"حصدت الشوك من إيدك مع إني كنت زارع فُل
و قسى قلبك على قلبٍ تذرّى في رجاويّه"

ترضى و أحس إن الليالي تساهيل
‏تزعل و أداري خاطرك في قصيدة
- عبدالملك الخربوش

المداراة المثالية

أرق وأعذب مواساة قالها مساعد الرشيدي رحمه الله:
" عبرتك منديلها قلبي وكمي "

‏نصيحة الصباح :
" وإن شرهت أشره على الكايد
‏ترا مايدقّق فالصغار إلا الصغار "

‏" بنينا لك بوسط القلب بيتٍ مايحدّه سور
‏وتركت البيت وأهل البيت ما كنك مخاوينا "

‏"إن كان درب الشقى بـ يمر من يمّه
‏والله إني معه معه إن الله أحياني"

قسم بالله من رحتي تمنّيت : الصّدور قْبور
‏واضمّك في فضا صدري بحفظ الله وايميني
- نوف العثمان

" تمنيتك وجيت أجمل من اللي كنت أتمناه
‏حظيظ القلب يوم إنك بلحظة صرت محبوبه

‏حبيبي والعمر بسمة شفاتك لو تقول الآه
‏أجمّع لك جيوش الحب ولو ضحكاتي مسلوبة "
#alrazan

"هز لي كتفي وقل لي عيب تبكي لو سمحت "

‏" وش قرّبك مني وأنا كلي صدود
‏وش ورّطك بالضيق والدنيا سعة ؟ "

‏"عساه يكون لك جنّة اذا طاح البخت أو مال
‏وعسى عينه تراعيك، من الدنيا وما فيها"🤍

" تعذّر لليالي لا غدا ورد الطريق أشواك
‏ ترى كل الدروب اللي مشينا ما ثنت ساقي"

هلا يا بسمة الوجه الحزين و خاطر الملتاع
‏هلا يا نسمة الليل العليل و ضحكة أيامي
- عبدالملك الخربوش

‏لو دمحت الزلّه وغضيت طرفي
‏من يرجّع ضحكه شفاهي اليتيمه ؟
‏- مها

لو رجعت أسامح و أعذر و أعفي
‏من يرجّع له مكانته القديمه؟
‏- أفنان

‏لو خفضت العال من أطراف سقفي
‏من يزمه في مدى الهقوة العظيمة؟
‏-علي

‏لو تعدّيت الخطا وْ مدّيت كفّي
‏من يطفّي حرقة القلب الأليمه ؟
‏- فيصل القاضي

‏ولو تركته يأخذ القلب ويقفّي
‏من يعوضني بعد مُرّ الهزيمه ؟
- لولو

لو رميت الحزن من ترتيب رفّي
‏من يرمّم ما تكسّر من عزيمه !
‏-فلوه