنيه
وعيونه ظلت تصد للغاظريه
كون الوكت بيكم يرد بس هالمسيه
تشيلون نعشي الاربعه كلكم سويه
وحسين اريده بيده
ايوسد امه بهيده
غمضلي العيون
_
ويلاه ساعات الاجل يصعب فگدكم
حسرات خلصت العمر بي ما شفتكم
شلون لو لفني الچفن ما ودعتكم
تزتون امكم للگبر يمه ردتكم
امكم وحگي عليكم
ما خاب ظني بيكم
غمضلي العيون
_
✍️العلويه الاء العذاري
اسألكم الدعاء لي ولوالديي

https://t.me/bvbvbhhhhh

https://t.me/Rloot2

السلام عليكم ورحمه الله وبركاته

تم بحول الله وقوته ديوان (معصبه الرأس)
الي ترغب بشراء نسخ من الديوان
تذكر الاسم مع عدد النسخ
والمحافظة
علما سعر النسخه ٣ آلاف ونصف
عدد صفحاته اكثر من ٢٠٠ صفحه
الديوان يحتوي على فصل في مصيبه مو لاتنا الزهراء ع
وفصل لمولاتنا ام البنين ع
طراز خاص في كتابه القصيده
باقلام شاعرات رابطه قرابين الطف



@almoontzr


https://t.me/oo7750

لاستشهاد السيدة زينب عليها السلام

تصلح للقراءه
بطور
👇🏻
فزاعيه
مربعه
طور نجفي
ـــــــــــــــــــ
اليله غربت.. بت فاطمه اليله
مثل امها الضلع مكسور كل حيله
___
عشره ويالدمع صب للثنايه
ونت على الخوه وعلى الرايه
حنت للكفيل وجرف مايه

يشد الراس الها بعكدة الشيله
اليله غربت..بت فاطمه اليله
_

ونت ياونين اليكسر اظهور
على المذبوح أخيها بظهر عاشور
وعلى جف الكفل من زنده مبتور

ضل طفها الم وجروح الثجيله
اليله غربت..بت فاطمه اليله

✍🏻طالبة الزهراء
_
الليله غربت وين اليحنون
وسفه اليوم ماحضروا يدفنون
تريد الخوه وي الزلم يمشون
يبس سجادها ومنهدم كل حيله
اليله غربت..بت فاطمه اليله

✍🏻ام زين العابدين المحمداويه
_
محله الي يموت وعنده خوان
واحد لنعش والثاني دفان
زينب غمضت من غير وليان

كضت وجروحها من السوط والعيله
اليله غربت..بت فاطمه اليله

✍🏻ام عباس السكيني
__
ماحظرو أهلها بساعة الموت
بس يمها العليل وكلبه مفتوت
يحضر كون اخوها يصير زاتوت

ويوكف عالنعش والمدمع يسيلة
اليله غربت..بت فاطمه اليله

✍🏻ضحى البلوشي
_

تمت القصيده باقلام شاعرات
#رابطه_قرابين_الطف

اللهم عجل لوليك الفرج يا #مهدي_مدد

https://t.me/Rloot2

https://t.me/oo7750

فزاعيه لجبل الصبر عليها السلام



الج نيشان بالطف...تله محنيه
يخسه الكال زينب مشت مسبيه
_

الج نيشان بيه اليوكف المهدي
يقرأ المقتل وينعالج ويحدي
يبدي من الركض وجروحج التدي

ولضعن الحرم صرتي القياديه
الج نيشان بالطف..تله محنيه

✍🏻طالبة الزهراء القريش


الج نيشان باقي اعلى المسناية
جفوف مكطعة ويم النهر راية
واثر حرك الخيام التشهد الهاية
وانتي اول مرا الرعبت بني أمية

✍ضحى البلوشي
___
صح زينب مشت والايد مجتوفه
بس مخورسه اهل الشام والكوفه
براس على الرمح تتباهه واطوفه

بت حيدر علي وام الخدر هيه
✍بقلم العلويه الاء العذاري
____
بت سباع انتي ويا كلف يومج
ماذليتي راسج تشهد علومج
تضل طول ازمن ماتختفي انجومج

