Аллоҳ билан бўлсангиз, У ҳам сиз билан бўлади.
Қачон, қандай, қаерда деб сўраманг.
Довуд алайхиссаломга темирни юмшоқ қилган Зот одамларнинг қалбини сизга нисбатан юмшатиб қўйишга қодир.
Тоғлар ва қушларни тасбеҳ айттириб қўйган Зотнинг қудрати одамларга сизни эътироф эттириб қўйишга етади.
Сиз Унга ибодат қиласиз, У эса тавфиқ ваъдасини беради.
Аллоҳга Унга маҳбуб нарсалар билан юзланинг, ҳузуридан сизга манзур тортиқларни топасиз. 

Адҳам Шарқовий.

https://t.me/Ramazon_ab

СОЛИҲА  АЁЛНИНГ  ЭРИГА  НАСИҲАТИ:

Менинг  сизга  итоат  қилишим  мени  жаннатга  киритади. Сизнинг  онангизга  итоат  қилишингиз  сизни  жаннатга  киритади.
Мен  сизга  итоат  қилишни  ҳар нарсадан муқаддам  қиламан.
Сиз  онангизга  итоат  қилишни  ҳар  нарсадан муқаддам  қилинг.

ТОКИ  ЖАННАТДА  ЖАМ  БЎЛАЙЛИК...

https://t.me/Ramazon_ab

#қисса

​​УЙИДАН БЕЗОР ЭРКАК❗️

Бир чўпон ҳамиша уйидан олисда яшашни маъқул кўрарди.
Ваҳоланки унинг хотини ва икки қизи бор бўлиб чўпон оиласи билан умр кечиришни истамас эди.
Ҳар икки ойда бир бора келиб оиласи учун егуликларни тахт қилиб берар, сўнг яна тоғу тошларга қайтиб кетар эди...

Кунларнинг бирида хотини эридан шубҳаланибди.
Нега ҳамиша уйга икки ойда келади?
Тоғда бирортасини топиб олдимикиин, —деган гумон кўнглига оралабди.
Сўнг қозига бориб эридан шикоят қилибди.
"Эрим уйдан олисда яшашни хоҳлаб қолган. Ҳар икки ойда егулик ташлаб кетгани келади холос. Гоҳида болаларим билан оч қолиб кетаман"—дебди аёл кўзига ёш олиб.
"Негалигини ўзидан сўрамадингизми"-дебди қози.
"Айтмайди, мен билан гаплашишни ҳам истамайди. Менимча бошқа аёлни топиб олган бўлса керак. Илтимос у билан гаплашиб кўринг, фақат менинг келганимни айтманг"— дебди хотин қозига.

Қози одам жўнатиб чўпонни тоғдан олиб келтирибди.
"Эй чўпон нега уйингизда яшамаяпсиз. Тоғ билан уйингизнинг ораси узоқ эмас-ку, ҳар куни келиб кетсангиз бўлади. Бунинг устига совуқ кунларда тоғда яшаш шартми?"
Қозининг саволини эшитган чўпон мийиғида кулиб.
"Тақсир бир кеча бизникида меҳмон бўлинг" — дебди.
Қози ёнига икки одамни олиб чўпоннинг уйига йўл олибди. Дарвоза ёнига яқинлашишганда остонанинг чанг тупроқ бўлиб ётганини кўрган қози чўпонга ҳайрат нигоҳи билан боқибди.
Чўпон эса индамай дарвозани тақиллатибди.

Эшикни чўпоннинг сочлари тўзғиган катта қизи очиб келганларга салом бермай ичкарига кириб кетибди.
Чўпон меҳмонларни ўзи бошлабди. Ҳовли қараб бўлмас даражада ифлос эди.
Ҳамма нарса ёйилиб сочилган.
Чўпон катта қизига чой қўйишни буюрибди.
"Нега мен. Ана кичик қизингизга айтинг"-деб лабини бурибди тўнғич фарзанди.
"Сенга айтди-ку, нега мени қўшасан,-" бақирибди уйдан туриб кенжа қиз.
Бир зумда меҳмонлар кўз ўнгида опа-сингил уришиб кетишибди. Қизларни қарғаганча ҳовлида она пайдо бўлибди.
Ҳамма гапга тушунган қози чўпонга қараб.
"Сиз уйингиздан безор бўлган экансиз-да"-дебди.
Тақсир аҳволни ўзингиз кўриб турибсиз. Хулоса чиқариш сиздан деб жавоб қилибди чўпон.
"Узр биродар сизга бу уйдан кўра тоғу тошлар афзал экан, "-деганча қози ҳовлини тарк этибди.

