مالله كتب لي فيك حظ ولا نصيب
الواقع أصدق .. من يا ليت ، وربما
حتى لو إن إحساس قلبي ما يخيب
سفك الشعور أشد من سفك الدما
والغيمة اللي تاخذ شوي .. وتغيب
ما تغري ألا .. الميّتين ، من الضما
أحيان .. حتى اللي تحس إنه قريب
يمكن يكون أبعد عليك من السما
- عبدالله السراهيد
الواقع أصدق .. من يا ليت ، وربما
حتى لو إن إحساس قلبي ما يخيب
سفك الشعور أشد من سفك الدما
والغيمة اللي تاخذ شوي .. وتغيب
ما تغري ألا .. الميّتين ، من الضما
أحيان .. حتى اللي تحس إنه قريب
يمكن يكون أبعد عليك من السما
- عبدالله السراهيد
❤1
استحباب صيام تاسوعاء مع عاشوراء قال -ﷺ- فى آخر حياته: لئن عشتُ إلى قابل لأصومنَّ التاسعَ" فلم يأت العام المقبل -ﷺ- حتى تُوفي
عروسه زفني لحن التناهيد الشقاويّه
تلعثم كلّ ما فيني بحقيقة عرسي العاتي
جبرني حظّي العاثر و عادات العرب ذيّه
على لبس البياض و عبرتي تستنطق شفاتي
تقلّدت المآسي وارتديت الويل بيديّه
وبدت من دبلة الألماس معزوفة معاناتي
لو ان مابه على العادات عون ولا به حْميّه
أنا بوجيههم من جورهم وانصاف شمّاتي
سكتّ وصمتي المملي سخط عدّوه بالنّيه :
جوابٍ غالب شْعور الحيا وفتات رغباتي
تنقّى من بنات الجيل ما يرضي أمانيّه
وانا ماتت أمانيي مكرهه غصب عن ذاتي
باقدّم عذري الواهي - للاحلام الطفوليّه -
لعلّ العذر يشفع للخطا ؛ للـ ايه فسكاتي
- مها
تلعثم كلّ ما فيني بحقيقة عرسي العاتي
جبرني حظّي العاثر و عادات العرب ذيّه
على لبس البياض و عبرتي تستنطق شفاتي
تقلّدت المآسي وارتديت الويل بيديّه
وبدت من دبلة الألماس معزوفة معاناتي
لو ان مابه على العادات عون ولا به حْميّه
أنا بوجيههم من جورهم وانصاف شمّاتي
سكتّ وصمتي المملي سخط عدّوه بالنّيه :
جوابٍ غالب شْعور الحيا وفتات رغباتي
تنقّى من بنات الجيل ما يرضي أمانيّه
وانا ماتت أمانيي مكرهه غصب عن ذاتي
باقدّم عذري الواهي - للاحلام الطفوليّه -
لعلّ العذر يشفع للخطا ؛ للـ ايه فسكاتي
- مها
❤3
اي والله إن حبل المشاريه مقطوع
مدي علي رشاك عز و محبة
إن كانها بالكيف والكم والنوع
أنتِ سحاب الود وأنتِ مصبه
لك بيرقٍ بين المعاليق مرفوع
رفرف على طاري غلاك ومهبه
أظماك وأستجدي سحايبك واجوع
وأجمع شعوري كل ليلة و اشبه
لو كان وصلك درب واعر و ممنوع
السهل ما أحبه .. و الأصعب أحبه
- عبدالملك الخربوش
مدي علي رشاك عز و محبة
إن كانها بالكيف والكم والنوع
أنتِ سحاب الود وأنتِ مصبه
لك بيرقٍ بين المعاليق مرفوع
رفرف على طاري غلاك ومهبه
أظماك وأستجدي سحايبك واجوع
وأجمع شعوري كل ليلة و اشبه
لو كان وصلك درب واعر و ممنوع
السهل ما أحبه .. و الأصعب أحبه
- عبدالملك الخربوش
❤2
تقول أفنان :
"مها" والروح لو تحبس مدامعها ثلاث أعوام
وش يسكّت ضلوع من انقلابات الزمن وجله!
على وجهي عُمر يرجف يطارد نشوة الأحلام
يبي يلحق يعيش اللي بقى بسنينه العجله ..
