⚡️Президент ёшларни ишга қабул қилган корхона ва компанияларга қандай имтиёзлар берилиши, ёшлар тадбиркорлигини қўллаб-қувватлаш бўйича кенг кўламли чора-тадбирлар ҳақида маълум қилди

http://t.me/Rasmiy_xabarlar_Official

Адлия бўлимлари: 3 йиллик фаолият сарҳисоби

✍️ Адлия вазири матбуот котиби Севара Уринбаеванинг маълум қилишича, Адлия бўлимлари ташкил этилгандан бошлаб, ўтган 3 йил давомида улар томонидан бир қатор ишлар амалга оширилди.

Жумладан, адлия бўлимлари томонидан 2018-2020 йиллар давомида:

▫️фуқаролар ва тадбиркорлик субъектлари манфаатларини кўзлаб судларга 28 мингдан зиёд даъво аризалари киритилган;
давлат органлари ва ташкилотларига 36 мингдан зиёд тақдимномалар киритилган;
▫️давлат органлари ва ташкилотларида 13 мингга яқин назорат тадбирлари ўтказилди;
▫️қонунчиликни такомиллаштириш бўйича 12 минг 200 та таклифлар берилган.
Шунингдек, ташкил этилган йилдаёқ адлия бўлимлари томонидан фуқаролар ва тадбиркорларнинг 8,5 мингга яқин мурожаатлари ҳал қилинди.

Бўлимлар томонидан биргина 2018 йилда давлат органлари ва ташкилотларига киритилган тақдимномалар асосида фуқаролар ва тадбиркорларнинг қарийб 3 млрд. сўм маблағлари қайтарилган ёки тўлаб берилган. Ушбу кўрсатгич 2019–2020 йиллар давомида қарийб 10-20 баравар ортиб тегишлича 32,5 млрд. ва 70 млрд. сўм ташкил этган.

2019-2020 йиллар давомида фуқаролар ва тадбиркорларнинг қонуний ҳуқуқ ва эркинликларини таъминлаш мақсадида судларга киритилган даъво аризаларининг 98 фоизи қаноатлантирилган.

t.me/Rasmiy_xabarlar_Official

UZCARD ва HUMO терминалларида ҳар икки картадан ҳам тўлов қилиш имконияти яратилади

✍️ Бу ҳақда Марказий банк ахборот хизмати маълум қилди.

🔸UZCARD ва HUMO тўлов тизимлари ўртасида ҳамкорлик меморандуми имзоланди. Ҳужжат Ўзбекистонда нақд пулсиз ҳисоб-китобларни такомиллаштиришга хизмат қилувчи қўшма лойиҳаларни амалга оширишни кўзда тутади. Меморандум доирасидаги илк лойиҳага кўра, компаниялар инфратузилмаларининг босқичма-босқич интеграциялашуви амалга оширилади.

🔸2021 йил охирига қадар тўлов тизимлари терминаллари иккала турдаги карталарни ҳам қабул қила бошлайди. Истеъмолчилар савдо нуқталари қайси терминалдан фойдаланаётганини сўраб ўтиришига ҳам ҳожат қолмайди, тадбиркорлар эса ҳар иккала картадан ҳам тўловларни битта терминал орқали қабул қила оладилар.

🔸Шунингдек, меморандум доирасида компаниялар,

– карта эгалари, банклар, тўлов ташкилотлари ва чакана савдо нуқталарининг манфаатларини ҳимоя қилиш;

– нақдсиз тўловларни рағбатлантириш учун технологияларни такомиллаштириш ва инфратузилмани кенгайтириш;

– тўлов инфратузилмасининг ишончлилиги ва ахборот хавфсизлигини таъминлашга доир лойиҳаларни амалга оширишда ҳамкорлик қилишга келишиб олдилар.

t.me/Rasmiy_xabarlar_Official

Монополияга қарши курашиш қўмитаси узоқ йиллар давомида ечилмаган муаммони ҳал этди

Қўмита ахборот хизмати ёзишича, Нукус шаҳрида жойлашган “Алланиёз Қаҳрамон” маҳалласига электр токи маҳсус симёғочлар орқали эмас, балки истеъмолчиларнинг ўзи бир замонлар ўрнатган тиргаклар орқали келган.

➖Бунинг ҳаёт учун хавфлилик томони борлиги эса, вазиятни янада қалтис эканлигини билдирарди. Унинг устига кучланиш ҳам ҳавас қилгудек эмас, дейилади қўмита материалида.

Маҳалладагилар Монополияга қарши курашиш қўмитасига мурожаат этишди. Муаммо ўрганилиб, тезда ҳал этилди.

t.me/Rasmiy_xabarlar_Official

⚡️ЕХҲТ раиси Ўзбекистонга келди

Европада хавфсизлик ва ҳамкорлик ташкилотининг амалдаги раиси, Швеция ташқи ишлар вазири Анн Кристин Линде икки кунлик ташриф билан Ўзбекистонга келди.

Ташриф дастурида Ўзбекистон Олий Мажлиси Сенати ва Ташқи ишлар вазирлигида икки томонлама музокаралар ўтказиш кўзда тутилган. Учрашувларда ЕХҲТ доирасидаги ўзаро ҳамкорликнинг долзарб масалалари ҳамда Ўзбекистон-Швеция алоқаларини ривожлантириш истиқболларини муҳокама қилиниши кутилмоқда.

