✴️ ردانک شونکاری دیوان ءِ جھد ھمیش اِنت ھر وھد کہ نکان سرجم بہ‌بنت، تاکبند ردانک پہ چاپ ءَ دیم دیگ بیت.
🔘پہ ردانک ءَ نبشتانک دیم دیگ ءَ اَلّمیں وھد ءُ پاس نیست.
🔘شما وتی نبشتانکاں ھر وھد ءُ موسم ءَ پہ ردانک ءَ ایمیل کُت ءُ دیم دات کن‌اِت.
🔘بس یک گپّے دلگوش کنگی اِنت. اَگاں شمئے نبشتانک Word ءِ تہ ءَ بہ‌بنت ءُ راست‌نبیسّی ءِ سر ءَ گیشتر ھیال گْورکنگ بہ‌بیت؛ آیانی رد ءُ بند دیگ ءَ پمّا آسانی کیت ءُ ردانک ھم زیتّ‌تر شمئے دیدگانی مھمان بیت.

📧 redank20@gmail.com
👤@redank1402
👤@junaydb

🆔@Redankbalochi

🗓 ۴ اَگست ۲۰۱۹ | ۱۳ مرداد ۱۳۹۸

▪️ بلوچ ندکار ءُ رجانکار، نمیرانیں واحدبخش بادپا ءِ بیرانی ءِ سالگشت.
▪️واجہ بادپا ءِ مستریں کار کلیدر ءِ ماں بلوچی زبان ءَ ترّینگ اِنت کہ دنیگا اے مزنیں گدار ءِ ماں بلوچی ءَ، دو بُن‌بند (جلد) چاپ ءُ شنگ بوتگ.
▪️ وشّیں ھال پہ بلوچی ءِ وانوکاں ھمیش اِنت کہ کلیدر ءِ سَے ءُ چار ھم پہ چاپ ءَ جریدگ‌اَنت ءُ ایشانی «مجوز» ءِ کار ھم بوتگ‌اَنت. اِے دوئیں جلد پرے زیتّاں چہ ربیدان شنگکاری ءِ نیمگ ءَ، چاپ ءُ شنگ بنت.

🆔@Redankbalochi

ردانک 4

- تاکدیم؛ 306
- کاگد؛ بالکی
- اندازہ؛ وزیری
- نھاد؛ 250 ھزار تُمن

✴️ پہ اے تاک ءِ زیرگ ءَ شما گوں جھل ءِ داتگیں نمبر ءُ ردانک ءِ تلگرام، واتساپ، اینستا ءُ فیسبوک ءِ پیج ءَ رھوت کت کن اِت.

شمارہ کارت     6037997316356717💳

مزمل امیری
(دلگوش: زرّانی ریچگ ءَ پد، رسید الّم ماں جھل ءِ نمبر ءَ دیم دیگ بہ‌بیت.)

📱0915 993 1238
محمد امیری

🔷@Redank20
🆔@Redankbalochi

🗓۸ اگست ۲۰۱۸ | ۱۷⁄ ۵⁄ ۱۳۹۷
بلوچی زبان ءِ نامداریں ندکار ءُ ازمکار، ھُدامُرزی انور صاحب‌خان ءِ بیرانی ءِ سالگَشت.

▪️بدبھتی ءِ سوگاتاں امروز ءِ کَوار ءَ کنت
بْراتے کہ بہ‌بیت دُژمن، سَد دُژمن ءِ کار ءَ کنت

🆔@Redankbalochi

پیشرد ءُ روی ءِ جیڑہ

✍ زیا بلوچ

(گوں تاکبند ردانک مئی ۲۰۲۵ ءِ منّت ءَ)