بت حيدر علي وتبقين علويه

✍🏻ام خضير المهدويه
_
هيه الخورست ازيد وعوانه
شهد الها الملك والعرش واركانه
مثل حيدر علي يعدل ابميزانه

ولو يوم اندبتها الحاجه مقضيه

ام✍🏻 زين العابدين لمحمداويه
___

صدك ركبت الهزله وشدو ايديها
ورغم الي جرى والصاير اعليها
جن زلزال نزلت كل محاجيها

راحت لليسر راحت اعلاميه

✍🏻ام عباس السكيني
__
تمت القصيده باقلام شاعرات رابطه قرابين الطف اللهم عجل لوليك افرج

يا مهدي مدد

https://t.me/Rloot2

https://t.me/oo7750

لجبل الشموخ والاباء عليها السلام
ميدان فزاعي جنوبي


-------🏴
------------🏴
----------------🏴
بالهم ودعتها ايامها ام عون
زينب والدفنها يصب العيون
_

كضت أيامها الحره كضت مره
ونين بصف ونين وتكتل العبره
من اول اصيار اشضاكت الحره

ذبحها اونين أهلها الما يثنون
بالهم ودعتها ايامها ام عون

✍🏻طالبة الزهراء القريش
__

اليوم الي دفنها يريد عوانه
يحضرها ابنها هوه وخوانه
ويا خال الولد ينهض من امجانه

الوحدها تضل اشلون يرضون
بالهم ودعتها ايامها ام عون

ام ✍🏻زين العابدين لمحمداويه
ـــــــــــــــــــــــــــ
تمر اسنين وحزانج تمر بينه نضل للموت بل مجلس تلاكينه نجدد هل عزاء زينب دشوفينه
و نبقه عل عهد رغم اليكرهون
بالهم ودعتها ايامها ام عون

✍🏻ام خضير المهدويه
ــــــــــــــــــــــــ
تاريخج كتب وگفات بالحومه مانزلت راس اختك يجيدومه ابوج بيوم خيبر تشهد علومه
مثل حيدر علي كلهم يعرفون
بالهم ودعتها ايامها ام عون
✍🏻ام خضير المهدويه
ــــــــــــــــــــ
گضت كل العمر دمعات مجريه
تكابر بالصبر والونه مخفيه
من مصاب الطفوف العين معميه

مشت وحيود عالغبره يونون
بالهم ودعتها ايامها ام عون
✍️بقلم العلويه الاء العذاري
___
تمت بعون الله بأقلام شاعرات رابطه قرابين الطف

اللهم عجل لوليك الفرج
يا مهدي مدد


https://t.me/oo7750

https://t.me/Rloot2

فزاعية لوفاة السيدة زينب ع

ياعباس.. كوم اتعنة للشام
زينب بالمنيه اللحك يظرغام
__

ياعباس شد اليوم الانكاب
طلعت روح زينب بين الاجناب
بيدك شيليها و وسدها التراب

عباس اختك صلي اعليهة
_____
كضت انفاسها وهدتها الأحزان
ماتت بالهظم وتريد خوان
يمحلاة الأخو لو صار دفان

خوان تريد يدفنوها
____
اليوم بكاع غربة ماتت ام عون
وتريد الكفلها يغمض العيون
ويشيل الجنازة فوك المتون
بغربة شلون تخليهة
__
بيرغ للعزيه ارفع يعباس
وانصب فاتحة وتوسط الناس
وعل الماتت غريبة الطم الراس

فاتحة ام عون تسويها
____
بدرب الشام هاجت بيها الجروح
ويم الشجرة صاحت اه يمذبوح
ونت ون لحد ماطلعت الروح

ونت لحسين وخوانة
____
بدروب اليسر مرت يالحنين
وتذكرت سبيها وراس الحسين
وماتت من حزنها وغمضت العين

