👨‍⚖️Янги қабул қилинган қонун ҳужжатлари ҳақида

АОКАда Олий суд ахборот хизмати раҳбари Азиз Обидов иштирокида шу мавзуда брифинг бошланди.

Қуйидаги ҳавола орқали тўғридан-тўғри томоша қилишингиз мумкин:

🌐Жонли эфир
〰️〰️〰️〰️〰️〰️

Telegram | Facebook | Instagram | Youtube | Медиабанк

🔨Никоҳи қонунда белгиланган тартибда қайд этилмаган шахслар ўртасида, никоҳ ёшига етмаган шахс билан никоҳ тузишга доир диний маросимни амалга ошириш базавий ҳисоблаш миқдорининг ўн беш бараваридан ўттиз бараваригача миқдорда жарима солишга сабаб бўлади

Бу ҳақда АОКАда ўтказилган брифингда Олий суд ахборот хизмати раҳбари Азиз Обидов маълум қилди:

✅Жиноят кодексининг 156-моддаси “Миллий, ирқий, этник ёки диний адоват қўзғатиш” дея номланди.

🔵Янги қонун асосида ушбу модданинг биринчи қисми санкцияси “базавий ҳисоблаш миқдорининг уч юз бараваридан олти юз бараваригача миқдорда жарима ёки икки йилдан уч йилгача ахлоқ тузатиш ишлари ёки бир йилдан уч йилгача озодликни чеклаш ёхуд бир йилдан уч йилгача озодликдан маҳрум қилиш билан жазоланади” тарзида ўзгартирилди.

✅Маъмурий жавобгарлик тўғрисидаги кодекснинг 473-моддаси “Никоҳ ёши тўғрисидаги қонунчиликни ёки никоҳ тузиш тартибини бузиш” дея номланди.

🔵Айни модданинг учинчи қисми “никоҳи қонунда белгиланган тартибда қайд этилмаган шахслар ўртасида, шу жумладан, никоҳ ёшига етмаган шахс билан никоҳ тузишга доир диний маросимни амалга ошириш базавий ҳисоблаш миқдорининг ўн беш бараваридан ўттиз бараваригача миқдорда жарима солишга сабаб бўлади” тарзида ўзгартирилди.

✅Янги қонун билан Маъмурий жавобгарлик тўғрисидаги кодекс “Икки ёки ундан ортиқ хотин билан эр-хотин бўлиб яшашни тарғиб қилиш” деб номланган янги 478-модда билан тўлдирилди.

🔵Унга кўра, икки ёки ундан ортиқ хотин билан эр-хотин бўлиб яшашни тарғиб қилиш, бундай қараш, ғоя ёки чақириқларни тарқатиш, шунингдек, бундай хатти-ҳаракатларни рағбатлантириш базавий ҳисоблаш миқдорининг ўн беш бараваридан ўттиз бараваригача миқдорда жарима солишга ёки ўн беш суткагача муддатга маъмурий қамоққа олишга сабаб бўлади.

🖊Батафсил

Telegram | Facebook | Instagram | Youtube | Медиабанк

✅ Қишлоқ хўжалигида ҳосилдорликни ошириш ва озиқ-овқат хавфсизлигини таъминлаш бўйича амалга оширилаётган чора-тадбирлар

АОКАда "Ўзагроинспекция" ахборот хизмати раҳбари Холида Шодиева иштирокида шу мавзуда брифинг бошланди.

Қуйидаги ҳавола орқали тўғридан-тўғри томоша қилишингиз мумкин:

🔹Жонли эфир
〰️〰️〰️〰️〰️〰️

Telegram | Facebook | Instagram | Youtube | Медиабанк

🌲Уруғлик дон тайёрлаш цехлари томонидан 251 минг, 600 тонна ёки 97,4 фоиз уруғлик дон қайта ишланиб, экишга тайёр ҳолатга келтирилган

Бу ҳақда АОКАда ўтказилган брифингда "Ўзагроинспекция" ахборот хизмати раҳбари Холида Шодиева маълум қилди:

🌱2024 йил ҳосили учун экишга режалаштирилган уруғлик дон тўдаларининг 274 минг, 400 тоннасидан экинбоплик сифат кўрсаткичларини таҳлил қилиш учун намуналар танлаб олиниб, 272 минг тоннасида сертификатлаштириш ишлари амалга оширилган.

🌱Мамлакатимизга импорт қилинган 1 млн 98 минг, 400 минг тонна, бошқа турдаги дон маҳсулотларидан намуналар олиниб, таҳлил қилинди ва 2 минг 354 та сертификатлар расмийлаштирилиб берилди.

