كل عام وضحكتك حلوة وأيامك سعيدة
‏حتى لو مرت ليالينا وأنا ماني معاك

‏يا ضيا الدنيا وسناها يا عسى أعوامك مديدة
‏كل دعواتي قبالك ..كل آميني وراك

‏القصيد بدون وجهك ليه نقراه ونعيده؟
‏والزمن يبهت شعوره لو حرمته من هواك

‏اذكريني لا سمعتي أغنية وإلا قصيدة
‏لو نسيتي من يحبك من يحبك ما نساك
- عبدالملك الخربوش

"القصيد بدون وجهك ليه نقراه ونعيده؟
‏والزمن يبهت شعوره لو حرمته من هواك" ♥️

واللي تمـرّه ضحكتينك يباهي..
نور الصباح وطلة الورد والعيـد"

‏" والله إن العيد دكة خطاك
‏والفايزين عيونك وتبسامك "

أعايدك من قبلهم " شيّ مرغوب "
‏وأعايدك من ضمنهم " شيّ كايد "

‏قبل نهار العيد مع جِدّة الثوب
‏والطيب ، والحنّة ، ولبس القلايد

‏نوبٍ أقول إليا طْلعت شمسه ونوب
‏أقول لو غيري سبقني وعايد ؟!

‏" مْباركٍ عيدك "ولا هو بماجوب
‏الواجب أكبر من كلام وقصايد
- سمو

" ما هوب عيد ٍ ما سمح لي بلاماك
‏عزي لعين ٍ .. شوفها ما يحوفك
‏يعتادني عيد الشقاء .. يوم فرقاك
‏و يعتادني عيد الفرح .. يوم أشوفك "

‏"دخيل العيد وأفراح القلوب وشوفه الغالين
‏على كثر إزدحام البال خليني على بالك"

‏"مساء العيد الأول يا عيونٍ مالها إلا العيد
‏طويت لشوفها كل الدروب وجيت ضاميها"

" من جعل نظرة عيونك عيد وإن لدّت مضرّة؟
‏من سرق دهشة عباد الله واختصك لحالك "

‏"ياجعل عيدي معك في كل عام يعود
‏والله يعيده عليك بكل عامٍ معي "

‏"عيدك أنا وأيامي الي معك عيد
‏ولاشفتك العيد السعيد يتبارك "

"باقي من الروح طفلٍ ، ينتظر فجر عيد
‏عشان طفلة حياته .. تبدي إعجاابها" :(🤍

كل عام ووجهك يزف التهاني
‏تبتديه وتنتهي منه الأغاني
‏كل عامٍ حكوة الحاكين عنّه
‏كل عامٍ تشرق الدنيا على عيدين لأنّه،
‏من فرحه، وبهجته، وإفراط حسنه:
‏عيد ثاني ..
- ماجد النفيعي

"لو يسبقوني بالمعايد والسلام
‏ما يسبقوني بالضمير وبالحضور

‏يعايدونك بالرسايل والكلام
‏وأعايدك من قلب وإحساس وشعور

‏أنت البدايه والنهايه والختام
‏خذني من أول نظره ليوم النشور

‏عيدك مبارك كل عيد وكل عام
‏وعيدي بدونك من دبورٍ في دبور"

طل صبح العيد و عيونك عيادي
‏لا تلومين المولّع في صنيعه

‏فتنتي من عقب ما طوّل سهادي
‏توّ عمري بان صيفه من ربيعه

‏اقبلي بين التحفّظ و التمادي
‏المواصل بعضه احلى من جميعه

‏كيف احسّ بغربتي ؟ و انتي بلادي
‏و كيف احس بضيق ؟ وعيونك وسيعة
- محمد بن ماجد

الله الله الله♥️

"عيديّتي : ضحكاتك اللي أبيها ،
‏و احبْ عيدي لا تزيّن بـ وصلك

‏و العاده اللي ما أناقشك فيها :
‏محدٍ يشاهد كشخة العيد قبلك"

والعيد باكر ، يا ضوى العيد كلّه
‏يشبهك بهجة وابتسامة وتذكار

‏لله ، سلام و نظرة عيون ، لله
‏يا آسرة قلب و مشاعر وأنظار ..

‏على رغم ان المهنّين : قلة ..
‏معاك احسّ اللي يحبوني : كثار
- سعد يحيى

جميلة جدًا♥️

جدًا جدًا بعد

آتحرّى العيد في طلعة هلالك
‏يوم كلٍ في مصلى العيد صلّى

‏في لثامك ليل ما غطّى جمالك
‏مدري وجهك نور والاّ صبح والا

‏أدري إن الليل مهما كان حالك
‏ما يحجب البدر لا منه تجلّى
- سعود مهدي