كم سنة وأنتِ حديث النفس وأقرب من ظلالي
‏لين صرتي أجمل النايات و أكثرها عذوبة

‏يا هلا بك بالضلوع اللي تنادي لك تعالي
‏وأنتِ الذنب الوحيد اللي اقترفت بدون توبة
- عبدالملك الخربوش

" مايلوي ذراع الصبر غير الاقدار
‏أو دعوةٍ نامت بمتن السحابه

‏شيٍ نبيه ويمشي العمر ماصار
‏وشيٍ يصير و ما حسبنا حسابه "

‏"دخيلك لا تحاصرني بين شمس وظلّ
‏أنا مثل القدر، مثل المطر، مثل الشعر: حالة"

انا ما كنت لك عابر أنا اْْول من سعى يرضيك
‏انا الأَوْلَى على قلبٍ نبض بحساسك وباسمك

‏انا من كثر ما أحبك.. احس الحب متعديك
‏وصلت لسابع اجدادك ..أبوك و اهلك و أمك
- الجادل

انسوا الهموم وودّعوا ضيقة الصدر
‏عشر الليال المقبله.. كلها خير

‏لو وافقت دعواتكم ليلة القدر
‏هانت ظروف أيامكم والمقادير
- فهد المساعد

‏" لا ضاق صدري قلت يارب رحماك
‏ياللي بذكرك ينجلي ضيق صدري

‏استغفرك وأتوب لك واطلب رضاك
‏ماغيرك احدٍ عن خفى النفس يدري "

تعوّدتك .. وودّعتك .. وانا مُكره قسم بالله
‏نهبك الوقت من كفّي وضاعت باقي آمالي

‏فمان اللي رعى حبّك من الاهلاً الين الآه
‏يـ وجهٍ من عرفته قد ، دريت انّ ما بيصفالي

‏فمان الله ...
‏ولكن قبل ما ترحل فمان الله !
‏تمهّل لي وخذني ؛ لاا ..
‏تروح وتسفَه اقوالي
- نوف العثمان

على كثر الملام اللي يجيني فيك شفتك غير
‏ولا لحظه توقعت ، بـ يجي لي يوم تخذلني

‏أنا مَ احتاج تتأسف . . . ولا حتى أبي تبرير
‏تعال و كمّل الباقي من الطعنات .. و أقتلني
- عادل العصيمي
‏

‏بما ان #العيد قرّب لابد من التذكير في بيت سعد علوش:
" اهدني أي شيء ، أي شيء لو انه صغير/ الهدايا ماتهم .. المهم احساسها"

‏عطاك الله هالورد ف يدينك وأنحرم ساقيه
‏ولا كان بـ رضا قلبي .. ولكن كانت أقداري

‏وأمانة! .. يسألك ربي عليها، ما تفرّط فيه
‏تحبه مثل ما أحبه ، وأموت إن مر له طاري

‏تفارقنا الفراق اللي ما هو وده وأنا مابيه
‏نصيب وصاب لا تسأل سؤال يزيد بي ناري

‏خسرته والخساير كيف تتعوض وكانت فيه
‏ تباشيرٍ على أعدائي! .. و حزنٍ لأكثر أنصاري

‏أنا لو كان في يدّي أسوي شي .. بـ : أسويه
‏ولا في يوم يتركني وحيد و يسكن أفكاري

‏تعبت أبني به أحلامي وآثاري كنت لك أبنيه
‏حسايف وإتجاهاتي خذتني عكس مشواري

‏عظيم الفقد! فقد اللي معاه العمر كنت أقضيه
‏عشقت الأرض من شانه مثل ما يعشق أشعاري
- عادل العصيمي

اغتنموا فضل هذي الليالي يا حبايبي 🥰

‏ما انتبهت
‏بأمسنا يوم نتواعد
‏ما شعرت ان كان ظلك
‏وقتها مو بس واحـــد ؟
‏كان واجـــــد ..
‏قلبـي واحســاسي وانــا
‏ما شفتنا؟
- الجادل

‏يالله الغفران بالعشر التوالي
‏يا عظيمٍ نرتجي عفوه و خيره

‏ظلنا في يوم نحتاج الظلالي
‏يوم ظلّك مالنا مزبان غيره
- مساعد الرشيدي

‏"أنا يا ربي العبد المحب المبخت الممتن
‏جروحي لك موكّلها و روحي لك مسلّمها"

كان أكثر دُعاء النبي ﷺ في العشر الاواخر
‏اللهُم إنك عفوٌ تُحِب العفو فاعفُ عـنا

‏"يا عسى اللي جاي فرحه
‏ تطوي الأحزان طيّ "
‏- آمين

"أحس اني بديت أتثاقل الخطوة
‏كأن الارض ما تتحمّل اقدامي

‏تسيّرني مقاديري على القسوة
‏مع إني ما قسيت الا على أحلامي

‏مثل ما الموت له سكرة وله سطوة
‏يمر الحزن له سطوة على ايامي

‏عسى هذا الحزن ياخاطري نزوة
‏عسى هذا الشعر مايكسر أقلامي

‏عسى مابيني ومابين الفرح فجوة
‏عسى ماينتهي صبري وأنا ضامي"

" بعد صفو الهوى وطيب الوفاقِ
عزّ حتى السلام عند التلاقي "

‏" لا يردك شي عن ليلة فراقي
‏كان لك قلبٍ تبي تشفي غليله

‏خذ معك خوفي وصبري وأشتياقي
‏وإترك عيوني تشيل اللي تشيله

‏ولا تدور مثل قلبي ما أنت لاقي
‏القلوب اللي مثل قلبي .. قليله "

" دام ربي حط أجر بالابتسامه
‏والله إن أضحك ولو عيّا زماني "

تعبت من القصيد من الجروح من انتظار طال
..تعبت استقبل طعون الزمن و اربت على كتفه


تعبت من الكلام .. من السكوت اللي يهد الحال
تعبت اكثر من الحزن الذي .. ما ينتهي عزفه


تعبت من الوعود ..من الصديق الطيب المحتال
تعبت أعرف كل اللي .. تعرف الناس بالصدفه


تعبت من العدو اللي عجز..يدخل معي بقتال
تعبت من الظلام اللي قتلت ..و لا لاقى حتفه


تعبت أسأل من المخطي ..؟ تعبت أردد الموال
ما دامك ما سقيت الزرع.. مالك حق في قطفه


تعبت القى الجواب المقنع اللي ما عليه جدال
تعبت القى .. طريق ما يكون بأخرة شتفه


تعبت اضفي على صوت الحبيبه وردتين وشال
تعبت اسمع صدى شامت يردد طاحت الغدفه


تعبت أغازل البسمه على ثغر البكا تختال
تعبت أشوف شوفي ينهزم .. رغما على انفه


تعبت أجامل أيامي .. ولو ورتني الأهوال
تعبت أقول .. عن حمل ثقيل ..اتفه من الاتفه


تعبت أهز راسي غيظ ! والقى في يدي اغلال
تعبت أسير خلف الوهم .. ولو غيري ركض خلفه


تعبت أشد و انزل .. ما ظهر لي طيب المنزال
تعبت من الدروب اللي مشيت ..و كلها صلفه



تعبت ارسم حروفي شمس وألمح بالوجيه ظلال
بعض ناس تعرف النور..بس تقول ما تعرفه


تعبت وقلت كل اللي اظنه " يا فهد " ينقال
تعبت ابغى القط أنفاسي..اذ لابد من وقفه
- مساعد الرشيدي