АОКА ҳузуридаги штабда Бандлик ва меҳнат муносабатлари вазирлиги ахборот хизмати раҳбари Раҳимжон Маҳкамов иштирокида брифинг бўлиб ўтди. Унда аҳолига муҳим маълумотлар етказилди.

Каналга уланиш: 👇
t.me/Rasmiy_xabarlar_Official

Янги Zvoni.uz сайти ишга туширилди

☎️ Бунда Тошкент шаҳридаги барча туман поликлиникалари, СЭС ва тиббиёт марказлари телефон рақамлари жамланган. Қўнғироқ қилиб, шифокор билан маслаҳатлашиш, тест ва турли таҳлиллар топшириш, МСКТ/МРТ қилдириш мумкин.

🕜 Эпидемия даврида барча поликлиникалар ҳафтасига 7 кун 24 соат давомида узлуксиз ишламоқда.

〰️〰️〰️〰️〰️

Запустили новый сайт Zvoni.uz

☎️ Там собраны контакты всех районных поликлиник в Ташкенте для консультации с врачами, районных СЭС для сдачи анализов, а также медицинских центров для снятия снимков МСКТ/МРТ.

🕜 На период эпидемии все поликлиники работают в круглосуточном режиме, 24 часа в сутки, 7 дней в неделю.

Каналга уланиш: 👇
t.me/Rasmiy_xabarlar_Official

📈 2020 йил 4 август соат 17:00 ҳолатига кўра, Ўзбекистонда коронавирус инфекцияси қайд этилганлар сони 26804 (+254) нафарни ташкил этмоқда. Бу ҳақда ССВ ахборот хизмати хабар берди.

🦠 Янги касалланиш ҳолатларининг 218 нафари Тошкент шаҳрида (шундан 195 нафари тана ҳарорати кўтарилганлиги боис профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида, 23 нафари эса Ўртасарой карантин марказига жойлаштирилган фуқаролар (барчаси хориждан келган) орасида), 31 нафари Самарқанд вилоятида, 3 нафари Тошкент вилоятида ҳамда 2 нафари Андижон вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

🕺🏼 Эътиборли жиҳати, бугун айни пайтга қадар Тошкент вилоятида 181 нафар, Тошкент шаҳрида 174 нафар, Қорақалпоғистон Республикасида 88 нафари, Самарқанд вилоятида 87 нафар, Сурхондарё вилоятида 20 нафар, Қашқадарё вилоятида 18 нафар, Андижон вилоятида 6 нафар ҳамда Фарғона вилоятида 2 нафар, жами 576 нафар бемор тузалди.

💠 Шундай қилиб юртимизда 17838 (+576) нафар коронавирус инфекциясига чалинган фуқаролар (66 фоиз) соғайган.

💉 Ҳозирда мамлакатимизда 8803 нафар беморга шифокорларимиз томонидан белгиланган стандартлар бўйича даво чоралари кўрилмоқда.

Каналга уланиш: 👇
t.me/Rasmiy_xabarlar_Official

❓ Бугунги кун истеъмолчиларини қандай саволлар қийнамоқда, карантин даврида кўпроқ қандай мурожаатлар бўлмоқда?

Монополияга қарши курашиш қўмитаси матбуот хизмати қўмита мутахассислари билан бирга маҳсус лойиҳа тайёрлаб, сизнинг истеъмолчи сифатида ҳуқуқларингиз бузилса қаерга мурожаат этишни ва нима қилишни тушунтиришга ҳаракат қилишади.

💊 Муҳокамада дорихоналардаги нархлар хусусида фикр билдирилди.

👉 Видео (рус тилида)

Каналга уланиш: 👇
t.me/Rasmiy_xabarlar_Official

Соғлиқни сақлаш вазирлиги:
ТИББИЁТ ХОДИМЛАРИ УЧУН “COVID-19”ГА ЧАЛИНГАН БЕМОРНИ АНИҚЛАШ ВА ДАВОЛАШ БЎЙИЧА ҚЎЛЛАНМА ЯНГИЛАНДИ

Соғлиқни сақлаш вазирлиги томонидан “COVID-19” билан касалланган беморларни даволаш бўйича вақтинчалик кўрсатмаларнинг олтинчи нашри тасдиқланиб, жойларга етказилмоқда, дейилади ССВ ахборот хизмати хабарида.

Шу ўрнида ушбу қўлланмани тайёрлаш бўйича ишчи гуруҳ таркибига кўшимча равишда кардиолог, пульмонолог ва педиатр каби мутахассислар ҳам киритилганини таъкидлаш жоиз.

