Чекларни бермасдан товар реализация қилган ёки хизмат кўрсатганлик ҳолатлари ҳақида солиқ органларига хабар берган жисмоний шахсларга, ҳуқуқбузарлардан ундирилган жариманинг 20 фоизи миқдорида мукофот тўланади.

Президентнинг назорат-касса техникасидан фойдаланишни такомиллаштиришга доир қарори қабул қилинди.

Ҳужжат билан 2022 йил 1 январдан бошлаб:

➖ чакана савдо, умумий овқатланиш ва аҳолига маиший хизмат кўрсатиш объектларида харидни амалга оширган ва ушбу харидни солиқ органларининг махсус мобиль иловасида харид чекининг QR-код ёрдамида сканерлаш орқали рўйхатдан ўтказган жисмоний шахсларга уларнинг банк карталарига ой якуни билан харид суммасининг 1 фоизи республика бюджетидан кайтарилади.

Бундан автомобиль сотиб олганлик учун, темир йўл ва авиа чипта хариди, коммунал ва алоқа хизмати учун тўлов, шунингдек, тўлов тизими операторлари орқали тўловни амалга оширганда олинган харид чеклари мустасно;

➖ сотиб олувчига чекларни ёки уларга тенглаштирилган ҳужжатларни бермасдан товарларни реализация қилганлик ва хизматлар кўрсатганлик, шунингдек, идентификация қилиш воситалари билан мажбурий рақамли маркировка қилиш назарда тутилган маҳсулотларда қалбаки маркировка қўлланилганлиги ёки маркировка мавжуд эмаслиги тўғрисида солиқ органларига махсус дастур орқали хабар берган жисмоний шахсларга, ҳуқуқбузарлардан ундирилган жариманинг 20 фоизи миқдорида мукофот тўланади;

➖ тўлов тизимлари операторлари ўз тўлов тизимларини онлайн назорат-касса машиналарига мажбурий равишда улаш ва шу орқали солиқ органларининг ахборот тизимларига интеграциялашни таъминлаш талаби ўрнатилади.

https://t.me/Rasmiy_xabarlar_Official

10.000 сўм ўрнига 50.000 сўм "берган" банкомат бўйича изоҳ берилди

Ҳамкорбанк Ижтимоий тармоқларда “Намангандаги банкомат 10 минг сўм ечиб, 50 минг сўм бермоқда” деб номланган хабарга расмий муносабат билдирди.

Маълум қилинишича, мазкур ҳолат жорий йилнинг 27 сентябрь куни, банкнинг Наманган минтақавий филиалига тегишли 24/7 режимида ўз‑ўзига хизмат кўрсатувчи офисда жойлашган банкоматда содир бўлган.

Ушбу хатолик банкоматдаги 10 000 сўмлик ва 50 000 сўмлик пул сотиш кассеталари алмашиб қолганлиги натижасида юзага келган. Ҳолат тезкорлик билан ўша куннинг ўзида хатолик аниқлангандан сўнг 30 дақиқа ичида бартараф этилган.

https://t.me/Rasmiy_xabarlar_Official

#брифинг

📍Ҳудудларда 188 та «Ёшлар саноат ва тадбиркорлик зоналари» ташкил этилган. Ушбу зоналарда қиймати 2,7 трлн. сўмлик 1787 та лойиҳа амалга оширилмоқда ва бунинг натижасида 37 614 та иш ўрни яратилиши режалаштирилган.

💰Бугунги кунга келиб, «Ёш тадбиркорларни қўллаб-қувватлаш жамғармаси» томонидан 33 та ёш тадбикркорга жами 16 млрд. сўмлик ва 236,8 минг АҚШ доллари қийматидаги кредит ресурслари ажратилди.

〰️〰️〰️
АОКАда Инвестициялар ва ташқи савдо вазирлиги Махсус иқтисодий зоналарни ривожлантириш бошқармаси бошлиғи ўринбосари Ботиров Меҳрож иштирокида ўтказилган брифинг тафсилотлари:

● Ёшларнинг тадбиркорлик ғоялари асосида бизнес-режа ишлаб чиқиш тартиби

● Ёш тадбиркорларнинг лойиҳалари учун ер ажратиш тартиби

● Ёш тадбиркорларнинг лойиҳалари учун кредит ажратиш тартиби

📌 Батафсил
〰️〰️〰️

Расмий хабарлар | Медиабанк

#брифинг

АОКАда Бандлик ва меҳнат муносабатлари вазирлиги ахборот хизмати раҳбари Мавжуда Мирзаева иштирокида брифинг ўтказилди.

Брифингда вазирлик ҳузуридаги Жамоат ишлари жамғармаси фаолияти таҳлили ҳақида ахборот берилди.

