قصيدة رائعة فعلًا

سترني الليل وجروحي تهاوا مع شروق الشمس
‏واجي من ليلة البارح ولا كني سهير هموم

‏تقصوى في العيون اللي تشوفك فزعتي من أمس
‏وش اللي باقي ابينقال عن اللي كان لي مقسوم

‏تخيل من عطيتك قلب ومدري وش يجيب الهمس
‏يقول إحذر من الفرقى وأظنك عنها محشوم
- سعود العبدالله الفيصل

عزيز الدمع ما يرضى يضمّه ناعم المنديل
‏ولا يرضى ابد في يوم ترد الدمع احداقي
‏،
‏يبي لامن نزل يخضع قصيد و ذكريات و ليل
‏ابي لامن وقع ما يطيح الا بصفحة اوراقي

‏⁦ #Rawy_poems⁩

رائعه فعلًا

‏خذانـي حزنـي الليلة لآخـر خيبة بعـينك
‏تلحفت الندم و امسيت بطعوني وسكيني

‏حبيبي والعفو ادري خرج من بين يدّينك
‏تركت آلامك تبارز سيوف الكِبْر في عيني!

‏لأنك من طهر قلبك قساك يخالطه لينك
‏خسرتك يا أهم إنسان في مجمل عناويني

‏حبيبي هالعذر آسف قبل يغفى بكفّينك
‏حبيبي والأسف قبلك ابد ما كان بسنيني

‏انا من ليلة وداعك عجزت أفارق يدينك!
‏انا للحين احس إنك بتلقاني وتحييني...
- tw : NSPoett

نعم بدو.. سمر الجباه، الصادقين، الطيبين
‏ولنا الفخر لامن حكوا عنا وسمّونا بدو

‏أنا البداوة علمتني في حياتي حاجتين
‏مااوقف على زلّة صديق ولا اتشمّت في عدو


‏ ⁧ #حنا_بدو - فهد المساعد⁩

أنا بدوي .. ثوبي على المتن مشقوق
ومثل الجبال السمر صبري ثباتي

ومثل النخيل خلقت أنا و هامتي فوق
ما عتدت أنا احني قامتي إلا فصلاتي

وإليا افتخر بأفعال يمناه مخلوق
يا بنت انا فعلي شهوده اعداتي

- البدر

‏"وش كثر ابستغفر على شان اتوبك؟
‏وانت الخطا اللي كنت اسويه بإلحاح"

حبيبي ، دنيتي ، فجري
‏ذبحني فيك هرج الناس

‏وعدنا بكره من بدري
‏مكانٍ ماحوى جلّاس

‏ابيك تشيل عن صدري
‏جميع الشك والاحساس

‏بجيك و في يدي عذري
‏أنا عذر الحطب للفاس

‏احس الطعنه في ظهري
‏تألّمني ولا انتَ حاس

‏صحيح انك سبب غدري؟
‏امانه حطها بالنـاس...
- لمى بندر

عزّ القصيد وزاعلتني حروفه
من يوم غاب اللي قصيدي مهاويه

غابت به الدنيا وخلّت طيوفه
عزي لمن مثلي زمانه يعاديه

عقب الملاقى، بس بالقلب أشوفه
وعقب المناجى، بس بالفكر أناجيه

كلامي وشوفي لغيره حسوفه
من غيره يْخاوي غريبي وأخاويه

يا لوعة المشتاق تصفق كفوفه
لين التفت ما شاف بالدّار غاليه

كنّ العيون بكل شين مْحذوفه
والقلب كنّ جموع الأيام ترميه

تسابقتني من زماني سيوفه
تجرح مْرادي في حياتي وتدميه

يا عونة الرحمن وين النكوفه
لين انتحىٰ الخفّاق وش عاد يثنيه

ما رحت أدوّر عند خلّي مروفه
ما يرحم إلاّ الله فلا شك مغليه
- خالد الفيصل

من أجمل ما قرأت

لها وقع مُختلف

" عقب الملاقى، بس بالقلب أشوفه
وعقب المناجى، بس بالفكر أناجيه "
كم آه تكفي لوصف الشعور ؟

" كنّك على تكرار الأوجاع حالف "

بسم رب العز والمجد العظيم
‏بسم رب الكون خلاّق العباد

‏من جديد المجد والعز المقيم
‏من هل العوجا موحدة البلاد

‏ما كتبها.. غير للعشق القديم
‏وما بناها ... غير للحب الوكاد

‏ما وقفها.. غير نيران و هشيم
‏وما خذاها.. غير تيجان و حصاد💚🇸🇦
- الجادل

‏"على كل حاجه كنت ابيها ولا الله راد
سلامي عليها من ضميرٍ سمح منها "

" ماعاد يرضيني وِفاء ولا يزعّلني جِفا
متساويٍ في خاطري ظلم العرب وإنصافها

ولا تاقف الدنيا على شمع الغرام اللي طفى
بعض الشموع أنا أتعمد كسرها وإتلافها"

‏" ما باقيٍ من حلاو العيد غير أنتي
‏يا صبح شوال مدري عاشر الحجة "

وان مرّ بي صوتك وانا داخلي جرح
‏يبرى .. وتعشب في رحابك سنيني ..

‏لك ضحكةٍ عذبة ، ولك خاطرٍ شرح ..
‏يا حلم عايش بين قلبي و بيني
- سعد يحيى

يا حلم عايش بين قلبي وبيني الله الله

يا رداة الحال مـن بعد الـزوال
‏يا الكثير من الليالي المظلمة

‏يا طعون الـ لا من بعد السؤال
‏يا الشعور اللي تهاوى معظمة

‏يا وشاية قيل في هذا ،و قـال
‏يا طريقي والدروب المبهمـة

‏انت ظلمك قد تساوى بالجبال
‏تختبر صبري وقصدك تهدمه

‏اني اغفر هذا شي من الخيال
‏يانصيبي مـن الدروس المؤلمة
- لمى بندر