- انت العريس
- ‏ايوا
- ‏امممم طيب بص الجوازه دي انا مغصوبه عليها يرضيك تتجوز واحده مش عيزاك
- ‏اه يرضيني
- ‏ايه البرود دا
- ‏نعم
- ‏نعم الله عليك
- ‏وعليكي، انا....
- ‏استني انت هتتكلم كمان انا بس الهتكلم هنا
- ‏ياشيخه
- ‏فين الحرس
- ‏حرس ايه
- ‏طيب فين السواق
- ‏سواق مين
- ‏يووووه طيب عندك كام فيلا وكام قصر
- ‏هو انتي هتتجوزي كومباوند
- ‏طيب عندك عقد، حاله نفسيه، اي مرض
- ‏لا الحمد لله
- ‏طيب ابوك سابك أو كان بيعذبك عشان كدا هتنتقم منه
- ‏ابويا قاعد برا
- ‏طيب الست الوالده كانت بتحب اخوك اكتر منك عشان كدا هتنتقم من عيلتك
- ‏انتقم!! انتي بتقولي ايه
- ‏طيب صاحبك خانك
- ‏لا الحمدلله كلهم مخلصين
- ‏عندك كام عدو
- ‏في ايه يا بنتي مالك
- ‏مرفوض
- بسسسس بقا من ساعه ما قعدنا وانتي مش بتفصلي
- ‏انت بتزعقلي
- ‏افهمي
- ‏مرفوض
- ‏والله هقوملك
- ‏انت بتهددني
- ‏مــرفـوض
- ‏احنا نتجوز وبعدين نبقا نشوف موضوع الروايات الأنتي عايشه فيها دي
- ‏روايات انت عارف الروايات
- ‏عادي يعني
- ‏لا بس الرجاله مش بتحب الكلام دا
- ‏لا عشانك حبيتها
- ‏هه انا
- ‏ايوا وكمان عارف انك بتحبي روايات ارض زيكولا وامارتنا روايات عمرو عبدالحميد عمتا، وبتحبي القهوه مظبوط والورد الاحمر، وعندك نوته سودا عليها فراشات بتكتبي فيها يومياتك، بتحبي ورده وفيروز وبتملي لأيام الابيض واسود، بتحبي الشتا اكتر من الصيف وبتفضلي العزله و.....
- ‏بس بس بس انت عرفت كل دا منين انت مين
- ‏انا مخاوي
- ‏هههي ظريف اوي
- ‏تحبي اخليه يطلع عشان تصدقي
- ‏والله اصوت
- ‏عارف انك بتخافي
- ‏انت مين
- ‏انا العاشق الولهان
- ‏وبعدين
- ‏انا المتيم بحبك
- ‏الاه
- ‏انا البسهر من حبك
- ‏حالتك صعبه
- ‏انا الـ من يوم ما سمعتك وانتي بتتخنقي مع سها علي الشنداوتش وأنا بتمني تكوني ليا
- ‏شنداوتش يا فضحتي
- ‏انا ....
- ‏بس بقا هو ايه انا انا انا وبعدين انت عارف سها منين
- ‏ما انتي لو مكلفه نفسك وسألتي مين العريس كنتي عرفتي انا
- ‏مش لازم ما كدا كدا هتتقلب زي القبلك
- ‏لاحظي كلامك عشان بغير
- ‏علي مين
- ‏امي
- ‏قاعده برا
- ‏هي مين
- ‏امك
- ‏امي، في واحده قاعده مع عريسها تقوله امك
- ‏مش انت البتقول بتغير عليها
- ‏روفيدا ممكن نتكلم جد بقا
- ‏انت عارف اسمي كمان
- ‏يابنتي هو في عريس هيروح لعروسه من غير ما يعرف إسمها
- ‏طيب بما اننا هنتكلم جد انا مش عايزه اتجوز دلوقتي
- ‏ليه انتي حتي مسمعتيش مني
- ‏تعرف تقولي اسمك ايه
- ‏اسمي ع...
- ‏فهد، اسد، صخر، اوس، راكان، رعد، اي حاجه من الاسامي دي
- ‏دي اسامي ولا جر شكل ما لها أسامي البي ادمين الطبيعين يعني
- ‏شوفت حتي الاسم مش لقياه......
- ‏بس اسكتي شويه، انا اسمي عمار عندي 27 سنه وشغال محاسب في شركه، وفي نفس الوقت برسم بورتريهات في وقت فراغي، أما ازاي عرفتك ف انا ابن عم سها وكنت بشوفك عندها علي طول ولما سألتها عليكي وعرفت أن بحبك كتر خيرها عرفتني عنك كل حاجه دا الكلام المهم مش تقوليلي رعد وبرق
- ‏بصراحه كله كلام معقول بس لا برده
- ‏روفيدا انا بحبك
- ‏شكرا
- ‏شكرا ايه هو انا بكلم بنت اختي
- ‏........
- ‏روفيدا بقولك بحبك
- ‏........
- ‏بحبك
- ‏.............
- ‏بحبك
- ‏ما خلاص هو انت استحلتها
- ‏ما البعيده معندهاش دم وسيباني اكلم نفسي
- ‏مفيش احراج مفيش دم مفيش احساس
- ‏لا في حب في عشق في غرام
- ‏عيب كدا يا اسمك ايه
- ‏اسمي عمار وبحب واحده اسمها روفيدا
- ‏ع فكرا كدا مينفعش خالص ومتنساش أن لسا مقرناش فاتحه حتي
- ‏قولي بس ايوا وانا اكتب الكتاب بكرا
- ‏سبني افكر
- ‏امته
- ‏معرفش بس اديني فرصتي
- ‏امته
- ‏باذن الله لما افكر
- ‏امته
- ‏يوووه لما أقرر
- ‏ايوا أمته
- ‏اول ما اخلص الروايه الـ معايا
- ‏نعم يا ختي
- ‏زي ما سمعت
- ‏اه ماشي ، يا عــمي تعالي شوف بنتك الـ بتقرا روايات وهي قاعده معايا يا عم....
- ‏هووووص اي يا فضيحه انت متعرفش أن الكدب حرام
- ‏يا عمييي
- ‏خلاص اسكت ،موافقه
- ‏مبروك يا عروستي

