جدًا جدًا بعد

آتحرّى العيد في طلعة هلالك
‏يوم كلٍ في مصلى العيد صلّى

‏في لثامك ليل ما غطّى جمالك
‏مدري وجهك نور والاّ صبح والا

‏أدري إن الليل مهما كان حالك
‏ما يحجب البدر لا منه تجلّى
- سعود مهدي

" على وجهك أنا و أكبر مطاليب الحياة ندور
‏وش العيد بدونه يا أعذب أشيائي و أوّلها؟ "

لو ما لصوتي باب يابهجة العيد
‏غنّيت لك .. لو سور الايام عالي

عمري قصايد واغنيات ومواعيد
يوم الكتابه موطني وارتحالي

العيد يا ابن العيد يكفي بتغريد
طير الحنين بصدر غالي لغالي

وانا امدّ لك قلب مآ مدّ لك ايد
ودي اعيش العيد لو في خيالي
- عاطف الحربي

لو ما لصوتي باب يابهجة العيد
‏غنّيت لك .. لو سور الايام عالي

عمري قصايد واغنيات ومواعيد
يوم الكتابه موطني وارتحالي

العيد يا ابن العيد يكفي بتغريد
طير الحنين بصدر غالي لغالي

وانا امدّ لك قلب مآ مدّ لك ايد
ودي اعيش العيد لو في خيالي
- عاطف الحربي

‏خلّ الكلام اللي من العيد للعيد
‏صدورنا ماهي من الشوق خَليا

‏معك الليالي والصدف والمواعيد
‏جميعها أعيادي من الألِف لـ اليا (؛
- محمد المطيرات

راااائعه ♥️

هالثريد عن أبيات العيد
أجمل ثريد مرّ علي، فيه ابيات جديدة ماهي بالقناة مرّوا عليه
https://twitter.com/d1111u/status/1647789390322606080?s=46

وهذا يا بنات ثريد رااائع

https://twitter.com/octobeer26/status/1649095735357456408?s=46

نكتفي بهذا القدر يا أحبه♥️

ما اكتفينا

‏يعْرفك هذا النهار وتعْرفك حسرات غِيده
‏مثل ما تعْرف ليالي الشوق شرهات المنادي

‏لا رماكِ النور في درْب النهايات السعيده
‏تستحي منك الحياديه ويخشاك الرمادي

‏أنتِ ما زدتي على إنّك جيتي بحلّه جديده
‏بعدها صار الحضور المحتفى فيه اعتيادي
‏
‏كلّ عام الحسن يفرض كلمته ويعيد عيده
‏مشهدٍ ثابت مثل فرحة طفل من "العيادي"

‏تقبلين ويضحك الدمع في عيونٍ مستفيده
‏قبل ما تنْبس شفاه الريح عن غامض مرادي

‏قبْل حتى تغْزل الشمس بسناها لك قصيده
‏من تشفّاق العيون، إلين لهفات الأيادي

‏كم يكلّفني الحضور الصاخب بلذّة وعِيده
‏يوم أحاول أظهِر إني هادي ومانيب هادي

‏مشهدٍ -عادي يفوت العمر كلّه يوم أعيده-
‏العمر ما يرخص إلاّ لمشهدٍ ما هوب عادي
- ماجد النفيعي

تفوز بمسمى -قصيدة العيد-

جميلة جدًا جدًا

كل عام وانتم بخير آل قصيدة الغالين ♥️♥️
تقبّل الله منا ومنكم صالح الأعمال

تْسولف لحزن الليال المواعيد
‏اللي خذت ثلثين الاحلام منها
‏
‏واللي صباح العيد احلى من العيد
‏وشلون اسولف للصباحات عنها؟♥️
- نايف مطر

صبحكم الله بالخير♥️

"موميٍ بسنين عمري لقصاف العمار
‏بين دنّاقة عزاها وضحكة عيدها " ♥️

وجهك تسابيح الفرح والمسرات
‏صبحٍ يحط العيد الأكبر بكمّه♥️
‏-عايض الظفيري

صبحكم الله بالخير🤍

سولفي دام الدقايق ما تملّك
‏لا يكون معاتبك اول قرارك

‏مارجعت الا بطفّي جمر غلّك
‏واسترق ضيقتك وانادم زرارك

‏استبيحي كل شيء بجوف خلّك
‏واكشفي له ما ورا لذّة خمارك

‏ياكثر ما اشتاق لـ ادقاقك وجلّك
‏ولـ مساء غرّتك ولطلّة نهارك

‏ماورا عوج الضلوع الا محلّك
‏ذي مرابيك القدام وذاك دارك
- عامر بن مبشّر