Шунингдек, коронавирус инфекциясини даволашга ихтисослашган муассасаларда фаолият юритаётган тиббиёт ҳодимлари, жумладан, реаниматологлар ҳам қўлланмани ишлаб чиқишда бевосита иштирок этишди.

Унда акс этган кўрсатмалар, аввало, тез тиббий ёрдам ва умумий амалиёт шифокорлари, юқумли касалликлар ҳамда болалар юқумли касалликлари бўйича мутахассислар, шунингдек, терапевт, педиатр, пульмонолог, оториноларинголог, кардиолог, неврапотолог, акушер-гинеколог, реабилитация терапевти, соғлиқни сақлаш ташкилотчилари ва ҳамширалар фойдаланиши кўзда тутилган.

Бундан ташқари, қўлланмада коронавирусга чалинган беморларга тиббий хизмат кўрсатаётган нодавлат тиббиёт муассасалари ходимлари учун ҳам муҳим маълумотлар берилган.

Мазкур янгиланган нашрдаги “COVID-19” тасдиқланган ёки пневмония касаллигига шубҳа қилинган беморни аниқлаш ва даволаш жараёни схемалаштириб, содда шаклда очиб берилган.

Қўлланманинг ўзбек ва рус тилларидаги тўлиқ матни билан вазирликнинг расмий сайти орқали танишиш мумкин.

Каналга уланиш: 👇
t.me/Rasmiy_xabarlar_Official

Беҳзод Мусаев — Бош вазир ўринбосари, Республика махсус комиссияси аъзоси:

🏥 «Сўнгги 3 кун ичида янги беморларни қабул қилиб, уларга зудлик билан ёрдам кўрсатувчи 815 та ўринга мўлжалланган даволаш маркази очилди. Бунга Мудофаа вазирлигининг госпитали бириктирилган, шифокорлар билан тўлиқ таъминланган.

🛏 815 та ўринга 3 кун ичида 719 та мурожаат келиб тушган. Шулардан 416 та бемор даволаниб, уйига қайтди».

Каналга уланиш:👇
t.me/Rasmiy_xabarlar_Official

❗️ Кичик шифохоналар ўз профили бўйича касалларни даволашга қайтади

Айни дақиқаларда Президент Шавкат Мирзиёев навбатдаги видеоселектор йиғилиши ўтказмоқда. Тадбирда бугун Ўзбекистон бўйлаб коронавирус пандемиясини жиловлаш борасида амалга оширилаётган ишлар чуқур таҳлил қилинмоқда.

Бош вазир ўринбосари Беҳзод Мусаевга ҳокимликлар ва сектор раҳбарлари билан бирга бир ҳафта муддатда “Тошкент шаҳри тажрибаси” негизида ҳудудларда симптомсиз беморларни ўз уйида мобил тиббий гуруҳлар ёрдамида уларнинг кўмак ва тавсиялари асосида даволаш тизимининг жорий этилишини якунлаш вазифаси юклатилди.

Президент Шавкат Мирзиёев, шунингдек, ҳудудларда COVID-19га чалинганларни қабул қилиш ва саралаш бўйича марказларни ташкил этган ҳолда, кичик шифохоналарни ўз профилига мувофиқ бошқа турдаги ва сурункали касалларни даволашга қайтариш лозимлигини айтди.

Каналга уланиш:👇
t.me/Rasmiy_xabarlar_Official

⚡️ “COVID-19”ни даволашда қўлланилаётган дори-дармонлар рўйхати эълон қилинди

Бу ҳақда ССВ ахборот хизмати хабар берди.

“COVID-19” билан касалланган беморларни даволаш бўйича вақтинчалик кўрсатмалар”нинг олтинчи нашрида шифокор назорати асосида қўлланиладиган дори-дармонлар ҳам келтириб ўтилган.

Айтиб ўтиш лозимки, бу галги қўлланмани ишлаб чиқиш гуруҳига мамлакатимизнинг таниқли ва нуфузли олимлари билан бирга, айни пайтда коронавирус инфекцияси билан касалланган беморларни бевосита даволашда иштирок этаётган шифокорлар, хусусан, реаниматолог ва бошқа тор соҳа врачлари киритилиб, улар томонидан ўз тажрибасида самарали деб топилган дори воситалари тавсия этилди.

Соғлиқни сақлаш вазирлиги қошидаги Коронавирусга қарши кураш бўйича штаб аъзоси, тиббиёт фанлари доктори, профессор Ҳабибулло Оқилов беморларни даволашда қўлланилиши белгиланган дори воситалари ҳақида батафсил маълумот берди:

💊Беморлар билан мулоқотда бўлганлар учун:

Гидроксихлорохин (ҳомиладор аёллар, болалар, 65 ёшдан ошган беморлар, юрак-қон томир тизими касалликлари мавжуд бўлган беморлар қабул қилиши мумкин эмас).