(بارك الله لكما وبارك عليكما وجمع بينكما في خير)

- مبروك يا حبيبتي
- ‏الله يبارك فيك
- ‏انتي ماسكه الفون من ساعه الناس ما مشيت بتعملي ايه
- ‏بخلص اخر فصل في الروايه
- ‏الله يصبرني

انتهت

_لو سمحت استني

_نعم يا انسه عايزه حاجه

_اه ممكن اطلب منك طلب؟

_اه اتفضلي

_ممكن تتجوزني

_انتِ مجنونه يا انسه هو انا اعرفك؟

_مش مهم انت تعرفني ولا لاء المهم اني اعرفك

_وتعرفيني منين إن شاء الله

_مش مهم اعرفك منين دلوقتي بس انا عارفه عنك كل حاجه

_انتِ كويسه يعني ملبوسه او فيكِ حاجه؟

_لاء واللهِ انا تمام فيه ايه

_فيه ايه؟؟ يعني بتوقفي واحد في الشارع متعرفوش وبتقوليله اتجوزني وشايفه انه مفيش حاجه

_اه عادي انت عاجبني من زمان اصلا بس خلاص معدش فيه وقت للتلميحات لازم نتجوز بسرعه قبل فرح البت سماح

_سماح مين

_سماح بنت خالتي هتتخطب قبلي وهتعايرني يرضيك حد يعاير مراتك

_مراتي مين يبنت الناس حلي عني بقي عشان انا مستعجل

_لو مشيت خطوه ذياده هصوت وقول انك خاطفني

_ياربي علي المصيبه اللي وقعت فيها دي

_بتقول علي مراتك مصيبه ماشي لما اتجوزك بس
خد امسك دا

_ايه دا

_دا الجاتو اللي هتيجي تتقدملي بيه ولا يرضيك حماك يقول عليك بخيل

_يبنت الناس الله يهديك سبيني امشي انا مش فاضي للجنان بتاعك دا

_هتبقي مجنون بجد لو مشيت انا فرصه متتعوضش هتندم

_انا عايز اندم ملكيش دعوه

_وانا مرضاش اسيب جوزي يعمل حاجه ويندم عليها

_طب خلاص سبيني امشي دلوقتي وبكره هجي اتقدملك انا وبابا وناهد وكلنا

_هههههه وكمان دمك خفيف

_متضحكيش تاني ف الشارع

_ليه

_انا مراتي متضحكش ف الشارع بصوت عالي

_ايه دا يعني وافقت؟.

_وافقت علي ايه ؟

_انك تيجي تتقدم

_لاء انا قولت ماينفعش اسيبك تهزري لوحدك فقولت اهزر معاكِ ماهو انتِ ياما مجنونه ياما مجنونه

_ولا اتعدل كدا وكلمني عدل عشان هتتجوزني يعني هتتجوزني ولا يرضيك سماح تتجوز قلبي

وبدأت تعيط بصوت عالي

_خلاص خلاص اهدي اهدي طب بصي استني حتي اما نتعرف علي بعض ونحب بعض الاول

_لاء مفيش وقت للتفاهات دي احنا يدوب هنعمل الشبكه علي طول وهنتلخم في تجهزات الفرح ونبقي نحب بعض بعدين ولا انت عايز تستني اما سماح تتجوز قلبي
واهيء اهيء اهيء

_اسكتي اللي يخربيتك هتفضحينا منها لله سماح دي هي السبب

_ اه صح ونسيت اقولك هنعمل فرحنا في قاعه فخمه والسيشن والكوافير عرفت هروح عند مين انا عايزه اكون احلي منها وانت كمان هنقيلك بدله حلوه عشان تكون احلي من جوز سماح
عايزه الناس كلها تتحاكي بينا ونكون حلوين وسماح وجوزها وحشين

_طب بصي ايه رأيك اقتلك سماح خالص ونخلص منها ونتجوز علي مهلنا بس سبني امشي

_انت بتاخدني علي اد عقلي شايفني طفله قدامك

ورجعت تعيط من تاني

_خلاص اسكتي ماهو يوم باين عليه من اول
بما اني كدا كدا ادبست فيكي اول حاجه البس دا ماشوفكيش لابساه تاني وعارفه عبايه امك السوده هلبسك الاسود منها

_انا اصلا من زمان وانا نفسي اترهبن

_ومفيش شغل

_انا اصلا بتعلم عشان الناس متاكلش وشنا مش اكتر

_ومفيش خروجات ولا صحابي

_صحاب يعني ايه صحاب

_تمام كدا هاتي علبه الجاتو اللي ف ايدك دي ولا نروح لابوكي عشان مبحبش مراتي تقف مع واحد غريب
❤️❤️❤️❤️❤️

