⚡️Мактабларда 4-чорак 29 мартдан бошланади

Ҳозирда юртдошларимиздан баҳорги таътил узайтирилдими деган жуда кўплаб саволлар келиб тушмоқда. Мазкур саволга жавобан Халқ таълими вазирлиги баҳорги таътил 28 мартгача давом этиши, 4-чоракнинг илк куни 29 март эканлигини яна бир бор маълум қилади, деб хабар бермоқда вазирлик ахборот хизмати.

Шунингдек юртимиздаги эпидемиологик вазиятдан келиб чиққан ҳолда гибрид шаклдаги таълимга рухсат этилганлигини, қайсидир мактаб ёки ҳудуддаги эпидемиологик вазиятга қараб мактаб карантинга ёпиладиган бўлса, ушбу мактаб ўқувчилари вазият барқарорлашгунига қадар вақтинча таълимни онлайн шаклда давом эттириши мумкинлигини эслатиб ўтамиз.

РАСМИЙ ХАБАРЛАР 👇👇👇
t.me/Rasmiy_xabarlar_Official

Ўзбекистон театр санъати ходимларига табрик
—
Поздравление работникам сферы театрального искусства Узбекистана

Prezident.uz|Facebook|Instagram|YouTube|Twitter

✅ Божхоначилар 9,2 млрд. сўмлик қалбаки дориларни қадоқлаб сотишга уринган шахсларни қўлга олишди

✍ Давлат божхона қўмитаси ахборот хизмати маълумотига кўра, пойтахтимизнинг Мирзо Улуғбек туманидаги хонадонлардан бири белгиланган тартибда кўздан кечирилди. Натижада бу хонадон ўзига хос яширин савдо плафтормаси бўлиб, унда “Сall Centre” ташкил қилингани ҳамда сотиш учун мўлжаллаб қўйилган 96 622 дона дори воситалари, 72 902 қути биологик фаол қўшимчалар борлиги аниқланди.

Ўтказилган тезкор тадбир натижасида, ушбу хонадондан умумий қиймати 9 млрд. 179 млн. сўмлик дори воситалари ва биологик фаол қўшимчалар ҳамда қадоқловчи ускуналар, ярим тайёр маҳсулотлар, ёрлиқлар, қўллаш учун йўриқномалар ва бўш қутилар ашёвий далил сифатида олинди.

Ҳозирда мазкур ҳолат юзасидан суриштирув ҳаракатлари давом эттирилмоқда.

t.me/Rasmiy_xabarlar_Official

Бугун, 27 март куни режалаштирилган тадбирлар:

〰️〰️〰️
🔰 Брифинглар

● Мавзу: Ижтимоий тармоқларда кўтарилган Ўзбекистонда пуллик йўлларни барпо этилиши билан боғлиқ масалалар юзасидан
● Вақти: 12:00
● Жойи: АОКА мажлислар зали
● Иштирок этади: Фаррух Ғаффоров, Молия вазирлиги ҳузуридаги Давлат-хусусий шерикликни ривожлантириш агентлиги масъул ходими
〰️〰️〰️

● Мавзу: Ҳафта давомида қабул қилинган ҳуқуқий ҳужжатларнинг мазмун-моҳияти
● Вақти: 14:00
● Жойи: АОКА мажлислар зали
● Иштирок этади: Абдурасул Абдушерозов, Адлия вазирлиги масъул ходими
〰️〰️〰️〰️

● Мавзу: Аҳоли мурожаатлари асосида долзарб мавзуларда савол-жавоблар
● Вақти: 15:00
● Жойи: АОКА мажлислар зали
● Иштирок этади: Неъмат Атамуратов, Кадастр агентлиги ахборот хизмати раҳбари
〰️〰️〰️

● Мавзу: СOVID-19 билан боғлиқ бугунги вазият, вакцинация жараёнларига тайёргарлик
● Вақти: 16:00
● Жойи: АОКА мажлислар зали
● Иштирок этади: Нурмат Отабеков, Коронавирусга қарши курашиш штаби аъзоси
〰️〰️〰️〰️

🎤 ОАВ ходимлари таклиф этилади.

@aoka_uz

Ички ишлар органлари фаолиятида янги механизмлар жорий этилади

“Жамоат хавфсизлигини таъминлаш ва жиноятчиликка қарши курашиш соҳасида ички ишлар органлари фаолиятини сифат жиҳатидан янги босқичга кўтариш чора-тадбирлари тўғрисида”ги Президент Фармони (ПФ–6196-сон 26.03.2021 й.) қабул қилинди. Бу ҳақда ҳуқуқий ахборт канали маълум қилди.