🔸گْونڈگپت: پیشرد چوناھیگا جوکّانی(نظم) تہ ءَ ھم کارمرز بیت ءُ زیملداریں ردانکاں ھم جاھے جاھے گندگ بیت، بلے دستونک ءِ دْروشم ءَ دگہ دنیایے بکشائیت ءُ آئی ءِ بُنداتی بھرے زانگ بیت. ءُ پیشرد ءِ بنیادی بھر ”رَوی“ زانگ بیت کہ ربیتی پیشردزانتیءَ ”حرفِ روی“ نامینگ بیت. چہ ”حرف“ءَ ھمے سما بیت کہ ”روی“ ءَ آب ءِ ”توار“ ءِ ھمراھی ءَ آئی ءِ ”نگار“ ءَ ھم کِردے گون. چہ ھمد ءَ گِندانکی ءُ مَیمی پیشرد (بصری قافیہ) ءُ تواری پیشرد (صوتی قافیہ)ءِ درے ھم پچ بیت. ھمے نْیام ءَ مزنیں جیڑہ ءُ دگری‌یے سرکشّ‌اِیت کہ مردم ءَ مان‌گِیشّینت ھم کنت. اے کسانکیں نبشتانک ءَ ھمے تپّاسگ بوتگ کہ ”رَوی“ ءِ ربیتی رھبند پہ بلوچی یا ھندیورپی زباناں داں چے اندازگ کارامد اَنت ءُ چے اندازگ جیڑہ ودی کن‌اَنت.

🔸کلیت‌گال: رویءِ آب، پیشرد، پیشرد زانتی، ھمرنگی، ھمسانی، مات گال، مانتابی دیمبری، تیجاری دیمبری

🔸برے برے مردم پگر کنت وھدے دستونک ءِ ھمک شَیر دگہ سرھالے ءِ سرءَ اِنت گڑا جتاجتائیں سرھالاں یکّیں دریاب ءَ درشانگ ءِ مول ءُ مراد چے اِنت؟
⬇️

🆔@Redankbalochi

⬆️
ءُ ایشیءِ نپ ءُ پائدگ چے اَنت؟ چوش ھم بُوتگ‌اَت کہ جتاجتائیں دریابانی تہ ءَ گْوشگ بوتین اَنت ءُ ایشانی یکجاھیءَ دستونک ءِ نام دیگ بوتیں.
🔸دوھمی گپ ایش اِنت اگاں دستونکءِ ھمک شَیر ءِ سرھال دگرے گڑا دْراھیں شَیر پرچا ھم پیشرد بہ بنت؟
آ کجام سوَب ءُ کارپرما اَنت کہ دستونک ءِ جتاجتائیں سرھالانی جتاجتائیں شَیراں یکّیں دریاب ءَ جاہ دیگ ءَ دست‌اِش مان بوتگ ءُ پد ءَ ”ھم پیشرد(ھم‌قافیہ)“ ھم کُرتگ اَنت؟
🔸اے جُستانی پسّو ءَ بنیادم ءِ سمائی تب ءُ گْوم ءِ پُژدر ءَ کہ شوھازیں، گڑا زانگ دنت کہ پیشاں بنیادم ءَ ماراِتگ کہ سما ءُ سسّا ءَ ھمک ھما گپ شَرتِر ننداِیت کہ آئی ءِ تہ ءَ ھمرنگی ءُ ھمسانی بہ‌بیت. پمیشکا زیمل بنیادم ءِ سسّا ءُ سما ءِ دلگوش ءَ مدام وتی نیمگ ءَ ترّین‌اِیت. ھمے سوَب اِنت کہ زمانگ ءَ گْوستانکی ویل ءُ سرگْوست یا دگہ بازیں چیزے ”شَیری“ دْروشم ءَ نزّارگ بوتگ کہ زوت دلءَ نشتگ اَنت ءُ پہ دیمتری پدریچاں سربوتگ‌اَنت. نا، تھنا شَیر، زمانگی ردانک ءَ ھم زیملی رنگ گیشتر گندگ بیت.
🔸پیشرِد ھما چیز اِنت کہ دستونکءِ زیملءَ ھمسانی یے بکشائیت ءُ مُھر ءُ ڈولدارتِرئِے کنت. پھتویں شائر گوں پیشرد ءِ کمک ءَ وتی شَیر ءِ مانا ءَ ھم شاھگان‌تر کنت. پھتویں شائرءِ کِرّءَ پیشرِد یک بےکردیں زیملے نہ‌اِنت، مانا ءِ بُنگاہ ءِ ”جَکس“اِنت ھم!
🔸پارسیءِ نوکتریں شائری ءِ بُن‌ھشت ایرکنوک نیما یوشیج پیشردءَ ”زنگ مطلب“ گْوش‌اِیت. پمیشکا پیشرِد دستونک ءَ مانائی رِد ءَ ھم بُنکّی کِردے ءِ واھند اِنت، ایوک ءَ زیملی بْراھداری‌یے نہ اِنت.

