يقبل الليل بانواع الملل والرتابه
ويستفز الشعور من اوله لين اخيره
مامع الشاعر اية حل غير الكتابه
واغلب الشعر ما ودى هل الشعر ديره
من يحسب الشعر شي يكبر جنابه
اضعف من انه بنفسه يحدد مصيره
نايف الضلع مايذري على اللي رقابه
يذري اللي جلس بالقاع ماحث سيره
بين قال الله وقال النبي للصحابة
ودي ان قلبي معلق وعيني سهيره
ضاقت الارض واللي في عيونه رحابه
جودوه وبغا يكفخ وعيا جريره
اسر ياليل مالك في رقبتي طلابه
ان تعجلت خير وكانك ابطيت خيره
ماتزعزعني الدنيا وانا راس لابه
تشهد لفعلهم حكام شبه الجزيره
يوم خلوا جنيّح شدةٍ من حرْابه
مابقا مجد ماخلوا لهم فيه سيرة
اشرس البدو واقواهم عزوم وصلابه
لكن نخاف من فرقا العشير لعشيره
خايف اموت من زود الجوى والصبابه
خايف اموت شوق وخايف اموت غيره
خايف اصبح يزيد ان كان غابت حبابه
رغم فرق الظروف امشي بنفس الوتيره
وين وجهك يابو وجهٍ ذبحني غيابه
ودي ابيع ماتملك يدي واستعيره
وجهٍ يخلي وجيه الاوادم تشابه
يضحك ..وكن مايضحك من الناس غيره
مايس القد وان حاكاك قوس الربابه
اعرف انه لقى باقواسك اللي يثيره
وان مشى مشيت هريرة وصبّت سحابه
مانبت عشب الارض الا بمشية هريره
جيت وانت الغريب ورحت الاكثر غرابه
اجوبتك اسئله واكثر سوالفك حيره
ماذبحني نهار السبت قدام بابه
غير تلويحته والنظرة المستجيره
يوم شح الكلام وضاع منه عتابه
عنه عاتبتني لين انه اشفى ضميره
- بندر الدويش
ويستفز الشعور من اوله لين اخيره
مامع الشاعر اية حل غير الكتابه
واغلب الشعر ما ودى هل الشعر ديره
من يحسب الشعر شي يكبر جنابه
اضعف من انه بنفسه يحدد مصيره
نايف الضلع مايذري على اللي رقابه
يذري اللي جلس بالقاع ماحث سيره
بين قال الله وقال النبي للصحابة
ودي ان قلبي معلق وعيني سهيره
ضاقت الارض واللي في عيونه رحابه
جودوه وبغا يكفخ وعيا جريره
اسر ياليل مالك في رقبتي طلابه
ان تعجلت خير وكانك ابطيت خيره
ماتزعزعني الدنيا وانا راس لابه
تشهد لفعلهم حكام شبه الجزيره
يوم خلوا جنيّح شدةٍ من حرْابه
مابقا مجد ماخلوا لهم فيه سيرة
اشرس البدو واقواهم عزوم وصلابه
لكن نخاف من فرقا العشير لعشيره
خايف اموت من زود الجوى والصبابه
خايف اموت شوق وخايف اموت غيره
خايف اصبح يزيد ان كان غابت حبابه
رغم فرق الظروف امشي بنفس الوتيره
وين وجهك يابو وجهٍ ذبحني غيابه
ودي ابيع ماتملك يدي واستعيره
وجهٍ يخلي وجيه الاوادم تشابه
يضحك ..وكن مايضحك من الناس غيره
مايس القد وان حاكاك قوس الربابه
اعرف انه لقى باقواسك اللي يثيره
وان مشى مشيت هريرة وصبّت سحابه
مانبت عشب الارض الا بمشية هريره
جيت وانت الغريب ورحت الاكثر غرابه
اجوبتك اسئله واكثر سوالفك حيره
ماذبحني نهار السبت قدام بابه
غير تلويحته والنظرة المستجيره
يوم شح الكلام وضاع منه عتابه
عنه عاتبتني لين انه اشفى ضميره
- بندر الدويش
❤1
قصيدة
" اشرس البدو واقواهم عزوم وصلابه لكن نخاف من فرقا العشير لعشيره "
هذي الحنيّه مطلوبه بالأوادم