اسكربيت 🌞♥

~: تعالي هنا
-: نعم
~: كنتي فين؟
-: كنت مع صحابي منتا عارف
~: ساعه 12 بليل؟!
-: معلش مخدش بالي في ساعه بعد اذنك
مسك دراعي ~: تعالي هنا رايحه فين
رفعت حواجبي وبصتله باستغراب-: هنام؟
~: بطلي شغل هبل ده!
-: هبل اي ي احمد انا داخله انام مالك في اي
بدا صوته يعلا تدريجاً~: ميت مره اقولك بطلي عند ده واسمعي كلام

بصوا عشان انا واحده مهزقه ومبحبش ازعله فا بدات اعمل نفسي بريه واوطي صوتي وحاجه في قمه دلع عشان يهدي

-: مالك ي حبيبي في اي؟
~: مي انتي عرفه اني بخاف عليكي من صحابك دول!!

انا اه مهزقه بس عصبيه جدااااا!!

بصوت عالي-: نعمممم ومالهم صحابي دول،اوعي ايدك دي بس لما تجي تكلم معيا اكلم معيا باحترام وكمان اكلم عن صحابي عدل!!

~: مي في اي انا غلطان اني خايف عليكي
-: لا ي احمد بس انت عارف اني مبحبش حد يكلم عن صحابي وحش
بضحك~: ماشي ي ست جدعه
-: تصبح ع خير
~: طب استن..

وقبل ما يكمل كلامه قفلت باب في وشه

ده احمد خطيبي عايشين في نفس بيت، هتقولوا ازاي خطيبك بس وعايشين في نفس شقه!! بصوا هفهمكم ده مش بيت دي عماره كبيره بس عماره فيها كل معرفنا يعني انا ساكنه في شقه واحمد في شقه الي قدامي بس احنا طول وقت فاتحين بابان وبنشوف بعض 24 ساعه واوقات بدخل شقته وهو بيدخل شقتي وكده كاننا في شقه واحده اما بقه عن بقيت سكان عماره دي فيها امه وابوه واخته وصحبتي ساره هتعرفوها بعدين وصحبه كريم وعشان اديكم نبذه صغيره عنهم هما مخطوبين وزينا بظبط؛ اما انا بقه اسمي مي عندي 23 سنه وهو 24 هو في جامعه تجاره و انا فنون جميله.. بس اسبكم مع احداثـ..♡

بصراحه حسيت بذنب.. يعني واد مغلطش هو بس خايف عليا وبيحبني، لا اي طيبه قلب زياده الي فيا دي هو الي غلطان ازاي يكلم عن صحابي كده.. لا لا بس انا بحبه يوووووههههه انا هتخمد'

تاني يوم♡•

صحيت فطرت واتفرجت ع تليفزيون شويه بس بس.. بس انا مش مرتاحه دنا انا وهو كل يوم كنا بنفطر سوا وبنضحك ونهزر.. هو لي مجاش وصلحني، هو غلط اصلا عشان يصلحني...!

فضلت قاعده علي كنبه الي في وش باب الي في وش بابي باب شقته وفضلت فاتحه باب بس هو كان قافله
ده اتقمس مني جامد
قعدت ساعه ساعتين تلاته اربعه.. عشان الخص لكم يعني قعدت من ساعه 10 صبح لـ5 المغرب؛ايوا قعدت 7 ساعات علي كنبه متنحه ع باب شقته

لمغايط ما زهقت ونمت ع كنبه مش نمت يعني بس ريحت شويه؛ هوباااا لقيته فتح باب

~: مساء خير
-: مساء الن..
وقبل ما اكمل كلامي نزل..
ده مضايق بجد؟ امال مضايق هزار

كلمت صحباتي عشان يسعادوني اعمل اي.. بس تخيلوا ردهم..؟

( " معلش ي مي بس احنا مش فاضين سلام دلوقت " )

كان صح.. كلامه صح.. كان صح لما قال عليهم اندال.. كان صح لما قال عليهم بتوع مصلحتهم..!
عرفين انا بحبه قد اي وانا مش بعرف اتصرف من غيره في اي حاجه ولما جيت اطلب مساعدتهم تنطشوا!!
انا اسفه.. انا اسفه اوي ي احمد.. كنت هخسرك عشانهم او تقريبا.. خسرتك خلاص..
احمد لما بيزعل من حد بيفضل كده طول عمره.. خلاص كده خلاص هتعود ع معامله احمد دي طول حياتي..؟!
ممكن اكون اوفر بس بجد انا مش متعوده ع معامله دي معه بذات.. مش متعوده انه يتجاهل وجودي.. مش متعوده انه حته لما بيكلمني ولا بيضحك ولا بيكشر كده رياكشن غير معبر عن اي حاجه..

قمت من ع كنبه وقفلت باب شقه.. وقفلت تليفزيون ونور وحته نت.. وفضلت قعدت مربعه رجليا وحطه ايديا قدام رجلي وحطه راسي في نص بمعني قعدت قاعده بائسه..

ساعه 11:30 كده لقيت بيخبط ع باب.. خمنت انها ساره، ممكن تكون ساره اقرب حد ليا بس طبعا مش اكتر من احمد لانها فاهمني لانها معها نسخه تانيه من احمد وانا مرضتش اكلمها او اقولها ع موضوع احمد لانها مسافره مع كريم..

