"أعرِف إن الليَالي جارحَة، وإنّك رحلْت بـْ حِلّ
‏طلبتك، كلَّ ما مرَّك قصيدي.. ردَّد أبياته!"

"فداك العمر وأحداث الزمن والمشكلة والحَلّ
‏وقلبٍ.. ما يعرْف من الغزال إلَّا تلفَّاته"♥️

جميلة جدًا

تنفستك صباح ٍ يلثم الظلمى بسيف النور
‏ويدفن سيرة الليل البهيم / ومُبهَم أسْئِلْتهْ

‏قم اِعزفني على صوتك ودوزنّي ولَه وغرور
‏أنا دربي طويل ومعْك مابه حلم ما طِلْتهْ

‏تسامى يَـ الشعور اللي يخلّيني بدون شعور
‏أحبّك لا سرقت إحساسي من لساني وقلْتهْ
- خالد القصيِّري

ماكان القصيد اسلوب شهره ورب البيت
‏ولا كنت اشوفه غير عن باقي طبوعي

‏"على البال - ماخليت فكره ولا بقيت
‏ولا فيه مطلع قاف ماحس في لوعي"

‏قضيت السنين الممحله بين ليت وليت
‏اجاهد ظروف الوقت مابيّن خْضوعي

‏حبيبي تعال الله يخليك .. مامليت ؟ 
‏انا كل يوم يمر صوتك على سموعي 

‏ويمر النسيم العذب صدري ليا مريت
‏ويطرق معاليقي ويزبن على ضلوعي 
‏ 
‏خذاك الزمن واغرتك الايام واغتريت 
‏وانا ماعرف غير إن طاريك موضوعي
- الأعشى

تسير الحياه الفانيه بين نضج وطيش
‏وانا الهادي الّي يشحنه نايح القُمري

‏أشوف البشر غالب تفاصيلها تغبيش
‏انا المختلف ؟ ولا البشر وضعها مُزري ؟

‏ياليت المَعَرْفه قبلها نقطه وتفتيش
‏على شان أميّز طعمها المُر من بدري

‏عزمت أبتعد عن كلّ شيء وقدرت أعيش
‏معا عزلتي لو مابها . . واقعٍ مُغري

‏وأنا لو قدرت اتجاوز البعض بالتطنيش
‏تراك الوحيد . . الثابت بذاكرة عُمري

‏مع انّك رحلت أزريت ماقلتها لك "ليش؟"
‏تثاقلتها . . ماودّي أحطّ من قدري

‏مابين السواد الحالك تمرّني بشويش
‏مثل ماتمرّ . . النسمه البارده صدري

‏هذا طيفك الّي يوم شحّ الوصال تعيش
‏على ناصيته عروق قلبي . . ولا تدري

‏لك الطلّه الّي نورها يرفض التهميش
‏تفاصيل وجهك عندها يزدهر شِعري

‏مثل مالغصن يحتاج للماء عشان يعيش؟
‏تعيش القصايد في ذرى وجهك الخمري
- ظافر النهدي

مالقيت اصعب من الفرقا على قلوب الولايف
‏ومالقيت اصعب من علاج الخطايا بالخطايا

‏والفراق اللي بدون اسباب يازين الوصايف
‏اوجع فوادي وعذبني وسوا بي سوايا

‏كل يوم اقدم اعذاري والحّقها الحلايف
‏وانت ماتدري عن اللي صار ياعذب السجايا

‏الوكاد اني على شانك تعرضت الحتايف
‏والوكاد انك خذيت القلب من عوج الحنايا
- علي الدعيه