" تفريج الله لكربتك لا يعني بالضرورة زوالها؛ بل يهبك أحيانًا فهمًا جديدًا لها، فينقص في عينك مقدار الخسارة، و تتبصّر أكثر في حياتك، فتزهدُ بالذي لم تستطع بلوغه مع فائق رغبتك فيه. وتصبح أكثر ثقةً بالله متيقنًا أن المنعُ هو منحٌ في جوهره، وبنفسك التي هي أثمن ما تملك "
" ما غبطت من الحياه ابكبرها الا التايب
ماسكٍ درب النجاه و متجه لـ الجنه
ما بكت عينه على شوفة حبيبٍ غايب
ولا مدح له شيخ مال ولا تغير ظنه
شب ما بين العمل والعلم وامسا شايب
يدري انه لو عطى قلبه وجه ما حنه
طامعٍ في جود ربٍ ما يرده .. خايب
ما طمع فاللي تجود ايدينهم بـ المنه "
ماسكٍ درب النجاه و متجه لـ الجنه
ما بكت عينه على شوفة حبيبٍ غايب
ولا مدح له شيخ مال ولا تغير ظنه
شب ما بين العمل والعلم وامسا شايب
يدري انه لو عطى قلبه وجه ما حنه
طامعٍ في جود ربٍ ما يرده .. خايب
ما طمع فاللي تجود ايدينهم بـ المنه "
❤1
بين سكات الفراق وبين جدران المحبه
ابتدى الرحله غريبٍ تاه في بحر الاماني
ماستباح العشق قلب العاشقين بغير سبه
للهوى سهمٍ خطير ومن رمى غيري رماني
يوم وقع جوف قلبي واشتغل مثل المنبه
صرت اعاني من غرابيل الغرام اللي شعاني
للشقى بين الضلوع الحانيه (90) غبه
لو تمر الباخره تاقف وتغرق في ثواني
والعيون الدمع الازرق من شقا قلبي تصبه
تمطر العبرات منها مثل وبل الريهجاني
عاشقٍ لي ريم من ريم الفلا اللي في مربّه
يحتويها من تفاصيل الطبيعه شي ثاني
الموارد غيرها قفرٍ خلا ماحدٍ يطبه
فيه نفحات الخزامى والنفل والقحوياني
للمها قلبي شهر واعلن على الاشهاد حبه
ومع شقى حبه عزف للشوق نغمات الاغاني
يمدح ايام الغرام ايام وايامٍ يسبه
مادرا عن لوعة الفرقا وعن جور الزماني
اجتمعنا يوم مرّينا مداهيل الاحبه
وافترقنا يوم حبل الوصل قصّر فالسواني
رغم مابه من صوابه شاف بان البعد طبه
قلبي اللي في هواها كان مغتر واناني
والنهايه كل من طب الهوا مشكاه ربه
الهوى رمحه عطيب وكل من صابه يعاني
- عاتق
ابتدى الرحله غريبٍ تاه في بحر الاماني
ماستباح العشق قلب العاشقين بغير سبه
للهوى سهمٍ خطير ومن رمى غيري رماني
يوم وقع جوف قلبي واشتغل مثل المنبه
صرت اعاني من غرابيل الغرام اللي شعاني
للشقى بين الضلوع الحانيه (90) غبه
لو تمر الباخره تاقف وتغرق في ثواني
والعيون الدمع الازرق من شقا قلبي تصبه
تمطر العبرات منها مثل وبل الريهجاني
عاشقٍ لي ريم من ريم الفلا اللي في مربّه
يحتويها من تفاصيل الطبيعه شي ثاني
الموارد غيرها قفرٍ خلا ماحدٍ يطبه
فيه نفحات الخزامى والنفل والقحوياني
للمها قلبي شهر واعلن على الاشهاد حبه
ومع شقى حبه عزف للشوق نغمات الاغاني
يمدح ايام الغرام ايام وايامٍ يسبه
مادرا عن لوعة الفرقا وعن جور الزماني
اجتمعنا يوم مرّينا مداهيل الاحبه
وافترقنا يوم حبل الوصل قصّر فالسواني
رغم مابه من صوابه شاف بان البعد طبه
قلبي اللي في هواها كان مغتر واناني
والنهايه كل من طب الهوا مشكاه ربه
الهوى رمحه عطيب وكل من صابه يعاني
- عاتق
رقا الشاعر اللّي عبرته وصلت الحلقوم
وصار المكان بعينه أصغر من الذرّة
يشوف الحياة بنظرة الحاير المهزوم
