أحبّ هذا النوع من الأبيات جدًا ❤️

‏واذا يعني رحلْت، وتاه قلبي، واقفوا الجلّاس؟
‏وطاح الليل في كبد العصر، والشوق ولّعني؟
‏عسى تلحقني الشرهه، مصير الدمع للقرطاس
‏يبلّل بيت فرقاها، وأغنّي له، ويوجعني !

‏تداعيت المزوح وكانت أيامي تحدّ اليأس
‏بعد كنت اليقين اللي يدين الشكّ تقطعني !
‏أمَرّ الذكريات؟
‏- اللي تمرّ الخاطر الحسّاس
‏تبدّد كلّ وقفة كبرياء كانت تجمّعني !

‏تهادى يا "سجين البال" زعفر دلّة الهوجاس
‏وحرّر قيد تمتمتي، وقنّد حزني المعني !
‏عرفتك قبل مالغطوة يلاعبها هوى النسناس
‏وقبل ما تكتبين: "الخوف وجهاته تروّعني" !
‏وكثر ما يلعن الشاعر ضياعه بين جمْع الناس
‏وكثر ما نادت أمي فـ المسافة لا تضيّعني !

‏حسافة، ليه تسري بي وأنا تخنقني الأنفاس ؟
‏وتتركني "رهين الصمت" والذكرى تنازعني ؟
‏أقلّ اللي تمنّيته: تسيّل مهجة الوسواس !
‏أو إنّك قبْل ما ترحل، أقل حاجة توادعني !

‏وإذا يعني رحلْت، وتاه قلبي، وانطفى نبراس؟
‏ مصير الليل يتشرّه على كلمة "وإذا يعني"؟
‏- ياسر المفرّج

- أقل حاجه توادعني -

الله الله الله

" عرفتك قبل مالغطوة يلاعبها هوى النسناس "

" وكثر ما نادت أمي فـ المسافة لا تضيّعني ! "

دقة الوصف آسره جدًا والله

اللهم صلِّ وسلم على نبينا محمد

اللهم ارحم الراحلين ورد الغائبين واشف المتعبين

الأبيات التالية مجاراة لهذا البيت رائع :

" طفلتي طاح الكلام وعيّت تشيله عظامه
‏كل ما عكّزته اقلامي يهب الصمت منا "

القصيد اللي نذرته لك تناثر مع حطامه
ليت صمتك ماهدم بيت القصيد اللي حضنّا

مدّي كْفوفك وصيري للوصال اطهر حمامه
لا تشحّين الرسايل والورق بيدك تثنّى

اسعفي شاعرْك قبل يطيح في فوضى كلامه
شاعرٍ من حرّ ما به .. دندن حروفك وغنّى
⁃ مها

صبحكم الله بالخير 🤍

‏" لاتهوّن الصعب دايم، بعض الصعاب اذا هونتها .. فاتك الفوز عليها ، لأنك استرحت في حين انها لاتزال تشتعل "

صفير الريح ف الباب الحديد وفي جدار السور 
يشابه صوت فقدان الحنين لصاحبٍ غايب

يا صوت الغايب المرغوب لو مريت بين الدور  
نبت عشب الأماني بالخفوق المخطي التايب

صدى الذكرى يمر بسر صدري والصدور قبور  
وانا ما قلت يا صوت الصدى ويش انت لي جايب

أحس إن الزوايا قاسية وإني بدون شعور        
وأشوف إن الصداقة شمع من قل الوفاء ذايب

أبنفض جوختي عن منكبي والواردات صدور    
أنا مانيب واقف في مكان الخايف الهايب
 
رفيق العام عن تقصيرك الواجد معي مشكور   
أنا عذري شجاع إن رحت منك وخاطري طايب

يمرونك عشاشيق الكلام ولابسين الزور         
وترميني قدَم ريح الظنون وتحسبك صايب

عذرتك ما لحقتك بالملام وقلت فيك قصور    
جبر كسر المشاريه الكبيرة خاطر الشايب
 
ياوجه الطيب في ضحكك مواسم من رضا وسرور
حضر وجه العشم عن وجهك اللي ما حضر نايب

أبي بيني وبينك للسنين المقبلات جسور      
على كثر الأسي ما ابغى الصداقة قدرها سايب

أخذت آخر طموحات السنين وقلت وين النور   ونفضت غبار صدمات الرفيق وظني الخايب
⁃ سعد بن بتال

هالقصيدة ذرّت الملح على جروحي ، لامستني جدًا :(

رائعه جدًا

"أحس إن الزوايا قاسية وإني بدون شعور        
وأشوف إن الصداقة شمع من قل الوفاء ذااايب"

"رفيق العام عن تقصيرك الواجد معي مشكور   
أنا عذري شجاع إن رحت منك وخاطري طاايب"

طويل الوقت فغيابك وانا ماني طويلة بال
‏وحيدة ليل وابكي من قصيده ما تغنيها !

‏تعبت من السهر والله تعبت اعيش هالمنوال
‏تعبت اعاتب الساعه على عجلة خطاويها

‏ترى ما يوم بالدنيا نطقت احبك لرجال
‏ومعاك الحب لو تلمح عيوني بان خافيها
- المليحة

الطعنة اللي غرسها الوقت بين العظام
لو أنها كفوٍ لوجهي ماجت بظهري !
- سعد بن بتال

مالله كتب لي فيك حظ ولا نصيب
‏الواقع أصدق .. من يا ليت ، وربما

‏حتى لو إن إحساس قلبي ما يخيب
‏سفك الشعور أشد من سفك الدما

‏والغيمة اللي تاخذ شوي .. وتغيب
‏ما تغري ألا .. الميّتين ، من الضما

‏أحيان .. حتى اللي تحس إنه قريب
‏يمكن يكون أبعد عليك من السما
- عبدالله السراهيد