🌱2023 йилнинг ўтган даврида жами 354 минг 537 тонна уруғлар ва 164 минг дона кўчатлар сертификатлаштирилган, шунингдек, 5 минг 918 тонна уруғлик донларнинг сақлаш давридаги экинбоплик сифат кўрсаткичлари бўйича синовлардан ўтказилиб хулосалар берилган.

📝Батафсил

Telegram | Facebook | Instagram | Youtube | Медиабанк

📢 “Ёшлар бандлиги дастурлари” ижроси юзасидан амалга оширилаётган ишлар

АОКАда Рақамли технологиялар вазирлиги вазир маслаҳатчиси Фазлиддин Анваров иштирокида шу мавзуда брифинг бошланди.

Қуйидаги ҳавола орқали тўғридан-тўғри томоша қилишингиз мумкин:

🔹Жонли эфир
〰️〰️〰️〰️〰️〰️

Telegram | Facebook | Instagram | Youtube | Медиабанк

🖥Халқаро IT сертификатларини олиш учун 50 фоизгача харажатларини қоплаш бўйича “IT-истедод” портали ишга туширилди

Бу ҳақда АОКАда ўтказилган брифингда Рақамли технологиялар вазирлиги вазир маслаҳатчиси Фазлиддин Анваров маълум қилди:

✅Халқаро IT сертификатини олиш учун қатнашган жами ёшлар сони 1600 нафардан ортиқ бўлиб, шундан:
735 нафар ёшларга жами 1 млрд. сўм дан ортиқ харажатлари қоплаб берилган. Жумладан, 2023 йил ҳозирги кунга қадар 285 нафар ёшларга жами 618,3 млн.сўм миқдорида харажатлар қоплаб берилди.

✅Аҳолини рақамли кўникмаларини ошириш мақсадида республика бўйича 205 та рақамли технологиялар ўқув марказларида 400 га яқин янги иш ўринлари яратилган бўлиб, уларда ҳозирги кунга қадар 195 минг нафардан ортиқ тингловчилар малакасини оширди. Шундан, 39 минг нафардан ортиғи давлат хизматчиларидир.

✅Иқтидорли ёшларни саралаш, қўшимча ўқитиш ҳамда халқаро меҳнат бозорига тайёрлаш тизимини жорий этиш ва замонавий IT касбларга ўқитиш тизими “IT Skills” тизимини яратиш чоралари қўрилмоқда.

✅Бунда, ҳар йили 50 минг нафардан ортиқ IT га қизиқувчи ёшларнинг базаси яратилади, 5 минг нафар иқтидорли ёшлар билим ва кўникмалари оширилиб, халқаро меҳнат бозорига тайёрланади.

🖊Батафсил

Telegram | Facebook | Instagram | Youtube | Медиабанк

🏃 Янги Нафас – экиден оммавий югуриш мусобақаси

Жорий йилнинг 10 декабрь куни соат 11:00 да Янги Нафас халқаро спорт ҳаракатининг бошқаруви остида Ўзбекистон Республикаси Конституцияси қабул қилинган кунга бағишланган жамоавий мусобақалар бўлиб ўтади.

Янги Нафас – экиден мусобақалари эркаклар, аёллар ва аралаш эстафетада ўтказилади.

Тасдиқланган низомга асосан, аралаш эстафета таркибида камида 2 та аёл ва энг кўпи билан 5 та эркак бўлиши керак. Жамоада 6 нафар эркак ва 1 нафар аёл иштирок этадиган ҳолда, жамоа эркаклар тоифасида иштирок этади.

Айни пайтда iticket.uz сайтида рўйхатдан ўтиш жараёни очиқ бўлиб, қуйидаги ҳавола орқали ўтиш мумкин.

💸 Янги Нафас – Экиденнинг ғалаба қозонган жамоаларига ташкилотчилар томонидан қуйидаги пул мукофотлари топширилиши кўзда тутилган:

🥇ўрин учун – 7 000 000 сўм
🥈ўрин учун – 5 000 000 сўм
🥉ўрин учун – 3 000 000 сўм

Мусобақани ташкил этишда Олий таълим, фан ва инновациялар вазирлиги, Соғлиқни сақлаш вазирлиги, Ички ишлар вазирлиги, Фавқулодда вазиятлар вазирлиги, Мактабгача ва мактаб таълими вазирлиги, Ўзбекистон Республикаси Ёшлар сиёсати ва спорт вазирлиги, «Ўзбекнефтгаз» АЖ, Ўзбекистон енгил атлетика федерацияси ва бир қатор ташкилотлар иштирок этмоқда.