Анн Кристин Линде давлатимиз раҳбари томонидан ҳам қабул қилиниши айтилган.

https://t.me/aoka_uz

2021 йилда 14 та туман ва шаҳар бюджетлари харажатларининг 5 фоизи жамоатчилик фикри асосида шаклланган тадбирларни молиялаштиришга йўналтирилади

“Бюджет жараёнида фуқароларнинг фаол иштирокини таъминлаш бўйича қўшимча чора-тадбирлар тўғрисида”ги Президент қарори қабул қилинди.

Молия вазирлиги ахборот хизмати маълум қилшиича, хужжатга кўра жорий йилдан бошлаб ҳар бир ҳудудда биттадан туман ва шаҳарнинг бюджетлари тасдиқланган умумий харажатларининг 5 фоизини жамоатчилик фикри асосида шаклланган тадбирларни молиялаштиришга йўналтириш бўйича янги тартиб жорий этилмоқда.

2022 йилдан бошлаб эса ушбу тартиб барча туман ва шаҳарларга тадбиқ этилиши режалаштирилган.

Ушбу мақсадларда жорий йилда истисно тариқасида туман (шаҳар)лар бюджетларига республика бюджетидан қўшимча равишда 92,7 миллиард сўм маблағ ажратилиши белгиланган.

Мисол учун: Фарғона вилояти Фарғона шаҳри бюджетига 10,4 млрд. сўм, Бухоро вилояти Ғиждивун тумани бюджетига 9,7 млрд. сўм, Навоий вилояти Хатирчи тумани бюджетига 7,7 млрд. сўм)

Келгуси йилдан бошлаб эса мазкур маблағлар тегишли туман (шаҳар)лар бюджети параметрларида кўзда тутилиши белгиланмоқда.

Қарорга мувофиқ 2021 йил 1 июлдан бошлаб жамоатчилик фикри асосида шакллантирилган тадбирларни молиялаштиришга йўналтириладиган туман (шаҳар)лар бюджетлари қўшимча маблағлари миқдорини 30 фоизга ошириш назарда тутилган (амалдаги тартиб бўйича қўшимча маблағларнинг камида 10 фоизни ташкил этади).

Янги тартибда молиялаштирилишга мўлжалланган маблағлар туман ва шаҳар ҳокимликлари қошида очиладиган “Фуқаролар ташаббуси жамғармаси” шахсий ғазна ҳисобварағида жамланади. Ушбу маблағларни бошқа мақсадларга сарфланишига қатъиян йўл қўйилмаслиги белгиланди.

t.me/Rasmiy_xabarlar_Official

Янги қурилган уйни битишини интизорлик билан кутган хонадон эгасининг қувончи кўпга чўзилмади.

Фойдаланишга топширилган хонадоннинг кўп ўтмай қурилиш ишлари сифатсизлигидан деворлари нураб кетган, иситиш тизими яхши ишламаслиги ва бошқа камчиликлари юзага келган.

Истеъмолчилар ҳуқуқларини ҳимоя қилиш агентлиги ахборот хизмати маълум қилишича, Агентликнинг Фарғона вилояти ҳудудий тузилмаси томонидан мазкур ҳолат бўйича мурожаат ўрганиб чиқилиган.

Кўрилган чора-тадбирлар натижасида фуқаронинг хонадонидаги сифатсиз бажарилган қурилиш-таъмирлаш ишлари пудратчи корхона томонидан қайта таъмирлаб берилди.

РАСМИЙ ХАБАРЛАР 👇👇👇
t.me/Rasmiy_xabarlar_Official

Инвестициялар ва ташқи савдо вазирининг янги ўринбосари тайинланди

Президентнинг 2021 йил 9 апрелдаги ПҚ-5065-сонли Қарори билан Раҳимов Бахтиёр Абдуғани ўғли Ўзбекистон Республикаси инвестициялар ва ташқи савдо вазирининг ўринбосари этиб тайинланди.

Бу ҳақда вазирлик ахборот хизмати маълум қилди.

Тайинловдан олдин Б.Раҳимов Ўзбекистон Республикаси Президенти Администрацияси, Ўзбекистон Республикаси Вазирлар Маҳкамаси ҳамда Давлат божхона қўмитасида турли лавозимларда ишлаб келган.

РАСМИЙ ХАБАРЛАР 👇👇👇
t.me/Rasmiy_xabarlar_Official

platforma.uz телеграм каналида «Талаба нега ўз жонига қасд қилди?» сарлавҳали хабар чиқарилган.

✍️ Республика Бош прокурори матбуот кортиби Ҳаёт Шамсутдиновнинг маълум қилишича, материалда Қарши давлат университетининг физика-математика факультетида тўлов-контракт асосида иккинчи курсда таҳсил олаётган талаба ўзини осиб қўйганлиги ҳақида билдирилган.

Мазкур ҳолат юзасидан Қарши тумани прокуратураси томонидан ўтказилган терговга қадар текширув натижасига кўра, 2021 йил 27 февраль куни жиноят ишини қўзғатишни рад қилиш тўғрисида қарор қабул қилинган.

Шунингдек, хабарда талаба қишки сессия имтиҳонларидан ўтолмаганлиги ва унинг имтиҳондан ўтиши учун ўқитувчи катта миқдорда пора талаб қилганлиги кўрсатилган ва айнан шу ҳолат марҳумнинг ўз жонига қасд қилишига сабаб бўлган деган таҳмин илгари сурилган.

Шунга кўра, мазкур важни ўрганиш мақсадида Қарши тумани прокуратураси томонидан қўшимча терговга қадар текширув ҳаракатлари ўтказилмоқда.

Натижалари ҳақида қўшимча хабар қилинади.

t.me/Rasmiy_xabarlar_Official