أدوّر عن ظِلال الصاحب اللي في دروبه عام
ترك قلبي يعيش لغايته ويسوق له رجله
تحمّلت الهموم اللي عثت في صدري المنضام
و تغاضى خاطري عن كل شيٍ يزعجه : لأجله
عفى الله عنك ياخلٍ كساني حدّة الآلام
أنا روحي على رد الجروح لأهلها خجله
"مها" والروح لو تحبس مدامعها ثلاث أعوام
وش يسكّت ضلوع من انقلابات الزمن وجله!
على وجهي عُمر يرجف يطارد نشوة الأحلام
يبي يلحق يعيش اللي بقى بسنينه العجله ..
أدوّر عن ظِلال الصاحب اللي في دروبه عام
ترك قلبي يعيش لغايته ويسوق له رجله
تحمّلت الهموم اللي عثت في صدري المنضام
و تغاضى خاطري عن كل شيٍ يزعجه : لأجله
عفى الله عنك ياخلٍ كساني حدّة الآلام
أنا روحي على رد الجروح لأهلها خجله
❤1
وردًا عليها قلت :
- فدا وجهك - سنينٍ في ثراها تزهر الاعوام
انا ايامي على مْشاهد سنا ضحكتك مرتجله
كفاك الهمّ ، والتأنيب مهدور فـ رجا الأوهام
اكيد لجرحك الدامي مصير ويلتقي باجله
اعرف انّك تحنّينه وقلبك عن وصاله صام
ولكنّ الحياة اجمل من وصاله ومن دَجله
عسى من جار في حقك تجور بحقّه الايام
ويجي بابك يدوّر في قصيدك بيت ينسج له
ولو اني بالجفا انلام ، انا في رفقتك ما انلام
رفاقة .. كنّها نهر الفرات لـ صاحبه دِجله
- مها
- فدا وجهك - سنينٍ في ثراها تزهر الاعوام
انا ايامي على مْشاهد سنا ضحكتك مرتجله
كفاك الهمّ ، والتأنيب مهدور فـ رجا الأوهام
اكيد لجرحك الدامي مصير ويلتقي باجله
اعرف انّك تحنّينه وقلبك عن وصاله صام
ولكنّ الحياة اجمل من وصاله ومن دَجله
عسى من جار في حقك تجور بحقّه الايام
ويجي بابك يدوّر في قصيدك بيت ينسج له
ولو اني بالجفا انلام ، انا في رفقتك ما انلام
رفاقة .. كنّها نهر الفرات لـ صاحبه دِجله
- مها
❤1
اشيل الجرح لو شلته أخاف إن الزمان يدور
على وجهٍ ذخر فرحة شبابه .. ما تكاثرها
"نذر باقي العمر لهفةْ : ليالي شعرها المنثور
على شبّاك غرفتها .. تعوّد في مسامرها
كره ضيّ الصباح اللي شرق مع زغردة عصفور
يحسّ إن العمر يوقف .. معَ سدلة ستايرها
تجيك بودّ رغم اللي لحقها من ورا الديجور
زوايا البيت ما تشهد سوا خوفٍ محاصرها!
أرقّ من الندى واسمى من عيون البنات الحور
يا وسع الكون لو إنك لمحته في ... نواظرها
كأن القلب من صفوه خَلقْه الله من البلّور !
رغم إن الزمن ولّى بماضيها ... وحاضرها "
شوارع نلتقي فيها تحت ظلمة زوايا الدور
كرهت آمرّها مجبور .. من اوّلها إلى اخرها
دخيل الشعر وبحور القصيد وصفقة الجمهور
رجف وزن القصيدة : بَرد ! .. مابه من يدثّرها
عداك اللوم يا وجهٍ قبل لا يعتذر ... معذور
يعرف إن الخطا ينحل .. مع حلّة ظفايرها
- حنيّة
على وجهٍ ذخر فرحة شبابه .. ما تكاثرها
"نذر باقي العمر لهفةْ : ليالي شعرها المنثور
على شبّاك غرفتها .. تعوّد في مسامرها
كره ضيّ الصباح اللي شرق مع زغردة عصفور
يحسّ إن العمر يوقف .. معَ سدلة ستايرها
تجيك بودّ رغم اللي لحقها من ورا الديجور
زوايا البيت ما تشهد سوا خوفٍ محاصرها!