اي ده ثانيه ايه!!
مسافره مع كريم!!
امال مين الي بيخبط؟!

قمت بسرعه وبفتح باب لقيت احمد في وشي، حسيت من كتر فرحه هزغرط!!

~: ااممم كنت عاوز اسالك سؤال؟
-: اتفضل؟
~: انا خدت بالي بصدفه يعني بصدفه ان اخر ظهور ليكي ع واتساب ساعه 7 وقافله نت؟ هو فيكي حاجه؟
سكت شويه بس بعدها بثواني رديت
-: ها لا مفيش
~: طيب.. سلام

لا كده كتير!! هتمشي تاني!! مره دي مش هسمحلك

-: طب بقولك
~: نعم
-: هو هو.. هو انت بتسال لي؟
~: اصل انا عرفك لما بتزعلي بتقفلي كل حاجه حته باب شقتك
-: طب سؤال تاني
~: اتفضلي
بصيت في ارض وفكرت شويه
-: اقولك لا خلاص سلام
لسه هدخل واقفل باب لقيته مسكني من دراعي وبيبص في عيني
~: مي انا عارفك قولي كنتي هتقولي اي متخفيش
بصيتله شويه وبلعت ريقي
-: كنت هقولك انت زعلان مني..؟
~: لا لي
-: لا ولا حاجه متخدش في بالك سلام

ولفيت وشي عشان اتحرك قام مقرب وشه نحيتي وبيبصلي بضحك
~: عشان مش بكلمك يعني
-: اه قصدي لا
ضحك وانا مسكت ضحكتي
~: علفكره
-: اي
~: مكنتش بكلمك عشان كنت بدورلك ع دي
بصيت علي ايده لقيت سلسله عليها اسمي، اه صحيح انا بحب سلاسل اوي وبحب اسمي اكتر
‏شديتها منه زي اطفال وفرحت اوي
‏-: اي دهههه اللللههههه جبتها ازاي دي دي دي تجنننننن
‏بصلي وابتسم وانا بصتله وكنت هطير من فرح_
ومن بعد موقف ده ‏كل حاجه رجعت زي اول♡•

" الي بيحبك بجد عمره ما هيسيبك او تهون عليه في وقت الخلفات او خصام لانه سعتها مش هينسي ذكريات حلوه الي ما بينكم مهما كانت قليله 🦋💕 "

_ ايه
_ ....
_ ايه يحجة بتبصيلي كدا ليه ؟
_ قولي يا مهاب بتتسلى بيا لإمتا ؟
_ بتسلى بيكي !
_ ايوه يعني ناوي تخوني امتا و تبعتلي شات طويل عريض كدا بتقولي فيها انك مش هتكلمني تاني وأن الظروف كانت اقوى منك
_ ......
_ مش اقوى منك ؟
_ ......
_ في ايه يا مهاب مالك بتاكل بوقك كدا ليه ؟
_ ......
_ على فكرة مش معنى أني سمحتلك تكلمني تـ....
_ انتي عبيطة يا نور؟ لا بجد عبيطة ؟
_ اه طبعاً .. تشتم دلوقت زي ما انت عايز .. الله يرحم زمان كنت عامل زي اليويو
_ طب اسكتي يا حبيبتي .. اسكتي يا ماما انتي مش فايقة دلوقت
_ أنا عيد ميلادي امتا ؟
_ خمسة نوڤمبر
_ أول مرة اتكلمنا فيها
_ عشرة أكتوبر
_ أول مرة شربنا فيها بيبسي سوا
_ سبعة نوڤمبر
_ أنت فاكر انك اما تحفظ كل التواريخ كدا أنا هنبهر يعني ؟
_ يا منجي من المهالك يا رب
_ حفظت مواعيد لكام بنت قبلي يا مهاب ؟
_ كتير .. كتير يا نور .. وأنتي عارفة انهم كانوا كتير
_ متكلمش و كأنهم بقوا ماضي عشان انت هتسيبني و تروحلهم
_ ايه يا دكتور هي هتفضل تحت تأثير البتاع دا كتير ! انا كدا هتنقط
_ بصلي وأنت بتكلم
_ ليه
_ عايزة اتعلم ازاي اداري
_ عايزة ايه يا نور ؟!
_ عايزة ايس كريم بالمانجا
_ ماشي اول ما نطلع من هنا هجـ....
_ جيبت لكام واحدة قبلي ايس كريم بالمانجا يا مهاب ؟
_ كتير يا نور .. كتير
_ انت بتزعقلي ؟!
_ لأ
_اومال صوتك عالي ليه
_ واقف في حته مفيهاش اشارة
_ طب ما تتحرك يسطا
_ يا دكتور هتشل !
_ لو سمحت ممكن تبطل تكلم الدكتور و تبصلي
_ اهو .. اهو يا نور

في لحظة الباب اتفتح ودخلت الممرضة وهي شايلة بيبي صغنون ومهاب قام بسرعة وشاله وقربه مني

_ امسكي يختي
_ ايه دا ؟
_ دا الايس كريم بالمانجا بتاعك
_ انت جايبلي ابنك يا مهاب ؟ لحقت تجيبه امتا دا !
_ يا بنتي انتي متخلفة ؟ أنا جوزك .. جوزك يا نور فوقي
_ مش فاكرك ياض
_ وانتي انهردا كنتي بتولدي
_ ايوه بردو مين دا يا مهاب ؟
_ دا ابن الدكتور
_ وانت جايبلي ابن الدكتور اعمل بيه
_ لا كدا كتير .. كتير اوي
_ بس فيه منك يا مهاب
_ اه معلش .. اصلي ابوه بقا
_ يحبيبي شوف ...
_ قمر طالعلي مش كدا
_ شايف قورته عريضة شبهك ازاي
_ انا قورتي عريضة !
_ ايوه دي شبه ميدان عابدين
_ دي قورتي ؟

