كل عام وانتم بخير♥️
أبيات #العيد

واللي تمـرّه ضحكتينك يباهي..
نور الصباح وطلة الورد والعيـد"

‏" والله إن العيد دكة خطاك
‏والفايزين عيونك وتبسامك "

أعايدك من قبلهم " شيّ مرغوب "
‏وأعايدك من ضمنهم " شيّ كايد "

‏قبل نهار العيد مع جِدّة الثوب
‏والطيب ، والحنّة ، ولبس القلايد

‏نوبٍ أقول إليا طْلعت شمسه ونوب
‏أقول لو غيري سبقني وعايد ؟!

‏" مْباركٍ عيدك "ولا هو بماجوب
‏الواجب أكبر من كلام وقصايد
- سمو

" ما هوب عيد ٍ ما سمح لي بلاماك
‏عزي لعين ٍ .. شوفها ما يحوفك
‏يعتادني عيد الشقاء .. يوم فرقاك
‏و يعتادني عيد الفرح .. يوم أشوفك "

‏"دخيل العيد وأفراح القلوب وشوفه الغالين
‏على كثر إزدحام البال خليني على بالك"

عيدك مبارك وكل عام المشاعر تجري
‏ما توّقفها الظروف ، ولا قليل الجيّة

‏والله إنْك أوّل من أبارك له ومن يطري
‏ووالله إنّك ما أنت حول العالم المنسيّة

‏العيادي منّك " صْوّرٍ " تفرّح صدري
‏خذْتها منّك وأنا الي ما اخذ العيديّة ..
- سمو

كل عام وأنا أعزك وانت تغليني
‏كل عام والقلب بيتك والغلا دارك

‏العيد شوفك.. عسى ماتنحرم عيني
‏منك انت يا أغلى بشر عايدني وبارك
- فهد المساعد

حبيبي طلتك عيدي وعيدي في حضورك غير
‏صباح الورد في شوفك صباح المسك والكادي

‏كتب رب السماء قربك كتب ربي فحياتي خير
‏عسى طول العمر تبقى وعساك بكل اعيادي
‏- زياد بن سلّام

اذا خانك التعبير وما عرفت كيف تمدح هالأبيات تنقذك :

"على كثر القصيد وكثر ماجاب الخيال أفكار
تعبت ومالقيت الا ثمان اشياء تشبه لك

نور الشمس،لون الغيم،طهر الما، وصمت النار
لين الورد ، فجر العيد ، ملَك وإنسان ياسهلك"

‏"مساء العيد الأول يا عيونٍ مالها إلا العيد
‏طويت لشوفها كل الدروب وجيت ضاميها"

" من جعل نظرة عيونك عيد وإن لدّت مضرّة؟
‏من سرق دهشة عباد الله واختصك لحالك "

‏"ياجعل عيدي معك في كل عام يعود
‏والله يعيده عليك بكل عامٍ معي "

‏"عيدك أنا وأيامي الي معك عيد
‏ولاشفتك العيد السعيد يتبارك "

أكيد تعدّي الأيام واتعوّد على بُعدك
‏أكيد جروحي بتبرى واتناساك صدقني

‏ولكن قلّي بتنسى وتتحمل قسى فقدك ؟
‏انا عندي ثقة إنك على وصلي بتسبقني
⁦ #alrazan

" ‏يا ثالث العيد ما عندك خبر عنها؟
‏ماهي بعاده على الاعياد تنساني

‏العام خبري بها والشوق حاضنها
‏واليوم مدري من اللي همّل الثاني"

إليا انعكس زينٍ عليّ فـ المرايات
‏وإن شفت في عين القريب المدايح

‏من الحلا ، وزولٍ عليه التلفّات
‏ومْن الجديل الي على الوجه طايح

‏تطري وودّي لو تجي منكْ كلْمات
‏مدحك مْقيم ومدحهم ( مدح رايح )
- سمو

ضحكاتها لمّة حبايب وغالين
‏تمسح على القلب وتسرّ الخواطر
‏ما كنّها إلا تقول لي باكر تزين
‏ما عندي أدنى شكّ بتزين باكر
- فهد المساعد

اذا غبتي ؟ يميل من الحنين الورد
‏تعالي، من شتات الصبر لمّيني

‏اذا غبتي اشوف ان المساري جرد
‏تعالي وامسحي شكي وتخميني

‏كثر ما تخذل الملهوف رمية نرد..
‏انا احبك ، لو انك ما تحبيني
- محمد منيف

‏المحزن أن مثلك مثل رابع العيد
لا فرّح الديرة ولا مرّ عادي
- صالح بن حمد

" وانا اللي لا ذكرت إنك حبيبي ياحبيبي
‏مابقى فالأرض بسمه ما أبتسمها " 🤍