ကျောက်စိမ်းမြေ

-နိုင်ဦး

ထက်မြတ်တဲ့မိန်းမ

မအိမ်ကံ

ရွှေအမြုတေမဂ္ဂဇင်းတွင် (၃၆)လတိုင်တိုင် အခန်းဆက်ဝတ္ထုရှည်အဖြစ် ရေးသားဖော်ပြခဲ့သော လုံးချင်းဝတ္ထုဖြစ်ပါသည်။

ယခုစာအုပ်တွင် မြန်မာမိန်းကလေးများ၏ ကိုယ်ကျင့်တရားနှင့် ရွာဓလေ့ ရပ်ဓလေ့ကို မြတ်နိုးလေးစား တန်ဖိုးထားတတ်သော စိတ်နှလုံး၊ မြန်မာကျေးတောသဘာဝများနှင့် ကျေးတောနေ တောသူတောင်သားများ၏ စိတ်နေသဘောထားကို ဖွဲ့နွဲ့ဖော်ပြထားပါသည်။

ဖက်စိမ်းကွမ်းတောင် (သို့မဟုတ်) မြဖက်ကွမ်းတောင် (သို့မဟုတ်) မြစိမ်းကွမ်းတောင်ဆိုသည့် ကွမ်းတောင်ကို ကိုင်ရသည့် မြန်မာမိန်းကလေးတို့တွင် ပြည့်စုံရသော အရည်အချင်းများသည် ရွာ့စံပြမိန်းကလေး (တစ်နည်း) ရွာ့ကျက်သရေဖြစ်ပါ၏။

ငှက်ပျောဖက်ရွက်ကွမ်းတောင်သည် ရွှေကွမ်းတောင်၊ ငွေကွမ်းတောင်၊ ကျောက်စီကွမ်းတောင်များထက် ပိုမို၍တန်ဖိုးထားခြင်းခံရသဖြင့် ဖက်စိမ်းကွမ်းတောင်ကိုင်ဘဝသည် ရှေးခေတ်မိန်းမပျိုများအဖို့ရာ တန်ဖိုးအားဖြင့် မက်စက်သော ကိုယ်ကျင့်တရား ဖြစ်ပါ၏။

ရပ်ရွာက ရွေးချယ်သည့် ကွမ်းတောင်ကိုင်ဆိုသော ဆုလာဘ်ကို တပ်မက်သလို အများက သတ်မှတ်ထားသော စည်းစံနှင့်အညီ ရိုးရိုးသားသား စင်စင်ကြယ်ကြယ် စောင့်စည်းခဲ့ကြသည်လည်း ချစ်စရာလူမှုဓလေ့ကောင်းဖြစ်၏။

မျက်ရည်လွယ်သူများ ဖတ်ဖို့

“အမျိုးသမီးတစ်ယောက်ရဲ့ တန်ဖိုး"

-နေဗလ်

စာအုပ်နာမည်လေးအတိုင်း ဒီစာအုပ်လေးကို အမျိုးသမီးလေးတွေအတွက်ရည်ရွယ်ပြီး ရေးသားခဲ့တာပါ။
ကျွန်တော်ကတော့ အမျိုးသမီးတစ်ယောက်ရဲ့တန်ဖိုးကို သူ့ပတ်ဝန်းကျင်က သတ်မှတ်ပေးတာထက် သူကိုယ်တိုင်ကပဲ သတ်မှတ်ထားတာမျိုး ဖြစ်စေချင်တယ်။

မိန်းကလေးတစ်ယောက်ရဲ့ဘဝကို သူ့မိသားစုအတွက်ရှင်သန်နေရတာ ၊ပတ်ဝန်းကျင်ရဲ့စံသတ်မှတ်တွေကြား မလံတ်လပ်တာမျိုးထက် မိန်းကလေးတွေကို သူတို့ဘဝအတွက်သူတို့အရင်ရှင်သန်ရပ်တည်စေချင်တယ်။

အမျိုးသမီးတစ်ယောက်ဟာ ပန်းတစ်ပွင့်ဆိုရင် ဒီပန်းရဲ့ပွင့်လန်းခြင်း၊လှပခြင်း၊တည်မြဲခြင်း တွေဟာသူ့အတွက်သူပဲဖြစ်စေချင်တယ်။

ဒီစာအုပ်လေးက သုတစာပေအမျိုးအစားဖြစ်ပြီး

-မိမိကိုယ်ကိုယ်ချစ်တတ်ဖို့/တန်ဖိုးထားတတ်ဖို့
-ကိုယ့်တန်ဖိုးကို ရှာဖွေတတ်ဖို့
- မိမိကိုယ်ကိုယ်ယုံကြည်ချက်ရှိဖို့
- သန်မာစွာရှင်သန်တတ်ဖို့
-ကိုယ့်ဘဝမှာကိုယ့်ကိုယ်ကိုယ် ဦးစားပေးရှင်သန်တတ်ဖို့
ဦးစားပေးရေးသားထားပါတယ်။

ဒီစာအုပ်ဖတ်ပြီးရင် ထက်မြက်တဲ့ အမျိုးသမီးတစ်ယောက်ဖြစ်သွားမှာမျိုးထက် ကိုယ့်ရဲ့ဘဝမှာ ဘာကို ဦးစားပေးပြီးရှင်သန်မလဲ၊ ကိုယ့်ရဲ့တန်ဖိုးကိုဘယ်လိုသတ်မှတ်မလဲ ဆိုတာတွေကို ပိုပြီး သိသွားမယ်လို့ ယုံကြည်ပါတယ် ။