الإنسان لا يُمتحن في الرضا حين تأتيه الأقدار على ما يهواه؛ وإنما يُمتحن حين يرى ما تمنَّاه يبتعد عنه، وما لم يختره يُقبل عليه، ثم يقال له: هذا نصيبك، فامضِ به وأنت راضٍ.

وهناك يبدأ الصراع الحقيقي؛ لا مع القدر، وإنما مع
النفس.
يجاهدها حين تضيق، ويُهدئها حين تضطرب، ويقول لها كلما زادت حيرتها: لعلّك لا ترين إلا ظاهر الأمر، ولعل وراء هذا العناء خيرًا لم يُؤذن لك بعد أن تريه.

ثم يغلبه الغضب ساعة، ويُثقل عليه القبول ساعةً أخرى، حتى يظن أن الرضا منزلة لا يبلغها؛ ثم لا يزال يجاهد نفسه، ويعود بها كلما شردت، حتى يستقر في قلبه:
أن الله أرحم به من نفسه، وأعلم بما يُصلحه من علمه بما يريد.

في وسط زحمة الدنيا، محتاجين نفتكر:

نستحضر النية قبل أي حاجة،
ونفتكر إننا فترة وماشيين، مش مخلدين فيها،
وإنها مش مستاهلة كل الصراعات والضغط ده.

عايزين نحاول نرضي ربنا،
ونسيب أثر حلو يكون سبب في دخولنا الجنة.

بمناسبة اقتراب بدأ الدراسة...

أنت كطالب مش محتاج حاليًا غير شيئين مهمين جدًا ( البركة والتوفيق) ودول من أعظم جنود ربنا الخفيين.

بركة يعني ممكن تخلص في نص ساعة اللي بيخلص في أسبوع، وتوفيق يعني اللي ذاكرته تروح تلاقيه، وأنت مش عايز أكتر من كده..!

ومش هتحصل عليهم إلا لو استعنت بالله، وتجردت من الاعتماد على نفسك ومذاكرتك للاعتماد على الله، واللجوء إليه، يعني اتعب واجتهد بس حط في بالك إنك بدون معية ربنا ليك لا شيء، فالموضوع مش مادي بحت.

لح على الله في طلب البركة والتوفيق والسداد، وحس بضعفك وحاجتك له سبحانه، واعمل اللي عليك وربك لا يضيع عمل عامل.

إحنا ولا حاجة بدونه ..

خواطر ففهمناها سليمان

قال رسول الله ﷺ: "إنَّ للهِ ملائكةً سيَّاحينَ في الأرضِ، يُبلِّغوني من أمَّتي السلام"

فأي فضل أعظم من أن يكرمك الله بهذا!

فأكثروا من الصلاة والسلام على نبيكم ﷺ، لعلها تكون سببًا في نيل شفاعته، والفوز بقربه يوم القيامة..

اللهم صلِّ وسلم وبارك على سيدنا محمد، وعلى آله وصحبه أجمعين.

الدكتور /محمد الغليظ

الحمد لله على أصغر النعم، والحمد لله على أكبر النعم، والحمد لله على كلِّ النعم..
الحمد لله حبًا وشكرًا، والحمد لله يومًا وعمرًا، والحمد لله في السرَّاء والضرَّاء، والحمد لله دائمًا وأبدًا..

اللهم لا تجعل نعيمك يشغلنا عن حمدك، ولا تجعل بلاءك يشغلنا عن استغفارك.. اللهم لك الحمد حتى ترضى، ولك الحمد إذا رضيت، ولك الحمد بعد الرضا، ولك الحمد على كلِّ حال.

والله مهما بلغ الإنسان، لَبقيَ على حالِه
ظلومٌ لنفسه
فقيرٌ إلى ربه
تتخبطه الدنيا بين طاعةٍ ومعصية
ولذةُ قربٍ وشقاءُ بُعد
ولازال يستمسك -وهو على ضعفه- بقولِ عزيزٍ رحيم:

"رَبُّكُمْ أَعْلَمُ بِمَا فِي نُفُوسِكُمْ ۚ إِنْ تَكُونُوا صَالِحِينَ فَإِنَّهُ كَانَ لِلْأَوَّابِينَ غَفُورًا"

- ضحى سعيد.

أصعب حاجة ممّكن الإنسان يختبر فيها، هي إنه يعرف يرضى وقت الحرمان

ولما القدر ييجي عكس كل اللّي كان متوقعه، أو يتحط في مواقف مكنش مختارها، ويعيش حاجات عكس اللّي نفسه فيه

ساعتها بيبدأ يجاهد نفسه وقلبه، ويحاول يهديهم ويعودهم على القبول، لحد ما يهدى من جواه ويرضى، حتى لو الغضب كان ماليه

ويوصل في الآخر ليقين إن اللّي ربنا قدره هو الخير، حتى لو هو مش قادر يشوف أو يفهم الخير ده دلوقتي.

يارب مستقبلي وحياتي الجاية تكون مليانة سلام وطمأنينة تخليني لما أفتكر الماضي وقتها
أقول: الحمد لله علي النجاة من كُل المخاوف والقلق والزعل والتفكير المُفرط
ويكون المقسوم ليا من عند ربنا خير يفرحني ويعوضني.

سمعت بودكاست بيتكلم عن إزاي الدعاء يغيّر القدر، وشرحها بطريقة خلتني أفكر فيها بشكل مختلف تمامًا.