☑️ Фармонга кўра, ҳар бир маҳалла, оила ва шахс кесимида ҳуқуқбузарликларнинг олдини олиш ва жиноятчиликка қарши курашишга оид муаммолар бевосита жойларнинг ўзида ҳал этилади.

📌 Ички ишлар органларининг таянч пунктлари негизида маҳалла ҳуқуқ-тартибот масканлари ташкил этилади.

✅ Дастлаб маҳалла ҳуқуқ-тартибот масканлари Тошкент шаҳрида намунавий тарзда ташкил этилади.

🖥 Тошкент ва Самарқанд вилоятларида 2021 йил 1 июнгача профилактика инспекторига масофадан туриб мурожаат юбориш ва уни кўриб чиқиш жараёнини кузатиб бориш имконини берувчи “Smart маҳалла” ахборот дастури ишга туширилади.

✅ Мазкур ахборот дастури 2021 йил якунигача республиканинг бошқа ҳудудларида ишга туширилади.

🔰 Ички ишлар вазирлиги тузилмасида қуйидагилар ташкил этилди:

➖ Жиноят қидирув бош бошқармаси, Терроризм ва экстремизмга қарши курашиш бош бошқармаси, Тезкор-қидирув ҳамкорлиги бошқармасини ўз ичига оладиган Тезкор-қидирув департаменти;

➖ Патруль-пост хизмати ва жамоат тартибини сақлаш бош бошқармаси, Ҳуқуқбузарликлар профилактикаси бош бошқармаси, Йўл ҳаракати хавфсизлиги бош бошқармаси, Пробация хизматини ўз ичига оладиган Жамоат хавфсизлиги департаменти;

➖ Транспортда хавфсизликни таъминлаш бош бошқармаси,
Хавфсиз туризмни таъминлашни мувофиқлаштириш бошқармасини ўз ичига оладиган Транспорт ва туризм объектларида хавфсизликни таъминлаш департаменти;

➖ Кадрлар бош бошқармаси, Маънавий-маърифий ишлар бошқармаси, касбий тайёргарлик бошқармасини ўз ичига оладиган Маънавий-маърифий ишлар ва кадрлар билан таъминлаш департаменти;

➖ Ҳуқуқий статистика ва тезкор-ҳисоб маълумотлар маркази (Бош прокуратуранинг Жиноий-ҳуқуқий статистика бошқармаси ва унинг ҳудудий бўлинмалари тугатилди);

➖ Жамоат хавфсизлиги масалалари илмий-амалий тадқиқотлар маркази.

🏢 Шунингдек, Жазони ижро этиш бош бошқармаси Ички ишлар вазирлиги ҳузуридаги Жазони ижро этиш департаменти этиб қайта ташкил этилди.

💼 Ҳудудий ички ишлар органларининг тузилмасида ички ишлар органлари бошлиқларининг жамоат тартибини сақлаш бўйича, пробация ва жазони ижро этиш масалалари бўйича ўринбосари, ҳуқуқбузарликлар профилактикаси бошқармаси (бўлими) бошлиғи лавозимлари тугатилди.

РАСМИЙ ХАБАРЛАР 👇👇👇
t.me/Rasmiy_xabarlar_Official

⚡️Тошкент-Андижон пуллик автомобиль йўлини қуриш учун қанча маблағ сарфланиши маълум

АОКАда Молия вазирлиги ҳузуридаги Давлат-хусусий шерикликни ривожлантириш агентлиги масъул ходими Фаррух Ғаффоров иштирокида брифинг ўтказилди. Унда пуллик трассаларга оид маълумотлар берилди.

🛣 Тошкент-Андижон пуллик автомобиль йўлини қуриш бўйича дастлабки техник-иқтисодий асослар (ДТИА) Жаҳон банки консультантлари томонидан ишлаб чиқилди ва 2020 йилда тегишли вазирлик ва идоралар билан келишилди.

📎 Лойиҳа бўйича “Инвестициядан олдинги тадқиқот” (Pre-investment study) ни ўтказиш бўйича консультантни аниқлаш ишлари бошланиш арафасида. Бир йилдан кўпроқ муддат давомида ўрганиш ишлари ўтказилгандан сўнг, халқаро тендер эълон қилинади. Шунингдек, ўрганиш ишлари давомида аҳолидан мазкур лойиҳага ва йўлдан фойдаланиш учун тўловга муносабати сўровнома орқали аниқланади.