🔸نوں جُست ایش اِنت کہ ھمے ”پیشرد“ ءِ جند چےیے ءُ چون گِیشّینگ ءُ زانگ بیت؟ من اد ءَ پیشرد ءِ ربیتی بزانت ءَ نہ‌دیاں کہ ھمک پیشردزانتی ءِ کتاب ءَ دست کپ‌اِیت. اے نبشتانک ءِ مول ءُ مراد دگہ ڈلگ‌تریں لیکہ ءُ دیدانکانی نیمگ ءَ الکاپیں دَرے ءِ پچ کنگ اِنت.

🔸اے بابت ءَ ربیتی دیدانک ءُ لیکہ ایش اِنت کہ پیشردانی کارمرزی سد ءَ سد رواج‌گپتگیں رھبندانی رِد ءَ بہ بیت. ربیتی پیشردزانتی، انچوش کہ شما سرپداِت، چہ تازی ءَ اتکگ. پد ءَ پارسی ءُ اردو ءِ وسیلہ ءَ بلوچی ءَ سربوتگ. پارسی ءُ اردو ءِ زانتکاراں کمّو باز کمّی گیشی آؤرتگ، بلے ساچاری رھبنداں کہ ما چاریں تہ زانگ دنت کہ انگت ھما تازی‌ ئیگ‌اَنت. پارسی ءَ اے رِد ءَ انگت باوستی میلانک گندگ بیت، بلے اردوءَ منی دیم ءَ دنے وھدے چوشیں چیزے نہ گْوستگ.
🔸چوش کہ بلوچی دستونک گیشتر چہ اردو ءَ سان‌مند اِنت پمیشکا اے وڑیں جُستے کہ ودی بیت، گیشتر اردو ءِ نیمگ ءَ چاراَنت کہ اود ءَ چے گْوشگ بوتگ. ھمے سوَب اِنت کہ ما ھم چو اُردو ”والایاں“ مان گِیشّ‌اِتگیں.

🔸وھدے ما اردوءِ نیمگءَ چاریں داں آیانی لیکہ ھمیش اِنت کہ تلمل‌بند ءِ تہ ءَ کم از کم یک بیرگیں(اسلی) گالے بہ‌بیت، چوش کہ ”دوا“ ءُ ”من ءَ“ ءِ تہ ءَ ”دوا“ بیرگیں گالے. آیانی رِد ءَ کلاسیکی لبزانک ءَ لھتے شَیر کہ پیشردی جاھاں چہ بیرگیں گالءَ زبھر اَنت، نہ پَیت کہ پیشردی رھبندے ءِ بنیاد جوڑ کنگ بہ بنت. چوش کہ اکبال لاھوری ءِ شَیر کہ:

سارے جہاں سے اچّھا ہندوستاں ہمارا
ہم بُلبُلیں ہیں اس کی، یہ گلستاں ہمارا

🔺اے شَیر، ایشیءِ بنیاد جوڑ بوت نہ‌کنت کہ ”رَوی“ءِ شریداری پدوندانی تہ ءَ ھم بوت کنت. اے لیکہ ءِ رندگیرانی تہ ءَ یک ٹولی‌یے انچیں ھم ھست کہ نامگالانی تہ ءَ اے پابندی ءَ مان نیاراِیت، بلے کارگال، یا انگت نامگالی بُنگالاں اے پابندی ءِ منّوک اِنت. بزاں آیانی نزّ ءَ ”گلستاں“ ءُ ”ھندوستاں“ ھم پیشرد بوت کن اَنت بلے ”کہنا، بھرنا، سہنا۔۔۔“ بوت نہ‌کن اَنت(بلوچیءَ اے پَیمیں درور ”روَگ، تچَگ، سِدَگ“ بنت)، گپ ایش اِنت کہ بُنگالی نامگالانی جند یک ھسابے ءَ وت نامگال شمار بنت۔ اسلءَ اے ٹولی، ایشاں ھم بس کارگال لیک‌اِیت. جیڑہ ھما وھداں ودی بیت کہ ایش نامگالانی مانتابی(inflectional) پدوندان، تیجاری (derivational) پدوندانی وڑ ءَ کاربنداِیت ءُ کارگالی مات‌گالانی تیجاری پدونداں، مانتابی پدوندانی پَیمءَ.
⬇️

🆔@Redankbalochi

⬆️
🔸منی جند ءِ لیکہ ءُ دیدانک ھمیش اِنت کہ رواج گپتگیں رھبند چوش کہ چہ دَرزباناں زورگ بوتگ‌اَنت پمیشکا گیشتریں جاھاں مئے زبان ءِ تب ءُ ساچار ءَ نہ‌کپ‌اَنت‌گوں. پہ درور اگاں تلمل‌بند ءَ، “دوا“ ءُ ”کشءَ“ءِ ھم پیشرد کنگ ءَ، آ دگہ سرجمیں دستونک ءَ ”منءَ، ڈلءَ، سرءَ۔۔۔۔“ روا بوت‌ کنت گڑا پرچا ھمے چیز تلمل‌بند ءِ جند ءَ روا مہ‌بیت؟ باید و ھمیش‌اَت وھدے آ دگہ جاھاں روا بوتگ‌اَت گڑا تلمل بند ءَ ھم روا بہ‌بوتّیں. پرچا کہ تلمل‌بند ءَ رند آ دگہ دْراھیں پیشردانی بنیاد ”ھمتواری“ اِنت، ”رَوی“ نہ اِنت!
🔸ھمے بنیادءَ منی نزّ ءَ وھدے مئے نوکیں باریگ ءَ ”ناسنگھی (غیرعروضی) شائری“ ءَ ھم وت ءَ را پہ جْوانی منّارینتگ ءُ جوَکّ ءِ میلان ھم دْروشمی ھساب ءَ نوکی ءِ نیمگ ءَ اِنت، پَیت کہ ما زبان ءِ بنکّی ساچار ءُ تب ءِ رِد ءَ رواج‌گپتگیں رھبنداں اچ نوک چارگ ءُ تپّاسگ ءِ جُھد ءَ بہ‌کنیں. اے رِد ءَ زبان ءِ دیمرویں کارپرمایانی پُژدر ءَ آئی ءِ شاھگانیں درانی نیمگ ءَ چارگ ھما راہ اِنت کہ مئے پدگِر بوت کنت. ایش ھما وھد ءَ بوت کنت کہ ما ھمے جُستانی شوھاز ءَ بہ‌بیں کہ زبان ءِ تہ ءَ اے وڑیں پیشردی دْروشم پرچا ودی بیت؟ باریں ایشی ءِ پُشت ءَ ساچاری کارپرمایے ھست؟ باریں اے زبان ءِ ”امکانانی“ یک کڑی‌یے؟ باریں اے زبانءِ دیمبری پروسس ءِ یک بھرے؟
ھمیں پَیمیں بازیں جُستے ءِ ودی کنگ ءَ پد مارا زبانءِ دْراھیں تک ءُ پھنات دیمءَ کنگ ءُ جیڑہ گِیشّینگ لوٹ اَنت.