تقول إن ماله في دروب الفرح جرّة
وقف فوق مرقاب العنا وقفة المهموم
ولا فيه طاري عن فلسطين مامرّه
لمح حسرة الكهل وسمع صرخة المفطوم
ومسح دمعة الخذلان عن وجنة الحُرّة
فتاة العروبة تندب الصامل الزيزوم
يرد البرا وعيونها السود محمرّة
ياهل غزّة العُظمى جفينا لذيذ النوم
وحزن الشعوب أكبر من صدور وازرّه
تموتون تحت أنقاض منزلكم المهدوم
وحنّا نموت لموتكم غبنة وحرّة
تعبنا نشوف الضيم في طفلة المرحوم
تهشّم على مركاه وتقبّل صورّه
اخوي المجاهد لاتسمّع كلام اللوم
ترى الرجل ماله لوم لا ضرّ من ضرّه
مايكبر وياخذ له قدر في عيون القوم
سوى خيّر في الضيق قد جرّبوا شرّه
أنا والله اني ماتوقّعت ياتي يوم
أصادف بداري قاتل محمد الدرّة
- عبدالله ناصر السبيعي
وصار المكان بعينه أصغر من الذرّة
يشوف الحياة بنظرة الحاير المهزوم
تقول إن ماله في دروب الفرح جرّة
وقف فوق مرقاب العنا وقفة المهموم
ولا فيه طاري عن فلسطين مامرّه
لمح حسرة الكهل وسمع صرخة المفطوم
ومسح دمعة الخذلان عن وجنة الحُرّة
فتاة العروبة تندب الصامل الزيزوم
يرد البرا وعيونها السود محمرّة
ياهل غزّة العُظمى جفينا لذيذ النوم
وحزن الشعوب أكبر من صدور وازرّه
تموتون تحت أنقاض منزلكم المهدوم
وحنّا نموت لموتكم غبنة وحرّة
تعبنا نشوف الضيم في طفلة المرحوم
تهشّم على مركاه وتقبّل صورّه
اخوي المجاهد لاتسمّع كلام اللوم
ترى الرجل ماله لوم لا ضرّ من ضرّه
مايكبر وياخذ له قدر في عيون القوم
سوى خيّر في الضيق قد جرّبوا شرّه
أنا والله اني ماتوقّعت ياتي يوم
أصادف بداري قاتل محمد الدرّة
- عبدالله ناصر السبيعي
👍2❤1
ومجاراةً لها قال عبدالعزيز الحجازي :
لا ترقى من همومك على الشامخ المزموم
تراني قبل ترقاه راقيه كم مره
ما عينت في مرقابه إلا سما ونجوم
ولا حولت ضاق الكون في بحره وبره
الاقصى يجيب اقصاي وانا عداي اللوم
مدام الاصايل مالها كره و فره
ولا عاد باقي في عزوم الرجال عزوم
رحى الحرب في راحه ولا هيب مفتره
اشوف العرب في داخل الكوفي المزحوم
من المر اذوق القهوه الحاليه مره
يا شقر المشالح مابقى إلا شيوخ ختوم
تشيل المشالح فوق الأمتان مغتره
سيادة بني هاشم وعزة بني مخزوم
تهشّم وتخزم من تعدى على الحره
يا سيف الوليد اليوم بيد العرب مثلوم
يا درة عمر ماعاد بيد العرب دره
تعزوى عزيزة قوم ليت الرجال تقوم
تحذف اللثام وترفع الصوت وتجره
من الظالم اللي ما اتقى دعوة المظلوم
خذا غرة الاوطان منا على غره
اذا كان ما نقدر نجاهد حليف الروم
بالانفس ، وش المعذار في ثرة الصره
لا ترقى من همومك على الشامخ المزموم
تراني قبل ترقاه راقيه كم مره
ما عينت في مرقابه إلا سما ونجوم
ولا حولت ضاق الكون في بحره وبره
الاقصى يجيب اقصاي وانا عداي اللوم
مدام الاصايل مالها كره و فره
ولا عاد باقي في عزوم الرجال عزوم
رحى الحرب في راحه ولا هيب مفتره
اشوف العرب في داخل الكوفي المزحوم
من المر اذوق القهوه الحاليه مره
يا شقر المشالح مابقى إلا شيوخ ختوم
تشيل المشالح فوق الأمتان مغتره
سيادة بني هاشم وعزة بني مخزوم