🏗 Лойиҳалар бўйича ҳали қурилиш ишлари бошланмаган. Икки босқичли очиқ ва шаффоф тендер асосида танланган халқаро инвестор билан ДХШ тўғрисидаги битим имзолангандан кейин қурилиш ишлари бошланади.

💰 Дастлабки ҳисоб-китобларга кўра, лойиҳа умумий қиймати 2 млрд. АҚШ долларидан ошади. 340 км. лик йўл учун умумий қурилиш даври қурилиш кетма-кетлигига кўра 5-10 йилни ташкил этиши мумкин.

💲Жаҳон банкининг дастлабки ҳисоб-китобларга кўра, йўлдан фойдаланиш нархлари енгил автомобил ва енгил юк машиналар учун тахминий нарх 5 ва 7 АҚШ доллари, юк машиналари ва автобуслар учун 15 АҚШ доллари этиб кўрсатилган.

✍️ ДШХ тўғрисидаги битим тахминан 40 йил муддатга тузилиши кўзда тутилган. Ушбу лойиҳа бўйича Президент қарори қабул қилиниши кўзда тутилган бўлиб, мазкур қарорда йўлдан фойдаланувчилар учун нархлар ўзгариши ёки тўловниннг маълум қисми субсидия ҳисобига қопланиши ёхуд йўлнинг бепул бўлиши ва имтиёзга эга бўлган фойдаланувчилар рўйхати шакллантирилиши масалаларига аниқлик киритилади.

РАСМИЙ ХАБАРЛАР 👇👇👇
t.me/Rasmiy_xabarlar_Official

❗️Пуллик трассаларни қуриш учун давлат бюджетидан маблағ ажратилмайди

Бу ҳақда АОКАда ўтказилган брифингда Молия вазирлиги ҳузуридаги Давлат-хусусий шерикликни ривожлантириш агентлиги масъул ходими Фаррух Ғаффоров маълум қилди.

—————-

Тошкент-Самарқанд пуллик автомобиль йўли бўйича Европа тикланиш ва тараққиёт банки консультантлари билан битим имзоланди ва ҳозирда ўрганиш ишлари давом этмоқда.

💵 Дастлабки ҳисоб-китобларга кўра, лойиҳа умумий капитал харажатлари тахминан 1,5 млрд. АҚШ долларидан ошади. 300 км.лик йўл учун умумий қурилиш даври қурилиш кетма-кетлигига кўра 5-8 йилни ташкил этиши мумкин.

💰Европа тикланиш ва тараққиёт банкининг дастлабки ҳисоб-китобларга кўра, йўлдан фойдаланиш нархлари енгил автомобил ва енгил юк машиналар учун тахминий нарх 5 ва 7 АҚШ доллари, ва юк машиналари ва автобуслар учун 15-20 АҚШ доллари этиб кўрсатилган.

ДШХ тўғрисидаги битим тахминан 30 йил муддатга тузилиши кўзда тутилган.

⚠️ Лойиҳани молиялаштириш давлат бюджетидан эмас, асосан, хусусий шерик, яъни хорижий инвестор томонидан амалга оширилади.

❗️Шуни таъкидлаш лозимки, ҳали мазкур лойиҳалар бўйича аниқ белгиланган маршрут ва нархлар мавжуд эмас. Сўнгги тасдиқланган рақамлар Ҳукумат ва инвесторлар ўртасида тузиладиган келишув асосида аниқ бўлади. Айтилган рақамлар халқни амалга оширилиши мумкин бўлган лойиҳалар бўйича умумий тушунчага эга бўлиши учун маълум қилинди.

Халқаро тажрибага кўра, пуллик йўл қурилганда одатда аҳоли учун бепул алтернатив йўл сақланиб қолади.

t.me/Rasmiy_xabarlar_Official

“Қамчиқ” довонида юк машиналари иштирокидаги иккита ЙТҲ оқибатларини бартараф этилди

✍️ Фавқулодда вазиятлар вазирлиги ахборот хизмати хабарига кўра, куни кеча, “Тошкент-Ўш” халқаро автомобиль йўлининг “Қамчиқ” довонидан ўтган 227-километрида 40 дақиқа оралиғида иккита ЙТҲ юз берган.

