على الله يذكرك جرحٍ تناسى في مدى الأحزان
يلوح لك .. يسلم .. يبتسم .. يسأل تذكرتي ؟
مسك يدّك جلس يسرد حكايا كان ياما كان
وقفت سنين منتظرك .. ولكنك تأخرتي
أنا ما كنت مستخسر شعوري لو طلع خسران
خلقت من العدم لأجلك قصيدة بس تكبرتي
- عبدالملك الخربوش
يلوح لك .. يسلم .. يبتسم .. يسأل تذكرتي ؟
مسك يدّك جلس يسرد حكايا كان ياما كان
وقفت سنين منتظرك .. ولكنك تأخرتي
أنا ما كنت مستخسر شعوري لو طلع خسران
خلقت من العدم لأجلك قصيدة بس تكبرتي
- عبدالملك الخربوش
❤2
وأنا على حطة يدك
ثابت .. رغم كل الظروف
رح لآخر دروب الحياة
غيري ولا يمكن تشوف
يا كم تكبدت الشقى
عشاق غابوا و أصدقاء
و شمسي عمت عين الكسوف
و كان الصعايب
هزت أركان اللقاء
أنا اللي:
يزهاه الوقوف
- عبدالملك الخربوش
ثابت .. رغم كل الظروف
رح لآخر دروب الحياة
غيري ولا يمكن تشوف
يا كم تكبدت الشقى
عشاق غابوا و أصدقاء
و شمسي عمت عين الكسوف
و كان الصعايب
هزت أركان اللقاء
أنا اللي:
يزهاه الوقوف
- عبدالملك الخربوش
👍1
سعوديين بالموقف وبالكلمة وبالأفكار
كرامتنا شهامتنا تجلت نخوة وغيرة
عظيمين وعظيمة يا بلدنا والكبار كبار
تسامينا وقدّرنا حقوق القرب والجيرة
سياستنا حكيمة ما يعادينا سوى الأشرار
ومساعينا حميدة في دروب الخير والخيرة
- سعد بن سعود آل سعود
كرامتنا شهامتنا تجلت نخوة وغيرة
عظيمين وعظيمة يا بلدنا والكبار كبار
تسامينا وقدّرنا حقوق القرب والجيرة
سياستنا حكيمة ما يعادينا سوى الأشرار
ومساعينا حميدة في دروب الخير والخيرة
- سعد بن سعود آل سعود
نفوسنا اللي تمل من البطا والقعاد
ونختار بالارض قبل الارض تختارنا
لو ماعتبرنا بطين المعتمد واعتماد
والزاير اللي مانفرح فيه لازارنا
نتبع هوى النفس بالدنيا لكن الوكاد
انا نعمر لنا دار ٍ مهي دارنا
اعمارنا زرعٍ اخضر والليالي جراد
ونسجّ واثر الليالي تاكل اعمارنا
- بندر الدويش
ونختار بالارض قبل الارض تختارنا
لو ماعتبرنا بطين المعتمد واعتماد
والزاير اللي مانفرح فيه لازارنا
نتبع هوى النفس بالدنيا لكن الوكاد
انا نعمر لنا دار ٍ مهي دارنا
اعمارنا زرعٍ اخضر والليالي جراد
ونسجّ واثر الليالي تاكل اعمارنا
- بندر الدويش
لا تقول ان الليَالي فرقتنا
لا تقول ظروفنا عيت علينا
الليالي يوم ودك جمعتنا
يوم ودك كل شيٍ في يدينا
- خالد الفيصل
لا تقول ظروفنا عيت علينا
الليالي يوم ودك جمعتنا
يوم ودك كل شيٍ في يدينا
- خالد الفيصل
جادك الغيث ياقفرٍ بصدري سناوي
له زمن مانبت عشبه ولا سال سيله
فيه جرة هنوف وفيه مرقب نداوي
وفيه صوت يذكر كل خل بخليله
كيف ابسلاك ياوجه من الحسن ضاوي