🔸بگندئے بازیں وانوکے جُست بکنت کہ ھمے زبان ءِ ساچار ءُ تب چے بلاہ اَنت؟
ایشیءِ پسّو ایش اِنت کہ پَیت کہ ما بزانیں مئے زبان ساچاری رِد ءَ ھند یورپی زبانے، مئے زبان ءَ نوکیں گال گوں پیش‌وند ءُ پدوندانی کمک ءَ جوڑ بنت. پمیشکا مئے گْو رءَ ”شمول“ ءُ ”شامل“ ءِ وڑیں گال ھم پیشرد بوت نہ‌کن‌اَنت، بلے تازی ءَ بنت. پرچا کہ تازی ءَ بنیادی بستار مات‌گال یا رِیشّگ ئیگ اِنت، پمیشکا آیانی گْورءَ اگاں مات گال ءِ تہ ءَ مانتابی (تصریفی) چست ءُ ایرے بہ‌بیت ھم، پیشردی بستار سان‌مند نہ‌بیت. بلے بلوچی، پارسی یا اردو ءِ وڑیں ھندیورپی زباناں بیرگ ءَ مات‌گال ءِ بدل ءَ، آئی ءِ گُشادی(توسیعی) پھنات بنکّی بستار ءِ واھند اِنت. بزاں اے زبانانی تہ ءَ پہ نوکیں گالے ءِ جوڑ کنگ ءَ ھمینچو بسّ اِنت کہ مات‌گال ءَ پدوند یا پیش‌وندے(تیجاری) پِرکنگ بہ‌بیت.

🔸نوں اے زبانانی بُنداتی ساچار ءَ کہ ما چاریں تہ پدّر بیت کہ مانتابی دیمبری ءُ ”پروسس“ ءِ آسرال ءَ مات گالءِ گُشادی پھنات ”گیشی“ یے۔ پہ درور، مات‌گال ”راہ“ ءَ بازیگی پدوند ”-اں“ ءِ پر کنگ ءَ ”راھاں“ ءِ دْروشم جوڑ بیت کہ تھنا مات‌گال ءِ شماری مانا ءِ تہ ءَ گیشی‌یے کاراِیت، بلے تیجاری کارریچ ءِ آسرال ءَ مات گال ءِ ھمے گُشادی پھنات ءِ بستار بنکّی بیت. بزاں وھدے مات‌گال ”راہ“ ءَ ”-بر“ ءِ تیجاری پدوند ءَ پِر کنیں گڑا ھما دْروشم کہ دیمءَ کَیت آئیءِ تہ ءَ ”-بر“ گیشی‌یے نہ‌بیت، بنکی کارریچ ءُ ”پروسسے“ بیت، پرچا کہ نوں مات گالءِ بنکّی مانا ءِ تہ ءَ ”گیشی“ ءِ جاہ ءَ ”نوکیں“ مانا ودی بوگ ءَ اِنت.
🔸اےساچار ءِ رد ءَ ما ”راھبر“ ءَ نوکین ءُ جتائیں بُن‌گالے ءِ بستارءَ دیں. اے پَیم ءَ مات‌گال بنکّی نہ‌بیت ءُ ”رَوی“ وتی کِرد ءُ بستار ءَ چہ دست ءَ دنت کہ مات گال ءِ گُڈّی آب ءِ گپّ ءَ جنت.

🔸پمیشکا ما پیشرد ءِ الّمی‌ئیں بھر تھنا ”توار“ ءَ گْوشت کنیں، ءُ آئیءَ مات‌گال ءِ دوئیں گُشادی پھناتانی بنیاد لیک‌اِت ءُ وتی رھبند ءَ گِیشّینت کنیں. اگاں توار ءِ ھمراھی ءَ مانا ءَ ھم بنیادی بھر ءِ تہ ءَ جاہ بہ‌دیں گڑا تھنا ”بنکّی“ گُشادی پھنات ءَ بنیاد جوڑ کُرت کنیں، ”گیشی“ ءَ ناں. ھردوکیں دْروشماں توار ءِ بستار بنیادی اِنت.
بزاں زبان ءِ ساچار مارا اجازت دنت کہ ما ھردوکیں دْروشماں یا چریشاں یکّے پہ رھبند بزوریں. نوں اے مئے سرءَ اِنت کہ ما وتی سر ءَ گیشتر پابندی بہ‌جنیں ءُ پیشردی پھناتاں لُک بکنیں یا گوں کمتریں پابندیاں اے پھناتانی سیمسراں بہ‌ودّینیں!