أرقّ من الندى واسمى من عيون البنات الحور
يا وسع الكون لو إنك لمحته في ... نواظرها
كأن القلب من صفوه خَلقْه الله من البلّور !
رغم إن الزمن ولّى بماضيها ... وحاضرها "
شوارع نلتقي فيها تحت ظلمة زوايا الدور
كرهت آمرّها مجبور .. من اوّلها إلى اخرها
دخيل الشعر وبحور القصيد وصفقة الجمهور
رجف وزن القصيدة : بَرد ! .. مابه من يدثّرها
عداك اللوم يا وجهٍ قبل لا يعتذر ... معذور
يعرف إن الخطا ينحل .. مع حلّة ظفايرها
- حنيّة
" كأن القلب من صفوه خَلقْه الله من البلّور !
رغم إن الزمن ولّى بماضيها ... وحاضرها "
رغم إن الزمن ولّى بماضيها ... وحاضرها "
صوّبت في صدري من سهامك سهام
من وين ماسجيت .. لاقيت طيفك
ابني معه قصة جميلة .. واوهـام
حتى ذبل زهر الشباب بـ خريفك
والله لاقتل حبك الحيّ مادام :
ما مرني بردك ولا شفت صيفك
إما تجي كنّك ذعاذيع الانسام
ولا على ارض الهجر سِلّ سيفك
مرّت علي سنين والقلب منضام
كن الزمن ماشي بامرك وكيفك !
- أميرة
من وين ماسجيت .. لاقيت طيفك
ابني معه قصة جميلة .. واوهـام
حتى ذبل زهر الشباب بـ خريفك
والله لاقتل حبك الحيّ مادام :
ما مرني بردك ولا شفت صيفك
إما تجي كنّك ذعاذيع الانسام
ولا على ارض الهجر سِلّ سيفك
مرّت علي سنين والقلب منضام
كن الزمن ماشي بامرك وكيفك !
- أميرة
راسي من الافكار دايم من زحامٍ في زحام
وافكاري احطبها لنارٍ وسط صدري تستعِر
وليا بغيت اوصلك ياللي بين ميم وبين لام
طريق تعبيري غرق ولا اندفن ولا وعِر
مشاعري يطمس بصيص النور عنهن الظلام
وابيعها على جماهير القصيد بلا سعِر
اعرف اعبّر بالشعر ماعرف اعبّر بالكلام
الظاهر اني ما أجيد بهالحياة إلا الشعِر
- محمد الذيابي
وافكاري احطبها لنارٍ وسط صدري تستعِر
وليا بغيت اوصلك ياللي بين ميم وبين لام
طريق تعبيري غرق ولا اندفن ولا وعِر
مشاعري يطمس بصيص النور عنهن الظلام
وابيعها على جماهير القصيد بلا سعِر
اعرف اعبّر بالشعر ماعرف اعبّر بالكلام
الظاهر اني ما أجيد بهالحياة إلا الشعِر
- محمد الذيابي
سيرة ذاتية :
" اعرف اعبّر بالشعر ماعرف اعبّر بالكلام
الظاهر اني ما أجيد بهالحياة إلا الشعِر "
" اعرف اعبّر بالشعر ماعرف اعبّر بالكلام
الظاهر اني ما أجيد بهالحياة إلا الشعِر "
ليلةٍ فيها على قلبي زبنتي
ليتني غايب هذاك اليوم عنها
َ
كنت أحبّك واستلذّك يوم كنتي
مهرةٍ ما ضاع من كفي رسنها
َ
إن وزنتي منطقك وإن ما وزنتي
ما لـ عبرات العيون إلاّ وطنها
َ
الزمن وقّف على ذكراك وانتي
غلطةٍ عيّا العمر يدفع ثمنها
- ناصر مناحي
ليتني غايب هذاك اليوم عنها
َ
كنت أحبّك واستلذّك يوم كنتي
مهرةٍ ما ضاع من كفي رسنها
َ
إن وزنتي منطقك وإن ما وزنتي
ما لـ عبرات العيون إلاّ وطنها
َ
الزمن وقّف على ذكراك وانتي
غلطةٍ عيّا العمر يدفع ثمنها
- ناصر مناحي
❤1