Биринчи ҳолатда, “МАН” юк машинасининг ҳайдовчиси бошқарувни йўқотиши туфайли йўл четидаги хандаққа тушиб кетган.

Фавқулодда вазиятлар вазирлигининг «Қамчиқ» махсус қидирув, ёнғин-қутқарув бошқармаси қутқарув гуруҳи зудлик билан ёрдамга етиб келган.

РАСМИЙ ХАБАРЛАР 👇👇👇
t.me/Rasmiy_xabarlar_Official

Жаҳон соғлиқни сақлаш ташкилоти бош директори Тедрос Аданом Гебрейесус Ўзбекистон Президенти Шавкат Мирзиёевга мактуб йўллади.
Мактубда Бирлашган Миллатлар Ташкилоти Бош Ассамблеясининг 75-сессиясида Президентимиз томонидан илгари сурилган Пандемиялар даврида давлатларнинг ихтиёрий мажбуриятлари тўғрисидаги халқаро кодекс лойиҳаси ишлаб чиқилиб, ЖССТга тақдим этилгани учун давлатимиз раҳбарига миннатдорлик билдирилган.
—
Генеральный директор Всемирной организации здравоохранения Тедрос Аданом Гебрейесус направил письмо Президенту Узбекистана Шавкату Мирзиёеву.
В письме выражается благодарность главе нашего государства за разработку и предоставление ВОЗ проекта Международного кодекса о добровольных обязательствах государств в период пандемий, инициированного Президентом Узбекистана на 75-й сессии Генеральной Ассамблеи Организации Объединенных Наций.

#Mirziyoyev #maktub #JSST #hamkorlik

Prezident.uz|Facebook|Instagram|YouTube|Twitter

Бугун АОКАда Адлия вазирлиги масъул ходими Абдурасул Абдушерозов иштирокида брифинг ўтказилди.

Брифингда ҳафта давомида қабул қилинган ҳуқуқий ҳужжатларнинг моҳияти ҳақида маълумот берилди.
〰️〰️〰️〰️

🔰“Физика соҳасидаги таълим сифатини ошириш ва илмий тадқиқотларни ривожлантириш чора-тадбирлари тўғрисида”ги Президент қарори билан 2021–2023 йилларда физика фанлари бўйича таълим сифатини ошириш ва физика соҳасидаги илмий тадқиқотларнинг натижадорлигини таъминлаш бўйича комплекс чора-тадбирлар дастури тасдиқланди.

🧬2022 йилга қадар Қорақалпоғистон Республикаси, вилоятлар ва Тошкент шаҳридаги биттадан “Баркамол авлод” болалар мактабларида “STEM” физика клублари ташкил этилади;

💰2022 йил 1 сентябрдан ихтисослаштирилган мактабларнинг физика фани бўйича миллий сертификатлаш тизимида максимал баллнинг 70 ва ундан юқори фоизини тўплаган физика фани ўқитувчиларига базавий тариф ставкасига нисбатан ҳар ойлик устама ҳақи 50 фоиз миқдорида тўланади.

Қарорга кўра, 2021 йил 1 сентябрдан ОТМларда:

🔹физика фанлари бўйича халқаро ва республика олимпиадалари ғолибларини тайёрлаган профессор-ўқитувчиларга ойлик маоши миқдорида бир марталик пул мукофоти;

🔹физика фанлари бўйича талабалар учун тўгараклар олиб бораётган профессор-ўқитувчиларнинг ойлик маошларига 25 фоиз миқдорида ҳар ойлик устама ҳақ тўланади.
〰️〰️〰️〰️

🔰“Кексалар ва ногиронлиги бўлган шахсларни ижтимоий қўллаб-қувватлаш, “Саховат” ва “Мурувват” интернат уйлари тизимини янада ривожлантириш тўғрисида”ги Президент Фармонига кўра Ўзбекистон Республикаси Тиббий-ижтимоий хизматларни ривожлантириш агентлиги (Агентлик) ва унинг ҳудудий бўлинмалари ташкил этилди.

