عن كل نجم ظهر بسدل أجفاني
لعل ما عيش حزني لحظة غروبه

وعن كل خلٍِ طويل الصمت كفاني
الصاحب اللي قليل الهرج عذروبه

وعن كل ثوبٍ جديد باالبس أكفاني
وأدله ولا ألقى رسايل هم في جيوبه

أنا الجفا ليه أخاف الناس تجفاني
وأنا الحبيب الذي من يعشق عيوبه

راعي الوعد وأن صدق مرة ولاقاني
يحتار بين السراب وقلب محبوبه

يامن عذابه يشققني ويرفاني
فرقاك غصب علي بالحيل مكتوبه

خبرت نصف تعب من نصفه الثاني
بعضي الرماد وبعضي نار مشبوبه
- البدر

"وأنا أحسب إني في فراقه تشافيت
وان عبرتي من مدخل الزاد زاحت

اللي يحسب إني على البعد سجيت
والا ان عيوني للرقاد استباحت

ياليتني من قبل لا أحبه اقفيت
والا ان دروبي عن دروبه تناحت

أهون علي من البكى والتناهيت
وأشلا من سدودٍ على الناس باحت"

عليه اللوم ودموع الهقاوي والسلام الحار
‏كثر ماكان في صدري حكي قاسي ولا قلته

أحنّه لا يحز بخاطره لومي رغم ما صار
وتجاهلت الشعور اللي تسبب فيه باسئلته

لفظ كلمة مغشّيها الظلام ولاحقتها النار
خذت معها الصور والذكريات وكبر منزلته

هقى بي هقوةٍ دوني وأنا فوق الكلام العار
طغى يحسبني اتساهل ولكن ما تساهلته

رميته بالفراق الواضح اللي ما عليه غبار
وغسلت ايدي وقلبي من هذاك اليوم غاسلته

بيفقدني وياكله الندم وبتوجعه الافكار
وأنا جعل الله يقطعني اذا في يوم واصلته
- مرام القحطاني

‏"أنا قادر أقول إني أحبك وأقصر المشوار
‏ولكن العذاب اللي مع شرواك يحلالي"

"أنا عايش بعد عينك
مثل موطن بلا ضحكة بلا جيران
مثل جذع إمتلى وحدَة
وبكى من وحشة الأغصّان"

"ماكل ساكت ما على خاطره شيء..
ولا كل صرخات الحناجر لها صوت"

‏ما عاد أبي لك عذر وقت العذر طافك
‏جيتك أودّع زمن..ما جيتك أردّه
- فهدالمساعد

"‏أحبك وانت تدري بي بلا تزييف او منّه
‏وعدتك يوم ببقى لك و لو ماعادنا خلان

‏انا باقي على عهدك ولاني غافل عنه
‏وانا النساي ياروحي معك انسى وش النسيان"

"دمعٍ وقف بين الكلام ورحيلك
لو كنت أحسّه ينتصر لي .. ذرفتـه"

‏" أنا لاني طريقٍ ما أحدٍ يصبر على ممشاه
‏ولاني دربٍ أخضر كل من جاني تمشّاني "

"كنت أشوف كفوفك بعيني حنونه
لين ما دار الزمان.. ولوّحت لي"

‏" كل ماطال السكوت بسور صدري طال باسي
‏كني اللي راضي التعذيب من قوّ المضره "

"الليل ياس وذكرياتك مواني
‏متى يكون لقارب الوصل مجداف

‏ومتى يكون لحيرتي والأغاني
‏نسايمٍ تضفي على كل الاطراف

‏تعبت اساير رغبتي والأماني
‏بديت اشك انها من الواقع تخاف"

‏"يالله عسى وجه السنين المقبلة وجهٍ خجل
ما يخطي بحق الآمال و لا يقص أحبالها"

‏"الله كريم يبدّل الجور بإنصاف
يجبر فؤادٍ موجعاته ظروفه "

‏"رد قلبي للدفا للصبح وأحلامي القديمة
‏لليقين إن أجمل أيّام العمر فيما تبقّى

‏للكلام اللي عثت به شر خيبات الهزيمة
‏لين ما خيّم عليه الصمت وحروفه تتقّى

‏ردني للفجر الأزرق يوم للضحكات قيمة
‏تنتشي فيني قصايد حب لو قلبي مشقّى"

‏"ما لك أثر
‏إلا فـبراويز الصور
‏وبذهني الشارد كثير
‏والكرسي الهشّ الكسير
‏ومكان أول لمـّنا
‏مثل ملامحك أندثر"

" ‏ياحزن نفسي على شيٍ تبيه
‏دايم يدين السعادة باخله

‏المكان اللي يبكّي ! لا تجيه
‏لو ضحكت بذكرياتك داخله "

" انا لا اشتقت غصباً عن شعوري ضقت
‏و سرقت من السهر نجمة
‏و من وجه الفرَح بسمة
‏لو دموعي تسابقني..
‏و لو ما طقت ..

‏وعد ، لو ليلة القاهم
‏ابقضي العمر ويّاهم ..
‏و بنسى من الجفا وش ذقت .. "

" كل ما غنّت لك عيوني : أبييك
‏قالت ايديني و انا مثلك بعد "

" ‏غلطتي حطيت عمري في ذراه
‏و خطوتي ماعاد لي عنها رجوع

‏ذنب قلبي باع غيره و اشتراه
‏و ذنبه انه ما حفظ ما بالضلوع "