Telegram | Facebook | Instagram | Youtube | Медиабанк

❗️Пиротехника буюмларидан фойдаланганлик учун жарима мавжуд

Пиротехника буюмларини қонунга хилоф равишда ишлаб чиқариш, тайёрлаш, сақлаш, ташиш, жўнатиш, улардан фойдаланиш, худди шунингдек уларни қонунга хилоф равишда Ўзбекистонга олиб кириш ёки ўтказиш – ҳуқуқбузарлик ашёларини мусодара қилиб, 1 млн 700 минг сўмдан 6 млн 800 минг сўмгача жарима солишга сабаб бўлади.

📌 Шунингдек, пиротехника воситалари, қурол ва унинг ўқ-дорилари, ҳарбий мақсаддаги маҳсулотлар рекламасига доир талабларни бузганлик – БҲМнинг 50 баравари (17 млн сўм) миқдорида жарима солишга сабаб бўлади.

Telegram | Facebook | Instagram | Youtube | Медиабанк

📢Гепатит С касаллигига қарши курашиш мақсадида олиб борилаётган ишлар

АОКАда Санитария-эпидемиологик осойишталик ва жамоат саломатлиги қўмитаси ахборот хизмати раҳбари Мафтуна Саидова иштирокида шу мавзуда брифинг бошланди.

Қуйидаги ҳавола орқали тўғридан-тўғри томоша қилишингиз мумкин:

🔹Жонли эфир
〰️〰️〰️〰️〰️〰️

Telegram | Facebook | Instagram | Youtube | Медиабанк

❗️Юртимиздаги 65 дан зиёд оилавий ва кўп тармоқли марказий поликлиникаларда гепатитнинг “В” ва “С” турларини аниқлаш учун бепул скрининг ташкил этилди

Бу ҳақда АОКАда ўтказилган брифингда Санитария-эпидемиологик осойишталик ва жамоат саломатлиги қўмитаси ахборот хизмати раҳбари Мафтуна Саидова маълум қилди:

🖊Жорий йилнинг ҳозирги даврига қадар 696 147 нафар аҳоли гепатит В турига ва 696 045 нафар аҳоли гепатит С турига скрининг текширувидан ўтказилди, улардан 22 307 нафарида гепатит В ва 22 157 нафарида гепатит С турлари аниқланди.

✅Гепатит С га қарши дори воситалари хариди учун Давлат бюджетидан 47 млрд. сўм ажратилиши режалаштирилган.

✅Миср Араб Республикаси билан ўтказилган музокаралар натижасида 800 минг қадоқ Даклотасвир ва Софосбувир дори воситаларини беғараз ёрдам сифатида юбориш учун келишувга эришилди.

✅Ҳозирги кунда 60 000 қадоқ Даклатасвир ва 7 000 қадоқ Софосбувир дори воситалари гепатит С тури аниқланган беморларга бепул тарқатилмокда.

🖥Батафсил

Telegram | Facebook | Instagram | Youtube | Медиабанк

❗️Поп ихтисослаштирилган давлат ўрмон хўжалиги фаолияти юзасидан

Ижтимоий тармоқларда Поп ихтисослаштирилган давлат ўрмон хўжалиги ходимларининг маоши юзасидан турли хабарлар тарқалди ва муҳокамаларга сабаб бўлди. Бу ҳақда Ўрмон хўжалиги агентлиги ахборот хизмати қўйидагиларни маълум қилди:

Поп ихтисослаштирилган давлат ўрмон хўжалигида бугунги кунда жами 83 нафар ишчи-ходимлар фаолият олиб боради. Шундан 68 нафарига бюджет ҳисобидан иш ҳақи ҳисобланади. Бугунга қадар ишчи-ходимлар ноябрь ойига қадар иш ҳақларини олган. 15 нафар ходимга хўжалик ҳисобидан июнь ойига қадар маош тайинланган.

Вазирлар Маҳкамасининг тегишли қарорига кўра, ойлик маошлар ходимнинг иш стажига қараб ҳисобланган иш ҳақидан бўлган қарздорликлар жорий йил якунига қадар тўлиқ ҳисоб-китоб қилинади.

Вазирлар Маҳкамасининг тегишли қарорига кўра, ойлик маошлар ходимнинг иш стажига қараб ҳисобланган иш ҳақидан бўлган қарздорликлар жорий йил якунига қадар тўлиқ ҳисоб-китоб қилинади.

