Аввал маълум қилинганидек, бугун АОКАда ўтган брифингда Коронавирусга қарши кураш штаби аъзоси Барно Абдусаматова аҳолидан тушаётган муҳим саволларга жавоб қайтарди:

〰️〰️〰️〰️〰️
❓Ўзбекистонга Туркия давлатидан бир гуруҳ шифокорлар келиши кутилмоқда экан. Шу тўғрисида маълумот берсангиз.

🛩 Кеча, 27 август куни Туркиядан 16 нафар тажрибали мутахассислардан иборат тиббий гуруҳ коронавирусга қарши курашда юртимиз мутахассислари билан ҳамкорликда фаолият кўрсатиш ва тажриба алмашиш учун мамлакатимизга ташриф буюрди.

👨🏻‍⚕️ Ушбу гуруҳ таркибида анестезиолог, реаниматолог, пульмонолог, инфекционист, педиатр, шунингдек, шошилинч тиббий ёрдам, биотиббиёт, умумий амалиёт, ички касалликлар, жамоат саломатлиги бўйича малакали шифокорлар бор.

🏥 Улар Тошкент шаҳридаги Вирусология илмий текшириш институти, Эпидемиология, микробиология ва юқумли касалликлар илмий текшириш институти, Тошкент вилоятидаги Зангиота ихтисослаштирилган юқумли касалликлар шифохонаси, шунингдек, Қорақалпоғистон Республикаси, Навоий, Фарғона, Андижон ҳамда Наманган вилоятларидаги ушбу соҳага ихтисослашган шифохоналар, тиббий марказ ва лабораториялар фаолияти билан яқиндан танишиб, корновирусни аниқлаш, назоратга олиш ва беморларни даволашда маҳаллий шифокорлар билан ҳамкорликда амалий фаолият кўрсатишлари режалаштирилган.

〰️〰️〰️〰️〰️
❓Нафас олиш ахлоқи нима? Шу ҳақида маълумот берсангиз?

❗️Нафас олиш ахлоқи — бу жамоат жойларида нафас олиш касалликлари, шу жумладан коронавирус инфекциясининг тарқалишини чеклашга қаратилган оддий юриш-туриш қоидалар тўпламидир. Унга қуйидагилар киради:

🤧 йўталаётганда ва аксираётганда бир марта ишлатиладиган қоғоз рўмолчалар (салфеткалар)дан фойдаланиш, уни ишлатгандан кейин дарҳол ташлаб юбориш лозим;

🗣 бир марта ишлатиладиган рўмолча бўлмаса, аксираётганда ва йўталаётганда оғиз ва бурунни қўлнинг кафтига эмас, тирсакдан букилган қисми ёрдамида тўсиш;

🥱 оғизни одатдагидай кафтлар билан ёпиш — инфекция тарқалишига (қўллар ва уй-рўзғор буюмлари орқали) олиб келади;

🧼 қўлларни совунлаб тез-тез ва яхшилаб ювиш ҳамда лаблар, бурун ва кўзларга тегмаслик жуда муҳимдир.

〰️〰️〰️〰️〰️
❓Қандай ҳолларда нафас гимнастикаси тавсия этилмайди? Беморнинг нафаси қисса, боши айланса ёки қон босими кўтарилса, нима қилиши керак?

🔰 Нафас машқлари қон босими юқори бўлганда, юрак тез урганда ва иситма 38 даражадан юқори бўлиб лихорадка касаллигида бажарилмайди.

❌ Бу белгилар пайдо бўлганда машқлар тўхтатилади. Шу заҳоти ўтириш ёки ётиш керак.

🏐 Ҳушдан кетганда оёқлар остига думалоқ буюм қўйилади. Оёқлар бошдан баландроққа кўтарилиши керак.

🥃 Қайноқ ичимлик, қонда қанд миқдори меъёрда бўлса ширин чой ичиш тавсия этилади.