💊Касаллик клиник белгиларсиз кечганда:

Гидроксихлорохин (шифокор қарорига кўра);
Цинк препаратлари;
Д витамини;
С витамини;

💊“COVID-19”нинг енгил шаклида:

Парацетамол;
Ибупрофен;
Фавипиравир;
Гидроксихлорохин;
Цинк;
Д витамини;
С витамини;
Нафазолин, Ксилометазолин (бурун учун, ринореяни даволашда);
Азитромицин (шифокор қарорига кўра).

💊“COVID-19”нинг ўрта оғир шаклида:

Парацетамол;
Ибупрофен;
Фавипиравир ёки ремдесивир;
Aнтикоагулянтлар (Эноксапарин);
Aнтиагрегантлар (Aцетилсалицил кислотаси);
Кортикостероидлар (Дексаметазон)
Антибиотиклар (шифокор қарорига кўра).

💊“COVID-19”нинг оғир шаклида:

Парацетамол;
Ибупрофен;
Ремдесивир;
Aнтикоагулянтлар (Эноксапарин);
Aнтиагрегантлар (Aцетилсалицил кислотаси);
Кортикостероидлар (Дексаметазон);
Цефалоспоринлар + макролидлар;
Парентерал ацетилцистеин ва бошқалар

💊Ўткир нафас олиш қийинлашуви синдромида:

Aнтикоагулянтлар (Эноксапарин);
Aнтиагрегантлар (Aцетисалицил кислота);
Кортикостероидлар (Дексаметазон);
Парентерал ацетилсистеин;
Омепразол, Ранитидин ва бошқалар.

💊Сепсис ва сепсик шокда:

Н2 рецепторлари антагонистлари ёки Протон помпаси ингибиторлари (Ранитидин, Омепразол);
Кортикостероидлар (Дексаметазон);
Прокинетик дорилар (Метоклопрамид, Домперидон, Эритромицин) ва бошқалар.

💊ЭСЛАТМА!

Болалар, ҳомиладор аёллар, юрак аритмия касаллиги билан оғриган беморлар учун хлорохин ва гидроксихлорохин (+/- азитромицин);
шунингдек, бошқа беморларни даволашда терапевтик ёки профилактик мақсадларда антибиотиклар буюриш, вирусга қарши препаратлар (Лопинавир/ритонавир, Ремдесивир, Умифеновир), иммуномодуляторлар (Тоцилизумаб, Интерферон-1а, Интерферон-алфа-2б), интерферон индукторлари ва иммуностимуляторли дорилар, метаболик дорилар тавсия этилмайди.

❌ДИҚҚАТ!

Касалликнинг ҳар қандай даражасидан қатъий назар ҳар бир дори воситаси шифокор тавсиясига кўра ва унинг назорати остида қабул қилиниши шарт.
Уй шароитида даволанаётган беморларга осма уколлар (капельница)дан фойдаланиш қатъиян тақиқланади.

Каналга уланиш: 👇
t.me/Rasmiy_xabarlar_Official

Бош вазир ўринбосари, Республика махсус комиссияси аъзоси Беҳзод Мусаев:

— Ўзэкспомарказда Мудофаа вазирлиги ва ИИВ томонидан, Шайхонтоҳур туманидаги «Ёшлик» аренасида ДХХ томонидан коронавирус беморларига тез тиббий ёрдам кўрсатадиган даволаш муассасалари ишга туширилди.

❓Ушбу марказлар нега айнан мазкур ташкилотларга бўлиб берилган?

— Муҳтарам Президентимиз бугун барча соҳани оёққа турғизганлар. Аҳолига, халқимизга ёрдам бериш учун ҳар бир соҳа масъул, жавобгар ва ҳамма оёққа турган ҳозир.

🔎 Ушбу тезкор тиббий пунктларнинг вазифаси нимадан иборат: бемор ўзини ёмон ҳис қилдими, тезда уни малакали мутахассислар кўради, керакли дориларни беради, ҳолатига қараб қарор қабул қилади. Агар беморнинг аҳволи бироз оғир бўлса, 1 кун ё узоғи билан 2 кун муолажасини олади, уйига қайтарилади.

🏥 Лекин бемор ўта оғир аҳволда бўлса, Зангиотадаги даволаш марказига ўтказилади.

