" من راح عني ما تبعته ليا صد
‏واللي تعنّى لجل وصلي لقاني"

أنت الغلا لو مَر بالعمر غاليين
محدٍ قريب القلب وحدك قريبي

والعاشق اللي ضاع مابين الأمرين
أنت حبيب القلب؟ ولا حبيبي ؟
- الجادل

قريب القلب لو هي العين ما توصل
‏قريب شعور كنك في حكاي الهمس
- قمرا

ضمر زولك بعد ما كان فارع يشبع الأسياب
‏ودقّت ساعة العسرة يارب استر خوافيها

‏أحسب إني تداركتك واثرك سيّد الغيّاب
‏سحابٍ مرّ ما أمطر نسته الأرض ونْسيها

‏⁦ #alrazan⁩

كم سنة وأنتِ حديث النفس وأقرب من ظلالي
‏لين صرتي أجمل النايات و أكثرها عذوبة

‏يا هلا بك بالضلوع اللي تنادي لك تعالي
‏وأنتِ الذنب الوحيد اللي اقترفت بدون توبة
- عبدالملك الخربوش

" مايلوي ذراع الصبر غير الاقدار
‏أو دعوةٍ نامت بمتن السحابه

‏شيٍ نبيه ويمشي العمر ماصار
‏وشيٍ يصير و ما حسبنا حسابه "

‏"دخيلك لا تحاصرني بين شمس وظلّ
‏أنا مثل القدر، مثل المطر، مثل الشعر: حالة"

انا ما كنت لك عابر أنا اْْول من سعى يرضيك
‏انا الأَوْلَى على قلبٍ نبض بحساسك وباسمك

‏انا من كثر ما أحبك.. احس الحب متعديك
‏وصلت لسابع اجدادك ..أبوك و اهلك و أمك
- الجادل

انسوا الهموم وودّعوا ضيقة الصدر
‏عشر الليال المقبله.. كلها خير

‏لو وافقت دعواتكم ليلة القدر
‏هانت ظروف أيامكم والمقادير
- فهد المساعد

‏" لا ضاق صدري قلت يارب رحماك
‏ياللي بذكرك ينجلي ضيق صدري

‏استغفرك وأتوب لك واطلب رضاك
‏ماغيرك احدٍ عن خفى النفس يدري "

تعوّدتك .. وودّعتك .. وانا مُكره قسم بالله
‏نهبك الوقت من كفّي وضاعت باقي آمالي

‏فمان اللي رعى حبّك من الاهلاً الين الآه
‏يـ وجهٍ من عرفته قد ، دريت انّ ما بيصفالي

‏فمان الله ...
‏ولكن قبل ما ترحل فمان الله !
‏تمهّل لي وخذني ؛ لاا ..
‏تروح وتسفَه اقوالي
- نوف العثمان

على كثر الملام اللي يجيني فيك شفتك غير
‏ولا لحظه توقعت ، بـ يجي لي يوم تخذلني

‏أنا مَ احتاج تتأسف . . . ولا حتى أبي تبرير
‏تعال و كمّل الباقي من الطعنات .. و أقتلني
- عادل العصيمي
‏

‏بما ان #العيد قرّب لابد من التذكير في بيت سعد علوش:
" اهدني أي شيء ، أي شيء لو انه صغير/ الهدايا ماتهم .. المهم احساسها"

‏عطاك الله هالورد ف يدينك وأنحرم ساقيه
‏ولا كان بـ رضا قلبي .. ولكن كانت أقداري

‏وأمانة! .. يسألك ربي عليها، ما تفرّط فيه
‏تحبه مثل ما أحبه ، وأموت إن مر له طاري

‏تفارقنا الفراق اللي ما هو وده وأنا مابيه
‏نصيب وصاب لا تسأل سؤال يزيد بي ناري

‏خسرته والخساير كيف تتعوض وكانت فيه
‏ تباشيرٍ على أعدائي! .. و حزنٍ لأكثر أنصاري

‏أنا لو كان في يدّي أسوي شي .. بـ : أسويه
‏ولا في يوم يتركني وحيد و يسكن أفكاري

‏تعبت أبني به أحلامي وآثاري كنت لك أبنيه
‏حسايف وإتجاهاتي خذتني عكس مشواري

‏عظيم الفقد! فقد اللي معاه العمر كنت أقضيه
‏عشقت الأرض من شانه مثل ما يعشق أشعاري
- عادل العصيمي

اغتنموا فضل هذي الليالي يا حبايبي 🥰

‏ما انتبهت
‏بأمسنا يوم نتواعد
‏ما شعرت ان كان ظلك
‏وقتها مو بس واحـــد ؟
‏كان واجـــــد ..
‏قلبـي واحســاسي وانــا
‏ما شفتنا؟
- الجادل

‏يالله الغفران بالعشر التوالي
‏يا عظيمٍ نرتجي عفوه و خيره

‏ظلنا في يوم نحتاج الظلالي
‏يوم ظلّك مالنا مزبان غيره
- مساعد الرشيدي

‏"أنا يا ربي العبد المحب المبخت الممتن
‏جروحي لك موكّلها و روحي لك مسلّمها"

كان أكثر دُعاء النبي ﷺ في العشر الاواخر
‏اللهُم إنك عفوٌ تُحِب العفو فاعفُ عـنا

‏"يا عسى اللي جاي فرحه
‏ تطوي الأحزان طيّ "
‏- آمين

"أحس اني بديت أتثاقل الخطوة
‏كأن الارض ما تتحمّل اقدامي

‏تسيّرني مقاديري على القسوة
‏مع إني ما قسيت الا على أحلامي

‏مثل ما الموت له سكرة وله سطوة
‏يمر الحزن له سطوة على ايامي

‏عسى هذا الحزن ياخاطري نزوة
‏عسى هذا الشعر مايكسر أقلامي

‏عسى مابيني ومابين الفرح فجوة
‏عسى ماينتهي صبري وأنا ضامي"