ماتدري بحال المهيوبة

✍🏻ضحى البلوشي
___
تمت القصيده بقلم شاعره رابطه
#قرابين_الطف
✍🏻ضحى البلوشي

اللهم عجل لوليك الفرج
يا مهدي مدد


https://t.me/oo7750

https://t.me/Rloot2

قصيدة لفراق الأب



من البواجي عميانة العيون
شايل ابونة وحملها الضعون
___
بوية عفت الدار تنعى وطافية بلاية ضوة
بغفلة ضيعتك حسافة وبعد مانگعد سوة
جرح اليفاركله غالي بعد مفيدة دوا
عليك من گد البواجي حيلي يابوية خوة

وليل اليفارك يبين عالچفون
__
بلاية شوفك كلي بوية بعد شيفيد العمر
يالجنت خيمة علينة شلون غطاك الكبر
ذبلن ورودك يبوية الجانن بسدك خضر
الشوفتك مشتاكة عيني وماتكفيهة الصور

عكبك حياتي اكضيها بشلون
___
بوية فگدك دوهناني وتارك بكلبي جرح
وفرفحت روحي برحيلك جنها طير ومنذبح
ضلمة صارت كل حياتي وبيهة ماطر الصبح
منين اجيبن مثلك انة ومثلك أبداً مايصح
ليش النودهم اعلينة يبعدون
____
اكطع الضنة يبوية لو ترد وابقى برجاك
يالمعودني اعلى شوفك شمس واحتاج الضواك
تدري اذا مااشوفك اذبل وردة واتنفس هواك
الكلب ماعاش بعدك كلبي مات ومانساك
اه يالمشيتو انساكم شلون
____
البنية خلاف ابوها وين ماتچهب غرب
ياحنان يسد حنانة وياگلب مثلة گلب
المات ابوها تضل غريبة ومثلة ماتلگى محب
شدة فراكة شيحلها والله ياعالم صعب
اعزازج يروحي لا مايردون
_
تمت القصيده برابطه قرابين الطف بقلم الشاعره
ضحى البلوشي
اللهم عجل لوليك الفرج
يا مهدي مدد

https://t.me/oo7750

لسان حال السيدة زينب ع

ابوذيات مع نعي
_
خبر موتة لمخيمنه وردنة
وحوافرهم غدت تسحك وردنة
ردنة من الثرة نشيلة
وردنة
ماي نغسلة حسين الشفيه
__
الكلب صبح على ابن امي وجر بي
الشمر لمن ذبح نحرة وجر بي
يجر الحافر حسيني واجر بي
لحد مانصة راح بخيل أمية

__
ضعت من طاح عالشاطي.. علاماي
يخوية ومامتت بعدك.. علاماي
اليتامى من العطش تصرخ.. على الماي
وانه ريجي يبس يبن الزجيه

_
السيدة رقية تخاطب عمها العباس عليهما السلام

الهجر مره على ايامي ترا فات
وخشنة احبالهم وايدي.. ترافات
ابوي الحافر بضلعة.. ترا فات
ونه للشام مكيوده سبيه
____
النعي

