QMC 25th Batch News

الي محتاج خط من السنية لكلية الطب يراسلني
@Mohamm294

1.22K views10:17

السلام عليكم
مثل ما تعرفون بهذه المرحلة عدنا بحث ولازم الكل يشترك بي ، و يعتبر من متطلبات التخرج وبدونه راح يكتبون على وثيقة التخرج نقص بحث وهذا راح يعرضكم لمشاكل ، فضروري تشتركون ببحث معين وتكملون إعداده حتى بنهاية السنة يتم مناقشته وي الأستاذة .

_ البحث راح يكون تابع لأول روتة داومتوا بيها حصراً .
يعني بلّشت دوامك مثلاً أطفال ، فبحثك راح يكون تابع لـ فرع الأطفال ، وهكذا لبقية الروتات .
وما يصير يكون بحثك على غير فرع .

_ بالنسبة لـ عناوين او مواضيع البحث ، فـ عدكم خيارين ، امّا تاخذون العناوين جاهزة من الفرع الّي تابعين اله وهذه غالباً راح تكون طبية او تتعلق بامور تابعة للفرع نفسه وما يتبعها من كيسات وجمع معلومات عن أمراض محددة .
او تخلوّن مواضيع من عدكم وبدون تحديد .
يعني اي موضوع يخطر ببالكم ، تكدرون تشتغلون عليه وهاي أمثلتها لا تعد ولا تحصى
ومثال عليها السمنة والسكر والضغط او حتى العوامل الاقتصادية الّي تأثّر بيها هذه الأمراض او غيرها على الفرد .
او مثلاً تأثير الأدوية والمواد الكيميائية والعوامل البيئية وغيرها وغيرها من الأمور .

_ بالسنوات الفاتت جان مطلوب جمع معلومات وداتا حصراً من الكيسات الموجودة بالمستشفيات و المراكز الصحية او المختبرات الطبية وغيرها .
وهذه الشي جان يسبب مشاكل ومعرقلات للطلاب بإتمام بحثكم .
بس الي صار هذه السنة ، صار مسموح تجمعون معلومات وداتا بغير طريقة ، وهي تسوون كوكل فورم وتخلون بيها الاسئلة الي تردون تخلوها ببحثكم ، وتنشروها بين الطلاب والأهالي وحتى تكدرون تستعينون بطلاب باقي الكليات والجامعات حتى يملوها .
يعني راح يكون عدكم قاعدة جبيرة من الناس حتى تجمعون منهم المعلومات التردوها .

_ بالنسبة للدكاترة المشرفين عليكم ، فراح يكونون اثنين تدريسيين ، واحد من الفرع السريريّ الي بحثكم يمه ، والثاني من فروع البيسك ( هستو ، باثو ، فسلجة ، تشريح … الخ )

وانتوا تتفقون وياهم ، حتى يكونون مشرفين عليكم ، وطبعاً اختياركم الهم حسب الّي تشوفونه مناسب الكم وترتاحون وياه وتشوفونه راح يساعدكم بالبحث مالتكم .
في حال ما اتفقتوا وي احد منهم ، فراح يصير عليكم تدريسي بشكل عشوائي .
فضروري تحسمون اموركم من هسه حتى لا يوازيكم الوقت بعدين .

_ الطلاب العايدين سنة او عدهم دور ثاني وما مسووين بحث من قبل ، فمطلوب منكم تسوون هذه السنة وهذه آخر فرصة الكم .

_ المطلوب منكم حالياً ، تتفقون بينكم حتى تسوون مجموعة من 7 او 8 ، وحد أقصى 10 طلاب وما يزيد عن هذا العدد .
وما يفضّل عددكم يكون قليل ، حتى تتوزع المهام بينكم .
وكذلك ما يكون الأعضاء من جنس واحد ، يعني مو كلها بنات او كلها ولد ، وانما يكون بي مكس بنات وولد حتى واحد يساعد اللاخ بالأمور الي ما يكدر عليها واحد منهم .

1.7K viewsedited 16:05