تهشّم وتخزم من تعدى على الحره
يا سيف الوليد اليوم بيد العرب مثلوم
يا درة عمر ماعاد بيد العرب دره
تعزوى عزيزة قوم ليت الرجال تقوم
تحذف اللثام وترفع الصوت وتجره
من الظالم اللي ما اتقى دعوة المظلوم
خذا غرة الاوطان منا على غره
اذا كان ما نقدر نجاهد حليف الروم
بالانفس ، وش المعذار في ثرة الصره
ما للبيوت العامره طعْم يا حمود
إذا خلَت في يوم من حسّ شايب
بيبانها طرْما وجدرانها سُود
ويصفق نوافذها قويّ الهبايب
في كل ركن لحزنها اثبات وشهود
علـى فراق مهَوِّنين الصعايب
النادرين أهْل الشرف منْقع الجود
شيباننا اللي يحْسمون الطلايب
إخوان من طاع الولي خير معبود
اللي مكارمهم من الله وهايب
ما يعرفون الزيف في اليُسْر والكود
صدْق وبياض ورحمةٍ للقرايب
ثباتهم في حزة الضيق مشهود
وإيمانهم يزداد عند المصايب
كانوا هنا .. وكان السعَد ماله حدود
وكان الرضا يملا قلوب الحبايب
كانوا هنا .. مفاخر آباء وجدود
ونور وأمان ووقفةٍ فالنوايب
واليوم كل اللي مضى صار مفقود
وَلا بقى غير الجروح العطايب
يا حمود لوّ أبكي سنَه حـزن ..واجود
بدموع فقْدٍ من عيوني سكايب
على الذي ذكْره معَ الناس محمود
الطاهر اللي مثل وبْل السحايب
الوضع غير وما به سهود ومهود
من يوم خلّيناه حدْر النصايب
نهار غابت بسمته ذابت كبود
وشفنا ما عفنا في زمان العجايب
ليت المنايا لا لفت تطلب الزود
ما تاخذ الا الناقصين الزلايب
يا الله يا معْطـي العطا غير محدود
وإيماننا بك ما دخل به شوايب
وأحْسن عزانا فيه يا خير معبود
لولاك ما نصبر بلا حسّ شايب
- سالم القحطاني
إذا خلَت في يوم من حسّ شايب
بيبانها طرْما وجدرانها سُود
ويصفق نوافذها قويّ الهبايب
في كل ركن لحزنها اثبات وشهود
علـى فراق مهَوِّنين الصعايب
النادرين أهْل الشرف منْقع الجود
شيباننا اللي يحْسمون الطلايب
إخوان من طاع الولي خير معبود
اللي مكارمهم من الله وهايب
ما يعرفون الزيف في اليُسْر والكود
صدْق وبياض ورحمةٍ للقرايب
ثباتهم في حزة الضيق مشهود
وإيمانهم يزداد عند المصايب
كانوا هنا .. وكان السعَد ماله حدود
وكان الرضا يملا قلوب الحبايب
كانوا هنا .. مفاخر آباء وجدود
ونور وأمان ووقفةٍ فالنوايب
واليوم كل اللي مضى صار مفقود
وَلا بقى غير الجروح العطايب
يا حمود لوّ أبكي سنَه حـزن ..واجود
بدموع فقْدٍ من عيوني سكايب
على الذي ذكْره معَ الناس محمود
الطاهر اللي مثل وبْل السحايب
الوضع غير وما به سهود ومهود
من يوم خلّيناه حدْر النصايب
نهار غابت بسمته ذابت كبود
وشفنا ما عفنا في زمان العجايب
ليت المنايا لا لفت تطلب الزود
ما تاخذ الا الناقصين الزلايب
يا الله يا معْطـي العطا غير محدود
وإيماننا بك ما دخل به شوايب
وأحْسن عزانا فيه يا خير معبود
لولاك ما نصبر بلا حسّ شايب
- سالم القحطاني
الخُطى من زحمة الأيام آفه
والشعور اللي بصدري كم أخافه
والمدامع في وسط عيني مُقيمه
بينها وما بين ضحكاتي .. مسافه
والكتابة صمتي الراسخ في وجهي
وحزني اللي ما أمِل من إقترافه
عالقه بعض السوالف في شفاهي
كل ما أنفثها أحسّ بـ إرتجافه !
