‏"أنا يا ربي العبد المحب المبخت الممتن
‏جروحي لك موكّلها و روحي لك مسلّمها"

كان أكثر دُعاء النبي ﷺ في العشر الاواخر
‏اللهُم إنك عفوٌ تُحِب العفو فاعفُ عـنا

‏"يا عسى اللي جاي فرحه
‏ تطوي الأحزان طيّ "
‏- آمين

"أحس اني بديت أتثاقل الخطوة
‏كأن الارض ما تتحمّل اقدامي

‏تسيّرني مقاديري على القسوة
‏مع إني ما قسيت الا على أحلامي

‏مثل ما الموت له سكرة وله سطوة
‏يمر الحزن له سطوة على ايامي

‏عسى هذا الحزن ياخاطري نزوة
‏عسى هذا الشعر مايكسر أقلامي

‏عسى مابيني ومابين الفرح فجوة
‏عسى ماينتهي صبري وأنا ضامي"

" بعد صفو الهوى وطيب الوفاقِ
عزّ حتى السلام عند التلاقي "

‏" لا يردك شي عن ليلة فراقي
‏كان لك قلبٍ تبي تشفي غليله

‏خذ معك خوفي وصبري وأشتياقي
‏وإترك عيوني تشيل اللي تشيله

‏ولا تدور مثل قلبي ما أنت لاقي
‏القلوب اللي مثل قلبي .. قليله "

" دام ربي حط أجر بالابتسامه
‏والله إن أضحك ولو عيّا زماني "

تعبت من القصيد من الجروح من انتظار طال
..تعبت استقبل طعون الزمن و اربت على كتفه


تعبت من الكلام .. من السكوت اللي يهد الحال
تعبت اكثر من الحزن الذي .. ما ينتهي عزفه


تعبت من الوعود ..من الصديق الطيب المحتال
تعبت أعرف كل اللي .. تعرف الناس بالصدفه


تعبت من العدو اللي عجز..يدخل معي بقتال
تعبت من الظلام اللي قتلت ..و لا لاقى حتفه


تعبت أسأل من المخطي ..؟ تعبت أردد الموال
ما دامك ما سقيت الزرع.. مالك حق في قطفه


تعبت القى الجواب المقنع اللي ما عليه جدال
تعبت القى .. طريق ما يكون بأخرة شتفه


تعبت اضفي على صوت الحبيبه وردتين وشال
تعبت اسمع صدى شامت يردد طاحت الغدفه


تعبت أغازل البسمه على ثغر البكا تختال
تعبت أشوف شوفي ينهزم .. رغما على انفه


تعبت أجامل أيامي .. ولو ورتني الأهوال
تعبت أقول .. عن حمل ثقيل ..اتفه من الاتفه


تعبت أهز راسي غيظ ! والقى في يدي اغلال
تعبت أسير خلف الوهم .. ولو غيري ركض خلفه


تعبت أشد و انزل .. ما ظهر لي طيب المنزال
تعبت من الدروب اللي مشيت ..و كلها صلفه



تعبت ارسم حروفي شمس وألمح بالوجيه ظلال
بعض ناس تعرف النور..بس تقول ما تعرفه


تعبت وقلت كل اللي اظنه " يا فهد " ينقال
تعبت ابغى القط أنفاسي..اذ لابد من وقفه
- مساعد الرشيدي

مساعد الرشيدي شاعر فذّ وقصائده أرى أن قراءتها لمرة واحدة لا تكفي
الأجدى قراءتها لمرتين الأولى للإستمتاع بالمعاني الظاهرة والثانية للتنقيب عن المعاني الخفيه بين السطور

‏"عمرك ثمين . . ولا تضيع حياتك
‏بـ أشياء ماتسوى من العمر ساعه

‏ لاتبلش بشيٍ . . مع الوقت فاتك
‏وحاول تعيش اللي بقى عن قناعه"

للعظة والعبرة :

إذا لهذي المرحله بيت فهو لمحمد السكران لما قال :

والله ماحصّلت من ياخذني بيده
بـ لحالي أصادم الأيام بـ لحاليّ

عساها الروحة اللي ما تجيبك للأبد و أنتي
‏على جرحي تجرأتي و تجاوزتي معاي الحد

‏تماديتي! و هان اللي عليه ف يوم ما هنتي
‏وأنا أشوف الخطا منك بعيني كل شي أنهد

‏هقيتي بأنك الأقوى .. وأنا أحبك و هيّمنتي
‏وأنا اللي ما أنخلق مثلك ولا غيرك يجي لي ند

‏توقعتي غباءاً منك(جرحي سهل) ! و أيقنتي
‏بأني مثل ما شلتك في قلبي أتركك و أصد

‏عطيتك لين من كثر العطا فيني .. تهاونتي!
‏وأنا اللي الشمس في يدك وضعها والقمر في يد

‏ووقتٍ كنت لك أمن، وملاذ، وحُب، وش كنتي؟
‏سوى خوف و كثير طعون لا تحصى ولا تنعد

عمَاني الحُب لا أشوف الحقيقة لين بيّنتِي
‏وصفعة كانت لقلبي على غفلة! مهي للخد

‏حسايف كيف عن ظاهر بياضك لي تلوّنتي
‏وقلبك مخفيٍ شره! وأنا اللي كنت أظنه ود
- عادل العصيمي

" أنا لو حطّوا الدنيا بـ كفّي عشان أنساك
رميت الكفّ والدنيا وجيتك قاطعٍ كفّي"

كل عام وانتم بخير♥️
أبيات #العيد

واللي تمـرّه ضحكتينك يباهي..
نور الصباح وطلة الورد والعيـد"

‏" والله إن العيد دكة خطاك
‏والفايزين عيونك وتبسامك "

أعايدك من قبلهم " شيّ مرغوب "
‏وأعايدك من ضمنهم " شيّ كايد "

‏قبل نهار العيد مع جِدّة الثوب
‏والطيب ، والحنّة ، ولبس القلايد

‏نوبٍ أقول إليا طْلعت شمسه ونوب
‏أقول لو غيري سبقني وعايد ؟!

‏" مْباركٍ عيدك "ولا هو بماجوب
‏الواجب أكبر من كلام وقصايد
- سمو

" ما هوب عيد ٍ ما سمح لي بلاماك
‏عزي لعين ٍ .. شوفها ما يحوفك
‏يعتادني عيد الشقاء .. يوم فرقاك
‏و يعتادني عيد الفرح .. يوم أشوفك "

‏"دخيل العيد وأفراح القلوب وشوفه الغالين
‏على كثر إزدحام البال خليني على بالك"

عيدك مبارك وكل عام المشاعر تجري
‏ما توّقفها الظروف ، ولا قليل الجيّة

‏والله إنْك أوّل من أبارك له ومن يطري
‏ووالله إنّك ما أنت حول العالم المنسيّة

‏العيادي منّك " صْوّرٍ " تفرّح صدري
‏خذْتها منّك وأنا الي ما اخذ العيديّة ..
- سمو