✔️Фармон билан қуйидагилар Агентлик тизимига ўтказилди:

▫️“Саховат” ва “Мурувват” интернат уйлари;

▫️Ногиронлиги бўлган шахсларни реабилитация қилиш ва протезлаш миллий маркази;

▫️ ногиронлиги бўлган шахслар учун ҳудудий реабилитация марказлари;

▫️уруш ва меҳнат фахрийлари учун санаторий ва пансионатлар;

▫️Республика тиббий-ижтимоий экспертиза инспекцияси ва унинг ҳудудий бўлинмалари;

▫️Одам савдоси жабрдийдаларига ёрдам бериш бўйича Республика реабилитация маркази;

▫️Соғлиқни сақлаш вазирлиги ҳузуридаги бюджетдан ташқари “Саховат” ва “Мурувват” интернат уйлари фаолиятини қўллаб-қувватлаш жамғармаси;

▫️Ногиронлиги бўлган шахсларни қўллаб-қувватлаш жамғармаси.

t.me/Rasmiy_xabarlar_Official

Бугун АОКАда Кадастр агентлиги ахборот хизмати раҳбари Неъмат Атамуратов иштирокида ўтказилган брифингда соҳага доир муҳим саволларга жавоб қайтарилди:

〰️〰️〰️
❓Қандай ҳолларда кадастр паспортини расмийлаштириш бепул амалга оширилади?

🔹Кўчмас мулк объекти бўйича бирламчи кадастр йиғмажилди (паспорт) мавжуд бўлиб, бегоналаштирилганда ёки объектда ўзгаришлар (реконструкция, қўшимча ва алоҳида қурилиш) мавжуд бўлмаганда;
🔹кўчмас мулк объектининг бир қисми бегоналаштирилганда объектнинг қолган қисмига ёки реконструкциясиз тоифаси ўзгарганда;
🔹кадастр йиғмажилди (паспорти) йўқолганда (яроқсиз холга келганда).

Ушбу холларда кадастр паспорти 3 иш куни мобайнида расмийлаштирилади.

〰️〰️〰️
❓Кадастр соҳасида коррупцион ҳолатларга дуч келсак, кимга мурожаат қилишимиз керак?

🗣 Кадастр соҳасида ўз лавозимини суистеъмол қилаётган, таъмагирлик ва коррупцияга қўл ураётган ходимлар тўғрисида маълумотга эга бўлсангиз, Кадастр агентлигининг Комплеанс назорат хизматига 71-202-55-81 телефон рақами ёки ygk.uz сайти орқали хабар беринг. Юборилган хабарлар белгиланган тартибда кўриб чиқилади ҳамда мурожаат қилувчининг шахси сир сақланиши кафолатланади.

〰️〰️〰️
❓Кадастр ҳужжати йўқолганда дубликат нусхасини олиш учун матбуотга эълон бериш шартми?

🗞 Вазирлар Маҳкамасининг 2020 йил 2 сентябрдаги 535-сон қарори билан тасдиқланган маъмурий регламентга асосан кадастр (йиғмажилди) паспорти йўқолганда (яроқсиз ҳолга келганда), қоғоз ёки пластик шаклда янги кадастр паспортини олиш учун матбуотда эълон бериш талаб этилмайди.

〰️〰️〰️
❓Уйимни кадастр килганимдан сўнг яна ёнига қўшимча уй солганман. Бу ҳолатда кадастр ҳужжатларимга қўшимча киритаманми?

📓 Кадастр ҳужжатлари тайёрланган турар-жойингизда келишилган лойиҳа ва белгиланган рухсатнома асосида қўшимча қурилган уй-жойни ҳам кадастр ҳужжатларини расмийлаштиришингиз зарур бўлади. Бунда Сизда мавжуд кадастр паспортига ўзгартириш киритилиб, янгилаб берилади.

💵 Кадастр хизматларига тўланадиган белгиланган хизмат ҳақи фақат қўшимча қурилган (кадастр ҳужжатида мавжуд бўлмаган) биноларнинг майдонидан келиб чиқиб ҳисобланади. Ундан сўнг қўшимча қурилган бинони фойдаланишга қабул қилиш далолатномаси расмийлаштирилади ва кўчмас мулкка бўлган ҳуқуқ давлат рўйхатидан ўтказилади.

http://t.me/Rasmiy_xabarlar_Official

❓Олий судга қандай тартибда шикоят киритилади?

‼️Ўзбекистон Республикаси Олий суди ахборот хизмати фуқаролардан тушаётган мурожаат ва саволларни инобатга олиб, Олий суд жиноят ва маъмурий ҳуқуқбузарлик тўғрисидаги, фуқаролик, маъмурий ва иқтисодий ишлар бўйича шикоят қилиш тартиби ҳақида маълумот берди.

