Олий суд: ОАВ очиқлик ва ошкоралик тамойилини суиистеъмол қилмасликлари лозим

Аввало шуни айтиш керакки, судлар фаолияти бошқа давлат органлари фаолиятидан тубдан фарқ қилади, -дея ёзмоқда Олий суд ахборот хизмати раҳбари ўз мақоласида.

Биринчидан, вазирлик ёки ҳокимликларда кадрларни танлаш ва лавозимга тайинлаш вазир ёки ҳокимнинг ваколати доирасида амалга оширилади. Шунингдек, вазир ёки ҳоким қўл остидаги ходимлар учун масъул бўлгани ҳолда ҳар бир ходимга зарур топшириқлар бериш ваколатига ҳам эгадир.

Судларда эса бу жараён тубдан фарқ қилади. Аниқроқ айтганда, судья ўз фаолиятида мутлақо мустақил ҳисобланади, унга бирон-бир иш юзасидан муайян қарор чиқариш ҳақида топшириқ ёки кўрсатма беришга ҳеч ким ҳақли эмас.

Яъни судьянинг фаолиятига четдан аралашиш қонуний жавобгарликни келтириб чиқаради.

Шунингдек, судья томонидан қабул қилинган қарор фақатгина юқори инстанция судларида, уч ёки беш нафар судьядан иборат судлов ҳайъати томонидан бекор қилиниши ёки ўзгартирилиши мумкин. Суд қарорларини бекор қилишнинг процессуал тартиби амалдаги қонунчилигимизда аниқ белгилаб қўйилган. Айтайлик, туман, туманлараро, шаҳар суди судьяси томонидан қабул қилинган қарор, башарти апелляция инстанциясида кўрилмаган бўлса, Олий суд томонидан ҳам бекор қилишга йўл қўйилмайди. Бу тартиб одил судловнинг асосий тамойилларидан бири - судьялар мустақиллигини таъминлашнинг муҳим омилидир.

Сўнгги йилларда судлар томонидан қабул қилинган оқлов ҳукмлари сонининг ортиб бораётгани – суд тизими фаолиятидаги реал ижобий тенденциядир. Умуман айтганда, судларнинг фаолияти жамиятда қонун устуворлиги ва адолат тамойилини таъминлашдан иборатдир. Хусусан, жиноят ишлари бўйича судларда қарор қабул қилиш чоғида асосий эътибор оқлов ёки айблов ҳукми чиқаришга эмас, балки ҳар жиҳатдан қонуний, асосли ва адолатли ҳукм чиқаришга қаратилиши ғоятда муҳимдир.

Судлар томонидан қонуний, асосли ва адолатли қарорлар қабул қилиниши замирида жамиятда адолат тамойилларини қарор топтириш, фуқарорлар ҳуқуқ ва эркинликларини кафолатли ҳимоя қилиш, фуқароларнинг судларга ишончини ошириш каби кўплаб мақсадлар мужассамдир.

Юқорида қайд этилганларни таъкидлашдан мақсад шуки, бугун баъзи журналист ва блогерлар томонидан судлар фаолиятига асоссиз равишда аралашиш ҳолатлари ҳам учраб турибди. Хўш, бундай ҳолатлар нималарда кўринади?

Бу саволга жавобан шуни айтиш керакки, бугун айрим журналист ва блогерлар судлар томонидан ҳали кўриб тамомланмаган иш натижаларини ўзларича шарҳлашга уринмоқда. Оммавий ахборот воситалари очиқлик ва ошкоралик тамойилини суиистеъмол қилмасликлари, бундай имкониятдан судларга босим ёки тазйиқ ўтказиш йўлида фойдаланмасликлари лозим.