العمى فيه يمكنه يقدي دليله
جيت له ناوي وضيعت وش كنت ناوي
جيت عابر سبيل وصرت راعي طويله
كانت عيونك الشاعر وانا كنت غاوي
وكنتي الغايه اللي بررت للوسيله
واجد اشباهك اليا عودن للغطاوي
ومالك اشباه لامن نقضن الجديله
فارقه مثل جدانك بيوم العزاوي
ونادره مثل حلم مايجي كل ليله
ياجميله الياضاعت كبار الهقاوي
دوري لي من اسباب الرضا ياجميله
الزمن شح بك وانا ماعرف الرجاوي
اعرف اقول تبا لليدين البخيله
احسب انا تقاسمنا الغلا بالتساوي
ويوم شان الزمن كلٍ عرف وش حصيله
قسمها قسم طماعٍ مقاسم حياوي
ماقتنع بالكثير ولازهد بالقليله
قبلة الروح والايام ماعاد تاوي
انجدي روحي المتهالكه والعليله
راح عمري وانا للوصل احث الخطاوي
ولجلك احارب اعراف ومبادي قبيله
مانكسر رمحي الا فوق درع الفتاوي
ويش اسوي وانا مسلم واحب الفضيله
اه ياقلبي اللي مال جرحك مداوي
اسف ان الزمن ماحط بيديك حيله
الخيارات في عمري مافيها سماوي
وانتي من السماء طهر وبياض وفصيله
واجد اشياء في عمري بتبقى مناوي
انتي اهمها يالصعبه المستحيله
- بندر الدويش
@bdweesh
له زمن مانبت عشبه ولا سال سيله
فيه جرة هنوف وفيه مرقب نداوي
وفيه صوت يذكر كل خل بخليله
كيف ابسلاك ياوجه من الحسن ضاوي
العمى فيه يمكنه يقدي دليله
جيت له ناوي وضيعت وش كنت ناوي
جيت عابر سبيل وصرت راعي طويله
كانت عيونك الشاعر وانا كنت غاوي
وكنتي الغايه اللي بررت للوسيله
واجد اشباهك اليا عودن للغطاوي
ومالك اشباه لامن نقضن الجديله
فارقه مثل جدانك بيوم العزاوي
ونادره مثل حلم مايجي كل ليله
ياجميله الياضاعت كبار الهقاوي
دوري لي من اسباب الرضا ياجميله
الزمن شح بك وانا ماعرف الرجاوي
اعرف اقول تبا لليدين البخيله
احسب انا تقاسمنا الغلا بالتساوي
ويوم شان الزمن كلٍ عرف وش حصيله
قسمها قسم طماعٍ مقاسم حياوي
ماقتنع بالكثير ولازهد بالقليله
قبلة الروح والايام ماعاد تاوي
انجدي روحي المتهالكه والعليله
راح عمري وانا للوصل احث الخطاوي
ولجلك احارب اعراف ومبادي قبيله
مانكسر رمحي الا فوق درع الفتاوي
ويش اسوي وانا مسلم واحب الفضيله
اه ياقلبي اللي مال جرحك مداوي
اسف ان الزمن ماحط بيديك حيله
الخيارات في عمري مافيها سماوي
وانتي من السماء طهر وبياض وفصيله
واجد اشياء في عمري بتبقى مناوي
انتي اهمها يالصعبه المستحيله
- بندر الدويش
@bdweesh
❤5
رح مدامك فالجفا راعي مكان
هات لي عذر لْغيابك وازهله
لاتلد البال لو ردك .. زمان
ولا تجاوب عن كثير الأسئله !
لا تفكر في شعوري ايش كان
قلبي المقفي عَنِه مايزْعله
لاتجي هاوي شقى وفاقد حنان
العمر عداك .. : لوّ وقفت له !!