Ўзингизни тўлиқ яхши ҳис қилганда, нафас олиш частотаси меъёрлашиб, юрак уриши ва қон босими мўътадиллашганда машқларни давом эттириш мумкин.

📉 Кейинги машқларни секин ва кам такрорлашлар билан бажариш лозим. Албатта хонани шамоллатиш, енгил кийиниш керак.

Каналга уланиш:👇
http://t.me/Rasmiy_xabarlar_Official

❓Болаларга стрессни енгишда қандай ёрдам бериш мумкин?

АОКАда ўтказилган брифингда Коронавирусга қарши кураш штаби аъзоси Барно Абдусаматова савол юзасидан муҳим тавсиялар берди:

〰️〰️〰️〰️〰️
🧒🏻 Болалар стрессга турли хил муносабатда бўлишлари мумкин. Умумий реакциялар: уйқусизлик, тунда сийиб қўйиш, қорин оғриши ёки бош оғриғи, шунингдек, ташвиш, тундлашиш, ғазабланиш, ёлғиз қолишдан қўрқиш кабиларни ўз ичига олади.

🔎 Болаларнинг ҳолатини диққат билан кузатиб боринг, қўллаб-қувватланг ва тасалли беринг. Қийин вазиятда уларнинг реакцияси одатий ҳол эканини тушунтиринг.

🔸Уларнинг эҳтиёжларини тингланг, тинчлантириш ва хавфсизликда эканликларига ишонтириш учун вақт ажратинг.

✅ Тез-тез мақтанг ва рағбатлантириб туринг.

⚽️ Бола ўйин ўйнаши ва ҳордиқ чиқариши учун зарур шарт-шароитларни яратинг.

😴 Кундалик тартиб ва уйқу режимига риоя қилинг ва болангизга янги муҳитга мослашишига ёрдам беринг.

❗️Нима бўлгани ҳақида ёшига қараб маълумот беринг, микроблар қандай тарқалаётганини ва нима учун қўл ва юз гигиенаси муҳим эканини тушунтиринг.

🔹Нима бўлиши мумкинлиги хусусида умидбахш тарзда гапириб беринг. Масалан, агар болангиз ўзини ёмон ҳис қилаётган бўлса ва уйда ёки шифохонада бўлса, сиз унга қуйидагиларни айтишингиз мумкин:

«Сен уйда/шифохонада бўлишинг керак, чунки бу сен ва дўстларинг учун хавфсизроқдир. Биламан, бу қийин (эҳтимол зерикарли ёки ҳатто қўрқинчли бўлиши мумкин), лекин биз ўзимизни ва бошқаларни хавфсиз сақлаш учун қоидаларга амал қилишимиз керак. Тез орада ҳаммаси изига тушиб кетади».

Каналга уланиш:👇
http://t.me/Rasmiy_xabarlar_Official

❗️Пандемия даврида мактабларга қўйиладиган санитария талаблари белгиланди

“Ўзбeкистон Рeспубликасида COVID-19 пандемияси даврида умумий ўрта таълим мактаблари ва ўрта махсус мактаб интернатларининг фаолиятини ташкиллаштириш бўйича вақтинчалик санитария-эпидемиологик талаблар” Адлия вазирлигида ҳуқуқий экспертизадан ўтказилди ва ҳисобга олинди.

➡️ Мазкур ҳужжат COVID-19 пандемияси даврида мулкчилик шаклидан қатъий назар, барча умумтаълим мактаблари ва махсус мактаб интернатларнинг хавфсиз иш муҳитини таъминлашга қаратилган иш фаолиятига татбиқ этилади.

