اللهم صلِّ وسلم على نبينا محمد

اكره لي اشياء تعجب الناس واموت
‏فـ اشيا كثيره مايحبونها الناس
- سلطان عباس

ماذبحني نهار السبت قدام بابه
‏غير تلويحته والنظرة المستجيره :(

صبحكم الله بالخير🤍

من غيبتك وآنا على حطة يديك
لا الصدّ نسّاني ولا الحبّ انعدم

خذني من يدين الحنين لراحتيك
واستوقف اللحظات يا أعذب ندم

من مطلع الشمس لتواريها احتريك
والشوق ولّع جوف صدري واحتدم

الخطوة اللي تاخذ العاشق إليك؟
يااااكم رجيت اترك بها جرة قدم

وان ظلت دروبي؟ ابرجع واهتديك
ما زلّ قلبٍ في مداهيلك صدم

آنا على بهجة محيّاك افتديك
وابيع شاريني واصلّح ما انهدم

جيتك لجل ابداك ماجيت انتهيك
لولا الغلا ماجيت صوبك من عدم

خسارتي لك من قبل ما افوز فيك
-ماقيّد الحرّه سوى هذا الندم-
- مها

كيف أناظر وجنتك وأسجّ عنها؟
‏وأنتي الكحل بعيونك ينتبه لك!!

‏لك خطاوي ماتملّ الأرض منها
‏ اِمشي بقلبي على مهلي، ومهلك

‏واِمسكي كفوفي؛ ترا كفوفك وطنها
‏ماعذرتك لو تعذرّتي بجهلك

‏كل لحظة جنبك أعرْف وش ثمنها
‏- أصعب الأيام عوّضّـته بـ سَهل
- فارس فايح

حاربي كل الدروب المستحيلة
‏واجمعيني في ذراك وفي محلّك

‏سولفيلي يا حياتي كل ليلة
‏كل ليلة في حياتي فدوتنّلك

‏ليه مالي بالطويلة والطويلة
‏حقّها واجب من حقوق التملّك
- أحمد البحّا

ااالله الله♥️

راح جل ّ الكلام وطاح كلّ الملام
‏يوم ناديتها قالت لي : عيونها

‏وانا لعيونها اشعل حرب وأعلن سلام
‏كيف عاد العتب واللوم ؟ يفدونها

‏مدري اعجاب والا حب والا هيام
‏حالة ٍ عاد مدري وش يسمّونها !
- سلطان بن بتلاء

اجمل من الشعر وبحوره بحرها الغزير
‏فإحساسها العذب مدري في سواليفها

‏لا قالت يصير قلت اللي تبينه يصير
‏عـوّدتـها تـاخـذ الـدنــيا على كـيفـها
- سعد النصيف

لا سوّلت للنفس خطوات الطريق
‏تنتابني وجهة .. حراويها أرق
‏
‏على شفا المجهول يالصدر الطليق
‏وعلى أمل غيمة .. وبارق ما بَرَق
‏
‏قِدمي من أبواب المسافة باب ضيق
‏محتوم .. ما بيني وبينه مفترق
‏
‏لآخر رمق متماسك الحبل الوثيق
‏لين صارت معظم أحلامي .. ورق

كل الكلام اللي أقوله ما يليق
‏دام السكوت اللي أشيله ما فَرَق
‏
‏الأرض ملّت جهد .. ما عادت تطيق
‏والناس تندا الناس .. ما تندا عَرَق
‏
‏من البحر .. دايم ينجّون الغريق
‏المشكلة باللي على الأرض وغَرَق !
- راكان

تجديد عهد♥️

مساكم الله بالخير🤍

من كثر جيّات حزني احسبوني بنت عمّه
كلّما جاني قلط فالغرفة اللي ما هجرها

عادتي اكرام ضيفي لو نفث فالروح سمّه
البلا انه مـ استحى من جود يمناي وبترها

‏ضاعت مداهيل فكري في خِضمّ الزحام
‏افكاري أحيان ما تمشي على كيفها

‏صح الله لسانك ومبدع والى الامام
‏لا بُد ما يدفع الشاعر تكااليفها !

‏ولولاك يا سيدة قلبي لحقني ملام
‏نقادة الناس وش يمنع سواليفها ؟

‏جادت بك الارض مدري جاد فيك الغمام
‏يا درةٍ تبهر الشاعر .. تواااصيفها !

‏الطف من الغصن واشدى من هديل الحمام
‏ويُخشى علينا هدوها من عواصيفها (:

‏ريانة العود ما فالعود هذا قوام
‏الا نفوسٍ هدب عينك مواليفهااا

‏في عينك الواسعه منفى ومصدر غرام
‏ابحرت في بحرها وايّست من سيفها

‏اوصافك الجوهريه فوق كل الكلام
‏بانت عليّ وعلى غيري معاريفهاا

‏مسك البدايه تبسّامك ، ومسك الختام
‏"احبك " اليا تبدّت لي مشاااريفها
‏-أحمد بن تركي