📚سرشون:
1۔ فاروقی، شمس الرحمن(1997)، درسِ بلاغت، قومی کونسل برائے فروغ اردو زبان، نئی دہلی۔
2۔ ہاشمی، حمیداللہ شاہ(2006)، فنّ شعر و شاعری اور روح بلاغت، اعجاز پبلشنگ ہاؤس، نئی دہلی۔
3۔ نوروزی، یعقوب ؛ قھرمانی، حجت الہ(1393)، پژوھش ھای ادبی و بلاغی، سال دوم، شمارہ 4 (پیاپی 8)، پاییز 1393، ص 58-72۔

🔶 ردانک، تاک. ۴ (خرداد ۱۴۰۴)، تاکدیم ۶۹-۷۲

🆔@Redankbalochi

📑 پیشرِد ءُ «روی» ءِ جیڑہ

✍ #زیا_بلوچ

🔸ردانک، تاک. ۴ (خرداد ۱۴۰۴)، تاکدیم ۶۹-۷۲

#پیشرد_زانتی

🆔@Redankbalochi

🔸 گالریچ دو یا چہ دو ءَ زْیات، لبزانی رِداَنت کہ لَس‌مردم ءِ زبان ءَ ھر روچ کارمرز بنت. گالانی اِے رِد، وتی اَسلین ءُ لبزی مانا ءِ بدل ءَ، جتائیِں گالبندی بزانت ءَ رواج گپتگ‌اَنت.
«محاورہ عربی ءِ لبزے کہ آئی ءِ تہ ءَ محور (بُنجَل) کارمرز اِنت. ما اِے گُشت کنیں کہ گالریچ، زبان ءِ بُنجَلی دانک‌اَنت کہ آ گْونڈ بوھگ ءَ پَد مزنیِں راستیاں دیم ءَ کاراِیت. اِے لَس زبانی تھرے. شائراں وتی شائری ءِ جلوھناکی ءُ زیبائی ءَ مدام [چہ] گالریچاں کمک زُرتگ. آھاں گالریچاں باز بستار داتگ، نوں ھبر پکّ بوتگ کہ گالریچ ءِ آکبت دْرپشناک ءُ رُژنا اِنت.
🔸بلوچی گالریچانی سر ءَ پولکاری کمّ بوتگ. لھتیں نویسکاراں، «اصطلاح، گالوار ءُ گالریچ» ءِ نْیام ءَ، پَرک ءُ تپاوت ءَ گڑمنج کتگ؛ چوشکہ شَے رگام ءِ کتاب: «بتل، گُشتن ءُ گالبند» اِنت. آئی ءَ پہ محاورہ ءَ گالبند کارمرز کتگ کہ اِے جْوان نہ‌اِنت. گالبند، اصطلاح ءِ ھاتر ءَ رواج گپتگ. محاورہ ءِ ھاتر ءَ بلوچی ءَ گالریچ لَس اِنت. غوث‌بخش صابر ءِ کتاب ءِ نام، «بتل ءُ گالوار» اِنت. آئی ءِ گالریچ ءِ جاہ ءَ گالوار زُرتگ،¹ بلے گالوار پہ ڈائلکٹ ءِ ھاتر ءَ کارمرز بیت.
🔸گالریچ ءِ مکسدی درشانی ءَ باز زیبائی ھست. گالریچ دو لبزانی ھواری ءَ باز جتائیں مانایے دنت کہ آئی ءِ لبزی مانا ءَ پَرک ھست. مردم وتی ھرروچی‌اِیں گپّ ءُ تْران ءَ، نبشتہ‌کار وتی نبشتانکانی بْراھداری ءَ، گالریچاں کارمرز کن‌اَنت. گالریچ ھما گال ءَ گُش‌اَنت کہ: آ وتی راستیں لبزی مانا ءِ بدل ءَ گالبندی رنگ ءَ کارمرز بنت. انچوشکہ پہ دَرور؛ واد ءُ آرت ءِ برابر، یک چمّ ءَ چارگ، چمّانی درآرگ، آستونکانی لانچگ، دل اشکران اِنت، پاداں کپگ، چمّ ءِ پچگ، پونز ءِ بُرّگ.

