مساعد الرشيدي شاعر فذّ وقصائده أرى أن قراءتها لمرة واحدة لا تكفي
الأجدى قراءتها لمرتين الأولى للإستمتاع بالمعاني الظاهرة والثانية للتنقيب عن المعاني الخفيه بين السطور

‏"عمرك ثمين . . ولا تضيع حياتك
‏بـ أشياء ماتسوى من العمر ساعه

‏ لاتبلش بشيٍ . . مع الوقت فاتك
‏وحاول تعيش اللي بقى عن قناعه"

للعظة والعبرة :

إذا لهذي المرحله بيت فهو لمحمد السكران لما قال :

والله ماحصّلت من ياخذني بيده
بـ لحالي أصادم الأيام بـ لحاليّ

عساها الروحة اللي ما تجيبك للأبد و أنتي
‏على جرحي تجرأتي و تجاوزتي معاي الحد

‏تماديتي! و هان اللي عليه ف يوم ما هنتي
‏وأنا أشوف الخطا منك بعيني كل شي أنهد

‏هقيتي بأنك الأقوى .. وأنا أحبك و هيّمنتي
‏وأنا اللي ما أنخلق مثلك ولا غيرك يجي لي ند

‏توقعتي غباءاً منك(جرحي سهل) ! و أيقنتي
‏بأني مثل ما شلتك في قلبي أتركك و أصد

‏عطيتك لين من كثر العطا فيني .. تهاونتي!
‏وأنا اللي الشمس في يدك وضعها والقمر في يد

‏ووقتٍ كنت لك أمن، وملاذ، وحُب، وش كنتي؟
‏سوى خوف و كثير طعون لا تحصى ولا تنعد

عمَاني الحُب لا أشوف الحقيقة لين بيّنتِي
‏وصفعة كانت لقلبي على غفلة! مهي للخد

‏حسايف كيف عن ظاهر بياضك لي تلوّنتي
‏وقلبك مخفيٍ شره! وأنا اللي كنت أظنه ود
- عادل العصيمي

" أنا لو حطّوا الدنيا بـ كفّي عشان أنساك
رميت الكفّ والدنيا وجيتك قاطعٍ كفّي"

كل عام وانتم بخير♥️
أبيات #العيد

واللي تمـرّه ضحكتينك يباهي..
نور الصباح وطلة الورد والعيـد"

‏" والله إن العيد دكة خطاك
‏والفايزين عيونك وتبسامك "

أعايدك من قبلهم " شيّ مرغوب "
‏وأعايدك من ضمنهم " شيّ كايد "

‏قبل نهار العيد مع جِدّة الثوب
‏والطيب ، والحنّة ، ولبس القلايد

‏نوبٍ أقول إليا طْلعت شمسه ونوب
‏أقول لو غيري سبقني وعايد ؟!

‏" مْباركٍ عيدك "ولا هو بماجوب
‏الواجب أكبر من كلام وقصايد
- سمو

" ما هوب عيد ٍ ما سمح لي بلاماك
‏عزي لعين ٍ .. شوفها ما يحوفك
‏يعتادني عيد الشقاء .. يوم فرقاك
‏و يعتادني عيد الفرح .. يوم أشوفك "

‏"دخيل العيد وأفراح القلوب وشوفه الغالين
‏على كثر إزدحام البال خليني على بالك"

عيدك مبارك وكل عام المشاعر تجري
‏ما توّقفها الظروف ، ولا قليل الجيّة

‏والله إنْك أوّل من أبارك له ومن يطري
‏ووالله إنّك ما أنت حول العالم المنسيّة

‏العيادي منّك " صْوّرٍ " تفرّح صدري
‏خذْتها منّك وأنا الي ما اخذ العيديّة ..
- سمو

كل عام وأنا أعزك وانت تغليني
‏كل عام والقلب بيتك والغلا دارك

‏العيد شوفك.. عسى ماتنحرم عيني
‏منك انت يا أغلى بشر عايدني وبارك
- فهد المساعد

حبيبي طلتك عيدي وعيدي في حضورك غير
‏صباح الورد في شوفك صباح المسك والكادي

‏كتب رب السماء قربك كتب ربي فحياتي خير
‏عسى طول العمر تبقى وعساك بكل اعيادي
‏- زياد بن سلّام

اذا خانك التعبير وما عرفت كيف تمدح هالأبيات تنقذك :

"على كثر القصيد وكثر ماجاب الخيال أفكار
تعبت ومالقيت الا ثمان اشياء تشبه لك

نور الشمس،لون الغيم،طهر الما، وصمت النار
لين الورد ، فجر العيد ، ملَك وإنسان ياسهلك"

‏"مساء العيد الأول يا عيونٍ مالها إلا العيد
‏طويت لشوفها كل الدروب وجيت ضاميها"

" من جعل نظرة عيونك عيد وإن لدّت مضرّة؟
‏من سرق دهشة عباد الله واختصك لحالك "

‏"ياجعل عيدي معك في كل عام يعود
‏والله يعيده عليك بكل عامٍ معي "

‏"عيدك أنا وأيامي الي معك عيد
‏ولاشفتك العيد السعيد يتبارك "

أكيد تعدّي الأيام واتعوّد على بُعدك
‏أكيد جروحي بتبرى واتناساك صدقني

‏ولكن قلّي بتنسى وتتحمل قسى فقدك ؟
‏انا عندي ثقة إنك على وصلي بتسبقني
⁦ #alrazan