صباح الخير

‏ياوطنا 🇰🇼 .. يصغر التعبير وتشح المعاني
‏وانت تكبر كل عام ، وكل يوم ، وكل ليله

‏كل من والاك اصيل وكل من عاداك اناني
‏مابقى فالارض شبر الا وحافظ لك جميله

‏الله من الطيب ومن التضحيه ومن التفاني
‏واقتناص الممكنه والصبر عند المستحيله

‏ترخص الاعمار ، وتهون القواصي والدواني
‏بالعيون اللي لو انها تنعطى ماهي قليله

‏( الكويت أول ) ومادون الكويت يصير ثاني
‏يا مساومني على بعض القناعات الأصيله

‏روحي - وما تملكه نفسي - ويلهج به لساني
‏ذرة ترابٍ تطاير به نسايمها العليله
- مزيد الوسمي

الله يحفظ الكويت واهلها من كل شرّ ♥️

كلّما اكتبك بقصيده تلقّاني الشعور
آه من بعض القصايد وجور إحساسها

اسرفت في حبك جهر مانيب مثل المستحين
‏اللي يحبك يعتزي ويشوش ويرد البرا

‏مشاعري لك لو توزّع باليسار وباليمين
‏صاروا جميع الناس عشاق ونشامى وشعرا
- مبارك آل خليفه

رائعة

مرحبا

على الواسعات اللي عليها الكلام يضيق
يا كم حاول لسان العرب وصفها ،وأزرى

أعلق طموحاتي على رمشها تعليق
وإذا سلهمت ودعت الأولى مع الأخرى

يليق الغرور اللي على غيرها ما يليق
من الحاجب العجّاب والنظرة الخدرى

مع عيونك أحلامي بتغريبٍ وتشريق
تشتتني اليمنى وتجمعني اليسرى

إلى المبسم اللي جامعٍ: حلو حكي ،وريق
لو أنه غلط باسمي بقول لْه: أنت أدرى

ليا ضعت في حسنك، على ربي التوفيق
تراني معك ناجي ولو كنت في الأسرى

حبيبي وأنا ساري على الدرب لين أفيق
ولا ظنتي راعي الهوى يترك المسرى
- عبدالملك

جمييلة

مرحبا

اللهم صلِّ وسلم وبارك على نبينا محمد

مرحبا

- سبع خطوات -

تغانم شعوري لك قبل تسرقه الاوقات
انا ايامي الحلوه من الوقت مسروقه

يطول الزعل ولا يزيد السكات سكات
انا في رجا يومٍ يرجّعْك بشروقه

يأثّر علي طاريك مع كلّ جلسة ذات
و تبين المعزّة والغلا بانت فروقه

سقى الله ليالٍ في تفاصيلها لذّات
تزعّل قلوبٍ من محبتْك محروقه

تكاثرت تمشي باتجاهي سبع خطوات!
وانا اسوق لك عمري وقلبي من عروقه

تجاهلت لك روحٍ على شوفتك تقتات
دخيلك من الحرمان لا تحيي عقوقه

توقعت حبّك خالف العُرف والعادات
وأثر حبّي لقلبك يجاريه ويفوقه

تحسب المكان ان غبت مخنوق بالضحكات
تعاميت عن روحٍ من الهجر مخنوقه!

وانا ضحكتي لو ساقها الحظّ لك بالذات
طبيعي مصير القلب يسترسل فـ شوقه

كتبتك وهلّيت الخواطر مع الدمعات
معك كلّ فكرة بيت ماهي بمسبوقه

ياليت المطر في يابسك يحيي اللي مات
دموع المهاة اللي من الغيم مخلوقه

ذعاذيك ان مرّت تسابق لها النسمات
هواك العليل استعذبه دوم وآتوقه

واذا مرّت طْيوفك وقفت استرق نظرات
متى اروي ظما عينٍ لشوفتْك مشفوقه؟

متى تستردّ من القدر عمرنا اللي فات؟
فؤادي يحسّ ان شوفتك ابسط حقوقه

تعال ازرع الافراح لو حالت الأزمات
تعال و يميل الغصن من يانع عذوقه

مدامك شكيت الحزن والهم والحسرات
عشانك بداوي القلب واخيّط فتوقه

لو يطول ضيقي منك ماخابت الهقوات
اعرفك مثل ما اعرف صدى الغيم وبروقه

مكانك تعرفه زين لا ضاعت الوجهات
وتدلّه مثل ما دَلّ عاشقْك معشوقه

تعال ازرع الافراح لو حالت الأزمات
تعال و يميل الغصن من يانع عذوقه

تغانم من الأيام لحظة من اللحظات
انا ايامي الحلوه من الوقت مسروقه

الجديد ❤️‍🩹

صبحكم الله بالخير

ضاقت معك عوْج السنين وتضايقَت:
واحتالَت أيَّام الرَّضا، والبشاير

وشعّ الصباح وفي ظنونك تعلَّقت:
وأنا عشان «أدلّ، وأتيه» حاير

أفكّ لك حتى ضلوعي إليَا اشتَقت
وأقطع لك دروب السهَر، والزراير

مثل القصِيْد إذا اجتمعت، وتفرَّقت:
أيَّام، وأحداث، وكلام، وعباير!

عسى يداعب وَجْنتك كلّ ما ضقت:
صبحٍ نسانيسه تدفّ الستاير!

أخاف من غبَّة هوَاك إن تعمَّقت
أنا أتجمَّع فيْك: فَرْد، وعشاير

كل ما طرَقتك فـ الحياة، وتطرَّقت
كنت الزمَن، بس الزمَن كان جاير

ما نامَت عيوْني على ذكْرك، وفِقت
إلا لقيْتك: بَين روح.. وضماير..

اِضحك، ويضحك لي على شانك الوَقت
وأنسى التعب، وأنسى الظمأ، والخساير.
- محمد السلطان

جميلة جدًا جدًا وعذبه للغايه

ماشاء الله تبارك الله

"ما نامَت عيوني على ذكْرك، وفِقت
إلا لقيْتك: بَين روح.. وضماير"❤️‍🩹