~~

Қиссадан ҳисса.
Бугун аёлларимизнинг нолиганларини кўп эшитамиз.
Жуфти ҳалоли бошқа аёл ёнига кетиб қолганидан ўзи билан яшашни истамаётганидан шикоят қилишади.
Аммо яхшилаб ўйлаб кўринг балки эркак уйдан безор бўлгандир.
Саришталик ҳам, фаришталик ҳам аёлларга хос фазилат.
Шу фазилатларни ёддан чиқариб қўймадингизми?

https://t.me/Ramazon_ab

🔴 Ўзбек халқини қулатаётган мезон...

📌 Шукур Холмирзаевнинг "Ўзбеклар" ҳикоясида биз ўзбекларнинг бир феъли ҳақида гап кетади. Яъни, ўзи жўжабирдай чўпон оиласи бошқаларга фақирлигини кўрсатишдан ор қилади. Ҳатто, ойда емайдиганини бир кунда тўкиб беради...

Албатта, меҳмондўстлик яхши фазилат. Лекин одам ўзида йўғини бор қилиб, кўрсатишга уриниши эса ёмон. Ҳа, биз ўзбеклар камбағал деган номни олишдан қўрқамиз...

Мактаб пайтида кам таъминланганлар учун қишги кийимлар берилар эди. Ишонасизми, ўша кийимни кийишдан уялар эдим. Бу кийимни кийганларни болалар "кам таъминланган" деб масхара қилишар эди.

Хуллас, биз ўзбекларда бир мезон бор:
кимда кўп пул бўлса, ўша яхши одам, ўша ақлли одам — қаерга борса, давраларнинг тўри уники. Сир эмас, менга ҳам доим кўп пул топадиган одамлар ўрнак қилиб кўрсатилган, ҳеч шубҳасиз, аксарият ўзбек оилаларида ҳам шундай. Ўша пулдорнинг қандай йўл билан пул топиши эса аҳамиятсиз!

Бу мезон бизни ҳар лаҳза камбағал бўлиб қолишдан қўрқишга мажбур қилади. Натижа, бой бўлиш учун ҳар қандай йўлларни ахтара бошлаймиз. Буларнинг бари эса коррупцияга, коррупция эса миллатнинг ва давлатнинг ҳалокатига олиб боради...

Аслида Жаҳаннам аҳлининг кўпчилиги бойлар эканлигини билганимизда эди, бу қадар камбағаллигимиздан ор қилмаган бўлар эди...

P.S.: Ушбу фикрларим билан бойликни ёмон, камбағалликни олий даража қилиб кўрсатмоқчи эмасман. Зотан, берувчи қўл олувчидан афзалдир. Лекин, унутмайликки, камбағаллик жазо, бойлик эса неъмат эмас — бари синов. Шундоқ экан, фақирликдан ор қилмайлик, бойликдан эса кибрланмайлик!

https://t.me/Ramazon_ab

🔰 КАМБАҒАЛЛИКНИНГ ЭНГ АСОСИЙ САБАБЛАРИ:

🔹 Дангасалик
🔹 Қарздорлик
🔹 Қўрқоқлик
🔹 Бахиллик
🤲✨ " Аллоҳим! Мен Сендан ғам ва маҳзунликдан, ожизлик ва дангасаликдан, қўрқоқлик ва бахилликдан, қарзга ботиб қолишдан ва одамларнинг менга ғолиб бўлишидан паноҳ сўрайман".

https://t.me/Ramazon_ab

#ибрат

Кетиб қолиш, чекиниш асли қўрқоқликдир, лекин уч ўринда ундай эмас:
1. Натижаси бўлмаган бемаъни баҳс-мунозара бўлаётган жойдан кетиб қолиш.
2. Келажаги бўлмаган ёмон муносабатлардан четланиб, кетиб қолиш.
3. Сенинг қадр-қимматингни билмайдиган жойдан узоқ бўлиш, чекиниш.

https://t.me/Ramazon_ab

#ҳикмат
Яхшиси...