🔰 Ҳужжатда, жумладан, қуйидагилар назарда тутилган:

⏰ машғулотларни соат 8:00 дан сўнг бошлаш ва 17.30 дан кечиктирмасдан тугатиш тавсия этилади, машғулотлар уч сменада ташкиллаштирилиши мумкин;

⚠️ пандемия даврида оммавий тадбирлар (йиғилишлар, концертлар, туғилган кунлар ва шу кабилар) ўтказиш вақтинча тўхтатилади;

😷 барча болалар ва уларнинг қонуний вакиллари ниқобларда келишлари шарт;

📝 мактабга киришдан аввал, мактабнинг тиббий ходимлари/масъул ходимлари томонидан “эрталабки филтрлаш” бўйича махсус пункт ташкил этилиб, тегиши журнал юритилади;

🚰 “эрталабки филтрлаш” жараёнидан сўнг, ўқувчилар кириш жойларида ўрнатилган махсус диспенсердан антисептик восита ёрдамида қўлларини зарарсизлантирадилар;

❌ ниқоб/респираторсиз мактабга киришига рухсат берилмайди. Бунда, ниқоб камида ҳар 3 соатда, респираторлар камида ҳар 8 соатда ўзгартирилиши лозим;

🏷 синфларда ҳар бир ўқувчига 2 м² дан кам бўлмаган майдон бўлиши талаб этилади;

♨️ пандемия пайтида мактаб ошхоналари ўз ишини амалдаги санитария меъёрлари ва қоидалари талабларига риоя қилинган ҳолда ташкил этади;

🔻 юқумли касалликлар белгилари бўлган ўқувчилар/мактаб ходимлари ушбу белгилар аниқланган вақтдан бошлаб тез ёрдам гуруҳи ёки ота-оналар (қонуний вакил) келгунига қадар зудлик билан изоляция қилинишлари шарт.

⚠️ Эслатиб ўтамиз, аввалроқ пандемия даврида боғчаларга қўйиладиган санитария талаблари Адлия вазирлигида ҳуқуқий экспертизадан ўтказилиб, ҳисобга олинган эди.

Каналга уланиш:👇
http://t.me/Rasmiy_xabarlar_Official

АОКА ҳузуридаги штабда Давлат меҳнат инспекцияси раҳбари Қудратилла Одинаев иштирокидаги брифингда муҳим саволларга жавоб қайтарилди:

〰️〰️〰️〰️〰️
❓ Фуқаролар мажбурий меҳнат ҳолатларига дуч келганларида қандай тартибда мурожаат қилиши лозим?

🔹Ўзбекистонда доимий ёки вақтинчалик фаолият олиб бораётган Ўзбекистон фуқаролари, фуқаролиги бўлмаган шахслар ёки чет эл фуқаролари мажбурий меҳнат ҳолатларига дуч келганларида ёки мажбурий меҳнатнинг жабрланувчиси бўлиб қолганларида Бандлик ва меҳнат муносабатлари вазирлигининг қисқа телефонларига, телеграм каналига ёки сайтига мурожаат этишлари мумкин:

☎️ Бандлик ва меҳнат муносабатлари вазирлигининг айнан мажбурий меҳнат бўйича очилган «1176» қисқа рақамли ишонч телефонларига;

📞 Бандлик ва меҳнат муносабатлари вазирлигининг «71 200 06 00» рақамли умумий мурожаатлар учун «Call-маркази»га;

🌐 dmi.mehnat.uz” вазирликнинг интернет сайтига;

📲 @mehnathuquqbot вазирликнинг телеграм каналига;

📢 туман бандликка кўмаклашиш марказлари Давлат меҳнат ҳуқуқ инспекторига, вилоят Бандлик бош бошқармаси Давлат меҳнат инспекцияларига ёки вазирликнинг Давлат меҳнат инспекциясига мурожаат қилиниши мумкин.

🔎 Ушбу мурожаатларнинг кўриб чиқиш жараёнида фуқароларнинг ҳохишига қараб уларнинг шахсига таалуқли маълумотларнинг сир сақланиши кафолатланади.