صبحكم الله بالخير

لا تحزن ان صارت القصة أليمه
بعض القصص حزنها منها مْخلوق

لو كل حلمٍ عشقته هلّ غيمه
ماصرت لاحلامك الكبرى تتوق

قم وانفض غبار الأوهام القديمه
قم علّم الشمس عن معنى الشروق

صبحكم الله بالخير

اللهم صلِّ وسلم وبارك على نبينا محمد

صبحكم الله بالخير

تطبيق "ترتيل" كنزٌ حقيقي لحفّاظ القرآن ومراجعيه.
‏​لم يمر عليّ -حتى الآن- أفضل منه في التسميع الذاتي وتصحيح الأخطاء فورًا بالذكاء الاصطناعي. فهو معين لا يُستغنى عنه على تثبيت الحفظ ومراجعة الورد غيبًا.
‏​سواء أردت أن تسرد وردك اليومي بالأجزاء، أم احتجتَ لتكرار صفحة الحفظ الجديد عشرات المرات، ستجده رفيقك الذي يسمعك وينبهك عند كل خطأ.
‏​نصيحة مجرّب: أعطِ التطبيق وقتًا لتعتاد عليه، ففيه خيرٌ كثير.

‏حمله من هنا:

https://apps.apple.com/sa/app/tarteel-%D8%AA%D8%B1%D8%AA%D9%8A%D9%84-ai-quran/id1391009396

من انفع التطبيقات اللي مرت علي شاركوه أهل القرآن

مرحبا

لو جيت ادور لصوتي فالحناجر بديل
‏اخترت صوت يهب الحزن من مطلعه

‏اخترت لي ضحكةٍ صفراء وظلٍ هزيل
‏وجرح ٍ يوزّع على كل البلاد وجعه

‏الغاير المندفن والوارف المستحيل
‏هذا مصبه وسط روحي وذا منبعه
- نويحي البديري

جميله جدًا

‏إنتظرتك و استقر الماء… على .. جفن السحابة
‏أمطريني ، جيت أدور ذاهبة وأروي وسيمة

‏يا قريحة من شرب «مِن فَاك»«مَنْفَاك»و سرى به
‏السماء يشره علي بدره ويغريني أديمه
‏
‏كلما هبت رياحين الصَّبا وسم الصبابة
‏قمت أراجع عقدي الثالث وراعده و رزيمه

‏وش ورا الأعراب غير القوس و إحساس الربابة
‏والشديد اللي طوى "بيت الشِّعر" وشداد ريمة

‏نادميني كل ما -طاح الحطب- وأورقت غابة
‏وعاتبيني كل ما «ذعذع»من الغربي نسيمه

‏كون"موقعة الجُمل" صدرٍ غفى الفقد "وصحا/به"
‏معركة [صوتي]بها نصر و [صدى]صوتي هزيمة

‏جيت أسابق بالحياة الموت تدوين وخطابة
‏مستميتٍ شفت في (موتي) ورا معناك {قيمة}

‏كيف أجنِّب عن طعون الحرف و رموشك نصابة
‏لي عيون تشوف ، لكنها معاك أنتِ "كريمة"

‏آتجاوز كل فتق أخضر و أغني في رحابه
‏ليت شعري هو"طوى الوادي"و حي وآمن كليمه

‏ماتركتك في يدين الصمت عجز ولا مهابة
‏مستعد أرمي العصا "حية" شعر و البحر أهيمه

‏لكن اللي ردني و أضفى على الحزن الرتابة
‏واحدٍ قفت به الدنيا وروحه مستقيمة

‏قلت بعده كل شيٍ خير مابه ترك مابه
‏لين مابقى الزمن مني سوى نسخة قديمة

‏ الديار اللي "مضاربها" مع "طعوني" تشابه
‏لو لمست جبالها يمكن تزرفل لي محيمة

‏والدموع اللي ورا عينك مكاتيب و كآبة
‏خايف إني لو كتبت إحساسها تطلع يتيمة

‏شاعرك لو روَّق البيت القوي و أجلى ركابه
‏ذاخرٍ لك قفلةٍ يحيي بها عظامٍ رميمة
- شاهر اللغبة

رائعه للغاية