Жалолиддин Румий шогирдларига васият ўлароқ айтган экан:
— Одамларнинг яхшиси одамларга фойдаси тегадиганидир. Сўзнинг яхшиси эса ози ва мақсадга етказадиганидир.

https://t.me/Ramazon_ab

📚 ​​КАСАЛЛИК ЧАҚИРУВЧИ СЎЗЛАР

Немис психотерапевти (асли Эронлик) Нусрат Пезешкиан биринчилардан бўлиб, сўзларнинг инсонда касалликни келтириб чиқаришини исботлаб берган.
Инсон ўзининг руҳий холатидан келиб чиқиб айтадиган сўзлари ўзининг саломатлигига таъсир қилади.
Инсоннинг физиологик органларига бевосита таъсир қилувчи сўзлар - органик нутқ ҳам деб аталади.
Қанчалик кучли бўлманг, ўзингизга айтилган сўзларингиз соғлигингизга путур етказа олади.

Баъзи пайтларда ғазаб, жахл, нафрат билан айтган сўзларимиз ички органларимизга буйруқ, (команда) бериш вазифасини бажариб, маълум аъзолар ишини издан чиқарар экан.

1.Барчаси мени зиммамда, муаммолар мени бўйнимда дейдиганларда - остеохондроз касаллиги ривожланиши
2. Барчаси жонимга тегди дейдиганларда - ўсимталар ривожланиши
3. Юрагимга қаттиқ олдим дейдиганларда - юрак инфаркти ривожланиши
4. Менга шу муаммолар бош оғриғи бўлди дейдиганларда - мигрень ривожланиши
5. Қонимни ичди дейдиганларда - қон касалликлари ривожланиши
6. Сабр косам тўлди дейдиганларда - гипертония ривожланиши
7. Эшитгим келмайди, ўчир, биламан, дейдиганларда- гаранглик ривожланиши
8. Асабимни синама дейдиганларда - депрессия ривожланиши
9.Ҳаётимда қувонч йўқ деганларда - жигар, ўт қопи касалликлари, семизлик ривожланиши
10. Ўз-ўзини ейиш, сиқилиш, ёмонликларни хазм қила олмаслик - яра касалликлари ривожланиши
11. Ўлгудек чарчадим деганларда - урологик хасталиклар ривожланишини исботлаган.

Доимо ўзингизни таърифлаётган сўзларингизга эътиборли бўлинг.
Зеро, инсон онги ва организмини айтилган сўзлар бошқаради!

https://t.me/Ramazon_ab

Ҳасан Басрий раҳматуллоҳи алайҳ айтади:

"Аллоҳ Таоло, бандасидан юз ўгирганининг аломатларидан бири шу-ки, уни ўзига алоқаси бўлмаган нарсалар билан машғул қилиб қўяди".

(Ибн Ражаб, "Жомеъ ал-улум вал ҳикам")

https://t.me/Ramazon_ab

#Муҳаббат

Айтадиларки, ҳақиқий севги - муҳаббат уч нарсадан билинади:

Бирида, севган суюклисининг сўзини бошкалар гапидан устун қўяди.

Иккинчисида, севувчи суйганининг суҳбатини бошқалар суҳбатидан аъло билади.

Учинчисида, севган суйганини мамнун этишни бошқаларни мамнун этишдан юқори ҳисоблайди.

1. Аллоҳни севаман, Аллоҳдан қўрқаман деб, ҳаммага жар соласан, Аллоҳнинг буйруқларини дунё ишларидан устун қўйяпсанми?