〰️〰️〰️〰️〰️
❓Ногиронлиги бор шахсларнинг бандлигини таъминлаш, шунингдек уларни касби йўқ бўлса касб-ҳунарга ўргатиш бўйича қандай ишлар амалга оширилмоқда?

👨🏻‍🦽Ногиронлиги бўлган шахслар учун иш ўринлари яратаётган тадбиркорлик субъектларига Бандликка кўмаклашиш давлат жамғармаси маблағлари ҳисобидан тижорат банклари орқали ҳар бир яратилаётган иш ўрни учун базавий ҳисоблаш миқдорининг 25 бараваригача, бироқ жами ҳар бир тадбиркорлик субъекти учун базавий ҳисоблаш миқдорининг 500 бараваридан ошмаган миқдорда 3 йил муддатга, бир йиллик имтиёзли давр билан Марказий банкнинг асосий ставкасида яратилган иш ўрнида ногиронлиги бўлган шахсларнинг камида бир йил ишлаши шарти билан микрокредитлар ажратиш тартиби жорий этилиши белгиланган.

📎 Асос 3 «Камбағал ва ишсиз фуқароларни тадбиркорликка жалб қилиш, уларнинг меҳнат фаоллигини ошириш ва касб-ҳунарга ўқитишга қаратилган ҳамда аҳоли бандлигини таъминлашга оид қўшимча чора-тадбирлар тўғрисида»ги Президент қарори.

〰️〰️〰️〰️〰️
❓Ўриндошлик асосида ишлаётган ходимга ҳам асосий иш жойи учун белгиланганидан ташқари алоҳида меҳнат таътили бериладими?

🔰 Меҳнат кодексининг 143-моддасига мувофиқ, таътил ўриндошлик асосида ишлаётганларга — асосий иш жойидаги таътил билан бир вақтда, ўриндошлик асосида ишлаган вақтига мутаносиб равишда ҳақ тўлаган ҳолда уларнинг хоҳиши бўйича 6 ой ўтмасдан олдин берилади.

☑️ Шунингдек, Вазирлар Маҳкамасининг 2020 йил 18 октябрдаги 297-сон қарори билан тасдиқланган “Ўриндошлик асосида ҳамда бир неча касбда ва лавозимда ишлаш тартиби тўғрисида”ги Низомнинг 16-бандига мувофиқ, ўриндошлик асосида ишловчи шахсларга ҳар йилги асосий, шунингдек, ўриндошлар ҳақли бўлган қўшимча таътиллар асосий иш жойидаги ҳар йилги меҳнат таътили билан бир вақтда берилади.

Каналга уланиш:👇
http://t.me/Rasmiy_xabarlar_Official

⚡️Президент раҳбарларни коронавирус бўйича ҳақиқий ҳолатни яширмаслик ҳақида огоҳлантирди

Шавкат Мирзиёев видеоселектор йиғилишида ҳақиқий ҳолатни яширишга уриниш жиноий жавобгарликкача бўлган қатъий чораларга олиб келиши мумкинлигини таъкидлади.

❗️Тўй-маросимларни бир неча кун давомида ёки бир кунда 3-4 марта ўтказиш ҳолатларига чек қўйиш кераклиги кўрсатиб ўтилди.

@koronavirusinfouz
#ниқобтақинг
#масофасақланг

Аввал маълум қилинганидек, АОКА ҳузуридаги штабда Давлат меҳнат инспекцияси раҳбари Қудратилла Одинаев иштирокидаги брифингда муҳим саволларга жавоб қайтарилди.
〰️〰️〰️〰️〰️

❓Карантин даврида ходим уй шароитида карантинда эканлигини баҳона қилиб, ишга сабабсиз келмаса ва карантинга олинганлиги тўғрисида эса тегишли ҳужжат тақдим этилмаса унга нисбатан интизомий жазо чораси қўлланиши мумкинми?