من يومكم مامستراحة
زينب بقت بس للمناحة
وراس الولي يصدلي بجراحة


الجيش يضرب بالسباية
ومتونة بلون العباية
وانتم على الغبرة ضحاية

افزع يمن كتلي بحماتي
شوف الشمر يضرب بناتي
ازغار وتلوذ بعباتي

ذباحكم يزمخ علينة
وبحبال خشنة مجتفينة
مامش ولي وينغر علينة

جنت مدللة والراس عالي
وهسة بيسر والضيم حالي
حرمة وغريبة ومالي والي


✍ بقلم شاعرة رابطع قرابين الطف
ضحى البلوشي
اللهم عجل لوليك الفرج
يا مهدي مدد


https://t.me/oo7750

https://t.me/Rloot2

قصيدة فزاعية لمصرع الحسين عليه السلام


امهلني ياشمر خليني اودعنة
وجسم حسين من الكاع اشيلنة
_____
ساعة اتوادع وي حسين خليني
واروي شفافة من دموع البعيني
يون من العطش وونينة ياذيني
(خال ابني ويصعب تودعية)
_____
شفافة من العطش خليني ارويهة
واعدل رگبتة التراب ماذيها
تطلع روح اخوي براضة خليهة
(بهيدة يون عذب حالي)
____
كافي من الرفس هديت كل حيلة
انكسر ظهر الولي خليني اتجيلة
وعن حر الشمس بالشيلة افييلة
( ارسومة من الحر ذبلانة)
_____
على الگومة بعد ماتگدر اجدامة
شلون تحز وريدة واختة كدامة
وعلى سحك الصدر لخيول محتامة
(بصدرة تدوس الخيالة)
__
تحز بمنحرة وعينة على اعيالة
ارحم بي يخايب عذبت حالة
عوف حسين وانا اذبحني بدالة
(خليه يضل خيمة اعلينة)
_____
تمت القصيده بقلم شاعره رابطه
#قرابين الطف
#قرابين الطف
✍🏻ضحى البلوشي

اللهم عجل لوليك الفرج
يا مهدي مدد


https://t.me/Rloot2

https://t.me/oo7750

خاف اموت وانحرم
وصدري ما شابع لطم
انه خايف انه خايف
ــــــــــــــــــــــ
كل بشر بالدنية لازم عنده غاية
تالي يسكن بالگبر هاي النهاية
وانه چانت عندي طلبه امن البداية
كون اخلص عمري الطم عالسبايه
خاف اموت وانهظم
وصدري ما شابع لطم
انه خايف انه خايف
ــــــــــــــــــــــــ
من يجي الموت اعلى بالي ابقى يائس
اكره الدنيا بحياتي مالي واهس
ما اخاف يصير گبري امن الدوارس(1)
خاف بالبرزخ بعد ماكو مجالس
خاف من دمعي انفطم
وصدري ما شابع لطم
انه خايف انه خايف
ـــــــــــــــــــ
كل محرم من يهل ضل حزني دايم
ادعي يا رب هالسنة سجلني خادم
انطيني فرصه وكون الضل لعام قادم
حتى ما تخلص حياتي وانه نادم
لو اضل جلد وعظم
وصدري ما شابع لطم
انه خايف انه خايف
ــــــــــــــــــــ
انه چانت بالعمر هاي امنياتي
بالمجالس دمعة تخلص كل حياتي
عالمنابر جفني يكتب ذكرياتي
بگلبي جمره ودمعة ضاخرها لمماتي
للحشر من دمعي اظم
وصدري ما شابع لطم
انه خايف انه خايف
ـــــــــــــــــ
ما اخافن لو صرت بالدنيا شايب
وهذا جسمي يندفن تحت الترايب
خوفي لا بالموت ما الگه مواكب
ماكو مجلس للسبوهن بالخرايب
للسبي راحن ظلم
وصدري ما شابع لطم
انه خايف انه خايف
ــــــــــــــــــــ
ربي اصيح ابجاه زينب يا الهي
لا تخلي الگلب عن احسين لاهي
ابقى خادم وافتخر حگي التباهي
والعمر لوما محرم طعمه فاهي
بالمجالس منتظم
وصدري ما شابع لطم
انه خايف انه خايف
ــــــــــــــــ
ابو باقر الساعدي
معنى الدوارس هي القبور التي تتهدم وتندرس وتختفي

ثقيله لاستقبال شهر محرم


هلال شهر النايبه هل بالسماء
وبسم رب حسين خل نبدي العزاء

ابتدة شهر الحزن
والدمع هل عالوجن

هلال شهر النايبه هل بالسماء
____
بالدمع والنوح ننصب ماتمة
وتحظر بهاي المجالس فاطمة
وتلطم اعلى ظلوعها المتألمة

تبجي ويانة ام حسن
والدمع هل عالوجن

انواسي الزهراء فخر الانبياء
هلال شهر النايبه هل بالسماء
✍🏻ضحى البلوشي
___
هالمجالس بيها سر من الحسين
والشدايد تنحل برفع الادين
والاجابه بإذن رب العالمين

تنجلي اثكال المحن
والدمع هل عالوجن

من اثر اكبر مصيبه ابكربلاء
اهلال شهر النايبه هل بالسماء

✍🏻طالبة الزهراء
┉❈❥ًً❀﷽❀❥❈┉
ويه أبو الأكبر يضل هذا العهد
بدفتر ام حسين نخدم للأبد
نصيح يازهراء ياحيدر مدد