✔️Жамғарма ташаббуси билан ўтган 9 ойи давомида 21,2 мингдан ортиқ иш берувчи корхона, ташкилот ва муассасада ҳақ тўланадиган жамоат ишлари ташкил этилган ва унга ишсиз, “Аёллар дафтари”, “Ёшлар дафтари” ва “Темир дафтар”га киритилган, меҳнат миграциясидан қайтган 177 836 нафар фуқаро жалб қилинган.

💰Уларнинг иш ҳақлари учун Жамғарма ҳисобидан 169,7 миллиард сўм маблағ молиялаштириб берилди.

Шунингдек, 23 та тадбиркорлик субъектига умумий қиймати 4,5 млрд сўмлик 861 дона асосий воситалар, мини-ускуналар, тикув машинаси жамланмаси, мотокультиватор, автомобил ювиш шохобчаси жиҳозлари ижарага берилди.

📌 Батафсил

Расмий хабарлар | Медиабанк

Ҳаракатлар стратегияси якунига бағишланган халқаро конференция ўтказилади

2021 йил 5 октябрь куни соат 14:00 да Тошкент шаҳридаги «International» меҳмонхонасида 2017-2021 йилларда Ўзбекистон Республикасини ривожлантиришнинг бешта устувор йўналишлари бўйича Ҳаракатлар стратегияси якунига бағишланган «Ўзбекистон: беш йил ичида жадал ислоҳотлар» мавзусида халқаро конференция бўлиб ўтади.

Олий Мажлис Сенати, «Тараққиёт стратегияси» маркази, Адлия вазирлиги ташаббуси билан ташкил этилаётган ушбу йирик анжуман онлайн ва оффлайн тарзда ўтказилади.

● Батафсил
_____________

https://t.me/Rasmiy_xabarlar_Official

#Брифинг

❗️Икки мингдан ортиқ ҳайдовчи автомобилидан чиқаётган ифлослантирувчи моддалар нормадан ортиқ бўлгани учун жаримага тортилган

Бу ҳақда АОКАда ўтказилган брифингда Экология ва атроф-муҳитни муҳофаза қилиш давлат қўмитаси ахборот хизмати раҳбари Озод Ражабов маълум қилди.

———-

💨 Таъкидланишича, “Тоза ҳаво” тадбири доирасида текширилган автотранспорт воситаларининг 9113 таси ёки 3,4 фоизида зарарли тутунлар меъёрлардан юқорилиги аниқланди.

🚘 Натижада шунча автомобиль ҳайдовчиларига огоҳлантиришлар берилган бўлса, яна 2986 та автотранспорт воситалари нормадан ортиқ ҳолларни бартараф этиш учун вақтинча тўхтатилиб, автомобилларга техник хизмат кўрсатиш шахобчаларига йўналтирилган.

📌 Батафсил

Расмий хабарлар | Медиабанк

● Нодирабегим Президент мактаби ўқувчиси бўлди

Жорий йилнинг 14-май куни Президент Шавкат Мирзиёев Республика ихтисослаштирилган онкология ва радиология илмий-амалий тиббиёт марказига ташриф буюрган эди.

Ташриф чоғида даволанишда бўлган Нодирабегим Қосимова Президент мактабида ўқиш истаги борлигини билдирганди.

📹Наманган шаҳридаги Президент мактабига ўқишга қабул қилинган Нодирабегимнинг илк ўқиш кунидаги қувончи ва таассуротлари ушбу видеода аксини топган.

t.me/Rasmiy_xabarlar_Official

⚡️Марказий сайлов комиссиясининг навбатдаги йиғилиши ўтказилади

Эртага, 5 октябрь соат 11:00да Симпозиумлар саройида Марказий сайлов комиссиясининг навбатдаги йиғилиши бўлиб ўтади.

🔰 Кун тартибидаги масалалар:

👉 Сайлов участкаларида сайловчиларнинг муддатидан олдин овоз беришини ташкил этиш;

👉 Ўзбекистон Республикаси Президенти сайловида халқаро ташкилотлар ва хорижий давлатларлардан қатнашадиган кузатувчиларни аккредитация қилиш;

👉ОАВни аккредитациядан ўтказиш;

👉 Ўзбекистон Республикаси Президенти сайловини ўтказувчи 14-Тошкент шаҳар округ сайлов комиссияси таркибига ўзгартиришлар киритиш;

👉 Ўзбекистон Республикаси Президенти сайловига тайёргарлик кўриш ва уни ўтказиш юзасидан Қорақалпоғистон Республикаси, Бухоро, Сирдарё ҳамда Тошкент вилояти округ сайлов комиссиялари раисларининг ахбороти.