2. Аллоҳ билан суҳбат (намозга) га, дунё ишларини тарк қилиб, юрагинг интиқиб, ўз вақтида келяпсанми?

3. Аллоҳни мамнун этиш учун, дунёдаги гуноҳларингни тарк этяпсанми, балки бу билан бошқаларга ёмон кўринаётган бўлсанг ҳам.

https://t.me/Ramazon_ab

АЗИЗЛАР !!!
ЖУМА КУНИНГИЗ ХАЙРУ БАРАКАГА ТЎЛА БЎЛСИН !!!

ЮЗЛАРИНГИЗ НУРЛИ, ИБОДАТЛАРИНГИЗ ҚАБУЛ, ОИЛАЛАРИНГИЗ ФАЙЗЛИ, ДУОЛАРИНГИЗ ИЖОБАТ, ГУНОҲЛАРИНГИЗ МАҒФИРАТ БЎЛСИН !!!

БАХТ САОДАТ ИККИ ДУНЁДА ҲАМ ҲАМРОҲИНГИЗ БЎЛСИН !!!

https://t.me/Ramazon_ab

Одам зоти нақадар ажийб.
Дуо қилаётганида Роббисини жуда ҳам яқин деб ўйлайди аммо, гуноҳ қилаётганида эса жуда ҳам узоқ деб ўйлайди.

Ажойиб...

https://t.me/Ramazon_ab

🤲🏻 Раббим!
Бизларни, кимнингдир кўнглига, кимнингдир умрига малол келтирма!

https://t.me/Ramazon_ab

#ибрат

Ҳали вақт бор, деб ўйлаш энг катта хатойимиз!

Ҳали вақт бор, деб ўқимаймиз — институтга киролмаймиз...
Ҳали вақт бор, деб яқинлар ҳолидан хабар олмаймиз — ўтганидан кейин афсусланиб юрамиз...
Ҳали вақт бор, деб соғлигимизга эътибор бермаймиз — касалдан бошимиз чиқмай қолади...
Ҳали вақт бор, деб намоз ўқимаймиз — жаннатга киролмаймиз...

Ҳеч қачон бирор ишни кейинга сурманг. Аниқ мақсад қилдингизми, ҳозирдан бошланг!

https://t.me/Ramazon_ab

Ҳар бир киши кўчага ва уйга бошқа-бошқа либос кийишини яхши биламиз. Лекин нима учун унинг одамлар олдида ўзини тутишини кўриб, у уйида ҳам худди шунақа деган хаёлга борамиз?

© Байрам АЛИ

https://t.me/Ramazon_ab

Яхши сўз гўзал қушга ўхшайди, тилингдан чиққан заҳоти бошқаларнинг қалбида сайрайди.

https://t.me/Ramazon_ab

Аллоҳ баъзан биз бунчалар боғланган, бунчалар севган дунёдан мусибатлар ила узоқлаштиради...

https://t.me/Ramazon_ab

Шайтон бандани эгаллаб олиши ҳақида

Уламолардан Шоҳ Кирманий бандани шайтон эгаллаб олиши қандай бўлишини бундай таърифлайдилар:

«Бандани шайтон эгаллаб олишининг аломати шулки, уни сиртини ялтироқ қилиш билан машғул қилиб қўяди. Яхши ейиш, яхши ичимлик ичиш, яхши либослар кийишга уринтириб, Аллоҳнинг неъматларига шукр келтиришдан чалғитади. Тилида ёлғон, бўҳтон ва ғийбатни гапиради-ю, Аллоҳнинг зикрини унутади. Ақлини дунёни жамлашга ва унинг тадбирини қилишга ишлатади-ю, тафаккурни унутади."

https://t.me/Ramazon_ab

Эшитганларингизнинг энг чиройлисини ёзиб қўйинг.
Ёзганларингизнинг энг чиройлисини ўқинг.
Ўқиганларингизнинг энг яхшисини ёдлаб олинг.
Ёдлаганларингизнинг энг чиройлисини гапиринг.

https://t.me/Ramazon_ab