1️⃣ Олий судга жиноят ва маъмурий ҳуқуқбузарлик тўғрисидаги ишлар бўйича шикоят қилиш тартиби

2️⃣ Олий судга фуқаролик ишлари бўйича шикоят қилиш тартиби

3️⃣ Олий судга маъмурий ишлар бўйича шикоят қилиш тартиби

4️⃣ Олий судга иқтисодий ишлар бўйича шикоят қилиш тартиби

РАСМИЙ ХАБАРЛАР 👇👇👇
t.me/Rasmiy_xabarlar_Official

⚡️2021 йилнинг 22-23 апрель кунлари Тошкент шаҳрида “Tashkent Law Spring” II Халқаро юридик форуми бўлиб ўтади.

Бу ҳақда Адлия вазирлиги ахборот хизмати маълум қилди.

РАСМИЙ ХАБАРЛАР 👇👇👇
t.me/Rasmiy_xabarlar_Official

⚡️1 МИЛЛИОН ДОЗА ЎЗБЕК-ХИТОЙ ВАКЦИНАСИ ЮРТИМИЗГА ОЛИБ КЕЛИНДИ

Ҳозиргина Zhifei Longcom Biopharmaceutical Co. Ltd компанияси томонидан юртимизда 3-босқич синовлари муваффақиятли ўтган, ўзбекистонлик мутахассислар ҳаммуаллифлигида яратилган ZF-UZ-VAC 2001 вакцинасининг 1 миллион дозаси Хитойдан юртимизга олиб келинди. Бу ҳақда ССВ ахборот хизмати хабар берди.

Тадбирда Ўзбекистон Республикаси Президенти маслаҳатчиси А. Абдувоҳидов, Соғлиқни сақлаш вазири А. Хаджибаев, Инновацион ривожланиш вазири И. Абдураҳмонов ва бошқа масъул идора мутасаддилари ҳамда ОАВ вакиллари иштирок этди.

Ўзбекистон ва Хитой янги вакцинани биргаликда ишлаб чиқариш ва фойдаланилишга келишгани билдирилган эди. 2021-йил 1 март куни ZF-UZ-VAC 2001 коронавируснинг янги типига қарши рекомбинант (CHO cell) вакцина тиббиёт амалиётида қўллаш учун тегишли тартибда давлат рўйхатидан ўтказилган.

РАСМИЙ ХАБАРЛАР 👇👇👇
t.me/Rasmiy_xabarlar_Official

❓Қурилиш қонунчилигида қандай янгиликлар бор?

Бу ҳақда вазирлик ахборот хизмати тайёрлаган видеоролик орқали танишишингиз мумкин.

РАСМИЙ ХАБАРЛАР 👇👇👇
t.me/Rasmiy_xabarlar_Official

❗️Олий Мажлис ҳузуридаги жамоат фонди 2021 йилда давлат органларининг ижтимоий буюртманома лойиҳалари асосида ННТ ва фуқаролик жамиятининг бошқа институтларига давлат ижтимоий буюртмаси танловини эълон қилади

▪️БАТАФСИЛ
📝 Давлат ижтимоий буюртмаси учун ариза шакли

〰️〰️〰️
❗️Олий Мажлис ҳузуридаги жамоат фонди «Ёшларни қўллаб-қувватлаш ва аҳоли саломатлигини мустаҳкамлаш йили» Давлат дастури ижросини таъминлашда ННТлар лойиҳаларини қўллаб-қувватлаш» мавзуида Давлат грантлари ажратиш учун 1-танловни эълон қилади

Қандай мақсадларни назарда тутувчи лойиҳалар қабул қилинади?

Грант миқдори?

▪️БАТАФСИЛ
📝 Давлат гранти ариза шакли

〰️〰️〰️
❗️Олий Мажлис ҳузуридаги жамоат фонди «Аҳолининг ҳуқуқий онги, инсон ҳуқуқлари ва мулоқот маданиятини юксалтиришда жамоатчилик назоратини ташкил этиш» мавзуида Давлат грантлари ажратиш учун 2-танловни эълон қилади

Қандай мақсадларни назарда тутувчи лойиҳалар қабул қилинади?

Грант миқдори?

▪️БАТАФСИЛ
📝 Давлат гранти ариза шакли

〰️〰️〰️
http://t.me/Rasmiy_xabarlar_Official