‏" ما عبس وجه الزمان إلا لقيتك من وراه
‏ ضحكةٍ تطرد سراب الخوف وتغيث الطريق"

واعدني .. حتى لو ان مواعدك للفراق
ما فيه موعد معك ما يستحق احضره
- مي اللّافي

‏" يعني وصالك صَعب وأهدافي أوهام
‏يعني زرعتك للقدر، ماجنيتك "

سامحيني لو جرحت شعورك وخيبت ظنك
‏اعتذر عن كثرة اخطائي وعن قل إهتمامي

‏يعلم الله ما قسيت وما رحلت الا لأنك
‏واقفه مابين آثامي ومابين إلتزامي

‏اتركيني اتركك لاتتركي لي شي منك
‏وإحفظي هالبيت زين وبلغي قلبك سلامي

‏لاقريتي لي قبل نومك و طار النوم عنك
‏إنسي اني كنت اعرفك واقري اذكارك ونامي
- فيصل العطاوي

‏لا تحملها على ظهر الظروف
‏أنت لو ودك ؟ كسرنا ظهرها
- عبدالملك الخربوش

‏“يا رب خارجني إذا خاطري طاب
‏وأطفت رياح الياس هقوة سراجي"

‏"ماني مبدل فيَّة النخل بالطلح
‏إن مال ظلك مالي إلا هجيرك"

‏"أخطيت أحسب إني معك بقطع مشاوير السنين
و أثر الطريق يضمنا بس الخطى متخالفه"

" علموا اللي خابت الهقوات فيه
لا يجي عقب البطى يدور محلّه "

صباح الخير 🤍🤍

"وقفنا على باب الأمل وقفة المحتاج
‏ورجينا كريمٍ ماهوب يصكّ بيبانه

‏يناجيه عبده وما يردّه سحا واحراج
‏ويطلبه من فضله ومدّته واحسانه

‏عسى مِقبِلات الأيام يسر ورخا وافراج
‏وعسى ما مضى يمحاه عفوه وغفرانه "

"كل مرة تذرفين الدمع.. ودّي
إني أمسح دمعتك بأطراف روحي"

‏"على النسيان ما مرّ الطريق ولا كساك إنصاف
‏مثل ما أواجه أقدار العمر ذكراك أواجهها"

‏"تواريت عن عيني وقفّت بك الأيام
‏عزاي التمس لك عذر وأقول.. يمكنّه"

‏"غيابك كنّه الرمضا و شوفك يا غلاي ظلال
وأنا كلمة مفارق توجع متوني مطارقها"

‏كتبت ومليت الأرض شعر و وله وهيام
‏ولا طعت فيك الناس والناس نقّاده

‏لو أضيع بك من ضاع فيك أنت ماينلام
‏وش اللّوم ونفوس المحبين منقاده

‏أشوفك وطن وتشوفني رحلة أستجمام
‏وأشوفك عمر وسنين ماهي بمنعاده

‏معي قلب واحد لو تقسمه خمس أقسام
‏يحبّك بكل أقسامه الخمس وزياده
- بندر الدويش

جيتني مثل الضماد اللي لحقني قبل أموت
‏صرت لي بالوصل أهل وموطنٍ بعد الهجر

‏صار لـ الأحزان منفى صار لـ الأفراح صوت
‏طاب جرحي في حضورك يابدايات العمر
- فيصل القاضي

وه ياحلوكم يا الـ100 نورتوا بيتي 🥰🥰
عندي شرط صغنون هو اللي يدخل بيتي معاد يطلع 🥰

‏أنت عمرٍ لا سألوني وش تمنى؟ قلت أعيده
‏وأنت فرحة يوم جت لي ماتت أحزاني بعَدها

‏أنت لو للناس دنيا.. ! صرت لي دنيا جديده
‏ما حييت إلا عليها ولا أندفنت إلا فـ لحَدها

‏أنت خيرٍ جابه الله خصني به من عبيده
‏وأنت نعمة قلبي اللي كل ما ينبض حمَدها

‏أنت ضحكه ساندتني رغم الأوقات العنيده
‏مثل ماني بالوجود، وفوق هالدنيا سندها

‏أنت غيمة مرّت بـ قاعٍ، شكت للغيم بيده
‏وأرتوت فيك الصحاري من جفافٍ قد حصَدها

‏أنت حبٌ مع مرور الوقت يتزايد، و أزيده
‏وحدك اللي مكتفي بك، والبشر ينقص عددها

‏الله يديمك لـ قلبي، عمر، وأعوامك مديدة
‏أنت حاجة ما يعيش إنسان لو قلبه فقدها

‏أنفجر لأجلك شعوري لين صارت هالقصيدة
‏كل ما جا لك فضولك عن غلاك أقرأ وعدها
- عادل العصيمي

‏ما تزعزعت بوقوفي . . . لو يطيحون الألوف
تسقط أوراق الخريف .. وثابتٍ جذع الشجر
- عادل العصيمي