⚖️ 120 нафар қатағон қурбонлари оқланди

Олий судда мустабид совет тузуми даврида қатағон қурбони бўлган ва ҳозирги кунга қадар оқланмаган 120 нафар шахсга оид жиноят ишлари кўриб чиқилди ҳамда уларнинг барчаси оқланди. Бу ҳақда Олий суд ахборот хизмати маълум қилди.

Таъкидланишича, уларга совет давлатига қарши қуролли қаршилик ҳаракатларида иштирок этганликда, қалбаки ҳужжатлардан фойдаланган ҳолда уруш эълон қилиш ҳамда совет давлатига қарши қуролли қаршилик ҳаракатларида иштирок этиш, аксилинқилобий махфий ташкилот тузиш каби айбловлар қўйилган ва оғир жазоларга ҳукм қилинган эди.

Эслатиб ўтамиз, ўтган йилнинг август ойида ҳам совет тузуми даврида қатағон қурбони бўлган 115 дан ортиқ шахс оқланган эди. Президент Шавкат Мирзиёев ушбу қарорни олқишлаб, ватанпарвар инсонларнинг шаънини тиклашга қаратилган эзгу ишларни давом эттириш кераклигини таъкидлаган эди.

Telegram | Facebook | Instagram | Медиабанк

📣Эълон: Талабалар ва лицей ўқувчилари учун 50 фоизли чегирма муддати узайтирилгани ҳақида

✅Ўзбекистон Республикаси Олий ва ўрта махсус таълим вазирлиги томонидан кеча 2022 йил 6 январ куни, олий ва профессионал таълим муассасалари, академик лицейлар талаба-ўқувчиларининг қишки таътил муддати икки ҳафтага узайтирилиши тўғрисида эълон қилинди (сабаблари ҳам эълонда кўрсатилган).

❗️Шу билан бирга, талаба ва ўқувчиларнинг ўз уйларидан таълим муассасаларига қайтиши учун қулай шарт-шароитлар яратиш мақсадида авиа ва поезд чипталарига 50 фоизлик чегирма муддати 2022 йил 24 январга қадар узайтирилгани ҳам таъкидланди. Шу муносабат билан “Ўзтемирйўлйўловчи” АЖ кеча, яъни 2022 йил 6 январь куни, талабалар томонидан сотиб олинган чипталарни алмаштириш тизими 2022 йил 7 январдан бошлаб жорий этилиши тўғрисида маълум қилинди.

✅Бугун эса, кўплаб ҳудудий темир йўл кассаларида харид қилинган чипталарни алмаштирмоқчи бўлган талаба-ўқувчиларнинг гавжум ҳолати кузатилмоқда. Маълумки, юртимизда карантин чекловлари ҳали бекор қилинмаган шароитида бундай йиғилишларга йўл қўйиб бўлмайди!

📌Шу муносабат билан “Ўзтемирйўлйўловчи” АЖ раҳбарияти қуйидаги эълон билан мурожаат билан чиқди:
“Ҳурматли олий ва профессионал таълим муассасалари, академик лицейлар талаба-ўқувчилари! Қишки таътилнинг 24 январгача узайтирилиши муносабати билан, барча ҳудудий темир йўл кассаларига мурожаат қилишда керакли карантин талаб ва меъёрларига риоя этишингизни сўраймиз!
Эслатиб ўтамиз, республикамиздаги барча темир йўл кассалари кечаю кундуз ишлайди ва чипталар ҳеч қандай қўшимча тўловларсиз алмаштирилади. Харид қилинган барча чипталар алмаштирилиб, ҳеч ким жойсиз қолмайди, чунки барча поездларда чипталарни қайта расмийлаштириш учун керакли миқдордаги ўриндиқлар мавжуд. Бундан ташқари, зарурий чора сифатида қўшимча поездлар йўлга қўйилади! ”


Телеграм | Facebook | Instagram |Медиабанк

⚡️⚡️⚡️ОТМ талабалари, академик лицей ва профессионал таълим муассасалари ўқувчилари учун қишки таътил муддати 24 январгача узайтирилди.

Жорий йилнинг 10-24 январь кунлари ректорлар, проректорлар, деканлар ва молия масалаларига масъуллар учун ўз касбий маҳоратини ошириш, янгича тартибда ишлашни бошлаш мақсадида амалий семинар-тренинглар ташкил этилади.