كنت بحسس على ملامح ابني وببتسم في نفس اللحظة الي كان بيحسس فيها مهاب على قورته

_ مناخيره هتطلع طويلة زي أمك يا مهاب
_ في ايه يا نور .. الواد لسه عنده ساعات .. انتي بتتنمري على مين يا بنتي دا ابنك فوقي
_ طب احلف بالله اننا مجوزين بجد
_ والله العظيم مراتي و...
_ يعني انت مأجبرتنيش على فعل الخطيئة ؟
_ خطيئة ايه يبنتي .. يخربيت اهلك هتودينا في داهية
_ انا اخر حاجة فكراها انك اتقدمتلي في حفلة التخرج
_ ايوه وجيبت بوكية ورد بـ ١٣٠ جنيه
_ مش كنت جبت سندوتشين شاورما احسن
_ مكنتش اعرف الي فيها
_ وروحنا جبنا الدهب من عمو صابر
_ واتخانقنا عشان منزلتكيش تشربي قصب
_ ايه قلة التقدير دي
_ وبعد سنة واحدة اجوزنا
_ ايوه وأمك معجبهاش الستاير
_ أمك ؟!!
_ ايوه امك يا مهاب مالك ؟
_ وغيرنا لون الأوضة بتاعت الأطفال
_ وجيبنا لبس البيبي
_ ايوه وكان غالي وكنت ناوي أبيع الطحال
_ وجبتلي سوشي
_ اه ورمتيه
_ مهو معجبنيش
_ وبتشتريه ليه ؟ اما متعرفيهوش بتشتريه ليييييه ؟ كتر فلوس هي ؟ ولا انا شغال في بنك ؟
_ مهاب ! انت شغال في بنك فعلاً
_ واريڤير
_ طب احلف بالله اننا اجوزنا
_ وحياة ابني
_ ابنك مين ؟
_ يحوستي ياني

********************

•الانـسه الي وراء دي الي لابسه اسود تتفضل تـطلع بره المحاضره.

بَـصيت حاوليا وتقريبًـا تقريبًـا يعني الله واعلم كُنت انا الشخص دا.! لا خلاص اتعودت مش كُل شويه فَـ بِـكُل هدوء أخدت شنطتي وخرجت مِن المُحاضره ومشيت مِن الجامعه كُلها

_بِـتعيطي ليه.؟

كُـنت قاعده علي الكورنيش ومغمضه عيني وكُنت بَـعيط بس وانا مغمضه عيني، فتحتها علي صوت الشخص الغريب الي قعد جمبي دا بَـصيتله مِن تحت لِـ فوق والي هو وانتَ مالك.

~اكيد عارف هقولك ايه صح.؟
ابـتسم_عارف بس كُنت مِستغرب طريقه عياطك الغريبه انتِ عيونك بِـتبكي مع ان ملامحك مرتاحه انتِ غريبه
مـسحت دموعي وبَـصيت قُدامي ~مـكُنتش عايزه اعيط لكن عواطفي بتهزمني احيانًـا لكن انا مِن جوايا مِـش مُهتمه حتى.
خرج سـيجاره وهو بِـشربها _تِـشربي.؟
ضِـحكت~ليفيل المواساه عندك مـعدي البني ادم الطبيعي.
ابـتسم_ضِـحكتك جميله.

شخص غريب، بِـشرب سجاير وعايز يـشاركها معايا، صوته هادي جدًا وبـيشد، عيونه أجمل حاجه شافتها عيني، واه دي مُعاكسه عادي، قـعدنا نـتكلم شويه وتقريبًـا شرب حوالي نُص العلبه في ساعه ولا ساعتين بَـس.

~انا مُضطره امشي دلوقتي علشان متاخرش، شُكرًا.
_هوصلك.
ابـتسمت~عايز تعرف بيتي فين.؟
ضِـحك_مُمكن تقولي كدا فعلًا.
~مش موافقه يـمكن المره الي جايه لو اتلاقينا.
_هنتلاقى.
~جايز.

مواقف غريبه بِـتحصل لِـلأنسان وعلي حسب طبيعته بِـتصرف وبَـعد ما بـيُقعد مع نـفسه ويفتكر الي حصل بيلاقي نفسه شخص غبي اوي، قعدت معاها ساعتين يـمكن ومعرفتش أسمه.!

_إنتِ قاعده لوحدك دايمًـا كدا لـيه.؟

أتفاجأت بـيه في الجامعه عُمري ما شوفته او يمكن علشان مكُنتش بركز في كُل حاجه، قـعد جمبي في الكافتيريا وهو بِـبتسم إبتسامته الغريبه دي تاني.

~اول مره اشوفك في الجامعه.
_يـمكن علشان دي اول مره أجي الجامعه.
~جاي هِنا ليه.؟
_مُفاجأه حبيت أفجائك.
~وانا أتفاجأت فعلًا.
غمزلي وهو بـيقوم_تؤتؤ مش دي المُفاجاه لسه.