Каналга уланиш:👇
t.me/Rasmiy_xabarlar_Official

Азиз Абдухакимов — заместитель премьер-министра Республики Узбекистан, член специальной республиканской комиссии:

🛏 «В спортивных сооружениях будут запущены еще два распределительных центра: мощностью 850 и 550 койко-мест. Общая вместимость распределительных центров составит более 3300 койко-мест. В данных центрах все медицинские препараты и медицинская помощь оказываются бесплатно».

Каналга уланиш:👇
t.me/Rasmiy_xabarlar_Official

Шавкат Мирзиёев: фақат статистика билан эмас, ҳар бир бемор билан алоҳида шуғулланиш лозим
—
Шавкат Мирзиёев: Нужно заниматься не только статистикой, но и с каждым пациентом отдельно

#Mirziyoyev #videoselektor #koronavirus #pandemiya

Prezident.uz|Facebook|Instagram|YouTube|Twitter

❗️ Ўзбекистон ва Россия марказий банклари компьютер хуружларига қарши курашиш бўйича ҳамкорлик қилади

✅ Ўзбекистон Республикаси Марказий банки ва Россия Федерацияси Марказий банки ўртасида компьютер хуружларига қарши курашиш бўйича ўзаро англашув меморандуми имзоланди. Бу ҳақда Марказий банк ахборот хизмати хабар берди.

🔸Меморандум банк телекоммуникация тизимларида компьютер хуружларининг олдини олиш ва аниқлаш, уларни бартараф этиш учун шарт-шароитлар яратиш ва томонларнинг ахборот хавфсизлиги даражасини оширишга қаратилган икки мамлакат марказий банкларининг ўзаро ҳамкорлигини кўзда тутади.

🔷 Компьютер хуружларига қарши курашиш бўйича ҳамкорлик банк тизимида ахборот хавфсизлигининг таҳдиди юзасидан прогнозларни ишлаб чиқиш ва огоҳлантириш стратегияларининг самарадорлигини ошириш, компьютер хуружларининг сабабларини аниқлаш, уларга муносабат билдириш ва оқибатларини бартараф этиш билан боғлиқ бошқа вазифаларни амалиётга татбиқ этиш имконини беради.

Каналга уланиш: 👇
t.me/Rasmiy_xabarlar_Official

⚡️ Давлат тест марказининг расмий баёноти

⚠️ ДТМ ахборот хизматининг хабар беришича, мамлакатимизда пандемия шароити мураккаб кечаётганлиги, карантин чекловлари бекор қилинмаётганлиги ёки юмшатилмаганлиги боис, олий таълим муассасаларининг бакалавриат таълим йўналишларига кириш тест синовларини ўтказиш муддатлари тест топширувчилар саломатлигига зарар етмайдиган вазият келгунга қадар кейинга сурилмоқда ва бу ҳақда жамоатчилик мунтазам хабардор қилиб борилмоқда.

🚫 Кейинги кунларда турли интернет нашрларида кириш имтиҳонлари усти очиқ катта майдонларда, эрталаб ва кечки сменада ўтказилиши, шунингдек, аниқ саналар белгиланганлиги тўғрисида хабарлар тарқалмоқда.

✅ Бу борада расман шуни маълуми қиламизки, айни кунларда Давлат тест маркази томонидан жараёнларни энг аввало тест топширувчилар саломатлиги хавфсизлигини таъминлаган ҳолда ташкил этиш борасида турли вариантлар ўрганиб чиқилмоқда.

💠 Қайд этиш керакки, ушбу ҳаракатлар ҳали ўрганиш босқичида бўлганлиги сабабли, ҳозирдан “шундай бўлади” қабилида хабарлар тарқатиш абитуриентларни чалғитиши, тестга тайёргарлик жараёнига таъсир кўрсатиши мумкин.

🔷 Шуларни ҳисобга олиб, Давлат комиссияси кўрсатмаси асосида соғлиқни сақлаш ташкилотлари билан биргаликда, жорий йил қабул тест синовларини ўтказиш учун мақбул ва хавфсиз жойлар танланиб, аниқ саналар белгилангач, Давлат тест маркази томонидан оммавий ахборот воситалари орқали ишончли хабар берилади.

🧑🏽‍💻 Бунга қадар абитуриентлардан турли хабарларга эътибор қилмасдан вақтдан унумли фойдаланишларини, тест синовига пухта тайёргарлик кўришни давом эттиришларини сўраб қоламиз, дейилади хабарда.