Шунингдек, Ўрмон хўжалиги томонидан ўтган 2022 йилда етиштирилган 23 минг 500 та наъматак кўчатларидан 19 минг донаси Поп тумани бўлимида рўйхатда турувчи ёшларга ажратиб берилган. Ёшларга ўзини банд қилишини таъминлаш мақсадида шартнома асосида 0.3 га ер майдони ҳам ажратилган.

Фуқаролар томонидан Ўрмон хўжалиги биносига тегишли бўлган ер майдонидан фойдаланиш тўғрисида мурожаатлар келиб тушган. Аммо тегишли тартибга кўра, мазкур мурожаатлар рад этилган.

Бугунги кунда мазкур Ўрмон хўжалиги фаолияти вилоят прократураси томонидан ўрганиб чиқилмоқда. Қўшимча маълумотлар тақдим этилади.

Telegram | Facebook | Instagram | Youtube | Медиабанк

❗️1-курс ва ўқишини кўчиришга тавсия этилганлар учун тўлов-контракт маблағларини тўлаш муддати 25 декабрга қадар узайтирилди

Бу ҳақда Олий таълим, фан ва инновациялар вазирлиги ахборот хизмати маълум қилди.

Давлат комиссиясининг тегишли баёни билан, кўпчилик абитуриентлар ва уларнинг ота-оналари ҳамда олий таълим муассасалари раҳбарларининг мурожаатларини инобатга олиб, 2023/2024-ўқув йилида олий таълим муассасалари бакалавриати ва магистратурасига тўлов-контракт, жумладан, табақалаштирилган тўлов-контракт асосида талабаликка тавсия этилган абитуриентлар, ўқиши кўчирилган (кўчириб тикланган) ва қайта тикланган талабалар ўқиши учун тўлов ҳақини ўтказиш ҳамда талабалар сафига қабул қилишни расмийлаштиришнинг сўнгги муддати 2023 йилнинг 25 декабри (шу куни ҳам) этиб белгиланди.

📌Амалдаги тартибга кўра, иккинчи ва ундан юқори босқич талабалар контрактини тўлаш муддати ОТМ раҳбари томонидан узайтирилиши мумкин

Telegram | Facebook | Instagram | Youtube | Медиабанк

❗️Давлат хизматчилари иш фаолияти билан боғлиқ маълумотларни ишга алоқадор бўлмаган бошқа шахслар иштирокида муҳокама қилишга ҳаққи йўқ

Уларнинг ишдан ташқари вақтда ҳам қуйидаги мажбуриятлари бор.

🟣Расмий эълон қилинган маълумотлардан ташқари давлат хизмати фаолиятига оид масалаларни муҳокама қилмаслик;

🟣Дабдабабозлик, шуҳратпарастлик, гуруҳбозлик, маишатбозлик, ичкиликбозлик ва бошқа салбий иллатларга йўл қўймаслик;

🟣Жамоат жойларида (кафе, ресторан ва бошқа кўнгилочар масканларда) ўзини тутиш қоидаларига риоя этиш, атрофдагиларнинг эътиборини тортувчи ортиқча ва салбий ҳаракатларга йўл қўймаслик;

🟣жамоат тартиби ва хавфсизлигига қарши қаратилган хатти-ҳаракатларни содир этмаслик, мазкур ноқонуний ҳаракатларга бошқаларни жалб этмаслик ёки даъват қилмаслик;

🟣хизмат гувоҳномаларини сақлаш ва фойдаланиш тартибига қатъий риоя этиш, улардан хизматга алоқадор бўлмаган ҳолатларда фойдаланмаслик, шу жумладан, ваколатли шахсларга хизмат гувоҳномасини кўрсатиб, мавқеини суиистеъмол қилмаслик;

🟣хизмат автотранспорт воситаларидан хизмат фаолиятидан ташқари ҳолатларда шахсий ва бошқа мақсадларда фойдаланмаслик;

🟣иш фаолияти билан боғлиқ маълумотларни ишга алоқадор бўлмаган бошқа шахслар иштирокида муҳокама қилмаслик;

🟣ўзи фаолият юритган давлат органлари ва ташкилотлари ҳамда давлат хизматига доғ туширувчи хатти-ҳаракатлардан тийилиш;

🟣ташқи кўринишини белгиланган меъёрлар доирасида сақлаш, камтарона кийиниш, атрофдагиларнинг эътиборини ўзига ортиқча жалб қиладиган тарзда кийинмаслик.

Telegram | Facebook | Instagram | Youtube | Медиабанк