" ما يضام شعور قلبٍ شاف بك ضيّه ونوره
وما تضيق حدود حبّه لو شعور الكون يفنى"

معادلة الحياة البسيطة ترجمها لنا مساعد الرشيدي بـ :
" اللي يحبك بالكلام حبه على قد الكلام
واللي يحبك بالفعل حقق لـ عينه ما فَعل "

" والله أنك في ذرى وجهي وجاهي
‏من صدوف الوقت والدنيا وأهلها "

" لا ينثني عزمك بقولة مايصير
‏‌دور على اللي مايصير و عانده "

‏"يوم سيفك سيّل الدمع من باب العيون
‏مابقى لي من دروعي سوى راحة يدي"

‏لو مرك القلب يشكي ضيقة الخاطر
‏قولي له النفس .. منهيه و مأمــوره

‏الحزن لو هـو يمـر .. بـ مجمله عابـر
‏ما يستديم الشعـور .. الا و لـه دوره

‏مصير الايام .. يضحـك وجهها باكـر
‏و يفز غصن الرجا لعيون عصفوره !
- مشعل بن حثلين

‏من كثر ماحبّه وانا مقتنع فيه
‏متأكد انّه لا دعا له دعا لي
-عبدالله الحربي

آمين

إليا بغيت اسامحك ينتفض جرح
‏ويلوذ في وجه الكرامه وأعيّي
- سليمان المانع

" عسى وجهٍ مثل وجهك ملاه النور
‏أشوفه طول عمري ضاحك وراضي "

‏" وقفت بناصية ليلة وداعك من عناد وباس
‏مواقيف النشامى لا تحامت دون اساميها "

‏" لا تغرك سَطوة القلب الحنون و قوّ باسه
‏والله إن لذات عمري زيف و دروبي طويله "

" تضيق الصدور ورحمة الله تفك الضيق
‏وانا في رجاء رب المخاليق .. سبحانه "

‏"ما كنك إلا مرحبّا في عين زيزومٍ كريم
‏لفاه من عقب البطا من صفوة الدنيا خوي "

" اللي فرش لي رمش عينه على القاع
‏ماله جزى إلا وسْط صدري أشيله "

" أنت الوحيد اللي كفاني عن الناس
‏و أنت القريب برغبتي واختياري "

" احذر تصك الباب في وجه من جاك
‏واحذر تبيع إنسان بالوقت شاريك

‏ﻻتحقر اللي بالليالي يبي رضاك
‏ولا تشري اللي بالزمن مايدانيك "

‏" بعد كل الجروح اللي من يديه الا إني
‏مازلت أداريه و اخشى عليه اللوم واحنّه "

على الله يذكرك جرحٍ تناسى في مدى الأحزان
‏يلوح لك .. يسلم .. يبتسم .. يسأل تذكرتي ؟

‏مسك يدّك جلس يسرد حكايا كان ياما كان
‏وقفت سنين منتظرك .. ولكنك تأخرتي

‏أنا ما كنت مستخسر شعوري لو طلع خسران
‏خلقت من العدم لأجلك قصيدة بس تكبرتي
- عبدالملك الخربوش

" اكذب عليك ان قلت لك روح مابيك
‏عمرك سمعت بعين ترمي نظرها ؟ "

"عسى الله ياخذ الفرقى لدربٍ ماتجيه خطاك
‏وأعيشك من هنا لأخر حدود القلب وسنيني"