🔰 “Коронавирус инфекциясини юқтирганликда гумон қилинган шахсларни уй шароитида карантинга жойлаштириш ва сақлаш вақтинчалик тартиби тўғрисида”ги Низомнинг 5-бандига кўра коронавирус инфекцияси аниқланган шахс билан мулоқотда бўлган шахслар 14 кун давомида ёки уларнинг соғлиғи ҳолатига кўра соғлиқни сақлаш органлари томонидан белгилаб берилган муддат давомида уй шароитида карантинга олинади.

Мазкур Низомнинг 7-бандида мулоқотда бўлган шахс уй шароитида карантинга олинганда у билан бир уйда яшовчи барча шахслар карантинга олиниши ҳамда 10-бандида бир уйда бўлган бошқа шахслар орасида коронавирус инфекцияси аниқланган тақдирда, қолган шахслар учун карантин муддати қайтадан бошланиши кўрсатилган.

❌ Ўзбекистон Республикаси Президентининг 2020 йил 19 мартдаги “Коронавирус пандемияси ва глобал инқироз ҳолатларининг иқтисодиёт тармоқларига салбий таъсирини юмшатиш бўйича биринчи навбатдаги чора-тадбирлар тўғрисида”ги Фармонининг 16-банди 3-кичик хатбошига кўра коронавирус инфекцияси билан зарарланган ёки карантинга жойлаштирилган ходимлар билан меҳнат шартномаларини иш берувчининг ташаббуси билан бекор қилиш тақиқланади.

⛔️Юқоридагиларни инобатга олиб, карантин сабабли ишга келмаганлиги учун интизомий жазо чорасини қўллаш қонун ҳужжатларига зид ҳисобланади.
〰️〰️〰️〰️〰️

❓Яшаш жойи карантинга олинганлиги сабаб ишга боролмаган ходим иш хақи сақланиб қоладими?

📝 “Меҳнатга лаёқатсизлик варақаларини бериш тартиби тўғрисида”ги Йўриқномага кўра уй шароитида карантинга олинган шахсларга меҳнатга лаёқатсизлик варақаси карантинда бўлган тўлиқ кунларига уларнинг яшаш жойидаги поликлиника томонидан берилиши белгиланган.

💰Шунингдек, Меҳнат кодексининг 285-моддасига асосан вақтинчалик меҳнатга қобилиятсизлик нафақаси бериш тартиби белгиланган.

❗️Юқоридагиларга асосан яшаш жойингиздаги поликлиника томонидан олинган меҳнатга лаёқатсизлик варақасини тақдим қилсангиз Сизга вақтинча меҳнатга қобилиятсизлик нафақаси тўлаб берилади.
〰️〰️〰️〰️〰️

❓Мен ишлаган шифохона коронавирус касаллигига ихтисослаштирилганлиги сабабли туғруқ таътили пулини оломаяпман, нима қилсам бўлади?

❌Меҳнат кодексининг 237-моддасига кўра, ҳомиладор аёллар ва уч ёшга тўлмаган боласи бор аёллар билан тузилган меҳнат шартномасини иш берувчининг ташаббуси билан бекор қилишга йўл қўйилмайди, корхонанинг бутунлай тугатилиш ҳоллари бундан мустасно, бундай ҳолларда меҳнат шартномаси уларни албатта ишга жойлаштириш шарти билан бекор қилинади.

❗️Шу сабабли, Сизга иш берувчи томонидан ҳомиладорлик ва туғиш таътиллари пуллари тўлаб берилиши шарт.

Каналга уланиш:👇
http://t.me/Rasmiy_xabarlar_Official

⚡️Мактабларда янги ўқув йили 14 сентябрдан бошланади

Бугун Президент Шавкат Мирзиёев раислигида 28 август куни умумий ўрта таълим муассасаларида ўқув йилига тайёргарлик масалалари бўйича видеоселектор йиғилиши ўтказилди.

