Video ကို သေသေချာချာ မရိုက်တတ်တာ၊
ကိုယ့်အသားအရေက သူများတွေလို မဖြူတာ၊
Skincare တွေ အများကြီး မသုံးနိုင်တာ၊
အဝတ်အစားလှလှလေးတွေ မရှိတာ၊
အားကစားဖိနပ်ကောင်းကောင်း မရှိတာ၊
အိပ်ယာခင်းလှလှလေးတောင် မရှိတာ…

ကိုယ့်မှာ “မရှိတာတွေ၊ မပြည့်စုံတာတွေ” ကိုသာ လိုက်ရေတွက်နေမယ်ဆိုရင် ပြောလို့တောင် ကုန်မယ်မထင်ဘူး။

“ငါက မပြည့်စုံသေးဘူး”
“နည်းနည်းပိုကောင်းလာမှ စလုပ်မယ်”
“အဆင်သင့်ဖြစ်မှ တင်မယ်” ဆိုပြီး
ကိုယ့်ကိုယ်ကို အမြဲနောက်ဆုတ်ထားခဲ့မိတယ်။

ဒါပေမဲ့ အခု…

အရင်တုန်းက ကိုယ်တင်ခဲ့ဖူးတဲ့ ပုံလေးတွေ၊ Video လေးတွေကို ပြန်ကြည့်မိတဲ့အခါရှက်တာထက် ပိုပြီးခံစားရတာတစ်ခုရှိတယ်။

အဲ့ဒါက အားရှိလာတာ ပဲ။

“အဲ့ဒီတုန်းက ဘာမှမပြည့်စုံသေးတဲ့ ငါတောင် လုပ်ခဲ့သေးတာပဲ။ အခု ငါက ဘာလို့ မလုပ်နိုင်ရမှာလဲ” ဆိုတဲ့အားမျိုး။

အခုမှ နားလည်လာတာက
စတင်ဖို့အတွက် ပြည့်စုံနေဖို့ မလိုခဲ့ဘူးဆိုတာပါပဲ။

အကောင်းဆုံး Camera မရှိလည်း ရတယ်။ အလှဆုံးအဝတ်အစား မရှိလည်း ရတယ်။ သူများတွေလို ပြည့်စုံတဲ့ဘဝတစ်ခု မရှိသေးလည်း ရတယ်။

ရှိနေတဲ့အရာလေးတွေနဲ့ စတင်ရဲခဲ့တဲ့
ကိုယ်တိုင်ကပဲ လုံလောက်ခဲ့တာ။

အခု ကိုယ်လုပ်နေတဲ့အရာတွေကလည်း
ဒီနေ့မှာတော့ သေးသေးလေးတွေလို့ ထင်ကောင်းထင်နိုင်တယ်။

ဒါပေမဲ့ တစ်နေ့ကျရင်
အနာဂတ်က ကိုယ်က ဒီနေ့က ကိုယ့်ကို ပြန်ကြည့်ပြီး

“မပြည့်စုံသေးတဲ့အချိန်မှာတောင် လက်မလျှော့ဘဲ ဆက်လုပ်ခဲ့ပေးလို့ ကျေးဇူးတင်ပါတယ်”
လို့ ပြောနေမယ်လို့ ယုံကြည်တယ်။

အရင်က ကိုယ်တင်ခဲ့တဲ့ ပုံလေးတွေ၊ Video လေးတွေထဲက မပြည့်စုံသေးတဲ့ ကိုယ့်ကို ကြည့်ပြီး အခုတော့ ရှက်မနေတော့ဘူး။

ဝမ်းသာတယ်။
ကျေးဇူးတင်တယ်။
ပြီးတော့ အရမ်းဂုဏ်ယူတယ်။

ဘာလို့လဲဆိုတော့
အဲ့ဒီနေ့က ကိုယ် မစခဲ့ဘူးဆိုရင်
ဒီနေ့က ကိုယ်လည်း ရှိလာမှာမဟုတ်ဘူး။

ဒါကြောင့် အခုလည်း ဆက်လုပ်မယ်။

မပြည့်စုံသေးလည်း လုပ်မယ်။
မကျွမ်းကျင်သေးလည်း သင်ယူရင်းလုပ်မယ်။
မလှပသေးလည်း ကိုယ့်ဘဝရဲ့ အစစ်အမှန်ပုံစံအတိုင်း မှတ်တမ်းတင်ထားမယ်။

တစ်နေ့ကျရင်
အနာဂတ်က ကိုယ်က
ဒီနေ့က ကိုယ့်ကို ပြန်ကြည့်ပြီး
ပြုံးနေမယ်ဆိုတာ ယုံကြည်လို့ပါ။


တစ်နေ့ ကိုယ်တကယ်လိုချင်တဲ့ဘဝကို ရောက်သွားတဲ့အချိန်မှာ အဖိုးတန်ဆုံး Video တွေက အဲ့ဒီအချိန်က Video တွေမဟုတ်နိုင်ဘူး။

အဲ့ဒီဘဝကို ရောက်ဖို့ ကြိုးစားနေခဲ့တဲ့
ဒီနေ့က Video တွေ ဖြစ်နေနိုင်တယ်။

14.8.2025 တုန်းက Video လေးပါ။
@theint_41