حسين يالحضنك وطن
والدمع هل عالوجن

محزمين احزام وبجف الوفاء
هلال شهر النايبة هل بالسماء

✍🏻 آلــــّعــلّويِـــه آلّمٌوسويِــــۿ
┉❈❥ًً❀﷽❀❥❈┉
وطن أسمك ياحسين ونفتخر
نخدمك مولاي يااعظم بشر
نعازي أمك فاطمه وأم الگمر

أعيوني وياهن بجن
والدمع هل عالوجن

رايه الخدمه رفعناها أبأباء
هلال شهر النيابه هل بالسماء

✍️أم ســــــيف المحمــــــداويه
┉❈❥ًً❀﷽❀❥❈┉
​هالمجالس عِبرة من دَم النحر
باقية وتنحب على طول الدهر
تجمع قلوب المحبّين بْقهر

​بالكلب ليكم شجن
والدمع هل عالوجن

​والزجيه اشوف وتوزع الجزاء
هلال شهر النايبه هل بالسماء
✍🏻مريم العبوديه اسيرة الأحزان
┉❈❥ًً❀﷽❀❥❈┉
هالمجالس بيها عبرة وموعضة
بيها نتذكر امام الرافضة
قدم اجمل تضحية وبالطف كضه

خالد بطول الزمن
والدمع هل عالوجن

نبجي عالعطشان مسلوب الرداء
هلال شهر النايبة هل بالسماء

✍🏻خادمة الزهراء
الشاعرة هالي نور
┉❈❥ًً❀﷽❀❥❈┉
┉❈❥ًً❀﷽❀❥❈┉

تمت القصيده باقلام شاعرات رابطه
#قرابين الطف
#قرابين الطف
اللهم عجل لوليك الفرج
يا مهدي مدد


قناه الشاعره ضحى البلوشي
https://t.me/Rloot2

شاعرات قرابين الطف
https://t.me/oo7750



https://t.me/sakiAtashi
مستمرين بكتابه القصائد

‏مقطع صوتي من ضحى البلوشي

غير نومتك يحسين خاطر نكدر نشبكك
وخل افرشلك انه فراش نوم الكأع مو كدك
عمت عيني عليك حسين صاير عل ترب خدك
ماكفه الذبح يحسين اجاك الحافر يسحكك
ما كفى ذبح.       شالو عل رمح
وهد حيله العطش.  من ذاك الصبح
.......
يبعد اختك ولتني الناس ماتكعد تحاميني
متعيني شكثر عطشان تعال ازكيك من عيني
آخر كعده هاي وياك فدوه جلمة حاجيني
يمك جنت  اجي ارتاح أول مرة تاذيني
       بسك لا تون.   موتني الحزن
       وشتاكيت الك.   ليامك احن
......
اجيتك خايفه من الناس ودم تارس عيوني
كلت بلكي الووذن بيك خاطر مايشوفوني
ويتامي جوتها نار وتشلبو على متوني
شما اركض تجيني الناس تدفعني ويطحوني
غريبه بس عدو.   الي غيرك منو
بقى وحده الخدر.   ابن ماضل وخو
.....
اول مره آتية حسين يمه ومااعرفنه
اتمنه اشبكه هواي بس خافن الجمنه
خليلي التعب وضيم ونته بنومك تهنه
فاتح عينه من بجيت حاجيته ولا جنه
أيا حسرتي.     تكتل غربتي
ولا واحد فزع.    اليه من اخوتي
……
يال بس انت عندي حسين عايفني بكسر خاطر
اجيتك بس لكيته بحال لا صاير ولا داير؟
اكض ضهرك اكض اتراب اكض صدرك اكض حافر
تره اعذرني من اشبك بيك عنك باجر نسافر
ولو ماتنحضن.    انسحن صدرك سحن
عشره الداستك.   وطحننك طحن
……
الشاعر حسن هادي الموسوي


https://t.me/sakiAtashi