ضِـحكت علي رياكشانه وجيه وقت المُحاضره بتاعتي دخلتهاا ولـقيته داخل بعدي كُنت فاكره طالب بس مطلعش كدا مطلعش كدا خالص ويختايييي دا دكتور الماده.!

_اهلًا يَـ شباب انا الدكتور الجديد لِـمُده 3 شهور كدا بَـدل الدكتور احمد أسمي ادم.

الحاجه الوحيده في الحوار أني عرفت أسمه، والحاجه الوحيده الي مش وحيده أني بكره مادته جدًا وهسقط فيها سـقوط وييييي كدا وشكُرًا.

_الانسه الي لابسه أسود دي، تـركز معايا..

كُنت متوقعه انُه يقولي اطلع بره ولـكنه مقالش كدا معرفش لِـيه بس انا فرحت ودا أكيد علشان مطردتش أكيد يعني دماغكم يَـ شباب مش اخلاق دي.! خلـصت المُحاضره وكَـ العاده مشيت قعدت علي الكورنيش شويه لانه في طريق بيتي اصلًا، قَـعدت في نفس المكان بتاع أمبارح ودا يمكن علـشان عارفه ان أدم هيجي.

_كُنتِ مستنياني.؟
~امم حاجه زي كدا.
طلع سيجاره _امم عرفتي أسمي بس معرفتش أسمك ولا دا كمان هنخليه المره الي جايه.؟
~انين.
رفع حاجبه_دا أسمك.؟
~ايوا.
_امم اسمك جميل شبهك كدا.

وشي أحمر ودا مش مِن طبيعتي أني أتكسف بِـسُرعه، فَـ بـصيت الناحيه التانيه ومِن صوت ضحكيته عرفت انُه شافني، قـعدنا شويه نِـتكلم في حاجات كتير بِـ لا سبب يـمكن أحنا الاتنين حاسين بِـالوحده فَـ بنحاول نـعوض مكانها.!

طَـلع السيجاره رقم مليون وهو بِـتكلم_ يعني انتِ لوحدك هِنا وأهلك كُلهم في الصعيد.
~ايوا.
_مِش حاسه بِـالوحده.!

اتنهدت وبَـصيتله واتوقع وصلتله إجابتي، مِـسكت السيجاره مِن إلي كان هيطلعها ورميتها علي الأرض ورجعت بَـصيتله فَـ لقيته رافع حاجبه بِـستغراب فَـ مِسكت شنطتي و وقفت.

~عايز تُضر نفسك ضُرها لكن مـتضُرنيش معاك انا مش ذنبي أستحمل كُل السجاير دي.
_اتوقعت هتقولي علشان صحتي والكلام دا
~انتَ كبير يَـ دكتور وأكيد عارف مصلحتك وانها هتضُر بِـصحتك مش مفروض أجي اقولك أنا.
ابـتسم_انا مُمكن أسقطك في الماده علي فكره.
ابـتسمت~وكأني هـخاف كدا.! هتوصلني البيت.؟
_اوي اوي.
~ولو حد شافنا مع بعض يَـ دكتور.
غمز تاني قليل الادب دا_هقولهم أنك خطيبتي عادي جدًا.
~ونعمه الدكتور والله.

مشينا مع بعض لـحد بيتي، الطريق الي بـياخُد نُص ساعه لوحدي ماخدش 5 دقايق معاه، مِش غريبه دي.؟ البني ادم غريب اوي اوي يعني، متفهمونيش صح اقـصُد غلط يعني.

~أتاخرت علـيك.؟
_لا لـسه مخلص مُحاضرات.
~تيجي ناكُل.!
_يلا.

شخص هادي ولـكن دافي اوي، ردوده غريبه ولـكنها بتفاجئ، شويه عـصبي، شويه بارد، شويه هادي، وفي كُل حاله مِن حالاته بـيكون جميل تفتكروا دا ليه.؟عدى شهرين مِن وجود ادم في حياتي الي شقلبها خالص، روحنا أكلنا، اتقاسمنا شويه ذكريات كتير، واتصورنا وكأننا صُحاب مِن قرن،وكأن علاقتنا متعرفش معني تاني لِـلدكتور والطالبه، بَـدأنا نمشي علشان يوصلني بيتي.

~بَـطلت تـشرب سجاير.!
_ايوا عانيت شويه لكن بـطلتها في النهايه.
~ودا علـشان عرفت انها بِـتُضر صِحتك.؟
_لا علـشان بِتضُر صِحتك أنتِ.
~ايه.؟
_ايه.؟

ضِـحكت علي رياكشانه، أهي ردوده دي قادره تدخل قلبي في مليون متاهه والله يـشُباب ياخي يادي جمال ضُحكتك والله، وصلنا بيتي والحاجه الوحيده الي أكتشفتها في الحوار دا أن المـسافات مع ادم بِـتقصر او يـمكن انا الي مش عايزه نتفرق.!، كُنت هدخُل بـس وقفني سؤاله.