📢Халқаро пресс-клуб ўзининг навбатдаги сессиясини ташкил этмоқда. Унда Олий ва ўрта махсус таълим вазирлиги, Транспорт вазирлиги вакиллари ва бошқа мутасаддилар иштирок этиши кутилмоқда.

📹 Жонли эфирни сиз бугун, 7 январь соат 17:10 "Ўзбекистон 24" ва УзРепорт" телеканаллари орқали тўғридан-тўғри томоша қилишингиз мумкин.

Телеграм | Facebook | Instagram |Медиабанк

📍Бугун Президент Шавкат Мирзиёев ёшларга оид давлат сиёсатини амалга ошириш, ёш авлодни ҳарбий-ватанпарварлик руҳида тарбиялаш, давлат хавфсизлиги соҳасида кадрлар тайёрлаш борасида амалга оширилаётган ишлар билан танишиш мақсадида Давлат хавфсизлик хизматининг «Темурбеклар мактаби» ҳарбий-академик лицейи ва ДХХ Академиясига ташриф буюради.

Telegram | Facebook | Instagram | Медиабанк

❗️Дарахтларни қонунга хилоф равишда кесиш, кундаков қилиш, шикастлантириш, йўқ қилиш ёки бошқа жойга кўчириб ўтказиш бўйича ҳуқуқбузарликлар ҳақида хабар берганларга пул мукофоти берилади

Бу ҳақда АОКАда Экология ва атроф-муҳитни муҳофаза қилиш давлат қўмитаси мутасаддилари иштирокида ўтказилган матбуот анжуманида маълум қилинди.

📎 Президентнинг тегишли Фармон ва Қарори билан давлат ўрмон фондига кирмайдиган дарахтлар ва буталар қимматбаҳо навларининг кесилишига мораторийнинг амал қилиши муддатсиз даврга узайтирилди. Мораторий талабларини бузганлик учун маъмурий жарималар миқдори беш бараварга, ўсимлик дунёсига етказилган зарар суммалари икки бараварга оширилган ҳолда қўлланилади.

❌ Давлат ўрмон фондига кирмайдиган дарахтлар ва буталар қимматбаҳо навларини кесиш, шикастлантириш ёки йўқ қилишга оид ҳукумат фармойишлари, баённомалар, ёзма топшириқлар, идоравий ҳужжатлар, кўрсатма ва қарорлар қабул қилиш тақиқланади.

👉 Батафсил

Telegram | Facebook | Instagram | Медиабанк

❗️ТАЛАБАЛАР ВА УЛАРНИНГ ЯҚИНЛАРИ ДИҚҚАТИГА

Маълумки, жорий ўқув йили учун белгиланган қишки таътил даври 24 январга қадар узайтирилди. Темирйўл чипталари тариф қисмидан 50 фоиз миқдорида чегирма берилиши муддати ҳам 2022 йилнинг 24 январига қадар узайтирилди.

Шунингдек, 2022 йилнинг 11 январигача бўлган муддатга харид қилинган авиа ва темирйўл чипталари бепул тарзда тегишли муддатга алмаштириб берилмоқда.

Аммо айни вақтда темирйўл кассаларида катта навбатлар юзага келгани ва бу темирйўл кассаларида чипта сотувида айрим ноқулайликлар келтириб чиқараётгани ҳақида хабарлар тарқалмоқда.

📢 Шу сабабли Олий таълим вазирлиги талабалар ва уларнинг яқинларига мурожаат қилмоқда:

● 24 январга қадар захирангизда қарийб 17 кун бор;

● барча талабаларнинг 11 январгача бўлган даврга харид қилинган темирйўл чипталари тўлиқ бепул алмаштириб берилади;

● эҳтиёждан келиб чиқиб, қўшимча йўловчи поездлар қатнови ҳам йўлга қўйилиши режалаштирилган;

● чипталарни жойлардаги (шаҳар, туман) темирйўл кассаларидан ҳам алмаштириш имконига эгасиз.

📌 Шуларни ҳисобга олган ҳолда, Сиздан чипта кассаларида узоқ навбатларда туриб, вақтингизни беҳудага сарфламаслигингизни сўраймиз.