Каналга уланиш: 👇
t.me/Rasmiy_xabarlar_Official

Ҳуқуқий мақомга эга конфессия – ўз мулкига эга бўлишга ҳақли

✅Юртимизда диний соҳада олиб борилаётган сиёсат Ўзбекистон Республикаси Конституцияси, “Виждон эркинлиги ва диний ташкилотлар тўғрисида”ги қонун, шунингдек, бошқа қонун ва қонуности ҳужжатларига асосан олиб борилади. Ўз навбатида, ҳар бир диний ташкилотнинг ҳуқуқий мақомга эга бўлган ҳолда ўз мулкига эга бўлиш ҳуқуқи бўлиб, унинг тўлиқ таъминланиши юқорида кўрсатилган қонун ҳужжатларига мувофиқ ташкил этилади.

Бу ҳақда Дин ишлари бўйича қўмита
ахборот хизмати хабар берди.

🌐Сўнгги вақтларда баъзи бир хорижий оммавий ахборот воситаларида ҳамда интернет саҳифаларида Тошкент шаҳридаги европа яҳудийлари диний жамоасининг ҳуқуқий мулки ҳисобланган ҳудуднинг гуёки “ноқонуний тортиб олиш бўйича ҳатти-ҳаракатлар” бўлаётганлиги хусусида маълумотлар учрамоқда.

🕍Маълумот учун, Тошкент шаҳар Европа яҳудийлари диний жамоаси Тошкент шаҳар адлия бошқармаси томонидан 1998 йил 29 октябрда 116-сон билан давлат рўйхатидан ўтказилган. Диний ташкилот Тошкент шаҳри, Яккасарой тумани, 2-Миробод кўчаси, 15-уй манзилида жойлашган. Ибодатхона жойлашган бино 1929 йилда қурилган.

📍Масала шундаки, Тошкент шаҳар ҳокимининг 2017 йил 11 сентябрдаги 1218-сон қарорига асосан, Яккасарой тумани, Миробод кўчаси бўйида ҳамда Миробод тумани, Миробод ва Нукус кўчалари кесишуви ёнида жойлашган мавжуд биноларнинг бузилиши ҳисобига ва етказилган зарарни ўрнатилган тартибда қоплаш шарти билан пастки қаватларида савдо ва маиший хизмат кўрсатиш мажмуаси жойлашган кўп қаватли турар-жой бинолари қуриш учун майдони 6,0 гектарли ер майдони “ABSOLUTE BUSINESS TRADE” хусусий корхонасига доимий фойдаланишга берилган.

📚“ABSOLUTE BUSINESS TRADE” хусусий корхонаси 2-Миробод кўчаси, 13, 15 ва 17-уйларни бузиш ҳисобига етказилган зарарни ўрнатилган тартибда қоплаш мақсадида Тошкент шаҳар Европа яҳудийлари диний жамоаси билан келишувга эришолмаганлиги натижасида жорий йилнинг июнь ойида Тошкент шаҳар туманлараро иқтисодий судига даъво аризаси билан мурожаат қилган. Суд мажлиси жорий йилнинг 5 август санасида бўлиб ўтиши белгиланган.

✅Шу ўринда, Дин ишлари бўйича қўмита виждон эркинлиги ва диний ташкилотлар тўғрисидаги қонун ҳужжатларига мувофиқ дин ишлари соҳасида ягона давлат сиёсатини амалга оширишга масъул асосий давлат ташкилоти сифатида Республикамиз ҳудудида расмий фаолият олиб бораётган ҳар бир конфессиянинг ҳақ-ҳуқуқларини қонун доирасида ҳимоя қилишга тайёр эканини билдиради.

❇️Шундан келиб чиқиб, юқоридаги ҳолат ҳам тегишли соҳа мутахассислари иштирокида, тезкорлик билан, ўз вақтида, тўлиқ ўрганиб чиқилди ҳамда ҳуқуқий жиҳатдан мулкчиликка эгалик қилиш бўйича диний ташкилотнинг ҳақ-ҳуқуқлари сўзсиз таъминланиши учун барча амалий саъй-ҳаракатлар олиб борилди.

❗️Ўз навбатида, Ўзбекистон Республикасининг кўп конфессияли давлат эканини инобатга олган ҳолда, қолаверса ҳар қандай конфессия вакилларининг ҳақ-ҳуқуқлари тўлиқ қонун билан ҳимоя қилиниши нуқтаи назаридан, жорий йил 5 август санасида бўлиб ўтадиган суд жараёнида ҳам энг муҳим мезон – қонун устуворлиги тўлиқ таъминланади, деб ишонч билдирамиз.

Каналга уланиш: 👇
t.me/Rasmiy_xabarlar_Official