" أحـدٍ كفيـف .. و عيـن قلبه تقديه
‏وأحدٍ يشوف .. و لا يقديـه شـوفه "

عن كل شيٍّ كان نفسي فيه سجّيت وسليت
‏وصرفت عيني عن جميع احلامي، وْغضيتها ..

‏ماعاد في صدري مساحه للرضا .. لكن رضيت
‏نفسي عن اشيا واااجده زعّلتها ، وارضيتها ..

‏والله ! مَـ عاد يْهمّني .. ان رحت والا ان بقيت
‏بقول " مرّه " لا تروح .. وان رحت ؟ ما ثنّيتها
- نوف العثمان

ولا أنت غيم فـ السما ولاني الميّت ظما
قلبك إذا ما ضمّني غيره قلوب تضمّني

بفارقك وأنا ابتسم ماشلت همّك.. طالما
ما همّك فـ يوم اللقا ليه الفراق يهمّني

الكل منا له طريق وليل ونجوم وسما
بكرة تلومك دمعتك وأنا الحياة تلمني

خلاص ما أبغى أصادفك ابعد عن حدود الحمى
إلى متى وأنا أمدحك والناس فيك تذمّني

لي عمري وأيامي معك حزن من العمر ارتمى
الليل نقصني عمر.. خلي الصباح يتمّني

بودعك واروي عروق الصبر من بعد الظما
وإن جابك الطاري باقول: إنسان كان يهمني
- فهد المساعد

"حصدت الشوك من إيدك مع إني كنت زارع فُل
و قسى قلبك على قلبٍ تذرّى في رجاويّه"

ترضى و أحس إن الليالي تساهيل
‏تزعل و أداري خاطرك في قصيدة
- عبدالملك الخربوش

المداراة المثالية

أرق وأعذب مواساة قالها مساعد الرشيدي رحمه الله:
" عبرتك منديلها قلبي وكمي "

‏نصيحة الصباح :
" وإن شرهت أشره على الكايد
‏ترا مايدقّق فالصغار إلا الصغار "

‏" بنينا لك بوسط القلب بيتٍ مايحدّه سور
‏وتركت البيت وأهل البيت ما كنك مخاوينا "

‏"إن كان درب الشقى بـ يمر من يمّه
‏والله إني معه معه إن الله أحياني"

قسم بالله من رحتي تمنّيت : الصّدور قْبور
‏واضمّك في فضا صدري بحفظ الله وايميني
- نوف العثمان

" تمنيتك وجيت أجمل من اللي كنت أتمناه
‏حظيظ القلب يوم إنك بلحظة صرت محبوبه

‏حبيبي والعمر بسمة شفاتك لو تقول الآه
‏أجمّع لك جيوش الحب ولو ضحكاتي مسلوبة "
#alrazan

"هز لي كتفي وقل لي عيب تبكي لو سمحت "

‏" وش قرّبك مني وأنا كلي صدود
‏وش ورّطك بالضيق والدنيا سعة ؟ "

‏"عساه يكون لك جنّة اذا طاح البخت أو مال
‏وعسى عينه تراعيك، من الدنيا وما فيها"🤍

" تعذّر لليالي لا غدا ورد الطريق أشواك
‏ ترى كل الدروب اللي مشينا ما ثنت ساقي"

هلا يا بسمة الوجه الحزين و خاطر الملتاع
‏هلا يا نسمة الليل العليل و ضحكة أيامي
- عبدالملك الخربوش

‏لو دمحت الزلّه وغضيت طرفي
‏من يرجّع ضحكه شفاهي اليتيمه ؟
‏- مها

لو رجعت أسامح و أعذر و أعفي
‏من يرجّع له مكانته القديمه؟
‏- أفنان

‏لو خفضت العال من أطراف سقفي
‏من يزمه في مدى الهقوة العظيمة؟
‏-علي