Халқ таълими вазирлигига ота-оналар ҳамда маҳаллий кенгашлар таклифларидан келиб чиқиб, янги ўқув йилини 14 сентябрдан бошлаш, мактабларда ҳаракатлар схемасини ишлаб чиқиб, тажрибадан ўтказиш бўйича топшириқ берилди.

Бу тажриба асосида ўқувчиларни мактабда ким кутиб олиши, қайси синф қайси эшикдан кириши, синфхоналарнинг ҳавоси қачон алмаштирилиши каби ҳар бир қадам аниқ белгилаб олинади. Бу салкам 6 ойдан буён ўқув даргоҳини соғинган болаларнинг тезроқ мослашиши ҳамда хавфсизлигида муҳим ўрин тутади.

Ҳозирги синовли даврда мактаб директори, синф раҳбари ва ота-она ўртасидаги мулоқотни ҳар қачонгидан ҳам кучайтириш, уйдан таълим оладиган ўқувчиларнинг ўзлаштиришини кундалик мониторинг қилиш лозимлиги таъкидланди. Бу ўқувчиларнинг яхши билим олиши, шу билан бирга соғ-саломат бўлишини таъминлайди.

@aoka_uz

❗️Мактабларда таълим анъанавий, шу билан бирга масофавий шаклда йўлга қўйилади

Бугун Президент Шавкат Мирзиёев раислигида 28 август куни умумий ўрта таълим муассасаларида ўқув йилига тайёргарлик масалалари бўйича видеоселектор йиғилиши ўтказилди.

Халқ таълими вазирлиги томонидан алоҳида сўровнома тузилиб, ҳар бир ота-онанинг фикри батафсил ўрганилди. Бу тадбирда 5 миллион 500 минг нафар ота-она иштирок этди. Уларнинг 76 фоизи таълим жараёнини мактабга қатнаган ҳолда, яъни анъанавий шаклда олиб бориш тарафдори бўлган. 24 фоизи эса масофавий шаклда – теледарслар орқали давом эттиришни маъқул кўришган.

Бундан ташқари, мазкур масала юзасидан дунёдаги вазият ҳам ўрганилди. Куни кеча Жаҳон соғлиқни сақлаш ташкилоти раҳбари Тедрос Гебрейесус дунёда коронавирус касаллиги яна икки йилгача давом этиши мумкинлигини билдирди. БМТ Бош котиби Антонио Гутерриш пандемия сабабли кўп давлатларда тўхтаб қолган таълим жараёни оқибатлари келгусида дунё ҳамжамияти учун ўта оғир бўлиши мумкинлигини айтди. Бу дегани барчамиз пандемия шароитида коронавирус билан яшаш, ишлаш ва фарзандларимизни ўқитишга тайёр бўлишимиз керак.

Ўқитувчилар билан ўтказилган мулоқотларда ҳам аксарият педагоглар болажонларнинг кўзи ва қалбларини соғинганини, таълим ва тарбия беришга тайёр эканини, мактаблар очилишини орзиқиб кутаётганини билдиришган.

Шу хулосалардан келиб чиқиб, мактабларда таълим жараёнини бир вақтнинг ўзида икки хил шаклда ташкил этишга қарор қилинди. Яъни, аксарият ота-оналар талабига кўра анъанавий, шу билан бирга масофавий шаклда йўлга қўйилади.

– Мендан бугунги кун қаҳрамонлари ким деб сўрашса, бу соғлиқни сақлаш ходимлари билан бир қаторда ҳурматли устозларимиз, деб айтган бўлар эдим, – деди Президент йиғилишда.

@aoka_uz

Ўзбекистон Республикаси мустақиллигининг йигирма тўққиз йиллиги муносабати билан чет эл фуқаролари ва хорижда истиқомат қилаётган ватандошларимизни мукофотлаш тўғрисида
—
О награждении в связи с двадцатидевятилетием независимости Республики Узбекистан граждан иностранных государств и соотечественников, проживающих за рубежом

Prezident.uz|Facebook|Instagram|YouTube|Twitter