قال إن أول ما تدعي، متستعجلش النتيجة، لأنك متعرفش ربنا بدأ يرتّب إيه من ورا دعائك.
مثلًا، لو دعيت ربنا يرزقك وظيفة معينة، في شركة معينة، وبمنصب معين
ممكن الشخص اللي في المنصب ده ربنا يحط في قلبه رغبة في حاجة تانية، فيسعى ليها ويمشي من مكانه، وتلاقي المكان اللي كنت بتدعي بيه بقى من نصيبك.
يمكن الحاجة اللي إنت شايف إنها مستحيلة، ربنا بيهيّأ لها أسبابها من دلوقتي، بس إنت لسه مش شايفها.

فمتستعجلش، ومتقولش: الدعوة راحت فين
إنت بس ادعي، وسيب ربنا يرتّبها بطريقته.

أنا جاي أقولك النهاردة إن ربنا سبحانه وتعالى تدبيره عجيب فعلاً..
- يوديك مكان تتعلم فيه علشان تجهز لمكان غيره
- يوديك مكان صدفة من غير تخطيط فتقابل شريك حياتك
- يوديك مكان كويس تقابل فيه مدير يعلمك بضمير يجهزك بعد كده إنك تترقى وتكبر
- يوديك مكان يعلمك فيه درس يخليك تبقى ناضج أكتر!

(مفيش حاجة صدفة ، كل تدابير ربنا خير ليك)..
حتى لو مش مبسوط دلوقتي في مكانك اعرف إنها فترة وهتعدي وربنا هيراضيك.

من أقرب الآيات لقلبي

كُلَّما دَخَلَ عَلَيها زَكَرِيَّا المِحرابَ وَجَدَ عِندَها رِزقًا قالَ يا مَريَمُ أَنّى لَكِ هذا قالَت هُوَ مِن عِندِ اللَّهِ إِنَّ اللَّهَ يَرزُقُ مَن يَشاءُ بِغَيرِ حِسابٍ

هُنَالِكَ دَعَا زَكَرِيَّا رَبَّهُ :'))

الآيات دي بتفكرني قد إيه ربنا قادر يرزقنا من حيث لا نحتسب.. وإن رزق ربنا ملوش حدود.
سيدنا زكريا لما شاف رزق ربنا عند مريم، دعا ربنا وطمع في فضله.. وطلب منه اللي نفسه فيه.

وعشان كده بحب لما أشوف حاجة حلوة عند حد، أفرحله من قلبي وأدعيله بالبركة، وأقول لنفسي إن ربنا اللي رزقه قادر يرزقني أنا كمان
وأعمل زي سيدنا زكريا وأقول:
يارب.. وأنا كمان هَبْ لي من لدنك.

علِّمني أن أكون جليلَ الذات في الخَلَوات..
شديدَ الخُطى بين الجموع،
بلا تنازلٍ يُثقِل ظهري، ولا هوانٍ يُضعِف أمري.
واقصِم منّي الرياء،
واقسِم لي الحياء
ولا تجعلني فارغًا يتتبَّع،
بل غارسًا يتشبَّع.

آمين!

"اللهم أحيِني حياةَ من تُحبُّ بقاءه وتوفَّني وفاةَ من تُحبُّ لقاءه"

ياربّ عمرة
ياربّ عمرة
ياربّ عمرة

ياربي دبِّر ليّ عُمرة بغير حول مِنّي ولا قوة."))

اللهم إني أُحبّك
فاجعل منّي عبدًا تُحبّه.

‏قلبي مليان بالإمتنان لربنا على كل نعمه، الحمدلله دايمًا.

يا رب أنت
أكبر من الحظ، وأكبر
من هذا التعجيز، وأكبر من هذا
التعقيد، وأكبر
من هذه البعثرة، اختر لي ولا
تخيرني، وأكفني من شتات
العقل وحزن القلب وحيرة النفس
وارزقني طاقة بها أعيش،
وأتحمل، وأرضى، وأتأقلم،
وأتقبل، وأتجاهل، وأسعى،
وأصبر فعليك
توكلت وأنت خير وكيل.

ويأبى اللهُ إلّا أن يُعلِّمَك
أن ليس لك غيرُه...

فيبتليك في أكثرِ المواطن أمنًا بالنسبة لك، وتُفجَع في كلِّ موطنٍ أمَّلتَ فيه جبرًا وعِوَضًا، ويَخذُلُك مَن ظننتَ يومًا أنَّه جيشُك الوحيد...

لأنَّه بالتجربة والواقع، وبالإثبات والدليل، وبكلِّ صنوف الحسِّ والمنطق،
ليس لك غيرُه...

وليتك تعلم، فتَسلَم.

"‏يحاول الإنسان عددًا لا نهائيًا من المُحاولات لكي يُصلح نفسه كُل يوم، يضبطُ أعصابه، يجاهد كل رمشة عين، وكل شهيقٍ وَزفير، وكُل فُسحةٍ وضيق..

يقضي حياته مُحاولًا لكي لا تحوله الدُنيا لأسوأ نُسخةٍ منه، ومجاهدًا كي يحافظ على بقاياه، وكي يبقى "هو" بكل ما استطاع أن يحافظ على نفسه من غولِ الدنيا!"

فاللهمَّ عنايتك ورضَاك!

إن مِن أحنِّ شواهد الحُب أن تُراعي شعور مَن تحب، وإن كان حزنه -في نظرك- بسيطًا هيِّنًا، أو ضِيقه غير مُبرَّرٍ.

كل الشعور أحقٌّ بالاحترام..
وليس لك أن تُنكر شعورَ أحدٍ ما دام أفضى به إليك، ولا أن تَنفي إيذاءك له ما دام عاتبك عليه،
وليس أقسى منك على مَن تحب مِن أن تستنكر عليه زَعَله، أو تستهين بوجعه، وليس أحبّ منك مِن أن تأسَف له مُراضِيًا إذا شَكاكَ، وأن تُطمئنه مُتَرئّفًا إذا خَشاكَ.