حاربي كل الدروب المستحيلة
‏واجمعيني في ذراك وفي محلّك

‏سولفيلي يا حياتي كل ليلة
‏كل ليلة في حياتي فدوتنّلك

‏ليه مالي بالطويلة والطويلة
‏حقّها واجب من حقوق التملّك
- أحمد البحّا

ااالله الله♥️

راح جل ّ الكلام وطاح كلّ الملام
‏يوم ناديتها قالت لي : عيونها

‏وانا لعيونها اشعل حرب وأعلن سلام
‏كيف عاد العتب واللوم ؟ يفدونها

‏مدري اعجاب والا حب والا هيام
‏حالة ٍ عاد مدري وش يسمّونها !
- سلطان بن بتلاء

اجمل من الشعر وبحوره بحرها الغزير
‏فإحساسها العذب مدري في سواليفها

‏لا قالت يصير قلت اللي تبينه يصير
‏عـوّدتـها تـاخـذ الـدنــيا على كـيفـها
- سعد النصيف

لا سوّلت للنفس خطوات الطريق
‏تنتابني وجهة .. حراويها أرق
‏
‏على شفا المجهول يالصدر الطليق
‏وعلى أمل غيمة .. وبارق ما بَرَق
‏
‏قِدمي من أبواب المسافة باب ضيق
‏محتوم .. ما بيني وبينه مفترق
‏
‏لآخر رمق متماسك الحبل الوثيق
‏لين صارت معظم أحلامي .. ورق

كل الكلام اللي أقوله ما يليق
‏دام السكوت اللي أشيله ما فَرَق
‏
‏الأرض ملّت جهد .. ما عادت تطيق
‏والناس تندا الناس .. ما تندا عَرَق
‏
‏من البحر .. دايم ينجّون الغريق
‏المشكلة باللي على الأرض وغَرَق !
- راكان

تجديد عهد♥️

مساكم الله بالخير🤍

من كثر جيّات حزني احسبوني بنت عمّه
كلّما جاني قلط فالغرفة اللي ما هجرها

عادتي اكرام ضيفي لو نفث فالروح سمّه
البلا انه مـ استحى من جود يمناي وبترها

‏ضاعت مداهيل فكري في خِضمّ الزحام
‏افكاري أحيان ما تمشي على كيفها

‏صح الله لسانك ومبدع والى الامام
‏لا بُد ما يدفع الشاعر تكااليفها !

‏ولولاك يا سيدة قلبي لحقني ملام
‏نقادة الناس وش يمنع سواليفها ؟

‏جادت بك الارض مدري جاد فيك الغمام
‏يا درةٍ تبهر الشاعر .. تواااصيفها !

‏الطف من الغصن واشدى من هديل الحمام
‏ويُخشى علينا هدوها من عواصيفها (:

‏ريانة العود ما فالعود هذا قوام
‏الا نفوسٍ هدب عينك مواليفهااا

‏في عينك الواسعه منفى ومصدر غرام
‏ابحرت في بحرها وايّست من سيفها

‏اوصافك الجوهريه فوق كل الكلام
‏بانت عليّ وعلى غيري معاريفهاا

‏مسك البدايه تبسّامك ، ومسك الختام
‏"احبك " اليا تبدّت لي مشاااريفها
‏-أحمد بن تركي

‏"في عينك الواسعه منفى ومصدر غرام
‏ابحرت في بحرها وايّست من سيفها"

عرفت أن النقي لا استغفلوه الناس ماينلام
‏ما يفهم في حيالات الضعوف إلا ممارسها
‏- مشعل الزعبي

" اطرقيني يالهبوب اللي علاجي في مهبك
‏ودي أمرض منك نوبه وآتشافى منك نوبه "

‏مع مغيب الشمس يسدَل ليل وتْعذّب قلوب
‏ذكرياتٍ كل يوم تعيد شنّ هْجومها

‏كلما هبت علينا من طواريّك هبوب
‏قمت اناظر في سما الفرقى واعد نجومها

‏لاح لي بدر التمام وقلت يالظبي اللعوب
‏ما كفاك انك من العشاق تسرق نومها؟!

‏كنت اشوفك شخص طاهر ما تدنسه الذنوب
‏لين طحت من الجنان وكلت من زقومها
- عبدالله

جميلة جدًا جدًا

انا في زحمة ايامي نسيت آعيش
مضى عمري وانا اجهل نبرة احساسي

صبحكم الله بالخير آل قصيدة

احرصوا على الإجتهاد في هذا اليوم، وفقنا الله واياكم