لو بقى فيني امل فات .. الأمان
ياكثر مابي شعور .. وْ اجهله !!
لا يغرك حزن قلبي .. يوم بان
والله اني ياكثر .. ما قلت له !
هاك وعدك مع شعور الأمتنان
وكل " دمعٍ " ماعرف وش أوله
يا أعظم اللي مر بْي الوقت حان
.. للفراق .. الليّ تعبت .. أتخيله
- إبتسام الشمّري
هات لي عذر لْغيابك وازهله
لاتلد البال لو ردك .. زمان
ولا تجاوب عن كثير الأسئله !
لا تفكر في شعوري ايش كان
قلبي المقفي عَنِه مايزْعله
لاتجي هاوي شقى وفاقد حنان
العمر عداك .. : لوّ وقفت له !!
لو بقى فيني امل فات .. الأمان
ياكثر مابي شعور .. وْ اجهله !!
لا يغرك حزن قلبي .. يوم بان
والله اني ياكثر .. ما قلت له !
هاك وعدك مع شعور الأمتنان
وكل " دمعٍ " ماعرف وش أوله
يا أعظم اللي مر بْي الوقت حان
.. للفراق .. الليّ تعبت .. أتخيله
- إبتسام الشمّري
حبيبي طالبك افهم، وحس بخاطري المكسور
ترى انت الوحيد اللي، بـ قلبي اهله وناسه
دخيل عيونك الحلوه، دخيل احساسك المنثور
دخيل الطهر في قلبك، لا يزعل مني احساسه
ابد لا تضايقك غيّره وانا في غيرتي معذور
ترى حبك على صدري تجاوز حيل مقياسه
ابي في قلبك اتملك، واكون الاول المغرور
واصير انا غني الحب، وغيري يعلن افلاسه
انا الاغلى وانا الاجمل وانا الاكمل وانا المغمور
وانا الاجزل وانا الافضل وانا اللي بالوفاء ساسه
انا كل الصفات اللي على بالك تجي وتدور
انا ذاك القوي اللي شديد البأس في باسه
حبيبي حس في قلبي عسى تكشف بقايا شعور
تلملم ما بقى فيني، مشاعر حب محتاسه
يا اجمل ما خلق ربي، ملاك وصورته من نور
ربيع العمر في قربك، هبوب العشق نسناسه
على دربك نبت زهرك، الا فاللي خطاه زهور
الا يا حي ذا المبسم ، عبير الورد انفاسه
رسمتك في حياتي حلم وعشت بلحظتي مسرور
مثل طفلٍ رسم حلمه على صفحات كراسه
- زياد بن سلام
ترى انت الوحيد اللي، بـ قلبي اهله وناسه
دخيل عيونك الحلوه، دخيل احساسك المنثور
دخيل الطهر في قلبك، لا يزعل مني احساسه
ابد لا تضايقك غيّره وانا في غيرتي معذور
ترى حبك على صدري تجاوز حيل مقياسه
ابي في قلبك اتملك، واكون الاول المغرور
واصير انا غني الحب، وغيري يعلن افلاسه
انا الاغلى وانا الاجمل وانا الاكمل وانا المغمور
وانا الاجزل وانا الافضل وانا اللي بالوفاء ساسه
انا كل الصفات اللي على بالك تجي وتدور
انا ذاك القوي اللي شديد البأس في باسه
حبيبي حس في قلبي عسى تكشف بقايا شعور
تلملم ما بقى فيني، مشاعر حب محتاسه
يا اجمل ما خلق ربي، ملاك وصورته من نور
ربيع العمر في قربك، هبوب العشق نسناسه
على دربك نبت زهرك، الا فاللي خطاه زهور
الا يا حي ذا المبسم ، عبير الورد انفاسه
رسمتك في حياتي حلم وعشت بلحظتي مسرور
مثل طفلٍ رسم حلمه على صفحات كراسه
- زياد بن سلام
❤1👍1