نفوسنا اللي تمل من البطا والقعاد
‏ونختار بالارض قبل الارض تختارنا

‏لو ماعتبرنا بطين المعتمد واعتماد
‏والزاير اللي مانفرح فيه لازارنا

‏نتبع هوى النفس بالدنيا لكن الوكاد
‏انا نعمر لنا دار ٍ مهي دارنا

‏اعمارنا زرعٍ اخضر والليالي جراد
‏ونسجّ واثر الليالي تاكل اعمارنا
- بندر الدويش

‏لا تقول ان الليَالي فرقتنا
‏لا تقول ظروفنا عيت علينا
‏الليالي يوم ودك جمعتنا
‏يوم ودك كل شيٍ في يدينا
- خالد الفيصل

" ظنك يموت الشوق وتمر الأيام
‏ظنك يطيب الجرح ومانذكر بعض؟ "

كل خطوة تتخذها كان دافعها كرامة
‏فعلها عين الصواب ولو تكلّفك الرحيل
- عادل العصيمي

بيت عن قصيدة

‏" لو كان غيمك يبل زهور
ما شالك الريح وأقفى بك "

ما كنت اشوفك بس درب ومشاوير
‏كنت الطموح و كان حلمي أصيرك
- الجادل

‏"يقولون عُمق الجرح.. من حدّة السكين
‏ماقالوا لي أعمق جرح، جرحي من ضمادي"

‏جادك الغيث ياقفرٍ بصدري سناوي
‏له زمن مانبت عشبه ولا سال سيله
‏فيه جرة هنوف وفيه مرقب نداوي
‏وفيه صوت يذكر كل خل بخليله
‏كيف ابسلاك ياوجه من الحسن ضاوي
‏العمى فيه يمكنه يقدي دليله
‏جيت له ناوي وضيعت وش كنت ناوي
‏جيت عابر سبيل وصرت راعي طويله
‏كانت عيونك الشاعر وانا كنت غاوي
‏وكنتي الغايه اللي بررت للوسيله
‏واجد اشباهك اليا عودن للغطاوي
‏ومالك اشباه لامن نقضن الجديله
‏فارقه مثل جدانك بيوم العزاوي
‏ونادره مثل حلم مايجي كل ليله
‏ياجميله الياضاعت كبار الهقاوي
‏دوري لي من اسباب الرضا ياجميله
‏الزمن شح بك وانا ماعرف الرجاوي
‏اعرف اقول تبا لليدين البخيله
‏احسب انا تقاسمنا الغلا بالتساوي
‏ويوم شان الزمن كلٍ عرف وش حصيله
‏قسمها قسم طماعٍ مقاسم حياوي
‏ماقتنع بالكثير ولازهد بالقليله
‏قبلة الروح والايام ماعاد تاوي
‏انجدي روحي المتهالكه والعليله
‏راح عمري وانا للوصل احث الخطاوي
‏ولجلك احارب اعراف ومبادي قبيله
‏مانكسر رمحي الا فوق درع الفتاوي
‏ويش اسوي وانا مسلم واحب الفضيله
‏اه ياقلبي اللي مال جرحك مداوي
‏اسف ان الزمن ماحط بيديك حيله
‏الخيارات في عمري مافيها سماوي
‏وانتي من السماء طهر وبياض وفصيله
‏واجد اشياء في عمري بتبقى مناوي
‏انتي اهمها يالصعبه المستحيله

‏- بندر الدويش
‏⁦ @bdweesh⁩

‏رح مدامك فالجفا راعي مكان
‏هات لي عذر لْغيابك وازهله
‏
‏لاتلد البال لو ردك .. زمان
‏ولا تجاوب عن كثير الأسئله !

‏لا تفكر في شعوري ايش كان
‏قلبي المقفي عَنِه مايزْعله
‏
‏لاتجي هاوي شقى وفاقد حنان
‏العمر عداك .. : لوّ وقفت له !!

‏لو بقى فيني امل فات .. الأمان
‏ياكثر مابي شعور .. وْ اجهله !!
‏
‏لا يغرك حزن قلبي .. يوم بان
‏والله اني ياكثر .. ما قلت له !

‏هاك وعدك مع شعور الأمتنان
‏وكل " دمعٍ " ماعرف وش أوله
‏
‏يا أعظم اللي مر بْي الوقت حان
‏ .. للفراق .. الليّ تعبت .. أتخيله
- إبتسام الشمّري

يارحمن ارحم أرواحٍ على لحظة لقاك تتوق
إليك الأمر كله يرجع وبيديك تدبيره
قصيدة رائعة للشاعر فيصل العطاوي

‏"على قل الأمل ماني بخايف من شديد الياس
أنا خايف أكون اللي صبر ولا نفع صبره"

‏حبيبي طالبك افهم، وحس بخاطري المكسور
‏ترى انت الوحيد اللي، بـ قلبي اهله وناسه

‏دخيل عيونك الحلوه، دخيل احساسك المنثور
‏دخيل الطهر في قلبك، لا يزعل مني احساسه

‏ابد لا تضايقك غيّره وانا في غيرتي معذور
‏ترى حبك على صدري تجاوز حيل مقياسه

‏ابي في قلبك اتملك، واكون الاول المغرور
‏واصير انا غني الحب، وغيري يعلن افلاسه

‏انا الاغلى وانا الاجمل وانا الاكمل وانا المغمور
‏وانا الاجزل وانا الافضل وانا اللي بالوفاء ساسه

‏انا كل الصفات اللي على بالك تجي وتدور
‏انا ذاك القوي اللي شديد البأس في باسه

‏حبيبي حس في قلبي عسى تكشف بقايا شعور
‏تلملم ما بقى فيني، مشاعر حب محتاسه

‏يا اجمل ما خلق ربي، ملاك وصورته من نور
‏ربيع العمر في قربك، هبوب العشق نسناسه

‏على دربك نبت زهرك، الا فاللي خطاه زهور
‏الا يا حي ذا المبسم ، عبير الورد انفاسه

‏رسمتك في حياتي حلم وعشت بلحظتي مسرور
‏مثل طفلٍ رسم حلمه على صفحات كراسه

‏- زياد بن سلام

سقى الله بالعمر ليلة
ظهر في صفوها بدرين
- البدر

" من راح عني ما تبعته ليا صد
‏واللي تعنّى لجل وصلي لقاني"

أنت الغلا لو مَر بالعمر غاليين
محدٍ قريب القلب وحدك قريبي

والعاشق اللي ضاع مابين الأمرين
أنت حبيب القلب؟ ولا حبيبي ؟
- الجادل

قريب القلب لو هي العين ما توصل
‏قريب شعور كنك في حكاي الهمس
- قمرا

ضمر زولك بعد ما كان فارع يشبع الأسياب
‏ودقّت ساعة العسرة يارب استر خوافيها

‏أحسب إني تداركتك واثرك سيّد الغيّاب
‏سحابٍ مرّ ما أمطر نسته الأرض ونْسيها

‏⁦ #alrazan⁩

كم سنة وأنتِ حديث النفس وأقرب من ظلالي
‏لين صرتي أجمل النايات و أكثرها عذوبة

‏يا هلا بك بالضلوع اللي تنادي لك تعالي
‏وأنتِ الذنب الوحيد اللي اقترفت بدون توبة
- عبدالملك الخربوش