_تعرفي ايه عَن الحُب.؟
رجعت وقفت قُدامه ورفعت حاجبي~اسئله عامه ولا خاصه.؟
ضِحك_امم الي تحبي تجاوبي عليه.
~مِن سابق خبراتي التي تكاد تكون مُنعدمه انُه شعور حلو اوي بِـحسيه الانسان، بِـفرحه ويحزنه، بِـيقويه ويضعفه، شعور واحد بيخليكي تحس كُل المشاعر، بِـحسسك انك طائر حُر ومُقيد برضو، شعور بِيخليك أناني في حبيبك مش عايز تشاركه مع حد، تـقدر تـقول انك بتكون عايزه لـيك لوحدك،عايز تخبيه عن العالم، بس دا الشعور الوحيد الي مبينتهيش في علم النفس بيثبت ان البني ادم مُمكن ياخُد 4 او 5 دقايق علشان يحب شخص ما ومع الوقت الشعور دا بيكبر جواك، عارف يعني ايه 5 دقايق قادرين يخلوك تحس بِـكُل المشاعر فيما بَـعد.!

_مِش محتاج أعرف لأني حاسس.
~ايه.؟
ابـتسم _ادخُلي يلا يَـ أنين.
~تـصبح علي خير يَـ دكتور يَـ حلو انتَ.

ضِـحك جامد اوي، وقتها كُنت حاسه اني عايزه أخبيه عن العالم، وقتها عرفت معنى أنك بِـتحب شخص...
انهارده أخر يوم وادم هيمشي وهيرجع دكتور أحمد تاني ويادي النيله بقي انا صدقت ما بدات احب الماده.! خلصت أخر مُحاضره معاه وخرجت مِن غير ما أكمل باقي المُحاضرات قَـعدت في مكانا المُعتاد، غمضت عيني تاني وسيبت العنان لِـ دموعي.

: هو انتِ بتعيطي.؟

فتحت عيني علي صوت طفل صُغير وهو بيحط ايده علي كتفي، ضِـحكت... ضِـحكت جامد ومسكته قعدته علي رجلي لأنه صُغير اصلًا.

~شـكلي موعوده بِـالي يسالني السؤال دا.
بَـصلي بِـستغراب: يعني ايه.؟
ابتسمت~مفيش حاجه يَـ جميل.
مسح دموعي وابتسم بِـطفوله: كدا شكلك بقي حلو اوي.
ضِـحكت~انتَ اسمك ايه.؟ وفين بابا او ماما.؟
: اسمي زين، وايه دا ماما جات اهي.

سمعت صوت ست كبيره بتنادي بِـأسمه وهو جري عليها، حضنته وقعدت تعيط وهو بيهدي فيها واتوقعت انه سابها ومشي وهي كانت بتدور عليه، بعد ما هديت جيه وقف قُدامي وقرب مـني وباسني في خدي ورجع بصلي تاني.

: انتِ مش هتعيطي تاني صح.؟ علشان شكلك يفضل حلو.
ضِـحكت ورجعت بوسته~حاضر يَـ حبيبي.
مَد صوباعه الصُغير: وعد.؟
~وعد.

مشي زين ورجعت قعدت قعدتي تاني وبعدها حسيت بِـحد بـُِقعد جمبي، وكما توقعته كان ادم.

_حتى الاطفال الصُغيره وقعتيهم في حُبك بِـعياطك الغريب دا.؟
~تقول ايه بقي مغناطيس.
_همم والمغناطيس دا لازم ميعيطيش قُدام حد تاني.
رفعت حاجبي بِـستغراب ~همم ليه.؟
_كفايه عليكي قلبي
~ادم.!
_بِـحبك، تخيلي ساعتين بَـس خلوني مُقيد في حُبك.
~ماتخطوش الـ 5 دقايق عندي وخلوني مُقيده في حُبك.
_ايه.؟
~تـشرب سيجاره.؟

تَـخَلانْي عَابِرَ سَبِيلٍ وانتَ مُستَوْطِن لِـ قَلبِي هُنا . !

.................

_فاضية شوية

_مبحبش القهوة

_قهوة ايه !

_معلش يا أكرم كنت مندمجة شويه عايز ايه

_أنا هخطب وعايزك تيجى معايا للعروسة أنت بنت عمى وزى أختى

_يخربيتك يا أكرم

_بتقولى ايه !!

_لا مبقولش ،حد قالك انى شغالة خاطبة مش جايه

_أصلها واحدة أنت تعرفيها

_يخربيتك كمان مرة

_مالك يا نور

_بلا نور بلا ضلمة

_خدي أنت راحه فين

_راحه أكل ربنا يسد نفسك يا بعيد

_ليه

أنتَ مبتحسش يابنى ولا ايه !

_ليه بس ؟

_يخربيت برودك

_أنت بتغلطى وأنا ساكت

_مهو البعيد مبيحسش

_مين البعيد

_واحد كده متحطش فى دماغك

_المهم تعالى اختارى هلبس اى تيشرت دا ولا دا

_الأتنين أوحش من بعض ،البس التيشرت الأصفر .

_الأصفر !!!! عيزانى اروح أخطب وألبس تيشرت أصفر !

_بيبقى جميل عليك صدقنى

_من امتى وانت بتقولى كده دا أنت دايما بتكرهينى فيه وتقوليلى أنه وحش !

_المفروض تفهم لوحدك يا بنى

_أفهم ايه

_لا مش لازم تفهم ،المهم أنت بتثق فى رأيي

_ايوه طبعا مش اختى وخايفه على مصلحتى

_انا مش أختك أنا بنت عمك وركز معايا شويه

_مركز والله

_البعيد الغباء مسيطر عليه من فوقه لتحته

_مين دا

_واحد كده

_هدخل ألبس هتيجى معايا ؟

_ايوه جايه اسيبك بقى علشان اجهز نفسي

_وأنا كمان، متأكده ألبس التيشرت الاصفر ؟

_تحفة عليك ودقنك دى احلقها وشعرك كمان ،هى مين العروسة من الشارع دا ولا اللى بعده ؟

_لا اللى بعده

_جواهر اللى بتشخلل وهى ماشيه

_لا مش زوقى .

