إليا انعكس زينٍ عليّ فـ المرايات
‏وإن شفت في عين القريب المدايح

‏من الحلا ، وزولٍ عليه التلفّات
‏ومْن الجديل الي على الوجه طايح

‏تطري وودّي لو تجي منكْ كلْمات
‏مدحك مْقيم ومدحهم ( مدح رايح )
- سمو

ضحكاتها لمّة حبايب وغالين
‏تمسح على القلب وتسرّ الخواطر
‏ما كنّها إلا تقول لي باكر تزين
‏ما عندي أدنى شكّ بتزين باكر
- فهد المساعد

اذا غبتي ؟ يميل من الحنين الورد
‏تعالي، من شتات الصبر لمّيني

‏اذا غبتي اشوف ان المساري جرد
‏تعالي وامسحي شكي وتخميني

‏كثر ما تخذل الملهوف رمية نرد..
‏انا احبك ، لو انك ما تحبيني
- محمد منيف

‏المحزن أن مثلك مثل رابع العيد
لا فرّح الديرة ولا مرّ عادي
- صالح بن حمد

" وانا اللي لا ذكرت إنك حبيبي ياحبيبي
‏مابقى فالأرض بسمه ما أبتسمها " 🤍

" قلبي اللي زرع لك في مداه النخيل
لا تمرّه جفاف ولا تحبه خطأ "

"حبيبي من غفى طرْفك قبل حزة طلوع النور
‏وأنا للحين أحس الصبح متخبي ورى أهدابك"

أحد يعرف كاتب هذا البيت ؟
والله لي كم يوم أردده بذهول واعجاب شديد

يخطئ الكثير في نسب هذي الأبيات لطلال الرشيد بينما هي للشاعر غازي مشعل

‏"لو اقول اني تغيّرت ونسيتك
‏بانت بصوتي.. لياليك القديمة"

اشوفك بين ترديد السؤال وبين شرح الحال
الى منه نشدني صاحبي عن جملة أحوالي
- مشعل بن حثلين

قصيدة رائعة فعلًا

سترني الليل وجروحي تهاوا مع شروق الشمس
‏واجي من ليلة البارح ولا كني سهير هموم

‏تقصوى في العيون اللي تشوفك فزعتي من أمس
‏وش اللي باقي ابينقال عن اللي كان لي مقسوم

‏تخيل من عطيتك قلب ومدري وش يجيب الهمس
‏يقول إحذر من الفرقى وأظنك عنها محشوم
- سعود العبدالله الفيصل

عزيز الدمع ما يرضى يضمّه ناعم المنديل
‏ولا يرضى ابد في يوم ترد الدمع احداقي
‏،
‏يبي لامن نزل يخضع قصيد و ذكريات و ليل
‏ابي لامن وقع ما يطيح الا بصفحة اوراقي

‏⁦ #Rawy_poems⁩

رائعه فعلًا

‏خذانـي حزنـي الليلة لآخـر خيبة بعـينك
‏تلحفت الندم و امسيت بطعوني وسكيني

‏حبيبي والعفو ادري خرج من بين يدّينك
‏تركت آلامك تبارز سيوف الكِبْر في عيني!

‏لأنك من طهر قلبك قساك يخالطه لينك
‏خسرتك يا أهم إنسان في مجمل عناويني

‏حبيبي هالعذر آسف قبل يغفى بكفّينك
‏حبيبي والأسف قبلك ابد ما كان بسنيني

‏انا من ليلة وداعك عجزت أفارق يدينك!
‏انا للحين احس إنك بتلقاني وتحييني...
- tw : NSPoett

نعم بدو.. سمر الجباه، الصادقين، الطيبين
‏ولنا الفخر لامن حكوا عنا وسمّونا بدو

‏أنا البداوة علمتني في حياتي حاجتين
‏مااوقف على زلّة صديق ولا اتشمّت في عدو


‏ ⁧ #حنا_بدو - فهد المساعد⁩

أنا بدوي .. ثوبي على المتن مشقوق
ومثل الجبال السمر صبري ثباتي

ومثل النخيل خلقت أنا و هامتي فوق
ما عتدت أنا احني قامتي إلا فصلاتي

وإليا افتخر بأفعال يمناه مخلوق
يا بنت انا فعلي شهوده اعداتي

- البدر

‏"وش كثر ابستغفر على شان اتوبك؟
‏وانت الخطا اللي كنت اسويه بإلحاح"

حبيبي ، دنيتي ، فجري
‏ذبحني فيك هرج الناس

‏وعدنا بكره من بدري
‏مكانٍ ماحوى جلّاس

‏ابيك تشيل عن صدري
‏جميع الشك والاحساس

‏بجيك و في يدي عذري
‏أنا عذر الحطب للفاس

‏احس الطعنه في ظهري
‏تألّمني ولا انتَ حاس

‏صحيح انك سبب غدري؟
‏امانه حطها بالنـاس...
- لمى بندر

عزّ القصيد وزاعلتني حروفه
من يوم غاب اللي قصيدي مهاويه

غابت به الدنيا وخلّت طيوفه
عزي لمن مثلي زمانه يعاديه

عقب الملاقى، بس بالقلب أشوفه
وعقب المناجى، بس بالفكر أناجيه

كلامي وشوفي لغيره حسوفه
من غيره يْخاوي غريبي وأخاويه

يا لوعة المشتاق تصفق كفوفه
لين التفت ما شاف بالدّار غاليه

كنّ العيون بكل شين مْحذوفه
والقلب كنّ جموع الأيام ترميه

تسابقتني من زماني سيوفه
تجرح مْرادي في حياتي وتدميه

يا عونة الرحمن وين النكوفه
لين انتحىٰ الخفّاق وش عاد يثنيه

ما رحت أدوّر عند خلّي مروفه
ما يرحم إلاّ الله فلا شك مغليه
- خالد الفيصل