РАСМИЙ ХАБАРЛАР 👇👇👇
t.me/Rasmiy_xabarlar_Official

"Ўзбекистон Республикаси Молия вазирлиги ҳузуридаги қишлоқ хўжалигини давлат томонидан қўллаб-қувватлаш жамғармаси фаолиятини тубдан такомиллаштириш тўғрисида" Президент фармони қабул қилинди

Унга кўра:
➖ агротехник тадбирларни, жумладан, кузги шудгорлашни ва экин майдонларига минерал ўғитларни солишни ўз вақтида таъминлаш мақсадида 2022 йил ҳосилидан бошлаб пахта хомашёсини етиштириш харажатларини молиялаштириш тегишли молия йилидан олдинги йилнинг 1 ноябридан бошланади;

➖ пахта йиғим-терими учун тижорат банклари томонидан ажратилган кредитлар бўйича фоиз ставкасининг бир қисмини қоплаш учун компенсация тўлаш Жамғарма ҳисобидан амалга оширилади.

"ЎзА"да батафсил

РАСМИЙ ХАБАРЛАР 👇👇👇
t.me/Rasmiy_xabarlar_Official

​Қишлоқ хўжалиги вазирлиги Ахборот хизмати Президентнинг “Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси фаолиятини тубдан такомиллаштириш тўғрисида”ги Фармонининг асосий жиҳатларини қуйидагича шарҳламоқда:

❖ 2022 йил ҳосилидан пахта хом ашёсини етиштириш харажатларини молиялаштиришни 1 ноябридан бошлаш.
❖ Пахта йиғим-терими учун тижорат банклари томонидан ажратилган кредитлар бўйича фоиз ставкасининг бир қисмини қоплаш учун компенсация тўлаш Жамғарма ҳисобидан амалга оширилади.
❖ 2021 йил ҳосилидан бошлаб асосий майдонларда экиладиган сабзавотни етиштириш харажатларини молиялаштириш учун Жамғарма ресурсларидан 14 фоиз ставкада кредит ажратилади.
❖ Кредит етиштирилаётган маҳсулот қийматининг 40 фоизи миқдорида 9 ой муддатга ажратилиши белгиланди.

Қуйидагилар Жамғарманинг асосий вазифалари этиб белгиланди:
❖ Пахта хом ашёси ва буғдой етиштириш харажатларини молиялаштириш;
❖ Асосий майдонларда экиладиган сабзавот маҳсулотларини етиштиришни молиявий қўллаб-қувватлаш;
❖ Ички бозорда дон ва нон маҳсулотлари нархлари барқарорлигини таъминлаш учун зарур буғдойни бозор нархларида харид қилиш ва биржа савдоларига қўйиш;
❖ Фермер хўжаликлари ва бошқа қишлоқ хўжалиги ташкилотларига замонавий, юқори самарали қишлоқ хўжалиги техникасини етказиб беришни давлат томонидан қўллаб-қувватлаш.
❖ Фармон ижросини ташкил этиш мақсадида Қишлоқ хўжалиги ва молия вазирлиги томонидан “Қишлоқ хўжалиги маҳсулотлари ишлаб чиқарувчиларини давлат томонидан молиявий қўллаб-қувватлашни ташкил этиш тўғрисида” ги Ҳукумат қарори лойиҳаси ишлаб чиқилмоқда.

Бунга кўра:
❖ 2022 йил ҳосилидан пахтани экиш учун агротехник тадбирлар (шўр ювиш, қишки суғориш, ер ҳайдаш ва бошқалар) ноябрь ойидан бошланишини инобатга олаган ҳолда, молиялаштиришни 1 ноябрдан бошлаш.
❖ Шу сабабли, кредитнинг умумий фойдаланиш муддати фермер хўжаликлари учун – 12 ойдан 14 ойга, пахта-тўқимачилик кластерлари ва кооперациялари учун – 19 ойдан 22 ойга узайтириш.

Жамғарма томонидан 2021 йилда пахта териш машинаси ва ғалла ўриш комбайнини лизинг асосида сотиб олишни молиялаштириш учун керакли бўлган маблағлар билан таъминланади.
Шунингдек, қишлоқ хўжалиги техникаларини сотиб олиш учун субсидия (техника нархининг 15 фоизи) ва комбайнларнинг хорижда хизмат кўрсатиш учун ташиш харажатларига компенсация (харажатнинг 80 фоизи) маблағлари ажратилади.

РАСМИЙ ХАБАРЛАР 👇👇👇
t.me/Rasmiy_xabarlar_Official