📈 Шундан сўнг йиғилишда муҳокама қилинган масалалар бўйича ОАВ вакиллари иштирокида пресс-брифинг ташкил этилади.

🎥 Пресс-брифингни соат 12:45да "Ўзбекистон 24", "УзРепорт" ва "Ўзбекистон" телеканалларида - ўзбек тилида, "Оилавий" телеканалида - рус тилида ҳамда "Дунё бўйлаб" телеканали орқали инглиз тилида жонли томоша қилишингиз мумкин бўлади.

https://t.me/Rasmiy_xabarlar_Official

#маҳаллавазирлиги #челленж

⚡️"Кексалар ҳафталиги"га бағишланган челленжга старт берилди

Вазирлар Маҳкамасининг қарорига кўра 4 - 10 октябрь кунлари мамлакат миқёсида “Кексалар ҳафталиги” бўлиб ўтиши белгиланган.

Ҳафталик доирасида махсус челленж ўтказилмоқда ва ғолибларга қимматбаҳо совғалар:

1️⃣ ӯринга - ноутбук;
2️⃣ ўринга - кир ювиш машинаси;
3️⃣ ӯринга - микротўлқинли печ тақдим этилади.

Челленж шартлари қуйидагича:

📸 Бобонгиз ва/ёки бувингиз билан расмга тушинг;

🔘 #нуронийбувим ва/ёки #нуронийбобом хештегини қўйинг;

📝 “Мен бобоб (бувим) билан фахрланаман”, “Кекса авлодга ғамхўрлик кўрсатиш улуғ фазилат”, “Қариси бор уйнинг париси бор”, “Ёши улуғларга ҳурмат-эътибор кўрсатиш – шарафли бурч” мавзуларида бувингиз ва/ёки бобонгиз ҳақида қисқача матн ёзинг;

🌐 Маҳалла ва оилани қўллаб-қувватлаш вазирлигининг Instagram ёки Facebook саҳифасини белгиланг ва ижтимоий тармоқларга жойланг.

📢 Танлов шартларига асосан ғолиб деб топилган иштирокчилар 12 октябрь куни эълон қилинади.

https://t.me/Rasmiy_xabarlar_Official

🏥 Инсон аъзолари ва тўқималари трансплантацияси бўйича илмий лаборатория ташкил этилади

Бугун, 4 октябрда имзоланган Президент қарорида инсон аъзолари ва тўқималарини трансплантация қилиш бўйича бир қатор муҳим вазифалар белгиланган. Жумладан:

● трансплантология соҳасида фундаментал ва амалий тадқиқотларни амалга ошириш ҳамда инновацион лойиҳаларни ишлаб чиқиш;

● юқори технологик трансплантация амалиётларини амалга ошириш усулларини ўрганиш ва жорий этиш;

● хорижий давлатларнинг мазкур соҳадаги илмий ташкилотлари, марказлари ҳамда экспертлари билан ҳамкорлик алоқаларини ўрнатиш ва биргаликда тадқиқотларни ташкил қилиш;

● трансплантология йўналишида малакали илмий кадрлар тайёрланишига кўмаклашиш Хирургия марказининг қўшимча вазифалари этиб белгиланган.

Шунингдек, қарорга мувофиқ, Хирургия марказида базавий молиялаштириш тизими асосида фаолият юритадиган Инсон аъзолари ва тўқималари трансплантацияси илмий лабораторияси ҳамда 2021/2022 ўқув йилидан бошлаб Тошкент тиббиёт академиясининг Хирургия ва трансплантология кафедраси ташкил этилади.

https://t.me/Rasmiy_xabarlar_Official

5 октябрь, сешанба куни ўтказилиши режалаштирилган тадбирлар:

〰️〰️〰️
🔰Брифинг

● Мавзу: 2017-2021 йилларда қурилиш материаллари соҳаси бўйича амалга оширилган ишлар таҳлили
● Вақти: 10:00
● Иштирок этади: Азизбек Баҳодиров, "Ўзсаноатқурилишматериаллари" уюшмаси бошқарув раисининг биринчи ўринбосари
〰️〰️〰️

🔰 Матбуот анжумани

● Мавзу: "Ўзагросуғурта" АЖнинг 9 ойлик фаолияти натижалари таҳлили, суғурта бозори ҳолати ва ўзгаришлар
● Вақти: 11:00
● Иштирок этади: "Ўзагросуғурта" АЖ раҳбарлари

〰️〰️〰️
✏️ Саволларни @Rasmiy_aloqabot га жўнатишингиз мумкин.

ОАВ ходимлари таклиф этилади.

https://t.me/Rasmiy_xabarlar_Official