_هو أنت عندك زوق اصلا ،طب رنا اللى كوتشيها بنور

_لا بردو

_يبقى أكيد سما الجميلة اللى كل الشباب هيموتوا عليها ؟

_لا بردو ،واحنا ماشين هقولك ،هسيبك بقى تجهزى نفسك وانا أجهز نفسي

_سلام

_ياماما يا ماما
_ايه يا نور
_فين زيت الطبيخ
_انا طبخت ،ادخلى اغسليى الغسيل أنت

_غسيل ايه وطبيخ ايه يا ماما أنا مستقبلي بيضيع لازم ألحقه

..............

_ عمي فين يا أكرم مش جاى معانا ولا ايه ؟

_هو تحت فى المحل هناخده هو ووالدك واحنا ماشين

_طب يلا عشان منتأخرش

_ااااااااااااه يا ضهرى ااااااااه يا رجلى اااااه يا عظامى

_مالك يا اكرم ايه اللى وقعك كده ،قوم يلا عشان اخدك للعروسة وانت متكسح كده

_ما أنت العروسة يا غبية

_يا شيخ حسبي الله ونعم الوكيل فى برودك

- صباح الخير يا حبيبتي

— لسه فاكر تقولي صباح الخير!

- اه مانا لسه صاحي

— طبعًا

- طبعًا ايه؟!

— طبعًا وخلاص

- لأ افهم

— امبارح نمت من غير ما تقولي ولسه فاكر تقولي صباح الخير

- معلشي كنت تعبان

— حججك كترت اوي

- انتي عايزة تتخانقي!

— الخناق ده بيكون بين اتنين مهتمين لكن انا خلاص مبقتش مهتمة

- طب كويس

— دانت ما صدقت بقى

- انتي عايزة ايه؟!

— مش عارف انا عايزة ايه؟!

- انتي نفسك مش عارفة انتي عايزة ايه

— انا مش عارفة انت تبقى عارف

- بصي انا مش عايز اتخانق

— مانا قولتلك الخناق ده بيكون بين اتنين مهتمين، عرفت بقى انك مش مهتم!

- طيب يا بنت ال* تييييت*

— انت بتشتمني؟!

- لأ مهتم

— يعني ده الاهتمام من وجهة نظرك!

- لا دا من وجهة نظرك انتي مش انتي اللي قولتي؟!

— انا مش هتكلم دلوقتي شكلك صاحي مودك مش حلو

- احيه!

— مش بقولك مودك مش حلو

- تعصبيني وتقوليلي مودك مش حلو!

— اه مفروض أعصبك تحتويني اضايقك تصالحني اتلككلك تسايرني

- اوكيه، وحشتيني

— ما تشوفش وحش

- خخخ مش ناقصه ".... " عالصبح

— مانا قولت مش هرد علشان انت صاحي مودك مش حلو

- اوكيه، ما ترديش

— هممممم، مش فارق معاك ردي يعني؟!

- لا مش فارق

— ما ده اللي انا توقعته برضه كل مرة تبهرني بعدم اهتمامك

- خلاص فارق

— معادتش تفرق

- .........

— ايه ما بتردش ليه؟!

- معنديش رد

— ما طبعًا

- ما تقوليليش ما طبعًا دي تاني

— اوكيه نتكلم لما مودك يبقى كويس

- تمام

— ما ده اللي بيننا خلاص ما تكلمنيش غير وموك سامح بكده لكن لو متضايق او مخنوق متكلمنيش كانني مش صاحبتك اللي مفروض تبقى معاها ف كل حالاتك

- طب انتي عايزة ايه وانا اعمله؟!

— مفروض تعرف من نفسك

- طب بحبك يا " بيشتمها " اختاري منهم اللي يناسب مودك

— بتزنقني يعني؟! انت صاحي من النوم علشان تزنقني؟!

- طب نغير الموضوع عندك ايه النهاردة في يومك؟

— يوم ايه! هو اليوم اللي بيبدأ بنكد ده بعرف اعمل فيه حاجة!

- طب وبتنكدي ليه؟!

— انا نكدية! واضح انك مبقتش تشوف فيا غير الحاجات الوحشة، احنا لازم نسيب بعض

- زي ما تحبي

— والله؟!

- انا عايز اعرف الخناقة دي هتوصل لفين؟ يعني ليها نهاية واللا هنفضل نستنزف طاقة بعض كده واحنا لسه ف اول اليوم؟

— وعلى ايه استنزفك وتستنزفني؟! مانا قولتلك نسيب بعض

- اوكيه انا موافق

— والله؟!

- اه والله، ااااه والله

* بتعيط

- طب خلاص متعيطيش انا اسف

— قال يعني فارق معاك دموعي

- اه فارقة والله

— بجد؟! يعني مش هتسيبني زي ما قولت؟!

- مبدأيًا انتي اللي قولتي، وعمومًا اه مش هسيبك

— أكيد؟!

- اه أكيد

— مهما عملت؟!

- مهما عملتي

— اوكيه حصل خير خلاص

- حصل خير

— انت شايف انه حصل خير؟! يعني تضايقني وبعدين تقول حصل خير وكأن الموضوع كده اتحل؟!