" ما تخيب الدعوه اللي لها ربٍ قدير
‏ يا تجيكم بأعظم الخير .. يا تدفع اذى "

مساكم الله بالخير♥️

تهناكم الرحمة يا أهل نجد

يبغى يبلل شعرك ويفترضك إفتراض
‏ولاَّ يجدل مساك وياخذك بالحضن

‏هذا المطر كلّما سِيَّل حنيفه وفاض
‏قال لسحابه تدلَّل يا سحاب وتمنّ

‏إن قاده الوسم قيّل في شعيبك وراض
‏وإن حده الشوق جاء يمك دخيل و زبنّ

‏من يامن المزن لا عدَّى وقلتي تغاض
‏لا يحسب انِّه ثراك ويحسب إنِّك مزن
- مساعد الرشيدي

❤️‍🩹.

ليلة وتريه يُرجى أن تكون ليلة القدر ، أسأل الله بمنه وجوده وكرمه أن يجعلنا وإياكم من المقبولين فيها وأن يحقق دعانا ودعاكم♥️

يارب انا عبدك اللي ضاق بي ثوبي
‏وان جيت امد النظر ضاق الخلا الخالي

‏تقصيري بطاعتك هو اكبر عيوبي
‏وانت الرحيم اللطيف الرازق الوالي

‏دام اكثر الناس يمكن يغفر ذنوبي
‏وشلون اجل مغفرتك ولطفك بحالي
- بندر الدويش

-مهم-

اخشّ اسمك عن اطراف الحديث وتفضحه دعواي
‏وتهتف له عروق القلب وتجدّد له البيعة
- عبدالله السبيعي

منطفي والله ماهي هدأة سكينه
‏حتى هذا الأمر يدعو للغرابه

‏لو أغيّر ناس،وشعور، ومدينه
‏الرحابه نفسها بحاجة رحابه

‏ليت من ينفض هذا الحزن بيدينه
‏مثل ما ينفض غبارٍ عن ثيابه

‏يوم أشوف أعباء الأشياء الحزينه
‏لي حزن وباقي الحزن يتشابه

‏حاجةٍ تبقى وراء النفس الرصينه
‏ما تروح إلا بدعوه مستجابه
- ماجد النفيعي

ياربّي أنا ضعفت وضعف الإنسان شين
‏وتعبت من حاجةٍ " تسلبني إرادتي "

‏اعتقني مْن الشُعور الي ماهو فـاليدين
‏ومن دمعةٍ ما شهدها غير " سجّادتي "
- سمو

يارب غصنٍ بـ صدري لو لمسته وقع
‏أرسل لي مْن الغمايم ما يبلّه وأعيش..
‏ٓ
‏وأزرع بصوتي سوالف ما سقاها وجع
‏من ضحكة الغيم، والا من حمامٍ وريش
‏ٓ
‏لو يلمح الصبح دمعٍ في كلامي، رجع.
‏لو يرجع النور، ليلٍ في خيالي يطيش!
- بدور

مرحبا آل قصيدة♥️

كعادتنا كل عيد نتشارك ابياته

ابعيد تحويل القديم من الأبيات واشارككم الجديد منها، شاركوها من تحبون♥️

‏اضحكي.. يعلنون العيد حوطة سدير
‏زيحي الجمر عن دِرّه، يهل الهلال

‏لجنة الرصد ، ترقب طلّتك من عصير
‏مالهم لا تجلّيتي عذر ، يا دلال!

‏انثري الملح ويذوب الشذى بالعبير
‏علّمي جاهلين الغيّ معنى الجمال

‏باديٍ من خلاف الشال بدرٍ منير
‏مشعل النور ما يحجب سناه الجلال

‏بين رمشٍ شطير وبين طرفٍ خدير
‏كم من عقل خَف، وكم من قلب سال؟

‏يستريح الفرزدق كثر راحة جرير
‏عينك أفصح حديث العُرب "شعر ومقال"

‏انتي الدهشة اللي مالها حَد أخير
‏وامتزاج الحقيقة في محال الخيال

‏يبتدون العذارى حولك الحكي، مير
‏ينتهي لا لفحتي بالجديل .. الجدال
- مناحي

تجديد عهد بمحبوبتي هذه♥️
ياحظ كل دلال بها