صرت أخاف الغيث و الغيم ورعوده
و أستطيب القيظ و أستأمن جفافه
صرت أشوف ان الدُجى مصدر ضيائي
حتى نور الشمس أفرح بـ إنكسافه!
صار يرهبني إرتياحي للأماكن
أهرب من البحر قبل ألمح ضفافه !
و صار يغريني ظماي اللي بروحي
ملّ وجداني من الماء و إرتشافه
أنتظاري طال والسكّة طويلة
مين ياخذني من أرصفة( الحسافه )
مين يسرقني من أطلالي الكئيبة
قبل عمري التايه يحين إنصرافه ؟
مين يوعدني بتحقيق .. الأماني
راااضيه لو كانت وعوده خُرافه !
بـ أرجم شعور الرتابه و أتبعثر
وأنفي طيبة قلبي .. و بنكر عفافه
بـمشي بـ درب التطاول و التعجرف
و أجرح الأصحاب"من باب الشفافه "
بـ أبتدع كل الكلام اللي في بالي
و الكذب فيني ؟ أبعيد أكتشافه ..
بنسى كثرة صمتي و كثر إنتباهي
و أتخلّى عن هدوئي و إعتكافه
ودي أنزع صبري وصورة وقاري
لجل أعيش الطيش و أعيش السخافه!
- أفنان
والشعور اللي بصدري كم أخافه
والمدامع في وسط عيني مُقيمه
بينها وما بين ضحكاتي .. مسافه
والكتابة صمتي الراسخ في وجهي
وحزني اللي ما أمِل من إقترافه
عالقه بعض السوالف في شفاهي
كل ما أنفثها أحسّ بـ إرتجافه !
صرت أخاف الغيث و الغيم ورعوده
و أستطيب القيظ و أستأمن جفافه
صرت أشوف ان الدُجى مصدر ضيائي
حتى نور الشمس أفرح بـ إنكسافه!
صار يرهبني إرتياحي للأماكن
أهرب من البحر قبل ألمح ضفافه !
و صار يغريني ظماي اللي بروحي
ملّ وجداني من الماء و إرتشافه
أنتظاري طال والسكّة طويلة
مين ياخذني من أرصفة( الحسافه )
مين يسرقني من أطلالي الكئيبة
قبل عمري التايه يحين إنصرافه ؟
مين يوعدني بتحقيق .. الأماني
راااضيه لو كانت وعوده خُرافه !
بـ أرجم شعور الرتابه و أتبعثر
وأنفي طيبة قلبي .. و بنكر عفافه
بـمشي بـ درب التطاول و التعجرف
و أجرح الأصحاب"من باب الشفافه "
بـ أبتدع كل الكلام اللي في بالي
و الكذب فيني ؟ أبعيد أكتشافه ..
بنسى كثرة صمتي و كثر إنتباهي
و أتخلّى عن هدوئي و إعتكافه
ودي أنزع صبري وصورة وقاري
لجل أعيش الطيش و أعيش السخافه!
- أفنان
❤1