Telegram | Facebook | Instagram | Медиабанк

“Эл-юрт умиди” жамғармаси илғор хорижий давлатлар нуфузли университетлари ва илмий марказларида бакалавриат, магистратура ва докторантурада таълим олиш учун 2022 йилги 1-стипендия танловини эълон қилди.

Муддати: 2022 йил 10 январдан – 10 февралга қадар

📣📣“Эл-юрт умиди” жамғармаси Ўзбекистон Республикаси учун энг устувор соҳалар учун 420 ўринга мўлжалланган очиқ стипендия танловларини эълон қилади!

“Эл-юрт умиди” жамғармаси 2022-2023 ўқув йили учун энг нуфузли хорижий давлатларда:

-👩🏻‍🎓бакалавриат таълим дастури учун *120* нафар,
-🧑🏻‍🎓магистратура таълим дастури учун *180* нафар,
-👨🏻‍🎓докторантура таълим дастури учун *120* нафар стипендиялар ажратишини маълум қилади.

👨🏻‍🎓Барча таълим дастурлари бўйича ногиронлиги бўлган шахслар учун камида 20 та ўрин ажратилиб, бундай ёшларимизга алоҳида эътибор қаратилади.

⛔️Номзодларнинг ҳужжатлари 2022 йил 10 январдан – 10 февралга қадар, республиканинг барча ҳудудлари вакиллари учун ягона тартиб ва тенг имконият асосида, онлайн режимда ва электрон тарзда қабул қилинади.

🖌Саралаш босқичлари 2022 йил 10 февралдан – 10 мартга қадар давом этади.

Батафсил

Telegram | Facebook | Instagram | Медиабанк

Талабалар учун авиачипталар ҳам бепул алмаштириб берилади. Қўшимча рейслар ҳам қўйилади.

Бу ҳақда «Uzbekistan Airways» АЖ раиси ўринбосари Шуҳрат Худойқулов Халқаро пресс-клуб сессиясида маълум қилди.

➖ 10 январгача харид қилинган авиачипталар 23 январгача режалаштирилган рейсларга бепул қайта бронь қилинади;

➖ 23 январга қадар талабалар учун республика бўйлаб амалга ошириладиган ички авиарейсларга 50% чегирма муддати узайтирилди;

➖ Бундан ташқари авиакомпания жорий йилнинг 20 – 23 январь кунлари қўшимча рейслар амалга оширади.

Telegram | Facebook | Instagram | Медиабанк

Ҳукумат қарори (8-сон, 06.01.2022 й.) билан Фуқароликни расмийлаштириш соҳасида айрим давлат хизматлари кўрсатишнинг маъмурий регламентлари тасдиқланди

🔰 Қарорга кўра, қуйидаги хизматлар Миграция ва фуқароликни расмийлаштириш бўлинмалари (ваколатли орган) ва давлат хизматлари марказлари билан бир қаторда онлайн тарзда Ягона интерактив давлат хизматлари портали (my.gov.uz) орқали амалга оширилади:

👉 Ўзбекистон фуқароси, Ўзбекистонда доимий яшовчи чет эл фуқароси ва фуқаролиги бўлмаган шахслар томонидан идентификацияловчи ID-картасини олиш учун мурожаат қилиш бўйича давлат хизмати;

👉 Ўзбекистонда доимий яшовчи фуқаролиги бўлмаган шахслар ва Ўзбекистон фуқаролари томонидан фуқароликка қабул қилиш ёки фуқароликдан чиқиш учун ваколатли давлат органига мурожаат қилиш бўйича давлат хизмати кўрсатиш.

👨‍💻 Шунга кўра, мурожаат этувчи ID-карта олиш учун электрон сўровнома тўлдиради.

📲 Ваколатли орган сўровномага киритилган маълумотларнинг ҳаққонийлигини текшириб, улар тўғри бўлган тақдирда мурожаат этувчига тегишли хабарнома юборади.

💰Фуқаро 3 иш куни ичида белгиланган миқдорда давлат божи тўлайди.

➡️ Тўлов амалга оширилиб, ID-картани олиш юзасидан тегишли хабарномани олгач, 3 иш куни ичида тегишли ҳужжатларни ваколатли органга шахсан келиб тақдим этади.

💳 Ваколатли орган томонидан талабнома шакллантирилгандан сўнг мурожаат этувчига 1 иш кунида ID-карта расмийлаштирилади ва тақдим этилади.

https://t.me/Rasmiy_xabarlar_Official