-------------------------------------------------
1- ھمے پیم واجہ رسول بخش کشاورز ءِ بتل ءُ گالریچانی کتاب ءِ نام، بتل‌گنج و بلوچی زبانِ گالوار اِنت (۱۳۹۴)کہ اِد ءَ ھم گالوار پہ گالریچ ءِ بزانت ءَ زورگ بوتگ. (ردانک)

🔶 زاھد دشتی، ردانک، تاک. ۳ (مھر ۱۴۰۳)، ت ۵۴

🆔@Redankbalochi

🗓۲۷ اگست ۲۰۲۴ (۵ شھریور۱۴۰۳)

🖤 شَھگُپتاریں عابدآسکانی ءِ بیرانی ءِ سالگشت

⚫️نیست چُشیں مُلّا ءُ تبیب عابد!
کہ بہ‌زانت مَلّیں مرگ ءِ اَمپاس ءَ

@rabeydaan_publications
🆔@Redankbalochi

🌟 21 فروری ماتی زبان ءِ جھانی روچ اِنت.

🔘 #بلوچی_زبان ءُ آئی ءِ آیندہ ءِ بابت ءَ #کارینا_جھانی ءِ چَندے دیدانک ءُ نکتہ.

🔘 اِے روچ پہ بلوچی زبان ءُ آئی ءِ گپ‌جنوک، پھریزوک ءُ اِزمکاراں مراد بات. بلوچی سبز بات!

🔹@Balochiketabjah

◾️ انا للہ و انا الیہ راجعون

بے شک ما ھدائیگین ءُ ھمائی ءَ واتر کناں

دلپدردیں ھالے کہ ربیدان شنگکاری سرکماش ءُ مدامی ھمراہ استاد مولوی داود ناروئی ءِ مکھیں مات بیران بوتگ۔ ربیدان شنگکاری ءِ دْرستیں باسک ءُ ھمراھانی نیمگ ءَ اے کوھیں گم ءِ بابت ءَ وتی دلپدردی ءَ گوں استاد داود ناروئی ءُ آئی ءِ لوگمان ءَ درشان کنین ءُ اے گْرانیں وھد ءُ پاساں آیانی گم ءِ شریداریں۔
گوں پاکیں ھاوند ءَ مئے دوا ءُ دزبندی ایش انت کہ ھدامرزی‌ئیں بی‌بی ءَ وتی پاک ءُ سارتیں گلباگ ءَ جاگہ بدنت ءُ پشپداں سبر ءُ اوپار ءِ ھاٹیگ بہ‌دیات۔

ربیدان شنگکاری ءِ بنجاھی ھوربندی

@rabeydaan_publications

🗓۸ اگست ۲۰۱۸ | ۱۷⁄ ۵⁄ ۱۳۹۷
بلوچی زبان ءِ نامداریں ندکار ءُ ازمکار، ھُدامُرزی انور صاحب‌خان ءِ بیرانی ءِ سالگَشت.

▪️بدبھتی ءِ سوگاتاں امروز ءِ کَوار ءَ کنت
بْراتے کہ بہ‌بیت دُژمن، سَد دُژمن ءِ کار ءَ کنت

🆔@Redankbalochi

🗓 ۲۶ اگست ۲۰۱۴ |

⚫️ نامداریں لَچّہ‌کار ءُ نَدکار ھُدامرزی جی.آر مُلّا ءِ بیرانی ءِ سالروچ

🟠 پیدائش:

🗓۲۷ اگست ۲۰۲۴ (۵ شھریور۱۴۰۳)

🖤 شَھگُپتاریں عابدآسکانی ءِ بیرانی ءِ سالگشت

⚫️نیست چُشیں مُلّا ءُ تبیب عابد!
کہ بہ‌زانت مَلّیں مرگ ءِ اَمپاس ءَ

@rabeydaan_publications
🆔@Redankbalochi